原帖由 jpoon 於 2011-12-29 02:56 發表 http://www.hkitalk.net/HKiTalk2/images/common/back.gif
想問下280X大圍果段點解唔由車公廟道上天橋去青沙, 而要兜迴旋處再響海福花園上青沙?
入沙田係咪唔會經大圍? 如果係既話咁出九龍又兜大圍?
當時無講返添，請睇#98，出九龍係美田路右轉T3路，
Google Maps唔識，所以搞到出迴旋處。
我個人而言，佢行大圍隧道上定係出到迴旋處先上，
都冇乜所謂，只係唔想返沙田的人覺得兜。
入沙田係會在美林落公路的。
我的280X由瀝源至美林大致上都係跟返81停站，
本意就係做返81出唔到尖沙咀而剩低的市場。
原帖由 GL3789 於 2011-12-29 08:30 發表
重組總有人得、有人失，所以唔容易做(ban既成數好高)
不過各位板友既建議，總會抽到一、兩個好既建議，例如86X全日、82X/84M合併
咁呢點就係集思廣益既成果
這就是討論啊。:handshake
#196 S3BL100提到，我個建議會空出耀安－西九龍、石硤尾－美孚兩段，
其實只要將我條87C變返做86X全日（或快版86C）就搞掂，
反正87C馬鞍山出大角咀係本來無一物。
同時快版86C可與286X在沙田分工，
286X做新翠乙明錦泰，快版86C做返利安錦英恆耀安第一城。
客觀環境一樣，到最後大家的建議其實都係差唔多。
我同S3BL100的類同：
－實際上將86同86C改青沙；
－實際上將86X全日（將我的87C掟返去長沙灣便是）；
－實際上搵條線做返城河西＜＞石硤尾。
我同dippy的類同：
－開辦城河西＜＞尖沙咀線；
－實際上將86改青沙；
－實際上將87D改青沙；
－實際上搵條線做返城河西＜＞石硤尾。
分別只係在於細節以及市場取捨，假如十個建議可以pick到兩個大家認同的，已經算有得著。
至少也可以解釋到，點解沙田－青沙－長沙灣線明明可以好快好吸客，結果都係冇出現到。
[ 本帖最後由 DIH 於 2011-12-29 10:38 編輯 ]
原帖由 dippy 於 2011-12-29 12:04 發表 http://www.hkitalk.net/HKiTalk2/images/common/back.gif
依家唔係你想唔想影響, 而係即使重組都唔會無影響
所以最後都係比番7.1同5.7而無可能只係收6.5
大家可以去聽番沙田區既錄音
最想要青沙線既係顯田區
而大家反對加價係86P而唔係287X
所以大家對拉長而加價無乜反應
反而咪數短左而加價就好大反應
所以即使係287X定係你既86A都唔太大問題
你又係度偷換概念……:L
287X係九龍段拉長，唔係新界段，因此87A原有服務範圍的乘客，俾貴左但係去遠左，唔係無著數。
相反，86A係新界段拉長，原有服務範圍的沙田區居民，車程無變過，
並無因為延長而得益，但係要俾貴左，實在於理不合。
我實在睇唔到點解86A一定要全程$7.1而分段$5.7。
你可以話86分段而家都係$5.7，但係呢個理由唔充份。
當然，如果原有路段班議員接受到拉長後單程加$0.3的話就隨便，
但係我覺得佢地未必會咁順攤。
再者，沙田出九龍有唔少巴士線，係過左15公里的界限，都無收貴一級，
例子有81（15.7公里）、87B（16公里）、89（15.6公里）、89B（15.1公里），
當然呢D線係因為九龍區總站早年因道路工程/重建而遷移，愈搬愈遠，而實際服務範圍無變過。
但係都說明一樣野：86A延長，里數增至15.7公里，都唔一定要一下子加到$7.1。
$6.1就無乜可能，平過廣源而家條86太多，亦唔符合九巴利益，
因此我覺得收全程$6.5、分段$5.7，尚算恰當。
分段我都唔想收太平，以免同行青沙的新86C爭太遠。
咁到時行青沙的83就收最多$7.1，同里數相近的新界巿區線睇齊，
又唔會同86A相差太多，唔會令廣源客全部搭晒86A。
咁搞法，咪唔會令到有人俾貴左囉。我唔明點解你係都要認為
「即使重組都唔會無影響」，堅持要幫唔關事的人加價，而唔會變通。
實情係上面已經有個解決方案晌度。
當然，仲有個方法，就係幫86A整八達通即日來回收費，
全程繼續$7.1，田園閣分段$6.1，如果即日來回，
其中一程收$6.1的話，咁即日來回加埋就$12.2。
咁既話，九巴就肯定唔會有蝕。
九巴八達通即日來回唔係無試過，當年70取消果陣都整左幾set即日來回收費；
而無記錯的話，當年計劃82M/85A合併，拉長85A之後，都有計劃玩呢招。
不過70蝕到七彩，整呢d野係特例，我唔肯定九巴有冇誘因去幫一條
明顯蝕緊錢但係仲可以苟延殘喘的線，花咁多精力寫program做即日來回。
因此，最簡單的方法，都係直接調低單向分段而令到來回加埋唔會被加價。
[ 本帖最後由 S3BL100 於 2011-12-29 12:51 編輯 ]
原帖由 dippy 於 2011-12-29 16:06 發表 http://www.hkitalk.net/HKiTalk2/images/common/back.gif
顯田區係得我提過有青沙線, 特快出長沙灣區同轉乘番280X同281X, 兩線等車時間同等一程87B一樣
(8+6=14~15), 做埋旺角特快應該夠吸引力進一步陰乾埋87B,
到時可以搞81S同81P入顯田上青沙當281X同280X既特車
但你同S3BL100傾向留番87B而唔比青沙線顯田區
唔係睇你講都唔知原來顯田最想要青沙線。
可以改86B，86B改道最大的優勢是它無需服務石硤尾，少一堆阻力。
假設我用返「既有模式」改86B：
顯徑開到大圍－T3－青沙－美孚－青山道－欽州街－南昌站
路程同現有走線差唔多，班次相若就可以全線轉型不假外求。
而我的其他建議仍然可獨立於86B以外進行（或不進行），
86B根本而家都已經係整個86系內的outgroup;P。
[ 本帖最後由 DIH 於 2011-12-29 22:07 編輯 ]
原帖由 dippy 於 2011-12-29 15:49 發表 http://www.hkitalk.net/HKiTalk2/images/common/back.gif
好簡單, 因為依家廣源客比緊8.1
所以收7.1已經係好仁慈既做法
如你上面所講, 你個重組係擴大服務範圍而加左里數, 唔係因為工程而搬總站
所以加價唔可以參考以上既例子
巴士公司係上市企業, 你提個重組要去到咁遠, 跟手又話佢加價過唔到
咁講緊乜野呀?咪你個重組根本唔可行囉, 你認為如果九巴可以收7.1會因為係你plan 出黎而只收6.5咩?
所以你既重組咪影響緊原本乘客同埋令區議員有更大既理由ban囉.
我都講左，重點係原本班客（沙角、博康、乙明、秦石、新翠）車程無變，
無去遠左，因此要佢地「被加價」，於理不合。
九巴當然可以收$7.1，但係到時分段就要減返落$5.1，或者好似我所講，
學當年計劃合併82M/85A咁，玩即日來回收費（當年85A如果拉上廣源，
都會岩岩過15公里，收費可以升一級，同新86A情況極相似）。
九巴知道如果全程$7.1而分段$5.7，俾人發現左的話，會遇到好大阻力。
只要佢地分析過成個重組，發現吸到的新客同成本減少
足以抵銷收平左帶來的收入減少的話，佢地自然會去做。
正如當年87K同287K合併，大可以收$4.2添啦，咁佢地點解會收$3.5，變相大幅減價？
九巴根本有好多線無跟足farescale收錢。
如果跟足的話，281A應該係收緊$7.8而唔係$7.1。
我唔認為呢個$6.5 VS $7.1的問題會令到成個重組唔可行。
當然，正如我所講，無俾人發現、區議會咁順攤過到就另計。
咁執著收費問題，大家只會覺得閣下正在轉移視線。
[ 本帖最後由 S3BL100 於 2011-12-30 01:36 編輯 ]
原帖由 DIH 於 2011-12-29 21:58 發表 http://www.hkitalk.net/HKiTalk2/images/common/back.gif
唔係睇你講都唔知原來顯田最想要青沙線。
可以改86B，86B改道最大的優勢是它無需服務石硤尾，少一堆阻力。
假設我用返「既有模式」改86B：
顯徑開到大圍－T3－青沙－美孚－青山道－欽州街－南昌站
路程同現有走線差唔多，班次相若就可 ...
實情係成個沙田都想要，顯田只係因為地理位置近青沙。
如果顯田唔介意86B改行青沙的話，就直接改86B，可以同其他線分開重組。
但係，顯田來往深水步，行大埔道幾乎肯定快過行青沙，
結果係到時會有人快左而有人慢左。
顯田根本唔夠客支持到兩條長沙灣線，
而且而家條86B都要經埋美林先夠客。
如果佢地唔願意接受改86B的話，就乜都唔好搞。
原帖由 dippy 於 2011-12-29 16:06 發表 http://www.hkitalk.net/HKiTalk2/images/common/back.gif
反而分岐比較大係86同86A
S3BL100提出86行青沙, 86A上廣源
咁就空出左第一城愉田愉翠演景石門錦泰富安出石硤尾
你提出用87C拆出黎做就只係空出左富豪(個人認為咁係完全解決左個問題)
而源禾方面
S3BL100提出左80M改新86
做番石硤尾
我就提出放生源禾, 用轉乘做, 主力做番比較多客既沙槫同埋市中心
你就用新80M
但我同你都係加左個大坑東去沙中既直逹線
第一城、小瀝源出西九龍的需求大過源禾出西九龍，唔代表
前者去石硤尾的需求同樣大過後者。
前者係私人樓同居屋，後者係老化屋村，有理由相信源禾去石硤尾
的需求唔會少過小瀝源，而且長者好可能佔相當百分比。
因此寧願第一城、小瀝源出石硤尾轉車而唔係瀝源禾輋要轉車。
我亦相信第一城唔會太執著死渣條石硤尾線，
正如佢地都放過85C變85X唔經黃大仙、樂富、東頭村一樣。
再者，第一城近馬鐵站而瀝源、禾輋要行至少兩三個字先去到沙田站，
因此第一城就算無左條石硤尾86，都仲有合理方便的方法來往石硤尾。
顯田區係得我提過有青沙線, 特快出長沙灣區同轉乘番280X同281X, 兩線等車時間同等一程87B一樣
(8+6=14~15), 做埋旺角特快應該夠吸引力進一步陰乾埋87B,
到時可以搞81S同81P入顯田上青沙當281X同280X既特車
但你同S3BL100傾向留番87B而唔比青沙線顯田區
唔好意思，我一開頭已經提出87A/87B重組，齊齊變循環線同入顯田，
咁到時顯田就可以經青沙出大角咀、旺角同深水步荔枝角道一帶，
只係條線去唔到長沙灣而已。
#209：
第一城出石硤尾，如果近河邊的話我諗會去搭86C:lol。
我個人觀感，86批客可再細分為源禾＜＞深水埗及石硤尾＜＞沙中兩舊。
我有親戚住禾輋，冇乜需要出石硤尾，但周不時會去青山道舊區買野。
另有親戚住富豪花園，佢要搭86C多數都係去長沙灣食野或做公務，而唔係去石硤尾。
另一方面，正如黃大仙、鑽石山、牛頭角、觀塘大批住宅客去沙中就夠養起條頻密89，
石硤尾這個純住宅區入沙田的最大原因都好可能係去消費區及年輕人住宅區。
我前面唔知邊貼都有講，石硤尾班人迫上86C，
相信都有一大部分係去馬鞍山：年輕一代的住所及商場群。（86X全日佢地會快）
而在大涌橋路落車的好多都係在青山道上車。（長沙灣上青沙佢地會快）
基本上住宅＜＞住宅係冇乜市場的，有一些看似連接住宅區的路線，
其實內裡係包含住宅＜＞消費區的客源，甚至一線多組，好似86咁千絲萬縷。
假設我住禾輋，我要去石硤尾做乜？
食又冇得好食，買又冇乜好買，行又冇野好行，自己旁邊有大大個新城市廣場，
石硤尾連個似樣的街市都冇，唔似82X送廣源師奶去大成街街市。
（下晝四五點的82X往沙田方向係好腥的;P。）
唔係特登搭程車去同班其實都打散晒的所謂街坊打牙骹卦？:lol
如果源禾＜＞石硤尾係一個主要市場，87唔使取消。
87就係死在，源禾、沙中、大圍無需要出石硤尾、大角咀；
石硤尾要入沙中，又有更快選擇(86)。
可以話，由87取消那個年代起，所謂老人區接老人區維持人脈的說法已經失效。
同樣道理，若老人區接老人區有市場的話，70唔使取消，72無需改道，85C都唔會改得做85X，
86自己都唔會一而再再而三地延長，而家佢係連接沙田最東同九龍最西:L。
OT：
85C/X對第一城有點irrelevant，之前有人講過85C原本係做恆耀安＜＞城寨。
對第一城人來說，自己銀城街有大把車，經外圍小瀝源路、大涌橋路的好難稱得上係做緊第一城。
例如281A係做第一城、87D唔係；80K係做第一城，83K唔係；89X係做第一城，89C唔係......
因此，我預期86C青沙版(286X)開通後，拿走馬鞍山往長沙灣客源，
而填補馬鞍山＞石硤尾的服務，係87C也好、快版86C也好，
都驚單做馬鞍山＞石硤尾唔夠客，所以我一直都係將這條87C/快版86C全日繞入銀城街，
順道補埋86個空缺，當係0.5+0.5=1。
純粹畀點意見，可能大家對潛在市場的觀察唔同:handshake。
[ 本帖最後由 DIH 於 2011-12-30 10:32 編輯 ]