原帖由 dippy 於 2011-12-24 12:48 發表 http://www.hkitalk.net/HKiTalk2/images/common/back.gif
1. 巴士唔係淨係sell時間, 東鐵線三個字去到旺角東, 但係坐81要半個鐘, 咁81又執左笠?
你話81係老人家首選, 但我所見大部份坐81既都唔係老人家喎
加上你條215X就好彩經尖東, 條260X就好彩西鐵要經屯門
跟手98D呀29 ...
不如你諗下，點解68X依然有相當數目的捧場客而268B咁唔掂？
亦都唔好俾「入油麻地」呢個point局限左，268B九龍方向夠係直出尖咀，但係客量支持到佢全日咩？
215X、98D等線夠客支持，係咪代表280X都一定夠客？請細心諗下大家先天條件有咩分別？
在此回應一下我的280X定線。
我諗大家主要都係關心九龍入沙田的情況，
以280X途經路段來睇，
漆咸道南近科學館一段去尖東／尖沙咀站都唔近；
由港島過來的荃灣綫好多人，尖沙咀、佐敦兩站如果地面有巴士的話都可以吸到人；
油麻地站地鐵有空車坐、轉少次車，我架280X就在油麻地最南出口之前離開彌敦道。
漆咸道南可以吸尖東消遣客、彌敦道吸購物客，我架280X係經美林而唔係大圍站，
既然行走佐敦道以北一段彌敦道及沙田區路段更短的81都仍然係一條主要路線，280X唔驚冇客喎。
東鐵及荃灣綫已嚴重飽和，佐敦以南彌敦道有車去馬鞍山、第一城廣源，
偏偏去美林、城河西無車，放工或消遣完，我諗乘客有得揀都會選擇搭巴士。
往九龍方向行九龍公園徑，這是理論上最快的路線，
站位也可同時照顧廣東道那邊（如北京道一號）及彌敦道那邊（如iSQUARE）。
漆咸道南就可以畀客過返去加連威老道、金馬倫道一帶。
280X會唔會唔夠客？
當九龍塘四M仍然每天全日行走，一樣要畀$8隧道費，
我就唔信280X會少客過佢地，論效益也是280X比四M更佳。
論收費，280X推算收返281A個價$7.1，比港鐵平。
再者，例如尖沙咀去沙田，
港鐵官方時間係26分鐘（因為係比較彌敦道，所以用尖沙咀而不是尖東站），
280X估計係30-35分鐘，同埋等車約10-15分鐘，但就送到你去屋企門口，
港鐵上上落落人群穿插出站再行的時間都已經返晒黎。
全程港鐵，由尖沙咀去禾輋的整個trip都要40-45分鐘；駁腳就貴多$4-5 。
而家都有不少人係無得揀之下要由沙田站行返去美林、瀝源、禾輋，或者單程總車資超過十蚊。
九巴保守是九巴的事，提出路線建議，究竟係考慮公司經營手法、為發展停滯找藉口，
定係為乘客及環境著想、以最快速度送最多人到目的地、減少能源浪費最好呢？
[ 本帖最後由 DIH 於 2011-12-24 14:07 編輯 ]
原帖由 dippy 於 2011-12-24 14:35 發表 http://www.hkitalk.net/HKiTalk2/images/common/back.gif
當然無比入油麻地局限左, 但事實係直出尖沙咀既268B就算運吉都要留早繁服務
直接來回尖咀既邨巴亦都好旺場
所以直逹線比經油麻地受歡迎
下文既路線改動總結:
87B維持經獅隧, 減班至15共修直往新界路線
284X行全段 ...
應該咁講，真係開280X的話，出尖咀一定要直出，但係返沙田方向只係做尖咀係大錯特錯，唔夠客。
你可以話「直達比經油麻地受歡迎」，但係D人尖咀放工，可能會先去佐敦油麻地消遣，
因此到頭來尖咀直接返沙田的話，分分鐘可以做到的客少過經彌敦道油麻地成大截。
講返你個最新方案：
1. 285X由經大學，284X又唔入富安總站的話，成個富安出西九龍會俾飛起左（調轉方向就無事）。
況且我地講左咁多版，係得你一個覺得入大學站有前途，大家都覺得大學站根本無潛力。
仲要塞馬場出面一段埔公。與其係咁，不如停埋濱景一城兩個站，經火炭上公路仲好。
2. 都係接受唔到283X咁行。與其為左成全條線行沙田圍路飛富豪花園而咁兜法，
不如索性學82K咁行，入銀城街再上返黃泥頭做總站，到時得返愉翠要行去聖羅撒搭車。
我發覺你好多野都係夾硬黎，而又無充分理由支持到點解要咁定線。
3. 281X同246X的point已經講過好多次，我唔想重覆，281X九巴唔會接受到繼續收$6.1賣大包。
我諗再討論落去都好難有共識，畢竟大家出發點唔同，成篇文而家係得你一個夾硬改線。
#122-128
86改去青沙後，廣源去石硤尾冇直車？唔緊要！
依我方案，86A都係取消埋，在此情況下拉長86A係invalid的。
正所謂條條大路通沙田，此路段的替代方案，唔使我地諗，九巴已經有。images/smilies/default/titter.gif
就係：我的方案中，84M同82X合併拉上廣源，無意中填補埋86出石硤尾的市場。images/smilies/default/tongue.gif
廣源＞石硤尾
84M+2F = $4.8 + $5.2 - $3.8 = $6.1
石硤尾＞廣源
2F+84M = $5.2 + $5.8 - $3.8 = $7.2
平均每程總車資：$6.65
現時86廣源＜＞石硤尾收費，來回都係$8.1。
我條86改線283X已經服務埋石硤尾邨，
只係剩低白田澤安，相信受影響乘客不會太多。
新84M班次唔會太差，15分鐘出到黃大仙，2F當又係15分鐘去到白田，
連埋等車時間，我諗同一程過等+搭86差唔多。
另外，我發覺我的86C改線286X為了貪快而飛起了濱景出長沙灣的服務，
都係直行大涌橋路算，現已更正(#98)。
原帖由 dippy 於 2011-12-25 14:40 發表 images/common/back.gif
你唔會認為280X會有人由尖咀坐去油麻地吧
而且油麻地有281X可以去沙田, 除左上穗禾要轉車其他都經, 無必要拖慢人地十幾分鐘去執雞吧, 佢唔同268B/68X
人地慢線要碌到美孚先上公路自然會快好多, 281X係旺角走, 所以 ...
乜S3BL100有講過粗字既意思咩，點解我睇唔到既
再講，唔清楚現實既似係你
以往的確係有區議會practice過呢類問題
今年某公司想取消慢線加強特快線服務(兩條都係晨早線)
兩者差別只係經少一個西營盤
仲好人到減特快線價錢，加密班次
慢線乘客就去到轉車站轉車
結果換黎既係繁忙時間轉唔到車理由反對wo
個別地區RDP仲有咁寫
為更加善用巴士資源切合乘客需求的轉變
以及為改善在繁忙地區
如旺角及尖沙咀等的交通情況和行人環境
巴士公司建議在本區實施路線重組計劃
為減少由於路線重組計劃對乘客帶來的影響
巴士公司亦建議增設巴士轉乘計劃
提供優惠收費
以方便乘客
佢咁樣寫到明，好多議員都會覺得轉乘唔係好野
起碼我自己都唔主張，只係視轉乘為補償手段(最後手段)
你見RDP都無figure如何介定轉乘客數量點先叫合理
唔覺得應該要介定咩
現實就係
一黎轉乘計劃推行多年成效不彰，巴士公司永遠都係講$，比埋D搵笨轉乘
二黎多年經驗議員又唔多受
所以做極都做唔起，做就多數嘈生晒
------------------------------------
你quote個段，798未開之前就係合理既
一個唔該真係有人話無左車去石峽尾而反對方案
又怨得邊個?
就算小到得幾十人、幾個轉車，都會有議員反對
現實就係咁殘酷
更何況係數百人、千幾人
仲要係明明一程車到達變做轉車
就算你講到幾美好，話"轉車都會快過舊線"
人地班議員點都會有千千萬萬，更有說服力的理由去壓你
一程到達既魔力係好大...
-----------------------------------------
280X的確唔需要兩個方向都要經油麻地
但係咪兜油麻地就係罪惡，兜油麻地就趕晒D尖咀客?
281X經旺角，繁忙時間旺角肯定塞，仲要經大圍
280X好心做好事兜多個油麻地，比多個選擇又會係問題?
除非你覺得下繁客好似上繁客需求集中啦
但事實就唔係..
如果唔係點解咁多特別路線只係得1味上繁而無下繁
[ 本帖最後由 kay 於 2011-12-25 16:47 編輯 ]