而246X方面, 因為改線前既86B同46X都幾多人坐, 而新線更加可以吸到D由顯徑轉地鐵過海既客, 所以預密D都無錯
而依家246X既定位係類似46X+86B長沙灣段, 比果邊更快咁番到大圍
如果車源許可既話其實去長沙灣比去青衣有用, 所以個人認為既然原本比車既兩條線都OK, 所以留番顯田去深水埗, 長沙灣同荔景直逹比較好
當然, 四美區都賺左46P全日既
用246X代86B制唔過。86B落深水步唔慢，搭246X轉車無可能更快。 反而講開87D，我諗緊直頭乾手淨腳將87D拆線：
新87X 錦英苑 - 尖東麼地道
http://g.co/maps/8kvjp
馬鞍山開經原路至耀安後直上公路，不經富安、濱景、第一城
九龍區跟87D行法，惟縮落尖東麼地道
87D 烏溪沙鐵路站 - 尖東麼地道
http://g.co/maps/jtg2j
烏溪沙開經西沙路、雅景台、亞公角、濱景、第一城，後上青沙，
經大角咀、旺角落尖沙咀
咁拆之後，巿中心、錦英出旺角尖咀唔使再停富安至第一城，可以快約7-10分鐘，
而富安至第一城一段，要落九龍塘、尖咀仲有81C，咁拆理論上對乘客影響最少。
不過，我自己其實都會好懷疑，87D改行青沙到底會快幾多，
因為根據google map，行青沙出尖咀比起行獅隧原路多行3.6公里，用多8分鐘，
返馬鞍山果程比原路多2.7公里，用多1分鐘。
當然，咁唔影響87D到底係咪應該拆線，鍾意沙田區咁拆而九龍段不變都得，
但係呢度已經係另一篇文的題目。 原帖由 dippy 於 2011-12-23 04:47 發表 http://www.hkitalk.net/HKiTalk2/images/common/back.gif
所以有新既87B去深水埗啊, 再次證明你只係沉醉係你既世界度完全閂埋門唔理人地講乜
咁樣拆唔係唔得, 但如果馬鞍山咁拆既話我寧願馬市特車經西沙路拉去烏溪沙站
錦英既班次就經雅景台直出, 兩線都改到我建議既九龍區定線, 由85X做尖沙咀區
但如果只係比較你既方案同DIH兄既方案, 我覺得DIH兄既方案會比較可取
因為你個方案非繁時只會因為唔夠車而齊齊十五分鐘以上
問題係而家「沉醉係你既世界度完全閂埋門唔理人地講乜」果個似乎係你喎……
成條thread而家係得你一個支持將成個網絡玩到反轉，夾硬迫人轉車，
又為左成全呢個轉車網絡，夾硬削減人地服務。
我地大家之前（例如#95）提到果堆問題，你似乎好多都未俾到圓滿回應。
講返87D，用85X做尖沙咀唔係唔得，不過用你條定線將87D經加士居道拉去紅磡站其實無著數，
點都避唔到紅隧口塞車（就算你話用公主道連接路都係）。
而直接拆87D的話，其實因為本身已經有24架正字軌，
當大家平分，每條12架的話，其實可以受惠於行車時間縮減，做到非繁忙時間12-13分一班。
當然，假設真係推好多條線上青沙的話，DIH的87C其實係相當可取，可以一次過解決幾個問題。
回復 98# 的帖子
你架280X用乜車? 12米未必可以響紅磡火車站轉落暢運道, 咁就要好似5C咁行都會道轉落紅荔道 原帖由 dippy 於 2011-12-23 04:47 發表 http://www.hkitalk.net/HKiTalk2/images/common/back.gif所以有新既87B去深水埗啊, 再次證明你只係沉醉係你既世界度完全閂埋門唔理人地講乜
咁樣拆唔係唔得, 但如果馬鞍山咁拆既話我寧願馬市特車經西沙路拉去烏溪沙站
錦英既班次就經雅景台直出, 兩線都改到我建議既九 ...
15分鐘1班有咩問題
好多特快線非繁都開15或者更疏
5X/18P先較好彩不停加班
74X就有龐大客源
新巴30X都係開20分鐘1班，但依然旺場
繁時開20分鐘可以數碼港1個站坐滿乘客
所以你呢個PT 某程度唔成立
仲有最近個條85X都唔係好密車..
dippy如果你到呢一刻都唔明既話
你可以求其拎份RDP，將前面個堆廢話由頭到尾睇一次
你個堆線下下要轉車，咁我想問，如果搭巴士要轉車..
點解我唔搭鐵路?
香港地搭得巴士多數就係唔想轉車嘛
如果天水圍、屯門、元朗下下都要坐巴士到大欖隧道轉車出巿區
你估巴士仲會唔會咁旺?
268B唔駛轉車落尖咀都死，如果轉車咪唔駛開?
唔好睇到沙田<>西九龍潛力咁大
我身邊有朋友往麗閣，沙田返工，佢話就算有一程車既86/86C直達
因為車程慢、班次不穩，先至轉投港鐵，仲話巴士搞到佢遲到wo
你想巴士做到好似地鐵既頻密，唔好意思，10分鐘1班依然無優勢
定還是你想做到N90<>N72咁..控制所有巴士到青沙時間?
N90轉N72既成功，代價係司機到轉車站前不能車速過快
是但一架車未到唔可以早走/放低乘客，起碼用多5分鐘先可以離開
咁倒不如所有巴士改為到清沙折返，青沙搵人控制班次開出，先到先走吧..
達成你既轉車站心願 #100
280X入彌敦道，其實我係依照這個邏輯：
．乘客會比較在意上車站距離始發點有幾遠，多於落車站距離目的地有幾遠。
．乘客會比較在意去到目的地大區後盡快落車，多於在始發地大區遊多陣。
．尖沙咀三條大路重要性，第一彌敦道、第二漆咸道南、第三廣東道／九龍公園徑。
綜合以上各點，同埋參考260X/268B/269B例子，
280X出九龍，使用排二三但車程較快的九龍公園徑、漆咸道；
入沙田，主攻彌敦道，次執漆咸道，務求令乘客在鑽入地鐵之前見到個巴士站。
另外，你原本建議的280X循環線，漆咸道南左轉柯士甸道，不客氣講句係大錯特錯。
成條柯士甸道至少在晚繁開始，一直至晚飯後，都係極之塞車，
有次我搭旅遊巴由新世紀廣場去廣東道，司機不智地由理工駛入柯士甸道，
就在這條路上塞了至少15分鐘先出到港景峰，一條要同港鐵鬥快的巴士線走入去，絕對中伏。
反之行彌敦道唔會太慢，其實而家巴士行彌敦道可以好快的。
而入青沙唔使上西九龍公路，只行連翔道，因此我將佢撥在窩打老道出，避開佐敦道塞車，
等緊81的乘客又可以多個選擇，81去到旺角又可以空出幾個位。
依照上面的邏輯，晚繁會有較多人搭巴士。
馬鞍山盡量唔拆線係因為車源緊張，以及唔想太依賴單一市場。
#102
我唔知你係咪講緊我(#98-99)，我的方案下乘客可搭87C。
#104
認同唔改86B，大埔道堆線全部都唔好改。
#105
改道後的87D，馬市、恆耀安、錦泰全部唔入，等執笠。
入大角咀內街係自殺，我那次由馬灣返新世紀，旅遊巴司機都係行我的287X走線。
對巴士而言，Google Maps在旺區的時間係無乜參考價值的。
我以平日晚繁情況估計，現有87D／我的287X由彌敦道亞皆老街口分離，
287X去到櫻桃街尾，87D大約去到汝州街界限街口；
287X去到海輝道迴旋處，87D大約去到大坑東道；跟住見真章喇，
287X入青沙，87D可能在九龍塘會；
87D入獅隧之時，287X可能已經到沙田嶺隧道；
計埋出隧道後的路程，287X係兜遠，但分分鐘可以超前一至兩班87D的時間到達畫舫。
因此我的287X雖然路程比87D長，但用車數反而減少。
反方向，287X出到始創入大直路，87D可能仍然在花墟車龍中。
早繁287X可直行大涌橋路到大圍站上青沙。
再者，當你入去香港巴士大典，睇下養起一條車海87D要幾多部車，
計下拆線之後兩線班次可以做到幾多，就知道馬鞍山拆線不是明智之舉。
#108
我在七八年前已經諗埋，280X係食80M/86A短車，
此線由於有鐵路競爭，不擬用太大架車。
又，安運道左轉暢運道已經擴闊，應可以讓11米車左轉（踩影線），
5C唔改乃因佢在半島豪庭有個站。
#109
我相信我、S3BL100及dippy的建議，都包含令長沙灣入沙田可大幅度加快的考慮。
我搭86系經驗不多，有次假日黃昏在欽州街黃金外搭86C入沙田，
架車到站時已經七成滿，停埋下一個站福華街已經夠客可以直入，
但卻還要在石硤尾迫到陷晒，時間浪費在燈位和乘客上唔到車但還要迫入車的過程，
再行埋條根本上唔到人的歌和老街，然後先入獅隧。
新翠落了一批人，我在富豪花園落車，車上仍有八成人入馬鞍山，
夕陽斜照下我不禁問，這部車還在行南昌街、大涌橋路是為了甚麼？
我條286X，長沙灣入新翠乙明已和的士無異，入錦泰也不算慢，
我相信這個速度可以吸引到原本唔搭的人選搭。
[ 本帖最後由 DIH 於 2011-12-23 12:17 編輯 ]