原帖由 dippy 於 2011-12-12 21:15 發表 http://www.hkitalk.net/HKiTalk2/images/common/back.gif
早繁獅隧咪又係塞到去新田圍, 仲有堆南昌街燈陣
如果行大南西街出慢, 其實可以考慮改行葵涌交匯處, 仲可以停埋美孚
不過實際上兩邊去到荔枝角站既時間差唔多, 但美孚可能多少少客
而大學站方面, 因為行大隧過河就要 ...
青沙落葵涌交匯處，可以做埋醫院/盈暉臺/美孚新邨既客
回程可以長沙灣道上葵涌道落番葵涌交匯處，兜荔景山路上番青山道入青沙
咁可以做多唔少客
中大山上有72，山下有港鐵
要大學站有車經青沙做轉車，都應該交俾白石角/科學園既巴士線
如果早繁架車頂閘，再入大學站就變左晒時間
原帖由 dippy 於 2011-12-12 14:44 發表 http://www.hkitalk.net/HKiTalk2/images/common/back.gif
如果計由沙槫去大角咀, 坐282X至少唔駛經新田圍同埋顯田區先入到隧道
泥度已經快過你個版本既87A
而由顯田去大角咀, 坐新線經大埔道直出亦都可以快過87B
而其他區如馬鞍山/北區亦可以得到去大角咀既特快線(轉車站坐282X)
去長沙灣方面, 新田圍就可以坐246X入顯田再上轉車站
用入顯田同埋經南昌街比, 時間應該無快過, 但係新田圍亦都可以出市中心坐283X出長沙灣
但當新田圍併入左轉車站網絡, 就更力可以去埋油尖, 甚至可以係將來轉到去其他區既車
馬鞍山方面, 285X亦都係一程直逹長沙灣, 車程比行獅隧既86X都係快D到長沙灣
而錦泰更加唔駛碌哂成條大涌橋路, 亦都可以轉到車去大角咀/高鐵站
我搞完87A/87B後，咪開到287X，跟RDP行法，新翠後直入青沙囉。
仲有86C我都係諗住新翠直入青沙架。
而你個建議的284X，唔係行晒成條大涌橋路，但係要入源禾路，停埋沙田巿中心，
條路本身無咁直，上落又一定多過大涌橋路，基本上無可能快得過行晒成段大涌橋路。
由濱景花園起計上青沙，理論上最快一定係跟43X落埔公再上，
但係埔公繁忙時間例塞，因此行晒成段大涌橋路已經係最直接最穩陣。
你可以留意下88R西隧班次，唔行埔公的話，都係行晒成段大涌橋路上青沙，
點會走入去源禾路同沙田巿中心？
咁呢度又返到一個好原始的問題，就係
到底應該係令到大部分乘客的車程加快10-15分鐘，唔會有乘客由有變無，
定係令到少部分乘客車程加快15-20分鐘，但係多左好多人要轉車，大部分人平均車程只係加快5-10分鐘，
更加為左建立一個所謂強大轉車網絡，令到有部分地區的乘客由有變無，得唔到合理補償服務，
到底邊樣先係比較合理？
而深水埗方面, 新86更加要因為果少少既石硤尾客而令成個深水埗中心區車程原地 新86更加要因為果少少既石硤尾客而令成個深水埗中心區車程原地踏步
相反, 我提出既80M延長就可以令原本坐86入沙田市中心既客車程只係要入一入九龍塘站, 但價錢就平左
而大部份既深水埗客都可以坐車程更快既283X同285X入沙田/馬山
即使要轉車, 281X/284X班次都足夠密令總候車時間唔長於等86既時間, 而因為里程減左, 車費都可以同281A睇齊, 亦即係比86平
都係果句，值唔值得為左極少部分人車程快15分鐘，
而令到成個石硤尾區由有變無，仲要令到澤安少左四條全日線，
同時又唔能夠做到等價交換，俾到合理替代服務？
你可以話果度客少，但係受影響的多寡，唔係單憑受影響人數多少判斷，
仲要睇埋佢地有無合理替代服務、替代服務相比原來服務會增加幾多不便。
我個建議，石硤尾仲有86/86A/86X同半條87A/87B，86又減左價，
除左入石門要轉車之外，其他現有服務基本上完全不受影響，
同時又已經能夠令沙田大部分地區來往長沙灣的行車時間減少15分鐘，尚算容易得到地區人士支持。
相比之下，你的建議令到一小撮人的車程進一步加快，但係
多左好多人要轉車，而且仲搞到部分地區車程被拖慢，甚至由有變無，
換言之係將少部分人的快樂建築在其他人的痛苦身上，你估會唔會無人強烈反對？
你有283X，但係我個建議都有條83，欽州街來往黃泥頭，一樣做到深水步中心區。
仲有一點，你係拎81/86/86A/86B/86C/87A換六條青沙全日線返黎，
但係呢六條線加埋得57蛇13正，一共70架車，
平均每線線都只係分得11-12架，當由281X起碼要派返15架
（否則同81相比係大幅減班；又，81變281X，加價但係車程無明顯加快，都無乜可能過到），
而284X/285X車程較長，又係要各派起碼12-13架，
你估你成個轉車網絡，做唔做到大部分路線、大部分時間10分鐘一班？
做唔到的話，效益已經差過一程車直過。
都係果樣野：無需為搞而搞。
[ 本帖最後由 S3BL100 於 2011-12-13 11:58 編輯 ]
原帖由 GL3789 於 2011-12-12 19:38 發表 http://www.hkitalk.net/HKiTalk2/images/common/back.gif
巴士vs港鐵
長沙灣站去馬鞍山站，計埋轉車等車大圍/九龍塘站上上落落，大約40分鐘
86X長沙灣總站上海柏花園落，50-55分鐘
樓主建議86C，馬市上長沙灣落，根據40X/現有86C計算，大約50-55分鐘
巴士慢過港鐵10-15分鐘，仲未計巴士要等車
如果樓主建議既86C 深水步上落，與港鐵相比，時間差距更大
與現有86C相比，理論上只係快少少(<5分鐘)，實際上塞一兩個燈位(或者多人係長沙灣上落)已經無左.
86C擺馬巿主要係捉當區人心理，我從來唔諗住一個馬巿可以make or break成條86C。86X另計。
雖然好大機會依然慢過港鐵，但我相信你都否定唔到
86C來往長沙灣、86X來往長沙灣/深水步的行車時間比而家86C明顯減少的事實。
原帖由 dippy 於 2011-12-13 19:47 發表 http://www.hkitalk.net/HKiTalk2/images/common/back.gif
287X都係經哂佐敦，旺角先入大角咀
故即使有287X，亦都唔會係一般人去大角咀用
相反，282X去大角咀既行法已經係最直接既方法，亦都因為咁
所以其他區例如馬鞍山都可以享受到特快入大角咀
我話唔刻意建立轉車網絡，唔代表果幾條線之間唔可以加轉乘；
實際上，有多幾條全日線上青沙，加轉乘優惠係勢在必行。
鍾意既話，287X/86C -> 87A出大角咀都得。
係呀，理論上係行火炭路快過行鄉事會路，但係行火炭路要塞埔公，行鄉事會路唔駛塞埔公喎，新既路面設定已經比去青沙既車好方便咁係鄉事會路入T3路，而如果出蔚景園果邊封埋就更加係塞轉線都唔駛
而284X因為有青衣既249X廷長過黎，所以唔可以唔入市中心．
而即使入市中心，對於錦泰區黎講，有直車去轉車站已經比86P時代進步左
咁當然有比無好，快比慢好啦
你似乎仲唔明，284X由錦泰上到青沙一定慢過新86C。
咁當然係令最多人由有變有最合理啦
設定市中心-市中心既需求最高, 市中心-屋村次之, 屋村-屋村最少
（略）
因應部份路段由284X/246X/282X代替了原有路線往深水埗, 所以部份地區要轉車
但因為班次由20分鐘->10分鐘, 故整體候車時間沒有明顯增加
S3BL100的方案在一城/火炭往深水埗的覆蓋較佳, 而本人的方案則能到逹烏溪沙及大學等未有西九龍線覆蓋的地方
但來往沙田/馬鞍山市中心的車程則本人的方案會比較快
你個方案唔見得令到好多人由無變有：
1. 我條86X以利安做總站，唔係好似你個表所示，做唔到烏溪沙，果度而家本身有86C，
變86X後車程快10-15分鐘，而唔係只係得你個方案令烏溪沙「由無變有」，而我個方案無照顧佢地。鍾意既話，
拉86X去烏溪沙都得，不過兩個總站都serve同一個地區，因此唔見得有需要。
2. 我的方案下，沙田巿中心往返美孚可以搭新83。
3. 錦泰出旺角可以搭81C落窩打老道，轉車唔見得比鐵路有優勢。
4. 你的方案，相比之下，只係比我多左火炭/大學站出西九龍，
不過有東鐵線，唔似馬鐵沿線要轉多次車，因此
巴士絕對無優勢，大學站更加因為學生半價而令到巴士唔會食到客。
但係你就搞到石硤尾俾大幅削減服務，80M轉87D唔見得快過現86C/新86X，87D更加係未必上到車。
更甚者，澤安村無左四條全日線，得返2D同小巴；佢地係靠呢幾條全日線去旺角、深水步、長沙灣同沙田，你又無正視呢個問題。
唔通因為做多幾個已經有其他合理選擇的新客，就可以犧牲一班本身交通不便、無鐵路、無其他替代服務的乘客？
大學站如果要加對外全日線的話，應該係城隧線，而唔係青沙線，因為城隧線出荃葵明顯快過港鐵，仲有少少優勢。
最後，正如我先前提到，現有資源下你係無可能做到咁多條青沙X線都10分鐘一班。
而我個方案下，除左86A/86X非繁20分一班之外，其他線都可以做到非繁15分鐘一班。
淨係計車程，你的方案的行車時間已經唔一定快過我的方案，如果計埋轉車等車時間，你的方案相比之下對大部分乘客來講更慢。
[ 本帖最後由 S3BL100 於 2011-12-14 03:14 編輯 ]
到底我個方案有幾原地踏步？
用返你個表：
S3BL100的方案 dippy的方案 比較
沙田市中心-深水埗 83/86 283X 打和，較現時86快5-10分
馬鞍山市中心-深水埗 86X/86C 285X 打和，較現時快10-15分
沙田市中心-長沙灣 83 283X 打和，較現時快15分
馬鞍山市中心-長沙灣 86C/86X 285X 285X較86C/X快10分，86C/X較現86C快15分
因為馬鞍山無直接路徑上青沙，因此285X行青沙對馬鞍山的優勢，相比起拉其他線上青沙，
對沙田其他地區的優勢，其實唔明顯；塞車就兩邊打和，於是285X同86X落深水步打和，
落長沙灣快10分鐘。換轉係沙田其他地區，行青沙去長沙灣可以快三個字。
沙田市中心-旺角 81 281X 281X快4-5分
沙田市中心-石硤尾 86 80M 86快8-10分
沙田市中心-南昌 86 283X/284X/281X<->282X 282X轉乘快10分
沙田市中心-荔枝角 47X/48X<->46X 281X/283X/284X<->246X 246X轉乘快10分，但美孚可搭83，無需轉車，快15分
沙田市中心-海麗 83 283X 打和
呢度要提返閣下，海麗後上青沙，最快其實係由月輪街轉返出去橋底u-turn再上青山道上青沙，
如果係深旺道入昂船州的話，要兜落九巴車廠果頭先可以掉頭上公路。
馬鞍山市中心-石硤尾 86X 87D<->80M/88M 87D轉乘慢86X約10-15分，且87D難登車
馬鞍山市中心-南昌 86C 285X<->282X 倘計算轉車所需時間在內，打和
馬鞍山市中心-荔枝角 40X<->46X 285X<->246X 285X轉246X快10分鐘
馬鞍山市中心-海麗 86C 285X<->283X 86C無需轉車，打和
顯田-深水埗 86B 87B 打和
顯田-長沙灣 86B 246X<->283X/285X 86B快5-10分
顯田-旺角 87B 87B/246X<->281X 87A/87B快10分鐘
提返你，我同時將87A/87B變做兩條循環線，兩條都經顯田，87A經青沙出九龍，87B掉轉，
到時顯田出旺角/大角咀可以搭87A，回程搭87B；246X轉281X計算轉車所需時間，慢10分鐘
大圍-深水埗 86A/86B 87B 打和
大圍-長沙灣 86A/86B 246X/282X<->283X/285X 我個方案仲有成條86C大圍後上青沙，一定最快
大圍-旺角 87A/87B/81 281X 打和
沙槫-深水埗 86A/86C 283X 你係咪想講282X<->283X？你條283X唔經沙博
沙槫-長沙灣 86A/86C 283X 同上，86C快10分鐘
沙槫-旺角 87A/87B 282X/283X<->281X 我仲有條287X，出旺角比現87A快10分，回程更加唔使講
廣源-深水埗 83/86A 283X 打和
廣源-長沙灣 83/86A 283X 83同283X打和
廣源-旺角 281A 281A
錦泰-深水埗 86C 284X<->283X/285X 86C快至少10分
錦泰-長沙灣 86C 284X<->283X/285X 86C快至少10分
284X因為來回要入沙田巿中心，沙巿出面果段大埔公路都會塞，因此淨計車程，86C已經佔優；
如果計埋86C一程直過唔駛轉，我的方案平均可以快至少10分鐘
錦泰-旺角 - 284X<->281X#
烏溪沙-深水埗 86X 285X 打和，較現時快10-15分
烏溪沙-長沙灣 86X 285X 285X較86X快約10分，86X較現86C快10-15分
烏溪沙-旺角 87D 285X<->281X 烏溪沙出旺角直路都行去錦龍苑搭87D，或者搭港鐵啦
火炭-深水埗 86 281X<->283X/285X(部份時段)
火炭-長沙灣 - 281X<->283X/285X(部份時段)#
火炭-旺角 - 281X(部份時段)
一城-深水埗 83/86C* 284X<->283X/285X 83/86C無需轉車，明顯較快
一城-長沙灣 83/86C* 284X<->283X/285X 同上
一城-旺角 87D/281A 87D/281A
禾輋-深水埗 83/86 284X<->283X/285X 83無需轉車
禾輋-長沙灣 83/86 284X<->283X/285X 83無需轉車
禾輋-旺角 81 281X 281X快3-5分
大學-深水埗 - 285X 大學站巴士出九龍根本食唔到客，上一篇已提及
大學-長沙灣 - 285X
大學-旺角 - 285X<->281X
仲有新田圍呢？
由此可見，你的方案除左馬鞍山巿中心同錦英利安出長沙灣搭285X有10分鐘優勢之外，
其餘大部分車程最多都只係同我打和，如果要轉車（例如大圍 - 長沙灣），平均要等多5-10分鐘車，更加無可能快過我。
而成個石硤尾更加係慢起碼10分鐘。
[ 本帖最後由 S3BL100 於 2011-12-14 11:51 編輯 ]
原帖由 dippy 於 2011-12-14 09:01 發表 http://www.hkitalk.net/HKiTalk2/images/common/back.gif
你可以話你個方案係令好少人有影響, 但係少影響既代價係令到唔少區都原地踏步
e.g.你方案保留左81/86B/72繼續行大埔道, 而我只係保留左87B行大埔道
到底我的方案有幾原地踏步？比較下我的方案同現有配套：
長沙灣來往： 現時 小弟的方案 比較
沙田巿中心 72/86 83 83較86快至少15分
顯田 86B 86B
大圍 86A/86B/86C 86A/86B/86C 86C較現時快至少15分
沙博 86A/86C 86A/86C 86C較現時快至少15分
第一城 86/86C 83/86C 83/86C較現時快至少15分
廣源 86 83/86A 83較現時快15分，86A較現時快10分
錦泰 -- 86C
恒安/馬巿 86C 86C/86X 86C/86X較現時快至少15分
錦英/利安 86C 86X 86X快至少10-15分
深水步來往：
沙田巿中心 72/81/86 81/83/86 83較86快約5-10分
顯田 86B/87B 86B/87A/87B 倘出發地點/目的地在荔枝角道，87A/B有機會較快
大圍 86A/86B/86C 86A/86B/86C 86C較現時快約5-10分
沙博 86A/87A/86C 86A/87A/86C 86C較現時快約5-10分
第一城 86 83 83較現時快約5-10分
廣源 86 83/86A 83較現時快約5-10分，86A快約10分
錦泰 -- 86C
恒安/馬巿 86C 86C/86X 86C與現時相若，86X快約10-15分
錦英/利安 86C 86X 86X快約10-15分
大角咀來往：
沙田巿中心 -- 86C/87A/87B/287X <-> 83
顯田 87B 87A（往大角咀）/ 87B （往顯田） 87A/B快20-25分
大圍 87A/87B 87A（往大角咀）/ 87B/287X （往顯田） 較現時快20-25分
沙博 87A 87A（往大角咀）/ 287X（往沙博） 往大角咀快10-15分，回程快20-25分
第一城 -- 86C
廣源 -- 86C/87A/87B/287X <-> 83
錦泰 -- 86C
恒安/馬巿 -- 86C
錦英/利安 -- --
何以見得我的方案係原地踏步？
比較埋再上面（#49）個表，你的方案搞多好多野，但係只係馬巿/錦英/利安出長沙灣比我快10分鐘，
其餘車程，唔係打和就係慢過我，咁你話值唔值得搞咁多野，仲要犧牲埋其他人的便利？
請牢記一點：正因如此，你的方案如果上區議會，一定會俾人ban的。
你依家又講到澤安村好慘, 會無左D全日巴士線
但佢地已經有全日小巴線去深水埗同旺角
車程又快D, 班次差唔多, 但係價錢平得黎唔駛行出村口撘
如果澤安村真係重要既話就唔會你話咁D線當然唔係做澤安為主啦
既然佢咁少人坐, 咁淨係比番兩條全日沙田線係咪都合理呢
問題係而家你改完之後，澤安村根本再無沙田全日線，你的80M/88M要行10分鐘先有得搭。
仲有麻煩睇下繁忙時間有幾多人搭86A/87A/87B出入村。
係唔係應該要認真顧及一d本身交通已經極不方便的人的需要呢？
當然，如果你覺得將自己的快樂建築在別人的痛苦身上係合理的，咁我諗都好難有太多討論空間。
再講返你#48個詳細方案：
1. 新田圍仲有咩車搭？
2. 如果你係要拉埋46X等線落水先夠車重組的話，我無野好講，但係果段荔景山路咪變左無得轉車入大埔同北區。
3. 284X派12架車，做唔做到10-12分一班，我相當懷疑；而家條86C里數差唔多，仲唔駛入青衣，都要派16架車先做到12-14分一班。
就算係285X，我都有擔憂。
4. 246X無可能一轉64分鐘之內搞掂。我搭90M綠小由美孚去到瑪嘉烈醫院，已經要六分幾鐘。
因此246X由長沙灣開，經荔景山路、交匯處、呈翔道至入青沙，起碼要三個字。
咁你估計埋剩返果段連休息，可唔可以派8架車做8分鐘一班呢？
唔好以為246X一定快過86B好多，事實上86B行埔公一D都唔慢。
你咁重組，返而令到美林來往深水步的行車時間大幅延長。
5. 你同樣低估左新87B的行車時間。
如果你認為行大涌橋路停站既86C同行大涌橋路唔停站既88R行車時間可以相提並論既話
咁你贏左囉, 因為大涌橋路既紅綠燈只係tune到令直行既車順燈
我知，不過我個point係，如果你條284X行源禾路、入沙田巿中心上青沙真係快過86C的話，
咁城巴條88R好應該都行源禾路上青沙，而唔係行大涌橋路。
事實上，計埋停站、停燈時間，86C行大涌橋路上青沙一定快過284X。
[ 本帖最後由 S3BL100 於 2011-12-14 12:51 編輯 ]