本帖最後由 GU9338 於 2016-4-29 23:46 編輯
kmb兄 發表於 2016-4-29 22:14
油荃另起爐灶食偉業街附近，紅van有自己市場，各有各食，
唯一共同點就係針住條40打
Goodest logic
九巴同紅小原來會合作整死 40 , 真係聞所未聞。
咁觀塘延線仲有 44 45 一定係 N 管齊下夾撃 41
麻煩 41 快啲消失啦
本帖最後由 Haydn 於 2016-4-29 23:53 編輯
dominic023 發表於 2016-4-29 21:49
只看服務時間都知取唔取代得到啦。在這篇文有關40號嘅討論完了吧。唔好騎劫人地篇文啦。
...
當F1有2個主題，B22有1個，個個都係度講唔去B22/F1既時候，
情況可以用失控黎形容，
所以你呢句呢個時候講係曬gas，
雖然呢段野係我把口up出黎都有d唔好意思
本帖最後由 GW4866 於 2016-4-30 03:20 編輯
kmb兄 發表於 2016-4-30 02:56
40係咁強就唔會另開油荃啦，
40延去西約，睇死都係爛尾
除住油荃距離投標及營辦越來越近，
40應及早光榮瓦解，迎接油觀荃之啟動，
荃灣來往東九正式由油觀荃取代，
將資源分配給北葵，荔景，荔枝角
來往東九之巴士線，
進一步加強東九來往荃葵青之連繫.
咁東九小區，同荃葵青小區就互相有直車來往對方，
改造工程去到咁亦大功告成，收隊
未解決!未解決!未解決!
荃灣來往觀塘道未有合理替代
唔該唔好再拎條40P黎講,搞臭哂條線
40係弱架啦,但唔係比你咁搞法
38繼續經上路同時又格硬屈落葵芳,又唔理順路線經下路出
kmb兄 發表於 2016-4-30 03:33
咁荃灣都無車行牛頭角道啦，要唔要開返條呀？
一定要行觀塘道先搭得咩，
夠喇你，牛頭角道同偉業街點同？
牛頭角道沿線都係住宅，距離觀塘道最遠的位置（牛頭角巴士總站附近）行出觀塘道亦不過係五分鐘步程，
而且人來人往，牛頭角上村仲有全天候通道可以落觀塘道/九龍灣站，牛頭角道乘客出觀塘道搭車亦係既定習慣
但調返轉，觀塘道沿線，尤其德福，已經唔一定會行去牛頭角道搭車。例如 89 vs 89X，89X 係慢過 89 往返沙田巿中心，
但依然有返唔少捧場客，除左個 X 字呃到人之外，另一個原因就係，行去牛頭角道，時間都係返度
觀塘道行去偉業街已經爭幾皮，全日人流有無觀塘道來往牛頭角道咁多？
有無全天候通道？如果係觀塘工貿區果邊，唔係要穿過鴻圖道、巧明街幾條大量貨車違泊上落貨的內街？唔危險？唔驚失驚無神俾車撞？
人流咁少，唔驚夜晚俾人打劫？
如果係九龍灣站附近，仲勁，仲要行多幾個街口入去宏照道，正常人都要行至少十分鐘，仲要上上落落，任你條油荃再快都抵銷唔到時間
你仲好意思拎上海街出來講，點解當年大量行上海街新填地街的巴士線，最後都要搬返出彌敦道？點解 971 開線行內街，最後又要搬返出去？
作為觀塘道/牛頭角道沿線居民（非觀塘巿中心），40 唔完美，不過係我往返荃灣的首選，
我唔接受俾你強行搬走個站取消條線，要我山長水遠行幾個字入九龍灣商貿區搭車，講完。
本帖最後由 GW4866 於 2016-4-30 04:20 編輯
kmb兄 發表於 2016-4-30 03:33
荃灣去牛頭角道都無合理替代，要唔要開返條呀？
一定要行觀塘道先搭得既咩，去牛頭角道返工40都唔經啦，咁點呀？咁條條路要行晒先滿足到你
正如36b南行上海街，
唔通要扭計開多條行彌敦道咩
40P全日老早已經提出，
臭在那裡？只係因為荃灣多左油觀荃特快，
40地位顯然會蕩然無存，才將40資源提升到實用層面，
40依家都已經十分弱雞，
有290系加油觀荃加紅van，
根本荃灣唔知搭40仲乜，完全無優勢使人去搭.
40B開又得，唔開又得，
總之荃葵青去東九，全部線都甩走美孚就係最佳目的，
美孚歸返九龍，唔開40B, 咪叫296c延長經九龍城去觀塘把啦，反正美孚咁多車經九龍城，唔淨在啦
荃灣原先有無線行牛頭角道先?
就算有,觀塘道同牛頭角道距離唔算遠
唔似得你,叫人係偉業街老遠行返出黎
36B同樣情況,上海街同彌敦道根本隔唔遠,咪扯開問題
40P本黎正正常常for北葵人用,拉落荃灣補位當解決...:L
咁對荃灣人黎講咪同40經美孚一樣咁兜囉
就係比你搞到d人對40P反哂感,搞臭哂40P個名 :@
唔識重組可以過黎參考下我篇文
http://www.hkitalk.net/HKiTalk2/ ... 58219&extra=&page=1
宜家既40對荃葵黎講係垃圾我認同架,正因為咁要合理重組成組線
唔學得你一味叫取消40再開咩野更無客既荔景40B就算,乘客&九巴雙輸
除非你爭取油荃行返出觀塘道
本帖最後由 S3BL100 於 2016-4-30 07:27 編輯
kmb兄 發表於 2016-4-30 04:20
觀塘道多人只係因為地鐵站響果個位，大部份巴士站都響果度，若然地鐵站搬去偉業街果邊，一樣會多人.觀塘 ...
但問題係而家地鐵站係觀塘道果頭嘛，唔係偉業街果頭，呢個係既定事實，無得你唔圍繞觀塘道附近人流最多的事實去諗
我無話唔檢討 40，但檢討唔代表一定要跟你果套，唔係事必要殺 40 然後換更差的替代俾受影響乘客，進一步拖慢乘客行程
你咁趕時間，搭紅van落荃灣囉，
保鐵都快過40呀，所以真係唔知搭40仲乜？
班次疏又要兜大圈，
40係點你會唔知，撐都無用
九龍灣點搭紅 van？坐倒頭車去宜安街再返荃灣？花多幾多時間？快得過 40 同地鐵？
九龍灣起計，地鐵其實唔快得過 40 好多，仲要睇下你去邊，
如果係去千色店/如心附近，計埋行的時間，40 根本唔輸蝕
事實係 40 改行龍翔道後，搶左唔少地鐵客，觀塘區往來荃灣區人數係以前的三倍
但你的「檢討」，就偏要以 40 兜美孚為藉口，將呢班辛苦搶返來的客倒返走晒，送返俾地鐵同紅小，
連你自己都承認叫人唔好搭巴士，走去搭紅小地鐵。唔知你咩居心囉
行去偉業街差幾皮，搭油觀荃就岩晒啦，
唔洗搭40受氣
我點解要行幾個字入偉業街同你受氣？
你好好笑，自己都同意「行去偉業街差幾皮」，硬食一個更差的選擇原來係「岩晒」？
咁去九龍灣返工唔會再搭40，40又少批客
油觀荃開左，去東九返工搭油觀荃取代晒，
仲撐40真係得返呢度幾個
你有無回應過觀塘道沿線居民的訴求？定係視而不見？明明我就係講緊觀塘道沿線居民的需求，
你就轉移視線講東九返工客，關咩事？唔駛理觀塘道沿線居民？
咁36b行上海街，要唔要開多條行彌敦道？
咁 36B 點解入新界都係要行返彌敦道？無叫你開多條，但無客的地方，塞條線落去都唔會吸到客，講完