eternalflame 發表於 2021-1-27 08:38
問題係: 區議員真係好似鐵路迷咁將各個FF出黎嘅計劃如數家珍咩?
仲有所謂民意調查, 是否應該係鐵路公司做 ...
我冇叫區議員FF 啲方案出嚟
而係就每次資料發放嘅每個工程細節及預計營運情況去調查居民意向
新任屯碼議員問卷調查都冇個
點樣量化同評估居民意見又可以一早代表居民動議「盡早南延西鐵至屯門碼頭」？
上年淨係講湖景路設站呢個資訊都可以做問卷調查
今次咁多資訊細節
居民唔透過區議員發放資料及問卷調查又如何參與討論？
個個居民都識上Facebook 睇細節？
定上Facebook 講完反對意見就俾區議員耍話做唔到啲咩去反對就完事？
A16 站龍富區議員都可以做問卷調查
屯碼區議員點解唔做？
港鐵會咁有心搞問卷調查？
就算有又會有選項俾居民揀反對㗎咩？
港鐵只係負責設計
唔係負責決定起唔起 |
|
|
|
|
|
|
|
|
he_01 發表於 2021-1-27 13:44
民協係屯門咁耐 就算係新議員都好 應該都知道屯門居民對鐵路嘅需求
係嘅話
咁可以光明正大話屯碼居民有鐵路需求囉
冇問題㗎
問題係點解將有居民出聲反對
就將責任推俾政府同前朝區議員
話自己做唔到啲咩先？
佢係支持起重鐵站又有民意基礎就要承擔責任
而唔係無視部分居民的反對同憂慮
推搪俾政府同前朝議員 |
|
|
|
|
|
|
|
|
aaron 發表於 2021-1-27 11:11
唔知以後仲有無區議員，但區議員日常唔係只有交通議題。
以小弟認知，今屆區議員有若干朋友都係巴士迷／ ...
我都係話最好係定期
Not a must
但三年咨詢期
港鐵嘅資訊發放唔會少過一年吧
而且每次嘅資訊細節都話多唔多話少唔少
居民係需要時間消化
第一次接收資訊可能未消化哂
過半年經過消化同社區討論
個結果亦可以唔同
每次參與問卷調查嘅人都可能唔同
所以我建議係最好半年
尤其呢啲係影響社區嘅重大基建
市民同議員唔係成日話政府冇乜咨詢㗎咩？
點解區議員做返就原來半年做一次民卷調查都嫌多？
我有話問卷調查要幾日内公佈結果咩
三個月慢慢整理都唔會阻到區議員日常工作吧？
如果區議員係重視居民意見及有意增加咨詢及議會透明度
問卷調查已經係最基本
港鐵嘅咨詢係小修小補
港鐵工程師亦講明佢哋只會將方案盡量平衡
但唔會決定係咪取消成個車站甚至成條綫
所以區議員係有責任去釐清及整合居民意見係咪要喺湖景路設站
尤其係佢哋有動議過「盡早南延西鐵至屯門碼頭」 |
|
|
|
|
|
|
|
|
053h4 發表於 2021-1-27 16:32
大把人出聲反對起高架鐵路, 話要埋入地底, 但呢種反對意見, 代表人地唔肯代著先? 或者默許係"反對聲音下" ...
唔同人有唔同意見係好正常
我針對區議員支持起重鐵又唔面對反對意見冇承擔啫
依家都可以同屯赤例子相反㗎
個個見到有車站喺樓下係好
起完就湖景兆禧同三間學校食哂嘈音
兆康再冇得搭倒頭車搵位坐
龜鐵加車加得慢又變咗元朗甚至朗屏留後
屯赤嘅交通負面影響係一時
西鐵南延屯碼嘅環境負面影響係幾十年
都係嗰句
政府研究埋屯門沿海鐵路
再決定湖景路係唔係起架空車站都未遲
依家起就返唔到轉頭囉 |
|
|
|
|
|
|
|
|
從來都同意及支持地區人士就重大社區議題，透過問卷等形式收集意見。
但諮詢有好多方式，問卷只係「其中一種」方式， 而唔係「唯一一種」方式。
問題係：有無必要政府／港鐵「擠一次牙膏」就要「以問卷形式」諮詢一次呢？
做一次問卷調查，講緊由設計問題及單張、印刷、安排人手入信箱／申請郵政通函投寄，到收集問卷、整理數據，所需人力物力比你見到還要多，整個流程花近一個月時間。
所以地區工作者選擇得以問卷形式就一個議題進行諮詢，證明呢個議題受到重視。
亦正因如此，地區工作者收集問卷結果後係唔會拖三個月慢慢整理先公布結果，而係一路收集問卷一路已經統計回應情況。
如果閣下好希望能夠半年一次問卷調查，建議可向相關地區區議員自動請纓做義工。
區議員（及其團隊）可以專心處理其他區務，你又可以收集到你想收集數據，相信各位版友都好樂意見到呢個情況。
|
|
|
火車遲遲未到站
|
|
|
|
|
|
053h4 發表於 2021-1-27 17:28
講咩負面影響先? 我又唔見西鐵係大西北其他區有咩負面影響WOR
你話嘈, 但西鐵出名係靜, 機械噪音又唔係唔 ...
我冇寄望民意代表
要講嘅都講咗
佢哋唔聽就自己食自己受㗎啫
我只不過話湖景路起站並非係冇得推翻
真係反對又好
口頭反對又好
袋住先又好
保鐵又好
全部都冇問題
我只係要求啲區議員為自己嘅工作負責返
唔好老作或隱瞞程序去誤導居民
反對嘅人多數又好少數又好
都應該俾佢哋有發言及參與嘅機會
如果意見兩極就應該從緩處理
而唔係講到湖景路架空車站已經係既定結果
點反對都冇用
講定只能將影響減到最少咁囉
|
|
|
|
|
|
|
|
|
aaron 發表於 2021-1-27 17:24
從來都同意及支持地區人士就重大社區議題，透過問卷等形式收集意見。
但諮詢有好多方式，問卷只係「其中 ...
其實富新區議員收集問卷過程中
係有整埋網上問卷的
但屯碼好似乜都冇喎
點解富新淨係知道A16 起站可以都整到問卷先？
屯碼區議員邊個做過問卷先？
佢又做過咩咨詢先？
咨詢完嘅結果喺邊先？
遇過啲區議員/助理聽完街坊意見之後
過幾個月冇回應搵返佢哋就亂作啲程序話自己做唔到嘢又話自己收集街坊意見咁
對質完先死死氣話自己唔熟交通議題
呢啲區議員/助理唔熟交通議題情有可原
最大問題係當居民白痴唔熟政策程序
敷衍塞責同佢哋口中嘅政府部門冇分別
咁要個區議員嚟做咩？
其實問卷設計就算資訊不足都可以做
重點係居民嘅關注事項優先次序
例如位置、轉乘、月台空間、班次、票價、嘈音、通風、景觀、過路設施、休憩設施拆卸、單車徑、巴士重組、輕鐵重組等等等
區議員唔量化居民各個層面嘅意見或關注優先嘅話
點樣解決依家兩極化嘅意見呢？
唔通就咁聲大啲先諗嗰樣？
就算咨詢結束
肯定有大把資料龜鐵唔會主動提出
咁係咪就完全唔使自己做問卷調查？
唔一早全面去收集意見
到實際龜鐵走完咨詢流程
到米已成炊先發現其他問題
區議員除咗口頭抗議仲有咩可以做？
咪就係居民硬食囉 |
|
|
|
|
|
|
|
|
ryandroid 發表於 2021-1-27 20:05
其實富新區議員收集問卷過程中
係有整埋網上問卷的
但屯碼好似乜都冇喎
居民係唔會識得天馬行空咁答問題
好多你提出嘅都嘅都需要初步設計先可以深入討論
你連個預想圖都無
居民係無辦法去了解
就更唔駛講真正嘅民意係點 |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
