87B修訂行車時間表

其實咁嘅~各位師兄！點解會口出狂言話82k加密至20min一班，個原因係因為新田圍有大量上年紀嘅老友要去威記複診，佢哋又冇辦法上上路坐85A、86，又冇辦法落山坐馬鐵，所以要焗等82K，即使唔搞廿分鐘，至少廿五分鐘我覺得都能舒緩威記班老友，其實其中主要客源都係威記，其次就係圍鐵上新田圍，之後都冇。

peteryim2014 發表於 2019-3-1 15:10
其實咁嘅~各位師兄！點解會口出狂言話82k加密至20min一班，個原因係因為新田圍有大量上年紀嘅老友要去威記 ...

咁82K依家開35分鐘應唔應付到新田圍大量上年紀老友要去威記的需求?
我唔知實際情況係點,但唔覺有人話82K好多客,
真的應付唔到的話,
理論上可以開返雙層車比班老友記

或者82K新田圍往黃泥頭設定點班次服務 & 美林方向繞經圓州角，這樣會更加方便老人家呢
=============================
我覺得新田圍最需要的不是新增交通服務,
而係一條落秦石/車公廟站既自動扶手電梯系統

人口老化,周圍交通又咁方便,新田圍邨交通注定愈做愈縮,
除非新田圍邨拆卸重建,連埋獅隧公路旁邊既沙田頭村
一併發展為大型公屋項目啦

S3bl430 發表於 2019-3-1 15:47
咁82K依家開35分鐘應唔應付到新田圍大量上年紀老友要去威記的需求?
我唔知實際情況係點,但唔覺有人話82K好 ...

無可否認，其實我好同意你講法！事實上現時82K未至於話上唔到車，的確仲有NU/ATE載客，的確要有接駁秦石嘅電梯系統係需要的！老實講丫，秦石嘅1交通網我經常用，係所向披靡，去港島南區：朝早一個中之內攪掂982X轉970系列；日頭：佐敦特快287X；機場/東涌E42，話說回來！82K純粹咁講因為建議能夠減輕大圍等車翻新田圍嘅問題而已！加上可以考慮BBI

Snowbb 發表於 2019-3-1 12:28
如果要山上既對外交通發展成熟，明顯唔係短期既事
東西線就更加係遙遙無期
好明顯山上仍然係 Prefer 用 28 ...

咁我覺得係老九肯做幾多既問題
例如青沙再擴大功能
成組城隧線執一執加強水泉澳<>城隧

甚至288加班後班次足夠既話
繁忙時間重新搞大288A都仲得

其實非繁忙時間源禾路客路絕不比沙中差
至於火炭就為求補位
甚或可以拉到上黃竹洋擴充埋客源

有關82K：35分一班，擺明難預時間，如果改30分一班，會用多好資源？肯定唔係，但肯定易就時間好多。35分既班次根本擺明趕客。當然實有人話ETA，但呢條線一大客源之一既威記老人呢？係咪一定識用？
*******
有關小巴：一直冇小巴肯做圍城，又係令人費解。

比圍城更孤島、更少人口既穗禾苑有小巴；客源幾乎只有小量工作人員(保安、清潔、家傭...)既九肚山、世界花園(後者仲要本身已有N條途經巴士線)又有小巴。圍城少客極，會少得過呢D？
多年前有非紅非綠既另類小巴做圍城來往沙市，做到有聲有色，更間接促使九巴開辦282。就算而家，大圍站巴士站，掠水三飛一到，基本上必清全站大半人，放學至放工時間，掠水三飛上車人數，更足夠將一部16座由吉車變(接近)打爆，反而同樣鐵路盲點既廣源水仔，排803、812條龍都未必有10個！
*******
有關改善步行來往秦石/車公廟站既配套：又係同小巴一樣費解。

近十幾年成日講無障礙，比圍城更舊更少人口既半山孤島，都陸續增建升降機塔，但圍城？沙田頭路起體育館，根本應該順便起條駁腳：由欣圍樓球場建一行人天橋，橫過沙田頭路直駁體育館，順便改善步行來往秦石/車公廟站既配套(回162樓的師兄，考慮到輪椅人士，自動扶手電梯就免了)，但又係咁都唔做。就連簡單得多既獅隧公路行人天橋升降機，到而家都仲未成型，反而類似既澤安邨(又係人口比圍城少得多)，南昌街天橋升降機就起好N年。

如果做到行人天橋連接圍城同體育館，問題已解決九九十十。又如果，大西北既輕鐵專區政策，喺沙田、甚至全港推行，你話幾好呢，根本唔會再有呢類孤島交通問題。以圍城為例：282(連其他28x、8xK、小巴等等區內線)轉為K巴或輕鐵，落山免費轉乘港鐵/輕鐵/其他K巴，還會有問題嗎？ 但偏偏不少巴迷和新界西北居民，卻對此德政恨之入骨。

連同上面小巴問題，真係難以理解點解圍城待遇，各方面都總係特別超班。
*******
有關47X拉上圍城：有保留。47X的客量如何呢？我沒有數據，但從班次來看(明顯遠疏過46X、48X，同49X比就似乎差不多)，很可能係同系當中比較霉既線，如果拉上圍城後，又有有心人籍詞話47X係沙田城隧線當中最霉，又入圍城數就不好了。回154樓的師兄：石盈(瑩)去圍城，僅幾十秒車程就$5.8，真係和味到呢........

又不知為何，厹近年將部份天價得不合理既區內尾段分段調低，46X 48X 49X都已減到$4.5/4.7，唯47A 47X仍維持$5.8天價。

這似乎不是個別路線問題，而是特地針對某些小區，圍城不用說了，現在仍維持$5.8天價分段的，似乎都是四美、秦乙沙博水一帶。例如80美林方向，過獅隧後仍維持$5.8，到海福才減至$4.7，似乎是針對顯徑/田心到四美的客。81 85也是，刻意過了美林才減價。秦乙沙博水也是很明顯，47A 47X 89B 287X，通通維持$5.8區內尾段分段。

有又插冇又插
圍城人真係好難服侍

47X係沙田城隧線中最霉？
朝早繁時多客到要飛埋沙中呢個客倉
好霉咩？唔覺囉

睇返新田圍邨(81-82年入伙)同秦石邨(84年入伙),
我又開始明點解新田圍邨交通會咁奇怪
如果秦石邨先於新田圍邨發展,可能就冇左新田圍巴士總站,所有居民落秦石搭車(有d似顯徑邨半山區/嘉田苑居民要行落山搭車)
如果秦石邨當新田圍二邨發展, 咁連接秦石新田圍的行人系統應該會好小小

新田圍交通算好過,81M/87B初期服務幾好,
10幾年前仲可以靠非繁忙時段唔知點解有本事開9-10分鐘既81M頂住檔,
到2000年代馬鐵通車,兩鐵合併令九龍塘站接駁角色減弱,近幾年秦石多左好多特快服務,人口老化等
加速左80M/281M/87B的衰敗
到依家無論82K/87B/281M都疏到喊,先突顯新田圍既交通問題

如果居民不是行動不良的話,新田圍周邊地區交通唔差,甚至可以話四通八達
旁邊有條獅隧公路(名義上新田圍邨有3條全日經威記的路線),下面有車公廟道,行落山10分鐘有馬鐵站,
甚至有樓梯可以5分鐘落新翠邨,
不過就係要居民行上行落囉,

客源集中唔到,係得條接駁角色比較濃厚既282好小小,
而82K依條頹到極點的區內線,或者令到小巴公司覺得大圍<>新田圍 小巴冇錢賺(但我覺得最終的客量點都會好多小巴812A),
大圍<>新田圍線最後都可能要自己做返,
最有可能的結果係82B延長至新田圍，加多部車開20分鐘一班就算.

另外,如果小巴804有低地台小巴服務,在82B延長至新田圍的基礎上,可以將82K直接縮短到新田圍,再幫82B加班

S3bl430 發表於 2019-3-2 00:18
睇返新田圍邨(81-82年入伙)同秦石邨(84年入伙),
我又開始明點解新田圍邨交通會咁奇怪
如果秦石邨先於新田圍 ...

睇返轉頭，圍城發展公屋項目，本身已是大錯特錯，此地應該發展類似世界花園、瑞峰聚龍之類的豪宅，問題會小好多。不過香港D規劃就係咁本末倒置。

工X會成日話爭取建升降機塔連接新翠，我就真係唔樂觀，但如果唔係圍城一向超班待遇(唔知關唔關某區議員長期尸位素餐事)，可能一早起左。

至於大圍<>圍城 小巴，都係嗰句，人口僅1480，本身已N條巴士線途經，仲要個個非富則貴，使用公交比率相對偏低既世界花園，都做到一條密過掠水三飛、15-20分一班既來往大圍站小巴；人口9400既圍城，反而做唔到？根本講唔通。