本帖最後由 paul2357paul 於 2019-9-16 16:02 編輯
EX-TL 發表於 2019-9-14 19:43
油塘車輛尚且可以利用茶果嶺道經茶果嶺村出觀塘, 但觀塘區及新界東往東隧就只能靠鯉魚門道下行車道或藍田救護站路口轉落去.
下行車道塞車情況嚴重, 平日上繁車龍一般會到觀塘繞道麗港城及將軍澳道電話機樓, 鯉魚門道東行好彩嘅話有切入下行車道嘅車做掩護, 慢線讓熟路嘅巴士司機直駛往藍田站, 唔好彩嘅就係藍田站太多巴士 小巴因前面太塞車被積在鯉魚門道, 堵塞轉入藍田站總站路口, 連最後逃生的慢線都失守, 一串包括由九龍 新界開往油塘或藍田, 安達臣 秀茂坪開落藍田站, 以及九龍東過海的小巴及巴士車龍, 就會以極速去惡化塞車情況, 龍尾會延至觀塘站, 先導致翠屏道車輛不能出入, 觀塘站總站癱瘓, 觀塘道下行車道形成車龍, 如果龍尾去到開源道口, 與協和街和觀塘道進入商貿區及apm的龐大流量合併, 情況便會變得複雜, 受影響的人數會以倍數上升.
現時藍田救護站轉落東隧只有一條窄單線, 任何車輛轉落去都要慢動作, 皆因將藍隧道東隧支路工程進行當中, 預期2021年才完工.
早上繁忙時間雖已開放鯉魚門道東行中線讓轉落東隧的車輛排隊, 待綠燈亮起便可切入鄰線轉落東隧, 唯極大量車輛從新界東和九龍東各處湧至, 相較油塘這一「小區」, 實在需要更多時間讓進入東隧的車輛先行.
這東行中線在上繁過後會封閉, 非繁只開放極小段讓啟田道往東隧的車輛(包括690 694)由第一線(往油塘)切入第三線(往東隧), 所以非繁亦有可能因入油塘車輛不諳路況而誤踩第三線等轉燈及切入第一線, 影響到啟田道與油麗邨之間的暢通度. 總括來講, 藍田救護站轉落東隧的燈號係比工程前為長, 這做法需要犧牲離開油塘車輛的時間, 卻無可奈何, 全因該路口為過海終極逃生門, 若疏導不善, 影響甚深.
油塘開出的巴士要照顧乘客全日的需求, 繼續使用鯉魚門道經藍田站離開有其必要性, 但其他車輛利用茶果嶺道或碧雲道離開油塘, 減少油麗邨巴士站/東隧交界路口負荷, 在燈號上做手腳, 逼使不必要車輛改經茶果嶺或藍田, 或放棄駕駛改用港鐵離開油塘, 這才是上上之策.
點解set唔出一種替代路線係經茶果嶺道油塘道轉落東隧？
例如621早應該改咁樣行法落東隧，又多條巴士線兜上觀繞為乜？
|
