屯馬線巴士路線重組集中討論

JX9097 發表於 2021-2-4 13:09
我個人意見都係傾向由佢頹
（繁時減到15/20；非繁減到20/30）

更大問題係時機未到，東鐵綫一過海，就係要處理 109 時機。

dennis28a 發表於 2021-2-4 18:37
更大問題係時機未到，東鐵綫一過海，就係要處理 109 時機。

109,113齊齊處於死亡邊緣就係可以合併的時機
純綷以港鐵步程覆蓋範圍諗,我會覺得109(何文田)未必直接俾東鐵過海打死, 畢竟何文田大部份地區都唔近何文田站(何文田站行去愛民算係可接受步程範圍的極限)


反而113會直接奶野, 除了公主道(即係何文田), 美東樓和太子道西沿途低密度住宅外,
見唔到113沿線有甚麼獨市位係有競爭力,
旺角東窩打老道一段係港鐵旺角東站合理步程範圍,聯合道近界限街班客應該會轉搭港鐵, 東頭邨仲有111揀,

113唔兜何文田就甚有機會全日20-30分鐘,甚至直接歸西

dennis28a 發表於 2021-2-4 18:10
所以呢？按你口中既概念，咩你認為運吉會批兩條同港鐵同紅小幾乎重疊兼淨去旺角太子既 33X 37X 出黎？

...

點解運吉唔會批？

運吉角度，33A 37 各自拆線，效果包括：

減少進入旺角巴士數目
減少新填地街車流 (33A, 37)
減少汝州街車流 (33A, 37)
減少長沙灣道車流 (37)

事實上，大概 2013-14 果期，咪擺過 33A 37 重組上 RPP，33A 變特快，不過係葵盛硬食加價，所以 ban 左。但已足以顯示，運吉唔批既機會好微

再者，如果真係因為收費問題比理居民彈回頭係一回事，
文件上都未上，檯底下面吹下水就知 Work 唔 Work，同佢地既底線係邊度。

當然唔排除真係有個別地區肯接受加價兩級，但其實呢D野有跡可尋，九龍新界區過去十五年都無試過通過到加價兩級既重組

而你講緊「運署唔會批准憑空爆一條真係食到你口中最值得做既葵涌道同荃灣巿中心客既土荃線，直接同鐵路競爭」，
「係因為有條新鐵路將會通車，如果通左十世咪無事」。

先唔討論依個講法正唔正確，如果新鐵路通左車廿世，運輸署就可能會批同鐵路競爭？
你唔覺得依個講法好有問題咩？

除左係咪「新鐵路」之外，另一個重點係「憑空爆」

所以攬炒咁多條線去重組，開一條全新線做土荃，係唔可能發生；直接搵 41 去改，仲會過到運署果關，甚至 33X 37X 都唔會過唔到運署，不過會因為收費同資源問題而做唔到

不過直接搵 41 去改既話，頭尾段（青衣、土紅何）因為既得利益者既緣故，係無乜可能大改，問題就得返中間一段點行

好老實，如果最後出到來結果係果欄西廊葵涌道大窩口入青衣，我都唔會唔收貨架，不過係做唔到我心目中想見到既一D效果咁解。唔好忘記 41 行青公等同幫 42C 全面拆線，拆埋最後一枚潛在炸彈；同埋亦係上葵涌紅土線最後機會

更何況，如果你有機會接觸運輸署，你既講法係根本唔太正確。
現實上係仲有可能咁做夾其他線咁去做重組，亦唔會一刀切講唔做幾條線炒埋一碟重組，
尤其係沙中綫依個 Case，唔少線都中塞車黑點，只不過中唔中 41 / 45 依組線姐，而且做唔做得成。

只不過早幾年唔少線通車，都仲等緊沙中綫全通一口氣做大重組，費事做做下過幾年又再改，點知依條線搞到 2021 年先通一半嫁。

容許我澄清一點先

我多年前的確同相關人士接觸過。運署係從來唔會唔批呢種咁多條線炒埋一碟既重組，問題係出在巴士公司同地區人士

地區人士固然唔想見到呢種一次過影響大量乘客、製造混亂既重組，事實亦好難過關。但我當時聽返來既講法係，九巴唔會一次過重組超過三條線

當然，之後一兩年有幾區做過區域重組，打破左呢個規則。但區域重組已經名存實亡，而家都唔會再咁做。甚至你望下舊年 RPP，九龍新界好似直頭最多一次重組兩條線，換言之九巴已經回復當年做法

當然鐵路通車係做大重組既藉口，但正如其他版友話齋，運署同巴士公司都學精左。與其推一個攬炒 N 條線既重組上枱，然後區會 ban，浪費時間人力物力，巴士公司角度倒不如直接減班，或者限制重組規模，小修小補就算

BTW，唔使搭車既人都知九巴果 APP 幾唔準，新城果 APP 成日計慢左，你同一個每個星期都搭幾次 3C 7 號仔既人去拗？

咁我又一直好奇怪，你到底有幾多個分身，可以日日/個個星期坐 3C 7，又可以成日坐 215X 或的士塞死亡交叉，又可以日日坐 101X 或東隧線下繁過海，仲成日有機會走上穗禾苑

唔介意話你知，有版友曾經私下同我表示，認為你既「觀察全部都係誇大到符合」你既結論，但唔識野既人就信以為真

kingprowm 發表於 2021-2-4 17:19
我本身就係想 41 改行南昌街，歌和老街，窩打老道，返回培正道原有路線，相信點都快過現有路線少少，又唔 ...

講左好多次，塞長沙灣道然後仲要兜上南昌街歌和老街，會比起而家塞旺角落何紅土更慢

你地想死攬 41，就要接受一個現實，要同時照顧同平衡其他區既需要，條線先有空間繼續生存

S3BL100 發表於 2021-2-4 23:34
點解運吉唔會批？

運吉角度，33A 37 各自拆線，效果包括：

關鍵字：兩條，33X 37X。
你之前話完人，而家又黎淨係提 33X 唔提 37X。

除左係咪「新鐵路」之外，另一個重點係「憑空爆」

所以攬炒咁多條線去重組，開一條全新線做土荃，係唔可能發生；直接搵 41 去改，
仲會過到運署果關，甚至 33X 37X 都唔會過唔到運署，不過會因為收費同資源問題而做唔到

你又混為一談啦，我地一直討論緊既係 41 / 45 重組，
只係借用你既 33X 37X 例子去講道理，你自已提出同港鐵直接競爭既線，你又無問題。

人地提出同港鐵直接競爭既線，就一句講晒係唔可能發生，你又唔係運吉代表，你點知呢？
如果你覺得大家 41 / 45 改線唔 Work，你既 33X 37X 一樣唔 Work。

你既重組分拆面咪更大又複雜，你既方案就會比運吉一定接受既？
人地講既野你覺得運吉唔接受姐，係唔係代表運吉真係唔接受？明個問題未？

不過直接搵 41 去改既話，頭尾段（青衣、土紅何）因為既得利益者既緣故，係無乜可能大改，問題就得返中間一段點行

好老實，如果最後出到來結果係果欄西廊葵涌道大窩口入青衣，我都唔會唔收貨架，不過係做唔到我心目中想見到既一D效果咁解。唔好忘記 41 行青公等同幫 42C 全面拆線，拆埋最後一枚潛在炸彈；同埋亦係上葵涌紅土線最後機會

或者咁講，本身班居民都不滿 41 / 45 中間段路又慢又兜。
你唔可以因為中間一段點行而塞番條同而家車程一樣（甚至更慢）既野線比人，明我地既重點未？

而唔係你收唔收貨，係班既得利益者收唔收貨。

我都係果句，作為小薯，無可能歸納晒全球人意見，做到我認為係超人，
睇黎似乎依個 Topic 上面，你重覆左幾多次「我心目中」依個語調？

當然鐵路通車係做大重組既藉口，但正如其他版友話齋，運署同巴士公司都學精左。與其推一個攬炒 N 條線既重組上枱，然後區會 ban，浪費時間人力物力，巴士公司角度倒不如直接減班，或者限制重組規模，小修小補就算

正如我上面講，唔係唔做，係未到時辰做。
本身預計 14 15 17 19 年有唔同鐵路項目落成，如果早幾年就咁對觀塘綫延綫重組，咁東西走廊全通又要執多次條 41 / 45？
條東西走廊又未開又點執？想比人鬧？咁咪變左依幾年小修小補就算，係一個錯覺黎。

當然，41 / 45 依個組合會唔會花心神大執係另一回事，依點你錯唔晒；但唔會為保線為改而改，改去九龍塘囉。
你鐘意係 B2 當 F1 板用無問題，但路線設計唔係為你而設。

舉個例，11B / 11X / 14 / 15 / 15X / 17 炒成一碟（其實唔止），已經唔係小修小補解決到既問題。

咁我又一直好奇怪，你到底有幾多個分身，可以日日/個個星期坐 3C 7，
又可以成日坐 215X 或的士塞死亡交叉，又可以日日坐 101X 或東隧線下繁過海，仲成日有機會走上穗禾苑

唔介意話你知，有版友曾經私下同我表示，認為你既「觀察全部都係誇大到符合」你既結論，但唔識野既人就信以為真

總有人成日一日搭車去幾區四圍走，某段時間就會經常性去某一區。
215X 同的士依期就少左搭，不過就快又要成日搭佢嫁啦。

你質疑人前，你覺得一個唔熟悉九龍塘既人可以答到 #959 九龍塘既客量分布？
姐係咁，要老作好日唔搭九龍塘車既人講唔到啦。

姐係咁，我反問一句，你憑咩野去質疑其他人呢？
你質疑我無咁多分身，你有無證據拎到出黎去講一個人經常去唔同地方做野去達致上述效果？依個指控幾嚴重下嫁。
當然，武肺當前，人就唔應該出咁多街，或者聽下依個垃圾政府呼籲，強制迫我裝個安心出街以表清白。

記住一點，你用咁既態度批評我唔緊要，我都習慣左，但有時做人講野唔好咁過火，你指控所有人前要拎證據。
係唔係咁樣擦邊球就拗贏人就算？今次想平心靜氣同你講道理又變成咁，咁 quote 你既文黎仲咩？

如果你覺得我同其他板友講法有問題，請用反覆搭車或落區去說服我地，
說服我地果幾十幾百幾千次巴士車程係個別事件，說服我地判斷有誤，而唔係下下擦邊球去話人地誇大、人地無知。

每一個人既見解都係獨立分析，當你講唔贏我又無證據，就下下惡言相向。
你拗贏我同某部份板友又點？你唔覺得你次次同唔少板友拗唔贏，最後都係用同一組字咩？

當然，你同某部份版友點睇我無所謂，把口生係人地度，
你可以唔認同我，但你唔可以迫人認同你，我亦無考慮你要認同我。
但觀乎你係依篇文同其他近期 F1 既文，好似我同其他人討論都尚算和平，你一口氣引爆幾個火頭。

同埋近幾次都係你主動 quote 我文嫁，quote 完我又唔好意思唔覆你，覆你又變成咁。
咁下次你介唔意我你 quote 我無視你？如果唔介意可以慳返大家時間。

＝＝＝＝＝＝＝＝＝＝

你成日都話幫運吉同巴士公司拆彈，又講到你有多年前機會分享你既高見。
點解唔直接學下特工兄隔空喊話？你既然講到自己做人咁嚴謹啦，又點符合佢地要求，運吉好需要你既幫忙。

又或者我又錯，你已經同左政府、巴士公司或地區人士分享，
甚至你身邊識得有既得利益既當區居民，介唔介意講下佢地有咩意見？支唔支持你條新 41 方案？

你又講下你做左咩野 Research，又或者原來用 Google Map、Youtube 同 ETA 係外地可以完全了解到利益關係，
咁我可以唔洗為興趣成日四圍走搭車，乖乖聽依個政府話同心抗疫。

唔係串你，我地所有人真心想學野，所有板友都好好奇你點樣身在外地都分析到咁多野，
咁咪唔會一開口就好似日日都同你企係對立面，搞到我地日日得罪你，甚至我地誇大事實兼老作。

我地班小薯只係開心見誠分享個人意見，你應該記得我唔係第一次同你咁講。
可能最後有不可抗力因素搞到重組唔成，我地無所謂嫁。

＝＝＝＝＝＝＝＝＝＝

回正題，你拗左咁耐，去到質疑埋我啦，都未答我地既問題。
你講到你既方案咁完美啦，如果你條新 41 非繁客量差過而家，
你覺得巴士公司仲會唔會燒錢去做 20 分鐘一班？無論非繁得 15% 客都繼續做落執新客？

我地拗左咁耐，就係拗緊依樣野，唔好同我講比而家執到多一個新客都係客黎。
當然，你唔想繼續同我討論歡迎你唔覆我，但我真係心平氣和同你討論緊。

S3BL100 發表於 2021-2-4 23:37
講左好多次，塞長沙灣道然後仲要兜上南昌街歌和老街，會比起而家塞旺角落何紅土更慢

你地想死攬 41，就 ...

一係就等六幹通車後將 41 （X)/42C 重組
42C 改行六幹，因出入點係啟德，咁就做啟德至藍田，不做黃大仙鑽石山

黃大仙鑽石山就夾何紅土，加埋青公，交 41 做

青衣認為自己條42C咁有需要分拆嘅，請自己攞42C／X42C資源去做，講緊36架車，唔好攞條去紅土嘅41嚟陪你哋玩。
另外，當青衣全程客只係佔兩成，而又有條密唔少嘅44，同九龍城區爭嗰8架車都有啲離譜。

好啦，攞41嚟改做土荃，大把好方案，但係變咗一條唔入有雙向需求嘅中葵涌，反而走去行低需求嘅東北葵；
荃灣市中心直頭擦邊過，荃灣／荃西行入荃市嘅路都少過呢條41，而等得巴士都期望唔使行咁多去到目的地；
又對紅磡、長深荔0補償，換來嘅係九龍塘，仲要又唔係入到多客嘅位。

唔計因車程而流失嘅客，淨係睇服務範圍呢條線已經唔掂。

42C行嗰啲區域會成功，係因為去觀塘多年嚟有需求，而一條線嘅成功方程式唔代表另一條線都複製到，何況兩條線九龍端嘅服務範圍根本就唔同。

講到人哋唔跟某啲方案係錯，唔符合預想嘅效果，有冇諗過個預想根本就係錯嘅呢...

S3V1742C 發表於 2021-2-4 19:53
其實人地去左美國甘耐 唔知香港係點好正常
所以先話佢脫節
佢緊係連居民底線都唔知

41A縮短，我第一個會『返來搵你』

dennis28a 發表於 2021-2-5 02:38
關鍵字：兩條，33X 37X。
你之前話完人，而家又黎淨係提 33X 唔提 37X。

運署只會批准 33A 37 其中一條拆特快，this is news to me。
我又真係有興趣了解下，佢地只批准其中一條拆特快，而唔會批兩條特快既原因

畢竟如果兩條都拆線，對於減少佢地近年針對個別路段既巴士流量，效果會比起只改其中一條明顯

不過咁，我就唔會好似個別我批評緊既版友，因為唔鍾意現實客觀限制令到做唔到佢地心目中想做到既重組，就走去批評指出有呢D限制既版友，同時唔肯接受現實。呢種 mindset 係唔能夠令到願望實現，並唔係一種解決問題既心態同方法，呢點亦正正係我對個別版友既最大批評。我既做法會係，睇下有咩方法變通，繞過現實局限都盡可能做到想做既野，或者想做既野既大部分

不過你 quote 緊我篇回應，我並無「淨係提 33X 唔提 37X」。我亦唔同意你所指，我既重組「分拆面咪更大又複雜」。至低限度 33A 37 我係分開處理，甚至 37 37M 變 37 37X 237E 一組，喜歡的話亦可以只拆 37，或者只變 237E 出來，either case 牽涉路線數目唔多過兩條，亦唔存在無啦啦拉埋其他唔關事地區攬炒既情況，大致係近年重組既典型規模，規模亦比同樣係我提出既 41 45 46 為小

人地講既野你覺得運吉唔接受姐，係唔係代表運吉真係唔接受？明個問題未？

不如咁講，最後運吉接受與否，得佢地先知；但有留意開近年有咩擺得上 RPP，同埋區會文件佢地對議員既回應，已經可以見到至少七八成，絕非無憑據

記住一點，你用咁既態度批評我唔緊要，我都習慣左，但有時做人講野唔好咁過火，你指控所有人前要拎證據。
係唔係咁樣擦邊球就拗贏人就算？今次想平心靜氣同你講道理又變成咁，咁 quote 你既文黎仲咩？

我當然無資格批評你既觀察，所以我 quote 果句野唔係出自我口

我亦無否認過你知道既野比起一般版友為多，我更加從來無質疑過你由其他渠道收到既資訊。但呢樣野同我同意你立場或者觀察與否無關。本版真係識野既版友唔係大家想像中咁少，我 quote 果句批評係出自另一位真係識野既版友

亦唔好忘記，你既觀察被其他版友質疑，乃有前科，包括你對港島北岸行車時間既評估、對山谷道巴士站塞車原因既觀察、對觀塘塞車原因既觀察，等等。當然我再強調，我無資格批評你既觀察，但亦請你明白，有其他真係識野既版友唔同意你

我平時亦好少提及，但我想講，直到今日，我喺呢個圈仍有 contacts，雖然的確不及往日

btw 本版同 F1 版活躍版友當中，長期身處外地而我所知道既，一隻手數唔晒。親身觀察係一件事，分析能力又係另一個問題。個個人都可以有自己一套諗法同意見，但如果係拗得通，唔係流於幻想脫離實際既話，你幾時見過我要鬧人搞到咁大火藥味？