[夕陽西下] CX A359: HKG > London/Heathrow

今年 2 月中返香港短暫停留了兩星期，去程 CX 254 的飛行報告早已發表，惟因事務繁忙，回程飛行報告拖至現時才出版。

國泰一日共有五個航班飛往倫敦，2-3 班為 red-eye（深夜香港出發，清晨到達倫敦）其中 CX 255 更採用配 Aria Suite 及全新 PEY 的 77W 執飛，但我搭經濟艙基本上無緣享受新艙；剩下 2-3 班為日間班機，乘搭時（2025 年 3 月初）全數採用 A350-900/-1000 執飛，同 red-eye 用配 3-4-3 經濟艙之 77W 相比，空間略多，亦較符合我嘅時間需要（我無信心搭 CX 251/255 red-eye 落機後，朝早直接返學上堂），最後回程選擇中午出發、晚上到達的 CX 253。

- pre-departure -

比起搭早機，搭中午機基本上唔需要擔心朝早唔知醒起身，前一晚可以照樣出街玩到夜晚，再返屋企整理行李都仲夠時間


出發前可以同屋企人食多個早餐，先拎行李再出機場


搭 A12 經過昂船洲大橋，幾鍾意葵青貨櫃碼頭的景色；而且難得地遇上車手，上車時與前一班車僅相隔約 12 分鐘（該時段正常班次為 20 分鐘），到機場時只比前車慢 2-3 分鐘


- HKG departure -

今次來回兩程 CX 長途機，都未有特別檢查手提行李重量（更遑論 UO 臭名遠播之 “行刑架”），比之前搭的 Qatar、Lufthansa group 等航空公司友善


入閘後時間尚早，喺 food court 食碗蒲田米粉做午餐


今次喺 40-49 號閘口登機，要搭無人駕駛列車前往


以前搭國泰飛日本，不時都要去 33-80 號閘上機；但近幾年由 HKG 出發，通常都獲派靠近出境大堂之閘口（2X 或以下），或者係用北衛星客運廊（要過天際走廊天橋）/ outer bay（由 5XX 號閘搭巴士前往），所以已有好幾年無去過 HKG 40+ 號閘口


(由近至遠) Indigo A320neo、長榮 A321-200、中國國際航空不知名機型、國泰 A330-300；台灣御三家之中，華航、星宇都已經體驗過，唔知幾時先有幾會搭長榮？


- CX 253 -  
Route: Hong Kong Int'l Airport (HKG) - London Heathrow Airport (LHR)
STD - STA: 13:30 - 20:10 (14 hours 40 mins)
ATD - ATA: 13:26 - 19:28

Aircraft: Airbus A350-900
Registration: B-LQA
Seat: 62A

巧合地，去程係搭 B-LRA 而回程搭上 B-LQA，都係以 “A” 結尾的 A359


按：乘搭時（今年 3 月初）尚在冬季時間表，當時 CX 253/4 一週五天採用（已經搭到有少少無癮的）A350-900（B-LR _ 或 B-LQ _ ），其餘兩天則用 A350-1000（B-LX _ ）；小弟喺 CX A359 投入服務後不久，已經搭過一個 KIX 來回，及後亦搭過 Finnair、Qatar 的 A359 飛長途，；今次其實只要我提早 / 推遲一天，已經可以搭 A35K，但有限時間下想 maximise 喺香港的時間，先唔會為咗一個不算罕見的機型，去修改行程；未能解鎖新機型 A35K，確係有點可惜


機上備品：蓋耳式耳機、"carpet" 毛毯、枕頭（其中一面係麻質面料、另一面係普通棉質，可按個人喜好選用，幾特別的設計）


literature pocket 內已有 A359 safety card、inflight shopping catalogue，起飛前獲派是日餐單


氧氣袋無需充氣，亦能提供養氣.jpg
(其實就唔係咩冷 gag 嚟；翻查網上資料，美國曾經發生過乘客見氧係袋未有漲起，誤以爲供氧失靈，自行摘除氧氣面罩，結果死於窒息；所以 safety demo 加入相關情節，旨在防止同類悲劇重演)


題外話：今程機所有機艙廣播，都係英文、廣東話 雙語，切合出發地、目的地客人需要，亦無如去程般畫蛇添足加入普通話版本；唔清楚廣播語言係睇有幾多乘客揸豬肝紅護照登機，定純屬每班機上人手按排有異？

由 HKG 起飛，下方見到博覽館一帶工程地盤、一個旅遊巴停泊處


出發當天香港天氣不佳，尚未飛離香港境內，已經進入雲層之上


升空後，每人先獲發樽裝水一枝；喺長途機上係幾方便到乘客隨時飲水，不過枝水由去程的 Harrogate, downgrade 咗落 Bonaqua


之後有一輪 drinks & snacks，飲品選了 gwei.lo 本土手工啤酒，上一次飲呢隻啤酒，應該係幾年前喺香港某間酒吧


同時派嘅仲有花生一包，係國泰經典的橙、黃色包裝（大約 10 年前搭 CX，已經係同款包裝），不過我唔鍾意果仁，就無拎到；感覺 CX 係少數仍於經濟艙提供花生 / 杏仁作少食之航空公司，唔少其他航空公司，已經出於關懷 nuts allergic 之乘客，及/或實行 cost-down，而改用餅乾、米菓等取而代之


第一套戲選了大陸防騙電影 “孤注一擲”；近年 “賣豬仔” 到東南亞参與網上騙案，甚或遭到活摘器官之案件不絕，捆綁禁錮、電棍虐打等 “招數” 應該唔太陌生


劇中虛構國家 “伽南”，懷疑呢幕喺澳門取景


片尾前加插的影片，公安將詐騙疑返押解回國的真實片段


電影中係有少量廣東話（及其他地區語言）對白，估計係想表達詐騙集團成園來自全國各地；
按照中共官方歸類，香港、澳門係 “特別行政區”，而台灣係一個 “省份”，如果要特別標注 “中國香港”、“中國台灣”，何解中國其他地區，並不需要冠上  “中國上海” 之類？


lavatory tour: 洗手間內提供皂液、hand cream、酒精搓手液各一枝，鏡面裝有兩排小燈，設計感更現代


A350 標準的經濟艙 3-3-3 排列；今程機 loading 唔算爆滿，大部份中間位留空，可以兩個人用三個位（包括小弟就坐的一排），少部份幸運兒可一人獨享整排三個位躺平


飛至四川省上空開始派第一餐，此時為起飛後約兩小時；窗外依舊密雲


國泰今年年初起，與米芝蓮中菜館逸東軒合作提供香港出發的 PEY、EY 中式餐點，而今餐兩個主菜（老干媽雞球配飯、龍蝦汁海鮮 pasta）都相當吸引；但諗到逸東軒 collab 應該係期間限定，而龍蝦汁意粉似係國泰常駐 menu 之一，都係選了前者；配菜包括話梅車厘茄、麵包連牛油、水果粒（膠蓋下方），甜品一如以往係 Haggen Dazs 雪糕，飲品則要了白酒一杯


前菜車厘茄浸泡入味，十分清新，做到陸地上酒樓小食的質素；主菜整得相當惹味，配嘅蛋炒飯亦有炒香（雖則 eggs fried rice 係外國 Chinese Takwaway 的常見主食，未必比人太好的聯想），只不過有少許香芹粒唔太合我口味，而且我無預計過喺飛機上食到咁辣的食物（要搵嘢飲的程度）；白酒唔夠凍，味道一般；總括而言都係令人滿意的一餐；
此外，國泰已於經濟艙提供金屬餐具，前菜、水果亦用上可重用的硬膠蓋，以響應環保

喺三萬呎高空睇住雲海食雪糕，係幾寫意


嚴寒天氣下，見到機翼下引擎噴出的氣體（硬照睇可能會誤以爲係白雲，但我用手機 live photo 應，係清楚見到一條霧氣帶向後噴）


收餐時要了一杯 Baileys on ice


A350 機上的 LED mood lighting


小插曲：前一排幾位相對年長的乘客，應該係派餐時瞓著咗未有進食，及後瞓醒覺想食飯，空姐前來並告知正常餐已經沽清，但可以給予 crew meal，食物種類大致相同；有點好期係本身 load 唔夠餐，定係首輪派餐後見有剩，比咗其他乘客加餐導致？
而且負責講解來龍去脈嗰位空姐，本身並非喺經濟艙出沒；可能原本負責經濟艙派餐的 4 為空姐空少，無一通曉廣東話？

可能空姐空少想乘客們快速進入夢鄉，唔好㩒 service light 提出要求，所以要求窗口位乘客拉低遮光板；以大半程機都喺日間而言，極之掃興


好地地一班 daytime flight，比你地搞到 red-eye 咁嘅氣氛，失敗中嘅失敗


飛入新疆後，終於看得見陸地；當下正飛越博格達山


接近烏魯木齊市區，地面建築物開始增多


高樓大廈比想像中多唔少，部份較矮、三角頂的平房，由高空望落，同今年年頭搭 LX 降落 LCY 時見到倫敦某座 HM Prison，或者官方稱作 “職業技能教育培訓中心” 的，略顯相似


River Tekes 上未命名湖泊 / 水庫，已被冰雪覆蓋


見有少少肚餓，要了一個杯麵 + 一罐啤酒



飲多一罐國泰自家製 Betsy 啤酒


之後睇咗新增電影 “破地獄”（應該係今年 3 月新加，2 月去程時未見有）；我不久前先經歷完白事，睇返呢套戲係充滿感觸 :{


進入哈薩克，可見雪量明顯少了一截，位置約在 Charyn Canyon National Park

雪山之間的 Baratogai Lake，望落同樣已結冰


靠近哈薩克、吉爾吉斯邊界


哈薩克 Shykment 以北


Syr Darya 河川


國泰自 2023 年疫情結束時，增設港式蛋撻作長途機 mid-flight snack，今次終於有機會試到；曲奇皮整得夠鬆脆，但中間蛋漿部份可能因機上重覆加熱，食落有點太實淨；當時 galley snack bar 只剩社企銀杏罐製作的蝴蝶酥，選擇不及去程 red-eye 機上，唔知係空姐空少未及補貨，定日頭機 load 唔夠 snacks


烏茲別克 Ugrendch 以東，窗外景色由冰天雪地（暫時）轉爲乾涸沙漠


CX A359 配置 interactice flight map，可自由放大縮小、調整角度、查閱飛行資訊


Khiva，烏茲別克接壤土庫曼之邊境城市


全世界上最大潟湖（lagoon）
Kara-bogaz-gol, Turkmenistan


進入裏海（Caspian Sea）上空，全世界最大湖泊


航程尚餘約六小時，機上逐漸亮燈；以爲係走一轉 snacks，但見到兩條走廊餐車推出，配合熱餐的香味，即係代表就快有飯食


主菜同樣有一中、一西供選擇，今餐同樣選了中式，係黑醋汁豬肉配蛋炒飯，配水果粒、麵包連牛油、朱古力蛋糕甜品；同第一餐相比，少了獨立的前菜 / 沙律


份豬肉係先油炸再淋汁，類似咕嚕肉的做法但醬汁甜酸度無咁高，幾啱我口味，但機上翻熱，難免令外皮變得軟爛，全餐食落味道好接近喺香港食兩餸飯外賣 XD；塊蛋糕完全唔鬆軟，估計係磅蛋糕的整法，大約係一啲不知名西餅店的出品，喺香港我應該唔會主動比錢買嚟食的質素，而且底部嘅 custard 醬比得太少

本身餐牌上寫晚餐，我會以爲係臨降落前（英國時間黃昏 6-7 點）派第二餐，切合夜晚 8 點的降落時間；但今程機上似係依香港時間派餐，不利乘客調節生理時鐘
此外，第一餐係由經濟艙前排開始派，而第二餐改由尾排開始，避免有乘客兩餐都未能選擇心儀菜品，有作週詳考慮～


收餐時要了港式奶茶及 Baileys on ice（未有入鏡），要待空少返入 galley 準備


到達裏海對岸，此處為阿塞拜疆 Bilgah，位於首都巴庫（Baku）所在的 Absheron Peninsula 北岸；可以看見天色漸暗


由左至右（東至西）：Lake Mirzaladi, Lake Masazir, Jeyranbatan Reservoir, Qumyataq Golu


機外夕陽，反射入機艙內


進入高加索山脈地帶，Mount Bazarduzu 一帶


雪山景加上夕陽，好容易影到 wallpaper 取材


格魯吉亞境內，實際位置不詳


土耳其東部山區，約為 Kackar Mountains National Park


黑海沿岸城市 Samsun 南方


之後稍作休息，醒來時已橫渡黑海，進入歐洲；遠方燈光來自保加利亞 Varna，座落於黑海西岸側


進入東歐後，窗外基本上係全黑，我亦不敵睡意昏迷（即係返到英國之後，時差有排搞，gg）；再次甦醒時，去到比利時首都布魯塞爾附近
（攢文時補充：已經有計劃今個月有個 trip 去 Brussels，屆時可再作分享）


離開歐洲大陸，飛入北海，代表終點在望


降落時前方公共螢幕播放 A350 tail camera 實時影像，解像度不算高


全程飛行路線：國泰航空並不在制裁之列，理應可使用俄羅斯空域（同公司往返美國、加拿大東岸之航班，現時確有取道西伯利亞），但 CX 所有歐洲航班一概避開俄國領空不入，改經新疆、中亞、高加索、土耳其，再飛越黑海進歐洲


East London 夜色，窗口右邊隱約見到 London City Airport 一排客機


CX A350 premium econ 為 2-4-2 排列（不久前分享過 Lufthansa 及 SWISS 的長途 PEY，而 CX 倫敦直航香港的 PEY，價錢明顯高一截）


business class 採用 1-2-1 反魚骨式座位；CX 並未有在旗下 A350 裝設 first class，business 已屬最高艙等


按：攢文之時（6 月初）已進入夏季時間表，CX 253/4 已改用四艙等之 777-300 ER（77A）執飛，為倫敦航線繼 CX 251/2 後，第二對提供頭等服務之航班；不過對經濟艙而言，座位數減少、舒適性向下，如果我今個夏天要搭 CX 飛 LHR，應該會選擇上午出發的 CX 257/239，繼續有 A350。

- comments -

近幾年定期往返倫敦 - 香港，價格合理的前提下，都搭過好幾家航空公司；平心而論，就算平時點樣鬧因航管理不善、國際排名節節下跌（雖然近一兩年有所逆轉），但 LHR - HKG 而言，CX 服務上一定完勝某幾家 cut-cost cut 到傻的歐洲航空公司，航班時間選擇亦有頗大彈性；同中東三寶相比，我亦唔見得有任何明顯落差（當然，如果價錢唔係 concern，我應該會想搭 KE、JL、SQ 等

時有聽聞國泰長途機經濟艙 catering，做得最好係杯麵同 H 字頭雪糕，香港國泰空廚一貫的質素，相信大家有目共賭；同外站出發的餐點相比，今次回程見到 ex-HKG 的 catering 有增添一點香港特色，係一個唔錯的開始

好多人都飛歐洲都會首選 red-eye，上機瞓一覺、第二朝到步可馬上開始行程；可能我係一個例外，特別係由香港回程返回英國，我反而唔係咁鍾意 red-eye，覺得全程 10 幾個鐘機程處於黑暗當中，相當壓抑，亦浪費了行程中的壯麗景色；耐何香港出發，好多時根本無得揀，而家 CX 飛 LHR，係唯一有日間班機的歐洲直航航線；疫情錢做日航班次嘅，Austrian 香港線已摺，KLM 就改咗做 red-eye（如果唔搭 CX，次選應該會係 red-eye 飛 DXB / DOH，然後駁朝早機飛 London）；反而由大陸（PVG, PEK 等）或日本、韓國飛歐洲，尚有不少日間航班。今次可以見到裏海、高加索山等地貌，係相當滿足，如果搭 red-eye 基本上唔會睇到；不過就算漏咗冬天較早日落， CX 253 最後幾個鐘都喺日落之後（如果係搭較早的 CX 257/239，或者夏天飛 CX 253，就可以解決此問題，有更多時間在日光之中）。

appendix:
CX 239 / 253
HKG > LHR
economy class menu (as of March 2025)


過往飛行報告：
2025.02 [重遇因航] CX A359: London/Heathrow > HKG

2025.01 [初嚐 C Series] SWISS B77W PEY + BCS1: HKG - Zurich - London/LCY
2025.01 [謝主隆恩] JAL B788 J: Tokyo/Narita > Taipei/Taoyuan
2024.12 [提前送殯] Lufthansa A21N + A346 PEY: London/LHR - Frankfurt - HKG

2024.06 [IFE 有彩蛋] Aegean A321neo: Athens > London/LHR
2024.06 [藍白色調] Aegean A321neo + Olympic Air ATR72: London/LHR > Athens > Santorini
2023.12 [冬日冰河] BA Cityflyer E190: London/City - Zurich

2023.09 [中東沙漠] Qatar Airways B77W: Hong Kong - Doha - London/Heathrow
2023.08 [Where Dreams are Destroyed] Korean Air B777: HKG - Seoul/Incheon
2023.07 [畢業旅行：日系情懷] ANA Hong Kong - Tokyo Narita/Haneda
2023.07 [夢幻破滅] Qatar Airways: London Gatwick - Doha - Hong Kong

2023.01 [飛越絲路] Finnair A359: Hong Kong - Helsinki - London
2022.12 [First LCC] HK Express HKG - Fukuoka: A321/A320neo
2022.12 [北方雪國] Finnair A320 +A359: London/Heathrow - Helsinki - Hong Kong

2022.09 [Missed Connection] Lufthansa A320neo FRA - LHR
2022.09 [逃不過 Delay] Lufthansa: A343 HKG - FRA
2022.07 [回港之路] Lufthansa FRA - HKG + 我在法蘭克福的17小時
2022.07 [典型歐洲] Lufthansa A320neo: LHR - FRA

2021.08 [Under Covid] British Airways 77W: HKG > LHR

錯重點: A12 在市區己被後車追至 12 分鐘後, 機場被追至 2-3 分鐘後, 較大機會係前車慢駛問題吧, 呢個情況偶有出現, 趕飛機/開工搭中真係預算盡失, 深感無奈...

遲少少我update下flight report，因航ex-HKG嘅J餐玩到食物中毒，單野仲未玩完

可能空姐空少想乘客們快速進入夢鄉，唔好㩒 service light 提出要求，所以要求窗口位乘客拉低遮光板；以大半程機都喺日間而言，極之掃興

記得樓主講過偏好坐 787，會唔會就係因為呢個原因？

太古仍是CX大股東, 香港出發提供 Bonaqua 水好理所當然

clivetock 發表於 2025-6-8 22:05
記得樓主講過偏好坐 787，會唔會就係因為呢個原因？

的確有一部份係因為電子窗，類似情況我可以較去 3-4 度深，睇到窗外風景同時亦唔會太刺眼

當然前提係機組人員無走去鎖死窗戶，但感覺亞洲航空公司（中國大陸除外）比較少咁做；可能 787 我之前淨係搭過 JAL 同 ANA，都無鎖窗，乘搭體驗係非常好，但觀乎其他國家嘅 787，都未必夠全面

MH4138 發表於 2025-6-8 21:34
錯重點: A12 在市區己被後車追至 12 分鐘後, 機場被追至 2-3 分鐘後, 較大機會係前車慢駛問題吧, 呢個情況 ...

本身當其時 A12 開 20 分鐘一班，到站前車慢咗 3-4 分鐘，後車快咗 4-5 分鐘；去到機場時（由我上車起計）再快多接近 10 分鐘，所以先追到咁近

我唔清楚前車司機有無碌車，定純粹多人上落、多行李搬上車導致延誤；我只可以講我搭後車，車上乘客唔多，印象中好多平時會有上落嘅大站（康怡廣場、青嶼幹），當日可以直接飛走（都可能係因為淡季 + 非航班班繁忙時間），可以一路順燈通過，因此車程快咗唔少

另一個 concern 會係我班車開快咗，可能有乘客錯過班次，要等 20-30 分鐘搭再下一班

limited 發表於 2025-6-9 14:00
太古仍是CX大股東, 香港出發提供 Bonaqua 水好理所當然

香港水已經好彩，Pre-2020前係珠海水

JL ex-HKG-LHR J 好多時做到 HK$25k，其實好抵搭