有關港府係今次泰國局勢動盪時既反應.........

原帖由 053h4 於 2008-12-6 02:17 發表


不過, 所織的人, 移左民真係無奈先番香港
做夠就番加拿大退休

香港巳經唔同左, 以前係政府係最後backup, 佢強化整個整度, 防止整個社會出事
雖則英式管商勾結, 但英國財團近二十年無優勢, 華人財團都可以上位
一 ...

其實回歸以來, 都係10年多dd, 以本身香港的多項制度睇, 包括法律制度, 金融制度,
變化唔算大......以政府, 除左新請的助理, 好多官員, 及大部分公務員, 都係港英時代
開始服務香港, 佢地都係同一班人....(包括曾特首)

英國管治時代, 唔係無問題, 試過暴動, 大型示威, 一樣係經濟為主去解決好多問題....
我見唔到管治上真係好大改變.....(就主題事件, 英國都無包機la)

但香港變左, 某程度係香港人要求多左(唔係唔好)....更政治性....以前都會講民主,
但依家講更多....以前社會有問題, d人唔會將問題link 去港督唔係普選產生....但
依家, 好多人好似覺得普選就可解決所有問題.....結果一個唔係普選出黎的政府,
本身就係問題.... 加上97金融風暴...之前sars, 令有d人一早已對政府失去信心....
慢慢去到心態係, 政府做咩都係錯...好似之前呢度有人覺得請太空人都係錯......
加上傳媒, 政客推波助瀾.... 現在政府無錯變有錯, 小錯變大錯, 大錯變大錯特錯....
比董生年代更嚴重

結果政府同市民關係, 只係越來越大問題...但試諗下, 決策的都係香港人黎wor,  係唔係
因為香港人本身的分歧更大呢, 好複雜的問題呢.....

[ 本帖最後由 3ASV196 於 2008-12-6 09:57 編輯 ]

原帖由 053h4 於 2008-12-6 10:30 發表


以前港英, 係無民主選舉, 但係咨詢格構往往係政策關鍵
任何措施都有咨詢, 實際政府係同咨詢不遠

防止出現如80年代如的士大規模罷駛的事件發生
所以, 宏觀政策層面上, 港英政府係維持其公正性

而家, 真係咨詢結果 ...

或者就真係要睇下管治者有冇「心肝」喇～

以前港英政府，係真心也好，為社會穩定自己利益也好，為留個好印象籠絡民心也好，
市民眼見到的係政府雖未必民主，但肯聽意見，而且市民睇到政府今天的決定係為將來更美好的生活鋪路。

玫瑰園工程，又填海又開山，工程浩大比中環灣仔繞道有過之而無不及，中華白海豚也受影響，
但有無人大力反對？反對到政府縮沙？
赤鱲角曾短暫停工掘文物，除此之外工程尚算順利，整個項目更成為世界傳頌的奇蹟。
填海後造成的屏風樓，係地產商（或官商勾結）的問題，而且已經係回歸後，「港督一聲拜拜遠去這都市」。

而且我有理由相信，假如中環灣仔繞道工程由英政府操刀，
一天星皇后至少體面地保留，即使建新碼頭亦唔會整件假古董；
二會擺出願意聽意見的姿態，不會搞到強行清場；
三會先試下搞道路收費。
不過當然只係諗下，可能英政府的做法同曾生一樣，但公關包裝會好好多。

而家呢個政府，
一錯係「強政」政策未有社會共識便推行，
再錯係「勵治」總之我一定啱，
三錯係「龜縮」見唔對路先至縮沙。

原帖由 053h4 於 2008-12-6 02:21 發表


我識人在旅行社做會計
據了解就唔係咁無情講啦, 酒店會罰旅行社錢

機票, 亦唔係無得cancel, 當然, 如果專做旅行團, 唔買散票, 情況有少少分別

除左特殊情況外,旅行社訂左房訂左位仲可以話cut就cut,我真係第一次聽
平日仲有得講,旺季就一定冇可能退
大家都係搵$,邊個得閒同你講情?

[ 本帖最後由 gn3509 於 2008-12-6 12:00 編輯 ]

原帖由 053h4 於 2008-12-6 02:19 發表


問題係, 如果去改團唔成功, 旅行業界又話無問題呢?
唔出事, 就大派定心丸, 出左事就係付全部責任

政府唔需要負全責, 但點睇都唔係全無責任

問題係大多數旅行社都冇話唔比改團,轉團,退團
而且人地亦冇話過100%安全
唔好將少數旅行社既作為放大到全個業界

[ 本帖最後由 gn3509 於 2008-12-6 11:37 編輯 ]

原帖由 3ASV196 於 2008-12-6 09:54 發表
其實回歸以來, 都係10年多dd, 以本身香港的多項制度睇, 包括法律制度, 金融制度,
變化唔算大......以政府, 除左新請的助理, 好多官員, 及大部分公務員, 都係港英時代
開始服務香港, 佢地都係同一班人....(包括曾 ...

其實最大問題反而是政府本身給一般巿民的感覺就是官商勾結，親（商家）疏（巿
民）有別，社會缺乏公義；政策上往往又不能回應巿民的訴求。其他國家的政府，
就算玩官商勾結，至少都會擺一副goodwill。香港？擺明就是視民意如浮雲，我們身
為巿民的感覺就是，整個社會官同有錢人大晒，做牛做馬做一世都無法改變現狀，
無法達致公平（對低下階層而言，更是無法改善生活），香港變成一個沒有希望的地方。

沒錯，巿民的要求是多了，不過這些要求都是合理的要求。我相信一個有智慧的政府，
此時此刻，應該先搞好醫療、教育、社會福利，保障一眾巿民的生活質素，而不是走去
搞咩港珠澳大橋、國情教育之類。

[ 本帖最後由 S3BL100 於 2008-12-6 15:44 編輯 ]

原帖由 053h4 於 2008-12-6 10:30 發表


以前港英, 係無民主選舉, 但係咨詢格構往往係政策關鍵
任何措施都有咨詢, 實際政府係同咨詢不遠

防止出現如80年代如的士大規模罷駛的事件發生
所以, 宏觀政策層面上, 港英政府係維持其公正性

而家, 真係咨詢結果 ...

其實我窄D睇, 以我熟d的一樣, town planning 睇....好似填海,
以前其實更無咨詢, 不過只是當年更無人理....而依家出現的
天星皇后事件, 全部都係港英政府決定及規劃.....但年代唔同左,
以前政府唔需要考慮的問題, 依家政府就要考慮了...當處理得唔好,
又變成一大問題......

另外又好似屏風樓.......其實相對以前, 規劃上的咨詢比以前多左好多...
好似啟德....比著以前一早填晒起埋樓.....

這是我講市民多左要求的其中一項.....

不過以前政府係比較"小政府"心態, 唔同依家比較"強政"...呢個係我睇到最大分別....

原帖由 S3BL100 於 2008-12-6 15:35 發表

沒錯，巿民的要求是多了，不過這些要求都是合理的要求。我相信一個有智慧的政府，
此時此刻，應該先搞好醫療、教育、社會福利，保障一眾巿民的生活質素，而不是走去
搞咩港珠澳大橋、國情教育之類

講真, 有時好矛盾....係低稅制下, 香港一直以來都比世界好多地方少福利.....而香港主要
收入來源係地價...(外國d稅可以重好多wor)

但好可惜, 近年好多市民都唔想起新樓, d 地積比率不斷降低, 又無得再點填海, d新地都變公園..
地價收入減少緊, 但更加唔可以加稅, ..而市民不斷要求福利, 醫療資助等增加.....仲面對人口老化...

無錯, 呢d可以係合理要求, 但如果你係政府, 你可以係邊度變d 錢出黎? 用儲備? 其實要特首
派錢好易...生果金加更多都可以, 假設唔理將來....

香港一直可以做, 係設立綜援的保護網, 但要再提升平均生活質素..真係比較難...

另外港珠澳大橋....係為將來珠江三角洲的合作, 等香港唔會邊緣化, 保持日後商機...可以講對
長遠發展好重要.....香港始終係商業為主社會(香港的確去唔返以前工廠年代, ), 政府可能俾人
感覺係幫商人...但如果d商人都唔掂, 唔見得整體香港會ok.....而且起大橋可增加就業

有d 人成日話澳門好, 但香港又可唔可開賭業去賺$$? 又可唔可以立23條?
其實澳門自己本身都有自己的問題吧.....

依家香港人的要求就係咁, 唔俾填海, 唔俾高樓, 唔俾大橋, 唔俾賭博業, 又唔俾收得多$$,
但就要福利, 要保障, 要就業, 要好環境, 要民主..... 真係神仙都難變.....

政府無錯可以做得更好...不過要求都要睇下實際....

[ 本帖最後由 3ASV196 於 2008-12-6 22:40 編輯 ]

原帖由 3ASV196 於 2008-12-6 20:49 發表


其實我窄D睇, 以我熟d的一樣, town planning 睇....好似填海,
以前其實更無咨詢, 不過只是當年更無人理....而依家出現的
天星皇后事件, 全部都係港英政府決定及規劃.....但年代唔同左,
以前政府唔需要考慮的問題, ...

認同......
大家睇下個天水圍係邊個規劃出來的......似乎d人以為個規劃得咁差的市鎮係特區政府係10年內爆出來的

我都認同港英做事未必民主過特區.甚至更強權
不過人地擺明車馬話你知係強權,成個立法局都成班死鬼佬,局長全都係死鬼佬,
港督府入面個死鬼佬同埋對面海白金漢宮入面個事頭婆話晒事架喇.
咁話明係強權,冇得頃就冇得頃,有性格.  咁香港人都慣左

家下最慘個死人政府,又要扮親民扮民主,但佢一樣係一言堂,意見接受態度照舊.
佢成日爆出來的"資詢"根本唔係諮詢你,係通知你.下下玩假民主香港人唔冇癮就奇啦
其實中央果邊已表面上攪少左好多野.(係表面上)
佢睇住你班香港人,佢唔插手你地都鬼打鬼,個死人政府自己都做到立立亂.等你班友仲有冇得中央干預(拿.我比你地自由發揮,係你地自己攪唔掂)
香港住緊港督府入面個隻鴨又係衰,佢唔係做唔到野,佢係人地冇叫佢佢自己掛住刷鞋出賣晒班香港人.(記住係呀爺冇叫佢刷,係你自己飛埋來刷)

咁多原因加埋就做成左我地今日個不知所謂的香港喇.
我自己都係港英時代的產品,我都崇洋.我更加唔撐中央
但平心而論英國佬並唔係做得特別好,佢冇特別愛民同民主
係衰在現在的政府越來越忘本.唔記得左自己的任務係刷鞋定係做好本地的本份.