新發展區的巴士路線配套問題

原帖由 eric278 於 2010-8-20 01:14 發表

這點可以看到主管運輸政策的官員，缺乏親自落區實地視察的經驗。
但單憑小弟的個人力量實在很弱，唯有靠當區的區議員或立法會議員協助爭取。

個人認為，立法會10月復會後，議員有需要在專責交通運輸的委員會中，提出要求運輸 ...

官員就算有親身經驗, 但礙於要執行政策, 未必能經常破格放水。
議員是靠不住的, 尤其是區議員, 因為他們目光只會放在自己小區的利益上, 甚至是放在自己的政績上, 所以他們不會提議或贊同任何削減服務的建議, 即使這些提議是對小區有利的。他們追求的不是整個區域的運輸供求平衡, 所以他們對當局的指控必定會以自身利益為依歸。
層次再高d o既立法會, 議員又對公交路線有幾熟悉? 能否舉得出有力o既例子質詢政府? 如果大家有睇5月尾交通同環境委員會o既聯合會議紀錄, 議員提出無非都係要求提供轉乘優惠同替代服務等o既大路意見, 跳不出區議員思維, 無乜驚喜。
我無意批判議員, 始終佢地都係做緊能力同責任範圍內o既事, 只係想指出, 要追求合理o既交通安排, 要改變政策, 議員未必幫到手, 都係要靠自己。

原帖由 leochill 於 2010-8-20 09:59 發表
我無意批判議員, 始終佢地都係做緊能力同責任範圍內o既事, 只係想指出, 要追求合理o既交通安排, 要改變政策, 議員未必幫到手, 都係要靠自己。

自從政府提出要拆卸尖沙咀碼頭總站之後,
就出現左尖碼之聲,
做落幾年再加上傳媒幫手宣傳,
都叫做有返咁上下知名度.

其實有冇可能照辦煮碗,
由一班巴士迷組織一個叫做「公共巴士服務關注組」之類的團體,
以巴士迷獨有的知識, 以及人際網絡關係等,
專門監察香港的公共巴士服務呢?

如果曝光多左, 又有其他合嘴型的政客支援的話,
呢個組織做到的事情,
可能比傳統的監察組織領袖如蔡耀昌或鄭家富更好.

原帖由 bustop 於 2010-8-20 10:20 發表



自從政府提出要拆卸尖沙咀碼頭總站之後,
就出現左尖碼之聲,
做落幾年再加上傳媒幫手宣傳,
都叫做有返咁上下知名度.

其實有冇可能照辦煮碗,
由一班巴士迷組織一個叫做「公共巴士服務關注組」之類的團體,
以巴士迷 ...

這個組織已經早於2006年存在，名字叫「公共交通關注關盟」。

原帖由 eric278 於 2010-8-20 11:49 發表

這個組織已經早於2006年存在，名字叫「公共交通關注關盟」。

多謝你介紹。
不過如果係有心人, 各有自己焦點, 各自努力, 多幾個渠道發聲亦無不可。

原帖由 cong 於 2010-8-20 18:17 發表
其實當年應該用 7 延長食 3, 咁就冇咁多問題喇.....

9 唔入旺角同 7 重疊又未必夠客, 真係咪搞.....

不過7上到去樂富
但3就只係經美東邨去黃大仙
7又可以點平衡兩者呢?
唔通要經鳳舞街落番東頭村道?!

而且7延長去鑽石山的話,路途都唔短
所以九巴先冇諗到用7延長去代替3

原帖由 cong 於 2010-8-20 18:29 發表


秀茂坪係比較特別, 可以俾九記用將軍澳線加強服務屈機......

問題係九巴呢堆將軍澳線越多人搭就越減班。

補充一句：271 由來係同當區區議員有關，富亨由開選區以來就由一位教書先生做區議員到2003, 佢叫張榮輝，當年佢好威架，係大埔票王，佢係富亨贏到開巷，尖咀線嘅建議都係由佢提出，原本九巴都以尖咀無總站為由拒絕，佢就由未開線爭取到個建議（咁又係嘅，91 年開線出中環都仲無車去尖咀，真係有d 講唔通），以兩味線為基礎，呢個時候佢已經做左好多野，再幫九巴物色埋適合地點（原本兩味線係無總站，南行以類似新西晨特咁，落完客就走；下味就以半島旁邊作為起點站），所以271 個總站用廣東道同埋係獨一無二，無同其他線共站攞

同果個年代相比，271 開線可謂要風得風，當年鐵路網薄弱，系統已經「到頂」，唔能夠再向上加，否則搵日同你停機檢察，香港都唔知唔見幾多$, 所以巴士公司只要計過數有數為就去馬開車，點同今日呀

新邨問題呢，嗯，只可以講話新邨嘅地理位置經過精心設計，免去以往需要爭取行人道嘅問題，我睇三彩，以政府原意係希望鐵路就九龍灣站，如果要巴士，可以行之後再繼續起嘅通路去彩雲新清，但當然，咁梗係有問題啦，四順出車，一直以來26, 27 足以飽和客量，加入左宿舍、新學校，已經經常接投訴，而家三彩都旨意26, 27, 咁就真係精彩

咁樣嘅話，我建議，26 號繞入三彩、淘汰後方（彩霞道）、經牛頭角道天橋、啟祥道直殺入機隧，不經土瓜灣，南行不經紅磡曲街，優膀之處在於，四順街坊、彩雲得享往佐敦、尖沙咀服務，而三彩（唔止，連彩霞係四彩）可以有點到點往南九龍嘅服務
問題，要解決嘅係四順街坊欠直車往土瓜灣、紅磡，解決方法，延長21 號往順天邨，反正21 號行內街，服務更加方便

設計念頭來源：其實我認為以四順的兩大重要服務，一者為過海線619, 另一者為尖咀線26 號，619 號可以透過振華道落山，而26 號卻基於第一代設計所限不能夠透過振華道落山，令樂華居民反而要透過28 或邨外的13X 往尖沙咀，這反映四順服務有潛力利用機隧設計特快服務，只是這樣設計會令彩雲邨失去服務，既然如此，現在三彩已經「開山」，何樂而不為？