玩命碌齡 巨水樽撼巴士 炮台山長命斜頑童闖禍

其實校方話兩枝水嘅出發點，都係想維護自己校譽姐。
而且人地警方又相信呢四個學生，校方好難講咩嘅。
但係個方式似乎錯左，聽落似係大愚若智多啲。
呢班學生某程度上比巴敗更惡劣，天理不容！
個班在場警察又係嘅，見到班學生若無其事，乘客同車長群情激憤，竟然重相信呢班學生嘅大話。
點解香港人啲公德心開始減少？係咪畀破壞香港環境嘅蝗蟲傳染哂？
竟然連九十後都係咁…豈有此理！

btw 睇黎要去超市買定n包萬里望先得啦
唔知呢四個小朋友會唔會畀人起底呢

原帖由 kei_hk 於 2011-4-13 11:59 發表

班學生同警察講唔小心﹐而到場處理的警察都相信班學生唔小心的時間﹐試問學校負責人回應新聞界﹐應該信在場處理的警察定係信在場路人?

為了回應新聞界就可以事非不分？我覺得有呢個諗法係好唔要得囉

原帖由 lazyinhk 於 2011-4-13 09:40 PM 發表
為了回應新聞界就可以事非不分？我覺得有呢個諗法係好唔要得囉

你這一句你係質疑在埸處理的警察決定?

你覺得純粹在場警察想大事化小﹐回應新聞界便認同他們是不小心﹐我看你是質疑警察的辦事能力了。


前文我已講﹐也有版友所認同﹐當警察都認同是「不小心」﹐校方又可以做什麼? 又點可能當他們有心有意去做破壞

原帖由 kei_hk 於 2011-4-13 21:48 發表


你這一句你係質疑在埸處理的警察決定?

你覺得純粹在場警察想大事化小﹐回應新聞界便認同他們是不小心﹐我看你是質疑警察的辦事能力了。


前文我已講﹐也有版友所認同﹐當警察都認同是「不小心」﹐校方又可以做什麼? 又點可 ...

咁前文亦都有人講過,
唔小心跌個花樽落街整親人,
咁係咪可以大事化小?

校方連紀律處分4隻字都唔想提,
咁我覺得係應該要問校方有冇打算過做乜野囉~

原帖由 流星☆雨 於 2011-4-13 21:34 發表
其實校方話兩枝水嘅出發點，都係想維護自己校譽姐。
而且人地警方又相信呢四個學生，校方好難講咩嘅。
但係個方式似乎錯左，聽落似係大愚若智多啲。
呢班學生某程度上比巴敗更惡劣，天理不容！
個班在場警察又係嘅，見到班學 ...

'

有D野我覺得唔關蝗蟲事,
根本香港人本身比以前冇責任心係一件事,
永遠遇到D自己唔如意既事就總覺得係人地錯,
而唔諗下究竟自己係咪都有責任,
D新一代驕生慣養左,更加咁解

利益申報:小弟為肇事學校上年度中五畢業生

先講講小弟去年仍然在高中時F.1/2學生既表現,
佢地不時都係食飯時間係校園褢面周圍亂咁跑,
又大聲叫喊,
小弟覺得佢地紀律的確麻麻,但係回想番自己F.1果又陣係學校D表現咪又係咁....
訓導老師經常提到,
「係校外請注意紀律,你地著住校服,代表住學校,做繄D咩都會有人留意到」

講番件事,
究竟個水樽係咪真係無意踢到定係有心去踢就真係佢地/目擊者先知
如果真係有心去踢就真係要負全責,
因為佢地的確影響到人,
無意踢到既話,
就應該睇路啦

總之,
班學生點都係要負起最大責任,
而學校就做番好品德教育,講番守紀律既重要性

ps.班學生一定走唔甩要罰抄《朱子治家格言》

原帖由 流星☆雨 於 2011-4-13 21:34 發表
其實校方話兩枝水嘅出發點，都係想維護自己校譽姐。
而且人地警方又相信呢四個學生，校方好難講咩嘅。
但係個方式似乎錯左，聽落似係大愚若智多啲。
呢班學生某程度上比巴敗更惡劣，天理不容！
個班在場警察又係嘅，見到班學 ...

講真,
就算差佬唔信都好,
冇人願意企出黎證明果桶水係因為班細路貪玩而做成今次意外既話,
警察亦都好難做野,
所以部份事後孔明既人其實都有責任,
尤其係接受報紙訪問果位,
你有咁多時間同報紙佬講咁多野,
點解當時唔出黎指證果班細路?

佢地差唔差得過巴敗我唔講啦,
始終大家係兩種野,
但係學校維護自己名聲亦間接縱容左呢班學生囉~

炮台山道出名鈄(1:8), 上少少金文泰出面個巴士站更是必停站,
等巴士可以停一停, 唔會一氣衝落去電車路
可想而知如果真的有重物/車衝落來後果有幾嚴重
班學生真的唔識個死字點寫...

今次事件係11點發生, 遲少少幼稚園就放學,
好多小朋友會行落去或者在幼稚園出面個巴士站等車
小朋友身型較細小, 比水樽撞到就真的好傷, 分分鐘連人帶樽碌落山
今次都算是不幸中的大幸

ps 寶馬山同勵德班乘客真的多得班乘客唔少, 上址係有雙白線,
架車出事泊在路面, 後面d車過唔到頭, 當時27/529/25C/41A可能斷欖

最大問題係警察身為法定既執法人員, 竟然縱容搞事者, 變相認同或助長歪風, 即使學校點教都冇用, 班學生切切實實咁體驗到做錯事唔洗負責, 相信佢地大個左亦都會覺得就算唔小心手抽筋殺左人都係冇問題既, 咁先係問題!

蘋果篇報道本身就好有問題。

「頑皮」、「90 後」、「長命斜當碌齡場」、「玩得興起」、「歡天喜地離開現場」，
全部都已有明顯立場，亦有意將預設立場植入報道。

記者不在場，所有野都只係聽返黎，
但一開始已將故事踢樽當作事實報道，令大家否定學生係無辜既，
繼而引導讀者認為警方同學校處事不公。
作為新聞報道，帶有咁多感情色彩既字眼，根本毫不中立。

我唔知道事實係點，
但係蘋果呢一種一貫報道手法實在令人作嘔，
亦明顯不斷侵蝕大眾分析事件既能力。