列車車頭有沒有逃生門與前九鐵、前地鐵和港鐵之間的關係

真係唔明點解會有人咁堅持, 係都要話地鐵個套車頭車尾疏散的方法較佳......
根本就事實擺在眼前!

西鐵於隧道兩側的緊急逃生通道, 設計上係完全為乘客而設, 這是它的首要功用, 通道基本上是完全平坦, 沒有障礙物, 而且有相當闊度, 單行走動完全唔需要擔心會跌落路軌.

有人話路軌係可供人行走的地方.
但問題係, 佢並唔係完全為乘客逃生而設計的, 用作逃生並非其根本任務, 加上路軌上有各式線路及儀器, 稍一不慎便有機會跌倒.

又有人話當全部人都要靠這一條單排的路去疏散﹐便會有塞人的情況﹐影響大家去安全地方的步伐.
難道地鐵個套頭尾疏散法就唔會塞人? 一樣會塞人! 不過係塞係車廂入面咁解囉......

又有人話, 路軌的2則及中間﹐可一排3人行﹐對於疏散到安全地方會較有效率.
究竟路軌兩側係咪真係有咁上下闊度比人通過? 如果有, 咁地鐵點解唔整逃生通道呢?
如果無, 咁即係某人的說法根本有錯誤. 到頭來, 咪又係只得路軌中央部分容許一人通行......

咁閣下冇有試過火警演習(行樓梯)俾人地(身型高大兼心急果隻)從後一腳跌落樓梯跟往做成前面"人疊人"情況?
仲有老人家自己落樓梯好容易跌親, 邊似走鈄路咁平穩呀?
萬一有佢地(心急人)響現場搞到"人疊人"趴/跌晒"響"條逃生梯度, 就真係塞死成條路

出左黎社會做野就知, 有人恃著自己後生兼身形健碩係咁橫衝直撞(就算有班老人家阻著佢都唔理)

原帖由 tvcc 於 2011-10-26 14:03 發表
咁閣下冇有試過火警演習(行樓梯)俾人地(身型高大兼心急果隻)從後一腳跌落樓梯跟往做成前面"人疊人"情況?
仲有老人家自己落樓梯好容易跌親, 邊似走鈄路咁平穩呀?
萬一有佢地(心急人)響現場搞到"人疊人"趴/跌晒"響"條 ...

其實東鐵的由列車落路軌, 都係那幾級, 又有幾危險?

如果係咁, 全香港的高樓大廈的走火梯咪好危險?
依家樓宇走火梯要求係最多一次16級wor...2.8m高,
而列車到地面都是1m多...

如果真係要撞到跌晒變成"人疊人", 平路/斜路一樣可以,
那多年前香港出現"人疊人"的蘭桂坊事件, 都係斜路...
如果你行過地鐵的斜路緊急出口, 其實都知條路唔係
十分平穩, 行得快d, 重d, 會上下搖下搖下ga bor, 斜度
亦唔少...對老人家一樣都可以係危險

我唔係話樓梯係絕對安全, 但如果咁講, 反而是西馬鐵
的2邊走火最好, 因為條逃走通道與列車平台是最接近

而係緊急情況, 本身就係危險的, 無論大肚女士, 老人家,
或傷健人士, 行動唔太好的人, 一定會比較危險, 平路都
可以係的, 所以如果作為年青人, 行動快速的, 更應該去
照顧不同人士, 呢d係教育問題了...

[ 本帖最後由 3ASV196 於 2011-10-26 16:42 編輯 ]

原帖由 tvcc 於 2011-10-26 14:03 發表
咁閣下冇有試過火警演習(行樓梯)俾人地(身型高大兼心急果隻)從後一腳跌落樓梯跟往做成前面"人疊人"情況?
仲有老人家自己落樓梯好容易跌親, 邊似走鈄路咁平穩呀?
萬一有佢地(心急人)響現場搞到"人疊人"趴/跌晒"響"條 ...

兄台, 你睇晒成個主題先啦......

係第5頁, 有站友張貼相片, 顯示西鐵的逃生通道實況,
乘客係可以由車廂直接步出緊急通道, 就好似平時出入月台咁,
請問邊度有樓梯呀?

原帖由 AVW56 於 2011-10-26 21:48 發表


兄台, 你睇晒成個主題先啦......

係第5頁, 有站友張貼相片, 顯示西鐵的逃生通道實況,
乘客係可以由車廂直接步出緊急通道, 就好似平時出入月台咁,
請問邊度有樓梯呀? ...

西鐵和馬鐵的部分路段
都仍是需要使用車底的伸縮樓梯來逃生的
例如八鄉車廠及大老山公路的一段

仲有紅磡車站近電子工場果邊

原帖由 3ASV196 於 2011-10-26 00:07 發表


其實我一直都唔係話頭尾緊急出口唔好, 我覺得2款都OK, 只是不同意閣下將側門疏散,
多d煙到隧道, 講到咁大問題...

而濃煙我同你都同意係最危險的, 不過我認為係隧道無論係抽風, 空間, 耐火都一定比
列車好....而車內散唔到煙, 我始終不能同意咁做是合理.......d 煙係會越遠越淡, 隧道即
使可能係行的時間長d, 但當距離同空間越大, 再配合強大的通風, 影響根本會少好多,
相反, 你講到一開始就將d 煙同埋d 乘客困左係第一火警現場, 我真係不能想像wor,
咁反而真係影響d乘客離開更危險的車廂(正如我講, 頭尾緊急出口車, 都應開通風窗,
如果有煙), D 乘唔只會若吸多DD煙, 仲易焗死tim....

你講10min 疏散到, 但d 煙一定唔駛10min 已經成車係了......如果香港d 列車好似外國
咁, 或以前黃頭, 一卡卡獨立有門隔開, 我或會同意閣下說法, 將起火車卡隔起, D火同煙
走唔到, 而一卡車人數也有限, D乘客可以短時間疏散離開一卡車箱....但香港唔同,
8卡甚至更長的車卡是直通, 無阻隔的, 咁要成車人走晒, 情況就好唔同了...

當然隧道逃生係可以再改善的, 就是係隧道內開多一獨立通道, 好似行車隧道咁, 乘客
可以一離開車箱, 就好快行到去完全分隔的通道, 咁列車可以盡量排煙, 乘客行通道
走亦唔會再受火同煙的威脅....就唔會有人擔心之長時間問題...

以我所知, 如英法隧道就係咁設計ga la, 當然工程/空間上要更多.....

以車內著火的case，大家的分歧係在濃煙的處理方法，
隔一隔D濃煙等佢無咁易走入隧道（令未走的人員吸更多煙，但隧道的空氣相對清新），
同埋係儘快經隧道抽走濃煙也好（令尚在車上未入隧道的人員有較好的空氣，但會令隧道的空氣變差）。

黎到呢度，部份認同你所講，即使用兩端逃生，車內的乘客點都會開一開緊急通風窗透氣。呢方面係唔能夠亦唔應該阻止。
但無論如何，開緊急通風窗，排煙速度點都無開足一度門咁快，可以話兩個中間落墨的處理方法。
咁樣做排煙方向同起始逃走方向有異，亦都俾兩側逃生少佐段同煙一齊走的距離，己經幫倒D。
（雖則落佐車人員都要同煙一齊走，但煙點都少過開足整度門）

講佐咁耐都只係針對車內著火呢個例子。
但意外不會是單單只有一個可行性，就以著火為例，車外著火又如何？
用兩端車頭逃走，濃煙無咁快入到相對密閉的車廂。更可以做到乘客向一邊逃生，向另一邊抽走濃煙。乘客幾乎不受影響。
但兩側逃走，一落車就要硬食濃煙。
所以小弟前文係強調阻慢濃煙進入、離開車廂的流動。呢個係由車兩端逃生其中一個重要優點。

其他好處還包括減少高處墮下的風險（雖然行路軌有機會被絆倒。試諗下由高台跌落地下傷D，定係行平路俾野絆倒傷D？），
亦可採用較細的隧道截面。

至於車側疏散係咪咁大問題，過獎啦。兩者固然有比較，唔等於差D果種有好大問題。
唔同地方發生唔同事故，都唔會一面倒邊一方面好D。
你可能會問，可唔可以兩種都做哂？
做到當然最好，但大多數情況下，基於種種條件限制（主要係列車特性同地底空間），只可以侷揀一種。
通勤鐵路的列車，才有條件兩者二揀一。

你提到話好似英法隧道有獨立的通道，做到當然係好理想。
但睇深一層，獨立隧道係因應條海底隧道長五十幾公里，中間沒有合適的逃生點的折衷辦法。
以市內通勤鐵路站距近，地底空間狹窄，造獨立的逃生通道係脫離現實。
要改進的話，做獨立的抽風通道及加抽氣口，減少逃生同煙一齊走的距離，己經幫到唔少。

原帖由 tvcc 於 2011-10-26 23:30 發表
仲有紅磡車站近電子工場果邊

但係絕大部分路段, 包括隧道及高架橋, 都有與車廂地台高度相若的乘客緊急逃生通道

原帖由 s3n370 於 2011-10-25 12:53 發表
逃生不只是單單睇逃離車廂咁簡單，係要睇哂整個過程，點樣帶人去到一個真正安全的地方。
即使落佐車，仍未脫離危險都無用。
拎早幾個星期260X架燒車意外黎做例，唔係一腳踏佐落路面就算安全，至少都要行多幾步，等D火燒唔到你，又食唔到煙先叫安全掛？

整個過程係要睇晒
但係車頭車尾逃生，係比較可行？
真正快捷地帶人到安全的地方？

原帖由 s3n370 於 2011-10-25 12:53 發表
現時東西馬鐵的車輛均不能從兩側車頭逃生，設計路軌裝置時自然無需考慮乘客逃生問題。
假定若干年後東西馬鐵新車改用車頭逃生，呢方面的硬件就需要作重新規劃。

我同你講緊以家，你仲咩同我講「假定」「未來」？

原帖由 s3n370 於 2011-10-25 12:53 發表
虛位同整度車門比，整度車門的入煙速度點都快得多吧？

樓上有版友講
濃煙向上升，另外整度車門計
車頭車尾都算係整度車門，一樣入煙

原帖由 s3n370 於 2011-10-25 12:53 發表
你講呢個case，用兩邊車門逃生只會更大鑊。
因為一開兩側車門，濃煙就即時入到車廂。
相反，用兩側車頭逃生，近乎密閉的車廂仍可暫時阻隔車外的濃煙進入車廂。
再配合隧道的抽風系統，只要向逃生的相反方向抽煙，乘客基本上不會受濃煙影響。

濃煙一樣可以由虛位入
另外，用兩側車頭逃生，就一定唔係近乎密閉的車廂
絕對唔係「可暫時阻隔車外的濃煙進入車廂」
「配合隧道的抽風系統，只要向逃生的相反方向抽煙」
你思想太理想化吧？？

原帖由 s3n370 於 2011-10-25 12:53 發表
可以講兩種都唔係最佳選擇
除非別無選擇（e.g.架車郁都郁唔到），應該好似早幾年地鐵縱火單野咁，捱到金鐘站先俾客疏散。

可以講你呢句係無實質資訊，粗俗一點就是比較廢的話語
鬼唔知架車最好捱到番站
以家係講緊真係要用逃生通道，咁應該邊個方案最好
版友你講完六七版先話最好捱番站，咁我都知，唔駛你重覆。。
最佳選擇不如話唔好壞車，唔好冒煙，港鐵做好點維修，對嗎？！