我們未來的鐵路

本人綜合了各位的留言, 本人認為大家不應只看三條鐵路的任何一條鐵路的效益, 也應看如果三條鐵路共同興建的話, 達至的協同效益會有多大. 而且, 這三條鐵路都連接西鐵線, 西鐵線客量會增加, 而令加班加車卡的機會會增加.

還有, 大家也應留意洪水橋的發展及深圳甚至整個珠三角的客量對三條鐵路的影響.



本人就覺得三條鐵路都應該興建, 而且要同時興建, 細節如下:

北環線

此線應同時作為跨境及新發展之用, 不應只作其中一個用途, 而且此線應同時連接元朗及錦上路站, 以方便新界西居民跨境.

興建時, 可暫時不興建除古洞及新圍外其他的中途車站, 但應預留位置, 以便將來興建.

屯荃鐵路

車站及路線基本沒有大意見, 但此線不僅要連接西鐵線及輕鐵, 而且應連接至大圍站以接駁東鐵線. 除非沙田站能建地下車站, 否則本人不認為沙田站有足夠空間擴建.

港深西部快速鐵路

港深機場鐵路應分為緩線和快線. 緩線香港境內除洪水橋, 機場及東涌外, 應加停天水圍, 兆康, 屯門市中心及屯門南站, 車站位置和收費與西鐵線一樣, 列車就使用通勤列車. 快線就只停洪水橋, 機場及東涌, 使用類似現時機場快線的列車.


另外補充, 應盡快研究重新興建沙頭角鐵路連接北環線及東鐵線, 之前的討論詳情可看這裏.

[ 本帖最後由 hkth 於 2012-4-23 21:15 編輯 ]

其實大家係唔需要畀而家提出的方案束縛，更唔需要畀而家提出的三條線束縛，
最衰諮詢期咁短，否則如果可以先在網上集思廣益，然後再組織成正經的回應會更為有效。

屯荃鐵路一係唔好起，一起就唔好用發叔集團個方案起，太多彎喇。
目標係做到屯門最後一個站出荃灣約15分鐘，
大幅度快過西鐵，條線先會吸到客先會值得起。

屯門內定線我唔理，出到青公就黃金海岸一個站，掃管笏新發展區一個站，
跟住穿山直飛至深井海韻花園商場，再直飛至灣景，然後轉為中速，
荃灣西站匯西鐵，經關門口街至大窩口，再經上葵涌至大圍接馬鐵。

此線的營運模式要分開各停同快速，快速者可以係
...－黃金海岸－荃灣西－大窩口－上葵涌－大圍－第一城－恆安－馬鞍山－烏溪沙
或者如果用直流車，就可以停美林，再去沙田。
此線用交流車就可避免沙田區太多重覆建設，
同埋在隧道內可以飛快點（隧道切面大風阻小），目標係140-160km/h。

至於粉嶺北出市區的新南北線，過大埔後可於火炭北出山（地底或架空），
扭過東鐵沙田站，停大圍，跟住駁美孚落西九龍。
即係大圍會成為東鐵、沙屯線及新南北線交匯站，而沙田就新舊南北線停晒。
沙田市中心的城隧巴士就放一條生路，沙屯線唔駁落沙田站。

以上只係粗疏的策略性走線，未計施工難度及各鐵路線容納額外班次的能力。
北環線發大方案我要再諗諗。

錢呀～～～

[ 本帖最後由 DIH 於 2012-4-23 23:29 編輯 ]

各站友留意：

請保持客觀態度討論，並保持網絡禮儀。

admin75
板主－R1分板（香港鐵路）

原帖由 lrv1092 於 2012-4-23 15:19 發表




幾好喎,
用起北環線既機會黎補救西鐵既缺憾
元朗至天水圍, 無左屯門班客, 應該唔會迫...


我參考左你同其他板友意念, 再用小畫家整左張圖


...

我不認為荔景會有地方再起一個重鐵的交匯總站，果度D橋就黎打個死結都得，就算可以起都會離東涌/荃灣線好遠

可以考慮的交匯站只有葵芳(葵青劇場出面個公園/再遠D個迴旋處)/青衣(會駁唔返荃灣西)/美孚(會起得太長)

原帖由 straysheep123 於 23/4/2012 23:54 發表

我不認為荔景會有地方再起一個重鐵的交匯總站，果度D橋就黎打個死結都得，就算可以起都會離東涌/荃灣線好遠

佢九成九想用葵涌公園個預留位。

原帖由 238X 於 2012-4-24 00:16 發表


佢九成九想用葵涌公園個預留位。

果度距離荔景隔左成個MTL同葵涌道

仲邊係轉乘

原帖由 Kaix 於 2012-4-22 17:10 發表

沙田區包括馬鞍山, 在顯徑站啟用後, 將有8成人口在港鐵站10分鐘步程以內,
而且你所講的孤島區只係零星小區(廣源除外), 唔能夠單獨撐起一個巴士網絡, 結果並唔會太影響鐵路使用率

又係o個種某地區大帝們既雙重標準輸打嬴要

首先要知道，馬鐵一日仲係只得4卡到大圍，一日都只係同輕鐵一樣，都係區內接駁、穿梭角色，
但要比的話，可能輕鐵仲好D，一來輕鐵比馬鐵更深入社區，二來西輕鐵接駁，輕鐵一程免費，
但東馬鐵接駁，馬鐵一程未必免費(仲有少少腦的話就自己唸下點解咁講)

而閣下，計西鐵服務範圍，就只計西鐵站附近，要輕鐵接駁(免費)既地方唔計

計東鐵服務範圍，要馬鐵接駁(未必免費)既計，連起都未起既顯徑站都計

不過即使如此，都不過8成人在10分鐘步程內，唔知你呢所謂8成係點計出黎，更唔知計左黎緊既水泉澳、火炭北公屋未。唔知係乜？睇野啦，送多個欣安又點話

http://orientaldaily.on.cc/cnt/news/20091229/00176_011.html
http://the-sun.on.cc/cnt/news/20111014/00407_012.html
http://www.hkitalk.net/HKiTalk2/thread-580330-1-6.html
http://orientaldaily.on.cc/cnt/news/20120406/00196_001.html

要留意呢D都係公屋(反而鄰近鐵路站既地方又點呢？就起埋晒D咩名城、溱岸、御龍山、銀湖天峰......)，居民係冇得揀邊條村，住呢D孤島未必係佢地既意願，你可以話佢地冇本事買樓係抵死，但唔好講埋D咩「揀得黎住就即係接受冇得怨」呢D咁既風涼話，而且佢地都係真正需要方便公交既基層，但偏偏鐵路站又唔近，巴士網絡又話唔夠人去養(你話既)，咁你話點算呢？味由得佢地自生自滅，另外畀錢上接駁車去老遠的鐵路站， 又畀九/小巴賺又畀龜鐵賺，九龍返沙田可能貴過返大埔囉。

某些人可能只在乎幾多%人用鐵路，但我自問比某些人有人性，我關心居民出入交通狀況係咪足夠合理，多於關心幾多%人做用鐵路。

反觀西鐵式既輕鐵K巴接駁，無論係出於咩原因而開辦，至少可免除以上問題，連遠至流浮山、龍鼓灘都有，係十成人口覆蓋。

如果閣下咁嚮往屯天的鐵路, 不如睇下沙田用屯天式規劃,
馬鞍山線取消, 東鐵改行城門河上面, 只在大圍、中央公園對出河面上、馬場對出河面上設3個站, 再建輕鐵深入沙田每個角落,你估下用鐵路出市區的比率會上升定下跌??

如果沙田巴士網絡有屯天咁既完善，鐵路又有輕鐵K巴免費接駁每一角落，真係LUR飯應都黎唔切！

到時沙田市中心可能會起o係城門河上既沙田站上面，現沙田市中心位置就起公屋，而輕鐵比馬鐵更深入每一角落，全沙田居民受惠，避免上述孤島問題。唔鐘意既，又大把巴士揀，幾好呀！點都好過攪出一個又一個離鐵路站老遠，接駁車又要另外畀錢，巴士又冇幾多條線既孤島區。

重覆，我自問比某些人有人性，我關心居民出入交通狀況係咪足夠合理，多於關心用鐵路出市區比率係上升定下跌 。

行5分鐘直接到鐵路站會比樓下上接駁車去老遠的鐵路站更能吸引乘客.....吸客力亦遠遜區內直接設鐵路站

阿媽係女人使你講？問題係有冇可能所有人都行5分鐘直接到鐵路站？好似上面咁講，有咁既地都用黎起晒(偽)豪宅(其實就算係所謂上蓋物業，最遠o個一兩幢亦未必5分鐘內行到.......)，退而求其次，提供免費接駁，已係最好、亦係唯一解決辦法，仲想點？(唔知點解，講其它區就10分鐘步程叫「只係」，一講西鐵就要5分鐘步程)

大把人行10分鐘唔到鐵路站，上接駁車去老遠的鐵路站之餘，程接駁車仲要另外畀錢，就算唔講東鐵沿線，係咁倚數下，都有青衣長亨/宏/青/康、葵涌葵芳/興以外、慈雲山、秀茂坪、四順、藍田公屋、康盛翠林、港島東大多數公屋......咁又點計？反而唔多覺呢D地方既居民，會批評要接駁車(仲要另外畀錢)去鐵路站係麻煩唔方便，唯有某地區既尊貴，最多免費接駁佢地，最多聲氣最多嫌三嫌四又係佢地。

西鐵本身係冇問題，當年九鐵亦已盡量做到最好，問題只係競爭對手太強，居民選擇太多。

將軍澳新市鎮人口約40萬，4個鐵路站(已經唔計o個個唔知傻豬定傻的嗎站)，平均每站服務10萬人，好成功，令將軍澳交通做到鐵路主導。

另一邊，北區人口約30萬，2個鐵路站(羅湖村村民會用羅湖站，但數量少得可以忽略)，平均每站服務15萬人，講車站就腳，明顯唔及將軍澳，大把人都係5分鐘步程唔到鐵路站，冇你所講o個種車站就腳既優勢，退而求其次，免費接駁都冇，接駁車去老遠的鐵路站仲要另外畀錢 ，但點解鐵路都客似雲來，北區鐵路主導程度比將軍澳更甚？就係因為非鐵路交通差，冇選擇焗搭囉！








觀乎閣下既言論，令我唸起當年馬鐵初通車時，本板「幾」名user(恕我難以稱之為「站友」)，幾乎日日出post鬧西輕鐵點衰衰衰，吹東馬鐵點好好好....但所有「理據」都係雙重標準輸打嬴要強詞奪理至極


1.計西鐵服務範圍，就只計西鐵站附近，要輕鐵K巴免費接駁既地方唔計；
計東鐵服務範圍，就計晒幾乎全個沙田，要馬鐵收費接駁既地方都計。

2.計西鐵覆蓋百份比，就以全屯元天人口做分母；
計東鐵覆蓋百份比 ，就以東鐵所在附近人口做分母，例如計東鐵沙田段，就只計東鐵所在既城河西人口，完全無視大多數人口所在既城河東同馬鞍山。

3.西鐵唔到某地方？係！西鐵差！唔方便！正垃圾！對「大」西北居民「唔公平」！九鐵、政府、新界東居民、全世界都欠左「大」西北居民......
東鐵唔到某地方？無聊！邊有可能一條鐵路走天涯......

[ 本帖最後由 mckhgc 於 2012-4-24 14:17 編輯 ]

其實北區大埔迫晒鐵

埔公沙田新城市果個50位居功至偉

樽頸塞到返馬場

結果就係除左返港島(仲要早起身或者唔怕遲到)同荃葵(279X啦仲278X同你塞?)之外

成個九龍焗迫鐵

原帖由 SSBT 於 2012-4-23 01:16 發表
東鐵已經迫到爆喇,
點解北環線唔同西鐵直通呢(南下九龍)?

北環線同西鐵直通都有佢好處, 就係等西鐵果邊的朋友分擔下過境客,
等東邊的朋友唔駛咁大怨氣.
直通哪一邊都好, 我認為總之北環線唔係單獨做荒山短程 shuttle 就好.

回正題, 北環線直通東鐵落馬洲支線, 結果只會一面倒地迫爆東鐵?
反為我希望東鐵透過接通北環線, 變成兩邊都有得走, 幫東鐵分流減壓.
睇返地圖, 假設有直通運轉, 上水經北環->錦上路轉西鐵出荃灣/ 市區,
同由屯門出發差唔多車程, 兼且無東鐵咁迫.
反而有望吸引粉嶺上水居民行西邊出荃灣西 - 尖東沿線呢.

而北環駁東/ 駁西營運上的優劣, 例如話班距, 轉車安排, 對原有東/ 西鐵乘客的影響,
樓上已有其他版友分析左, 不贅.

[ 本帖最後由 JC3987 於 2012-4-24 09:15 編輯 ]

原帖由 straysheep123 於 24/4/2012 00:39 發表
果度距離荔景隔左成個MTL同葵涌道

仲邊係轉乘

直情係去到嗰度同東涌線共線呀，明唔明呀？