我們未來的鐵路

原帖由 barking 於 2012-4-21 15:17 發表

你的分流係假設了九龍核心說...

現實上靠東鐵過境的乘客, 超過一半係新界區上落車的。
而呢一半人除咗279X青衣至上水轉乘東鐵往羅湖及落馬洲之外, 其餘新界東地區, 又有幾多人肯 "倒頭車" 再轉西鐵返回西九龍站搭高鐵去深圳？
276果班元天客一樣係276上水轉東鐵，除非去廣州南或以北，否則亦無誘因 "倒頭車" 返西九龍
即使到咗深圳福田也不過是中轉站居多，多數人總要再轉車的。

九龍方面，依家除咗九龍塘搭東鐵往羅湖係比較popular之外，九龍區其餘很多地方都坐直巴去深圳啦。
推算，西九龍高鐵站的競爭主要係直巴旅客，其次係東鐵在九龍區的少數過境客，東鐵這些乘客的比例相比其他乘客為數很少。

我當然清楚, 東鐵過境乘客 新界:市區 係 5.5 : 4.5 比,
25萬過境客少4成(10萬)已經係好大的數字喇

至於新界上車過境的, 對東鐵樽頸位筆架山冇影響,
亦冇預佢地用高鐵

市區皇崗直巴佔有率並冇你形容得咁高,
市區皇崗直巴一日有冇10萬客先?? 10萬客=2000班直巴
而且班班滿先有50%佔有率,
冇的話市區皇崗直巴佔有率係不足一半
(話是話市區皇崗直巴一日總共有幾多班?)

而你話東鐵旺角東/紅磡少過境客, 就更加失實喇

[ 本帖最後由 Kaix 於 2012-4-21 18:39 編輯 ]

原帖由 jpoon 於 2012-4-21 17:33 發表
好老實講，作為市區人，我唔睇好屯荃鐵路
首先，起條屯荃究竟係分流為主定係會吸納到大量新客呢? 青山公路沿線，除左深井、麗城外，都係豪宅為主，居民渣車出入，有幾多人會搭呢條鐵路? 就算黃金海岸、三聖(勉強算)係遊客區，都唔會 ...

同意

整個西北交通格局已經俾西鐵破壞,
屯門人出市區依然享受唔到鐵路的便利, 有鐵等於冇鐵,
但另建鐵路又浪費左西鐵天水圍至屯門段的投資

方案中的屯荃鐵路, 沿途太多站, 在屯門區內服務範圍又細, 去到荃灣西又要再轉, 唔睇好

原帖由 HF3204@243M 於 2012-4-21 14:46 發表
其實仲有一個問題
屯公其實唔係好似大家想像中咁信得過
吓吓一落雨撞車壞車就成條玩完
咁樣睇屯荃鐵路就有價值得多

當然，如果建議中既屯荃鐵路唔止做咁少反而係可以同荃灣線有連繫，同埋可以直落沙田或者東九龍
咁東西 ...

諗起早兩日, 朝早九龍方向屯公3車連撞, 小型巴士撞人地尾, 塞左我個幾鐘
同日下午返屯門又黎多劑, 紅的撞欄, 又塞左我個幾鐘
又凍, 又要睇不斷重播既RS
屯公真係為屯門人  滿載難忘回憶


你可能話我抵死啦, (咁我都覺我自己黑仔既)
我認我係貪快 同 好憎去迫去等架慣性遲(果日仲要淋雨又行雷)+迫爆既506,
寧願俾貴近5成既車費去搭巴士 (學生港鐵半價)
當然如果我出門口果時已經有新聞話塞, 實同其他人一樣轉投後備- 西鐵

政府玩保鐵, 搞到咁差  搵鬼搭,
未搞好 但成日就想藉d以陰乾巴士
最終苦了班居民啊



不過當初最估唔到係荃灣區議會又肯同屯門區議會玩埋一份
(照計屯荃線, 荃灣無乜著數, 話就話可以去屯門再跨境)
如果荃灣再拉長去, 其實荃灣先係大嬴家
駁去大圍, 睇落唔錯, 但倒自己米 (龜建議人搭東西線由屯門一程直出烏溪沙架:L )


至於北環線, 我真係諗唔到有幾人搭, 邊有人口去支持
話發展新界北, 又唔立心訂幾時發展
北環線最大目的都係過境用, 但大西北唔多會用 (深圳灣/小巴直接得多),
要黎搶荃灣過境巴客多, 南昌以下既都搭左高鐵
至於分擔東鐵......東鐵上水 去古洞 轉北環 去錦上路 再轉西鐵?

東鐵走線南北直行, 除非旁邊林村郊野公園都發展,
否則都唔會有多條南北直行既路線平排黎分擔, 最多起條斜行/橫行分擔

[ 本帖最後由 lrv1092 於 2012-4-21 18:24 編輯 ]

我的意見整合如下，有時間會回返畀政府。

－北環線要考慮新界北發展規模是否能支持。
　我估起到都要非繁10分鐘一班四卡車。

－屯荃鐵路不值得以這個模式興建。除非條線東延至沙田或與東西九龍線一同規劃。
　如港深機鐵係交流系統，就將西鐵延至碼頭區，如#31，再進一步延至機場島及東涌。
　如港深機鐵係直流系統，就將東涌綫拉過屯門，以#31路線逆走至屯門站。
　
－青公一帶可考慮執行已有預留位的輕鐵延伸至掃管笏、小欖。

－抄一段我自己在飛卜的留言，可能第二輪諮詢比較有用：
　大學站以南起條橋，與T6橋平行，跨過濾水廠同城門河，駁落馬鐵，
　落腳位都係天橋陣同山邊，應該唔難搞。
　條橋可以上下分層，唔使理行車方向不同，兩邊都可以Y字型接晒南北。
　咁可以大埔＞橋＞第一城及馬鞍山＞橋＞沙田，馬鞍山可以做到一車直達港島。

題外話：
尋日無聊上網搵到原來皇珠路係以劉皇發及其夫人命名。
我覺得很噁心。

[ 本帖最後由 DIH 於 2012-4-21 18:45 編輯 ]

原帖由 053h4 於 2012-4-21 14:18 發表

成個屯門好似田字咁，道面又無預留，我都想知你想點起
講就易，做就難，重有唔通唔洗錢啊

屯門根本同沙田規劃係完全一樣,
中間係河, 東西兩岸

路面要有預留先起到鐵路??
唔講地底講架空, 當年觀塘線在觀塘道都冇預留,
屯門東西岸兩條南北向區內幹道都比觀塘道闊(計埋輕鐵佔地), 而且又唔繁忙,
啱用的話甚至可以直接用輕鐵佔地黎起(例如鳴琴路、鄉事會路),
所以其實有大把預留位

屯門如果好似沙田咁東西兩岸各一條鐵路, 一中一重,
輕鐵可以摺埋, 只保留一條接駁東西兩岸的路線就夠,
再俾九巴開區內巴士線


香港新市鎮人口密度比東京住宅區人口密度高近10倍,
所以香港鐵路投資效益理應比東京高近10倍,
只要香港鐵路項目唔花錢在豪華設施上

[ 本帖最後由 Kaix 於 2012-4-21 20:35 編輯 ]

原帖由 053h4 於 2012-4-21 14:24 發表
根本事實都係多幾分鐘，就算咩屯荃，去到荃灣轉車都一樣上唔到，或要花時間駁腳
根本西鐵有排都未飽和，真係唔知香港而家搞鐵路規劃
係唔係地圖劃條錢，覺得有需求唔理現實就拎出去咨詢

我覺得而家新界東去新界西的鐵路，例如北環線，以較低成本完善路網結構，比再起絛線線出荃灣作用大得多
香港咩福利都無，屋都無得住，政府就係咁拎D數百億工程叫立法會批
資源錯配得好緊要

既然西鐵有排都未飽和, 就唔會去到荃灣西轉車上唔到喇

一再強調我唔認同政府屯荃個方案, 但並唔可以因為西鐵未飽和而否定屯門需要自己獨立鐵路的事實,
西鐵未飽和根本係佢本身設計有問題

如果屯荃個方案係深入民居, 將屯門9成居民納入10分鐘步程範圍(好似沙田/馬鞍山咁),
離開屯門後只停黃金海岸同深井, 荃灣之後沿西鐵走,
我就唔信繁忙時間開3分鐘一班可以唔爆


公屋同低稅率其實已經係好多國家恨都恨唔到的福利

住屋問題因由唔係唔肯用錢, 而係炒賣、地產商同土地政策,
要去解決係涉及市民心態、政府政策的改變同與既得利益者的角力

再者屯荃鐵路只係8個項目的其中1項,
又係中長期規劃, 講緊可能20年後, 到時西鐵都飽和喇

[ 本帖最後由 Kaix 於 2012-4-21 21:04 編輯 ]

原帖由 leochill 於 2012-4-21 15:00 發表
屯門公路已經在擴建了, 相信日後屯門公路會更靠得住,
再者, 搭59M/60M 由屯門出荃灣都不過係20分鐘左右, 而去搭屯荃線會可能要一程駁腳, 我就唔知屯荃線對屯門有幾方便?
仲有諗下一條西鐵, 而家就話有排未飽和, 但日後除左新界西北嘅膨脹外, 仲有深港西部通道, 北環線要靠西鐵出市區,
仲要接多條屯荃線落去? 會唔會太睇得起佢?
不如打下而家未用盡嘅東涌線主意吧, 由屯赤通道接入東涌線都係一個有趣嘅提議。

......

但屯門公路現在進行的所謂「擴闊」，只是擴闊行車線的闊度和緊急避車處，近乎全線雙程四線的方案（深井橋就連橋面都無法擴闊者例外）早已否決掉（http://www.hkitalk.net/HKiTalk2/thread-679432-1-1.html）。

加上運吉處對於專利巴士的行車路線過嚴的管制，令就算專利巴士明知屯門公路擠塞甚至全線封閉都仲要繼續逼屯門公路而不能改行青山公路，加劇了屯門公路出事時對於交通影響的嚴重性。

其實政府是有意沒有盡力改善屯門公路的交通問題，把屯門公路出事時對於交通影響的嚴重性故意煲大，然後找藉口興建屯荃鐵路。

[ 本帖最後由 doraemonpaul 於 2012-4-21 19:24 編輯 ]

《鐵路發展策略2000》只是在2000年時候的規劃，對於現在2012年來說其實有不少現象與當初2000年所預計的不同，出過套《鐵路發展策略2012》好過啦！

原帖由 lrv1092 於 2012-4-21 18:11 發表
至於北環線, 我真係諗唔到有幾人搭, 邊有人口去支持
話發展新界北, 又唔立心訂幾時發展
北環線最大目的都係過境用, 但大西北唔多會用 (深圳灣/小巴直接得多),
要黎搶荃灣過境巴客多, 南昌以下既都搭左高鐵
至於分擔東鐵......東鐵上水 去古洞 轉北環 去錦上路 再轉西鐵?

北環線重點:
1) 新界西-落馬洲
2) 新界西-新界東
3) 沿線新發展區-市區

如果北環線繼續以錦上路做總站,
1)同2)即刻收皮

如果北環線改以元朗做總站,
1), 2)同3)都可以做到

1)同2)隱憂係西鐵覆蓋唔掂, 因為北環線去到元朗之後要靠西鐵,
但點都好過去錦上路

西鐵設計失敗, 亦影響埋其他線的發展及吸引力,
西鐵對香港交通發展的負面影響真係千秋萬代

原帖由 doraemonpaul 於 2012-4-21 19:23 發表
《鐵路發展策略2000》只是在2000年時候的規劃，對於現在2012年來說其實有不少現象與當初2000年所預計的不同，出過套《鐵路發展策略2012》好過啦！

《鐵路發展策略2000》並冇屯荃鐵路及港深西部鐵路