西 鐵 線 電 力 故 障 紅 磡 至 屯 門 班 次 受 影 響

原帖由 fw1321 於 2012-5-4 09:36 發表

我唔係想幫港鐵，但我諗佢既意思係指資訊太多或會造成不必要的混亂，
而唔係話唔需要發佈有用既訊息。呢個資訊年代發佈既訊息固然要快而準，
但點解會搞到高層出黎講 d 咁「不智」既說話，我諗大家未必領會到內裏
既意思。
...

師兄，議事論事，希望唔好介意。

即使金博士有呢個意思，但佢都已經失言了。當然我認同佢地背後都認為
議員怕吹毛求疵，但依家怕到未免太離譜了。

其次，出事大家都會明白到有混亂，但大家依家係對龜公司既消息發放同
處理手法有微言。當然我地唔係叫佢下下少於 8 分鐘延誤都講，咁講的話
日日 KTL peak delay 跟唔足時間表行都要講架喇 (純粹舉例)；但問題
今次係明顯低估延誤情況之餘，仲不停放人入閘先慘。而去到荃灣西同南昌
更加係「走投無路」，根本佢地連西鐵早繁 passenger flow 都未搞清，
結果按機制只行 K97s 接駁巴，而冇同時做疏導客流工作咪一鑊粥囉。呢個係
按本子行事既一大反面教材。

而平日行 3 分鐘，未受影響路段已經 service down to 10-15 分鐘以上，
四五班車迫埋一車客，已經出現骨牌影響。今次出事，並唔係佢所指既路線圖
上三個車站出事咁簡單。但偏偏出事紙就只寫影響三個站。

只靠電子傳媒，運吉又唔出特別通告，龜記車站的出事紙又冇反應現實，呢處
已經有 25-30 分鐘 info delay，繁時呢 25-30 分鐘情況已經可以差好遠。

到依家呢一刻我唔明，要龜公司做一個實時行車狀況公佈係咪咁難？
TfL 做緊、Metro 做緊、NYC 都做緊啦，你做左，乘客咪有途徑自行判斷囉。

大西北班客都已經比較識得轉彎搭車，俾著今次出事係市區線仲慘。

最後講句，出事道歉只係門面功夫，已經唔求有道歉新聞稿了 (因為在合併
後基本上已不存在，只出現過兩三次，相反九鐵當年係肯去改，亦開放得多)。
如果佢地管理文化仍然封閉，不肯正面回應事實，實非港人之福囉。

[ 本帖最後由 WR309 於 2012-5-4 10:45 編輯 ]

隨住越來越多報道出街，可以睇到尋日的墟陷場面都係港鐵自己造成的。

比較執生的做法係免晒西鐵美孚以北車費，盡量叫人選擇其他交通工具或其他路線，
荃灣線同東涌線應該都勉強carry到額外人流（一抽車每道門塞多四個人已經多過一架巴士），
最需要接駁巴的係錦上路。

當然，事前準備幾充足都冇可能預料到所有情況，
真係出事時都係要靠執生，事事睇住份指引做人就真係蚊訓。

諗下，假如係大欖隧道段出事，接駁巴行錦上路至荃灣西，成16公里，動員全港鐵巴都應付唔到啦。

抽水：北環線有市場了。

[ 本帖最後由 DIH 於 2012-5-4 11:05 編輯 ]

知道坐shuttle bus一定混亂,搵哂荃西資料,只有40號去官塘,跟住去左如心巴士站,等5分鐘,上左車再睇kmb網,嘩!要去埋meifoo同旺角,要去彩虹又冇站,唔粒半鐘都去唔到...即刻係大窩口轉42c,全程比平時用多$11.0.不過擾攘咁耐,都係遲左55分鐘,不幸中大幸,巴士又有位坐.可能我係最早出事果幾架.40號都冇人坐.
大窩口唔敢轉mtr.因為一定多人.我認為,如不怕哂$,轉第二d交通工具好過,千奇唔好坐shuttle bus, 因為次次事故,shuttle bus都比人投訴.時間係金錢,遲得多都比人詐型..

馬後炮都要講句
今只係停荃灣西至南昌既話
開緊急接駁荃灣西來往荃灣站成件事就好簡單
(最好上落客站改放大河道一邊上一邊落)
成件事唔洗用咁多車疏客快做到更多野

我講既唔係話冇依條緊急線一時三刻開唔切
而係明明就係附近點解唔開一條咁既線做定咁既安排
如果真係咁行 起碼有好多人唔洗遲咁多

原帖由 wing414 於 2012-5-4 10:58 發表
知道坐shuttle bus一定混亂,搵哂荃西資料,只有40號去官塘,跟住去左如心巴士站,等5分鐘,上左車再睇kmb網,嘩!要去埋meifoo同旺角,要去彩虹又冇站,唔粒半鐘都去唔到...即刻係大窩口轉42c,全程比平時用多$11.0.不過擾攘 ...

你應該行去千色搭觀荃紅小

原帖由 fw1321 於 2012-5-4 09:36 發表

我唔係想幫港鐵，但我諗佢既意思係指資訊太多或會造成不必要的混亂，
而唔係話唔需要發佈有用既訊息。呢個資訊年代發佈既訊息固然要快而準，
但點解會搞到高層出黎講 d 咁「不智」既說話，我諗大家未必領會到內裏
既意思。
...

唔記得呢個壇定隔離壇定新聞講過西站接駁巴A1出口vsE1出口問題，已經成功製造混亂，呢個唔係站頭定站尾咁簡單，而係究竟排邊條隊先啱

原帖由 WR309 於 2012-5-4 10:10 發表


輕鐵係疏啲，但過左八點之後少左一班學生已經冇咁迫，
大西北區內起碼郁到先，好過你站站停 5 分鐘。
(當然你可以講天水圍區內例外，我指既係跨區線)

唔需要俾多一次錢，你去 CuC 叫職員 delete 西鐵入閘記錄，
攞張出閘飛已 ...

6145成20mins一班咁滯，正常客仔會認為落到去都上唔到車...同埋有服務，會比你免費delete西鐵入閘記錄？而最終既要比多程輕鐵費用都係解決唔到...

原帖由 jx6215 於 2012-5-4 11:16 發表
馬後炮都要講句
今只係停荃灣西至南昌既話
開緊急接駁荃灣西來往荃灣站成件事就好簡單
(最好上落客站改放大河道一邊上一邊落)
成件事唔洗用咁多車疏客快做到更多野

我講既唔係話冇依條緊急線一時三刻開唔切
而係明 ...

將上天橋既扶手電梯停左，87K尾站要黎落客+Standby隨時轉入小巴坑上客，咁做仲唔會阻到西站巴士出入

又或者直接用87K尾站上客，95K站頭黎Standby，95K臨時擺如心

[ 本帖最後由 EH2674 於 2012-5-4 11:25 編輯 ]

原帖由 EH2674 於 2012-5-4 11:23 發表
6145成20mins一班咁滯，正常客仔會認為落到去都上唔到 ...

正是免費取消西鐵入閘記錄，尋日職員係容許，小弟就係咁做。
兆康站可以叫齊三飛，問題不算大。

(另 614/615 早繁一般三個字內會有車)

其實講大家咁多, 大家有冇發現, 琴日出咁大件事, 但係無論係電視定話報章, 提及同埋報導既消息都係好少??
往事發生呢d事, 頭版, 或者頭3版內一定會有報導報導, 但今次就唔見...
好明顯係m記同d新聞業關係攪到好, 發生咩事佢地都盡量唔(少)報導
金博士講呢d野, 因為佢都知道佢講咩, 新聞都只係播左一兩次....
出黎講野都係是是但但算.

其實看完幾貢後﹐主要問題係發生事故初期﹐新界區的車站及列車沒有發放最準確的資訊﹐只是講有所延誤﹐沒有講延誤原因。

如果及早發放準確資訊﹐係講電力故障令列車受阻﹐乘客便可作出選擇﹐不用唔知情下﹐呆呆地等開車﹐呆呆地去晒荃灣西被踢落車。

而事發時﹐既然已經有車要在隧道疏散乘客﹐即係暗示都要一段較長的時間才可恢復通車﹐但看前文提及﹐車上及車站廣播係沒有提及會停止服務﹐所以一眾乘客都寧可等而不去轉其他交通工具。

如果可以即時把最新資訊提供給已經受影響的乘客﹐肯定情況會好得多﹐荃灣西都未必迫爆。



另加一個奇想 :

其實可唔可以利用電話sms 發放故障資訊給已登記的用家﹐好讓他們及早得知事件﹐直接在家出門用其他交通工具﹐不用去鐵路站才得知事件。(唔好寄望每個人都會起身即開電視收音機﹐好多人都係起身便用最快速度出門口)

日後有沒有機會由政府做統籌﹐按用家登記﹐利用sms發放更多的交通資訊﹐例如路面主要幹道有意外全封﹐有惡劣天氣(如即將掛8號風球)等等

[ 本帖最後由 kei_hk 於 2012-5-4 12:36 編輯 ]

原帖由 lrv1092 於 4/5/2012 01:39 發表
無錯, 如果用鐵巴行
仲會影響埋唔係搭鐵路既乘客

但昨日真係影響到鐵巴，朋友報料昨早9時前K12已減到10-15分一班。

原帖由 HU6455 於 2012-5-4 12:26 發表
其實講大家咁多, 大家有冇發現, 琴日出咁大件事, 但係無論係電視定話報章, 提及同埋報導既消息都係好少??
往事發生呢d事, 頭版, 或者頭3版內一定會有報導報導, 但今次就唔見...
好明顯係m記同d新聞業關係攪到好, 發 ...

香港傳媒有一大盲點，就係對社會上各種操作的認識都很皮毛，又無探究心。

尋日發生的事，一個稱職的新聞工作者，應該會好多野講、好多野想知想問，
但班記者就係聽完show就算，或者最多搵個機電專家問下點解跳掣。
除了捕捉乘客不滿、疏散混亂的情況，有冇記者會好似我地咁，嘗試諗下背後究竟係乜野出問題？
一而再再而三出事，除了批評之外，有冇人直搗黃龍睇下港鐵內部係點做野？
如果話港鐵唔畀採訪唔安排參觀，你有冇就住港鐵閉門造車的態度去追究？
冇，乜都冇。唔係涉事又唔係對交通有興趣的人，根本唔會知尋日發生咩事，馬照跑舞照跳。

我自己都有朋友做緊傳媒，係有團火，但公司文化同資源都支持唔到有深度傳媒人的誕生。

唔好話咩喇，就算係佢地最著緊的政治、人權，有幾多個可以好似華萊士咁窒到班官口啞啞？
老江就係睇死你班人幼稚，大好機會擺在眼前都問錯問題，唔恰你就對自己唔住啦。
中聯辦外採訪區，點解當日被優待的電視傳媒唔同紙版傳媒團結一齊、抗拒統戰？
一日的採訪重要，定係確保市民對政府有監督權重要？

因為這些傳媒的質素，香港不會有王勇平。

[ 本帖最後由 DIH 於 2012-5-4 12:58 編輯 ]