乘客轟九巴狂掠水四成 (大欖隧道轉乘計劃)

樓上知唔知點解而家天水圍早繁
會有正線同特車分流天南天北既人?
仲有, 咩叫"天水圍班人成日串其他人,但系KMB全部比Neplomen車入去,都系咁啦"?
269C用AP都有錯?
麻煩你解釋下
利申: 元朗人

[ 本帖最後由 坤仔 於 2012-6-7 17:11 編輯 ]

小弟都懶得賣魚旦囉...
(罵戰好玩咩?!各位屯、元、天巴打,收收火啦~)

新加坡營運模式
係需要一d客觀條件先可以做得到:
(01) 轉車站0既地方同配套
地方唔夠大:過千上萬人等你一架Neoplan?
port死巴士公司囉...(更加唔好講人疊人0既恐怖事態)
另外: 人多自然麻煩多->廁所唔夠、汽水機不足...邊個肯同你等?!
[巴士轉乘站唔搞「地鐵站化」都唔得囉...
你肯唔肯俾多1蚊(一程)做營運費先?!結果車費咪又係加到天價囉...]
(02) 交通情況問題
轉車站人一多,就要清客...
如果由鄉下0黎0既係NEOPLAN 12米
出城0既又係NEOPLAN 12米
弊啦...市區線部AP仲塞緊之際,兩部AP由new town出到0黎...
結果:滯留一批又一批出市區0既乘客...
[所以: 除非地鐵站出口開到0個度
否則成千人(10-15架巴士左右0既客量)眾集...
更多意料之外0既問題又出現....
[95年東京地鐵0既沙林毒氣事件:只係其中一個嚴重0既問題...]
總之:人眾集就有問題出沒 - 避唔開0既問題 -
巴不得即時走人,趕到出市區就係好0野...

新加坡營運模式係好
不過如果市區"動不動"就塞上幾十分鐘以上0既車的話
呢個模式就肯定失敗:成千上萬人迫晌寸土必爭0既轉車站內...
郊區0既巴士依舊繼續谷爆轉車站...(郊區沒有市區0既塞車嘛...)
結果:人踩人、打交、門字系格鬥...衝突無日無止
只不過為了逼上出市區0既某架NEOPLAN...
(各位268c/269c 0既龍翔道 可是一個意外,塞上幾個鐘0既黑點...
唔通出0左事之後叫各位街坊坐西鐵去觀塘...[諗到要Jam首"豈有此理"先冷靜到囉])

拜託迷信新加坡營運模式好0既巴打
睇睇繁時紅隧九龍去香港0既巴士站:乘客們0既苦況先啦...
地方細、人密集、巴士又被批Autotoll用家塞到埋唔到站(171批南區客好慘啊~)...
各位:香港地-呢種地方多一個都想去上街抗議啦
仲話想晌欖隧搞「呢味0野」...
小弟身為天水圍「流民」都唔想開口鬧...
換轉係元朗xx鄉0既鄉民?!一門五傑齊發,鬧到各位暈底囉...

所以 - 交通情況如果唔可以令巴士班次"同步"的話
搞乜鬼「細車轉大車」都係衰收尾...
「仍舊貫,何必改作?!」

PS Neoplan自從AP69事件[2003]之後
已經同批B. MAN一樣: 變成少數民族,跑屯元天幾乎走唔甩...
仲有,部份市區路段俾運輸署「落0左咒」:未達歐三排氣標準巴士禁入...
批歐二Neoplan tune唔到歐三標準,唔行市區,唔行276a/276p/B1...
學當年小新批60xx咁雪藏咩?!
"政策作怪咋,你估九巴唔想俾多架AP行968(經中環特區)咩?!"

小弟動0左少少氣,還請各位巴打
一人少一句啦...再意氣相爭就off topic啦...

[下面係轉載]

我一早話左會有呢個問題, 成日話起轉車站避免浪費資源, 我就睇見掉轉, 只會更浪費.

搞得轉乘一定係轉前轉後部巴士一樣滿先叫"有效"節省資源, 呢D城隧做得到, 你見 48X 轉前轉後都多人, 你見 46X 轉前轉後都差唔多無咁多人, 呢D咪有效囉.

屯門同城隧唔同既地方係, 以出市區為例, 人流一定係多由 M 線留向其他長途線, 甚少人走去長途線轉 M 線 (邊個咁笨?), 到頭來一定係 M 線荃灣唔滿, 長途線屯門唔可以滿, 條條線要加車.

除非開D 好似 301 果種線, 轉車站開, 咁資源先可以有效運用.

屯門雖然話一村一線, 但係大部份M線X線單位數班次都唔少人搭.  我完全唔明點對點同浪費資源有咩必然關係, 又或者點解浪費資源原因係點對點.

======
其實我都睇唔明點對點同浪費資源有咩關係

同埋睇資源運用係睇路線數目，
而唔係實際出車數目......

268C / 269C 兩條線分開做都好好客，
但上面竟然有人話應該要其中一邊的人 "善用轉車站"

但好明顯的係，
對於新界西的人黎講，
直車的效用 / 效率高好多


其實望返新界西出市區的路線，
唔夠客的兩隻手指應該數得哂
而且好多都係 M 線......

原帖由 da93 於 2012-6-7 11:41 發表

問題係,
世上如果又有直車又有轉車站既時候,
其中一方既效用必然降低

最不公平是由葵青及荃灣返元朗及天水圍沒有分段收費(過大欖隧道後)，仍與全程正價一樣，正常來說行車哩數已少一截及已緻隧道費，如 68M  及 264M 仍是 $9.10 全價，更離譜是 279X 要 $13.40 ，對於居於隧道口附近或乘 251A 的乘客轉乘巴士往北行，似乎不太公平，大家可談論下！