原帖由 NEO_962 於 2012-7-26 03:50 發表 
咁你咪錯晒囉
你呢個位話要搭車我冇話過有問題
問題在於,
富健龍門居有幾多個真係需要搭506既大家心照
一班506可以係果到停成3-5分鐘都做得出,
然後又因呢班友上車, 西鐵站落車時間又長左, 班班如是
想唔甩班都 ...
其實2千米話近唔近, 話遠唔遠...
點解一定要定個term落去話人? 一定係懶?
你話個距離最盡係單車, 個指標係咩?
好奇所知: 咁船應該點排?
正常人都行去市中心都半個鐘啦, 搭車正常係唔洗半個鐘..
(我所指的「本應搭搭車快過行路」就是這樣解, 明明果段都講緊你提出既富健去市中心/屯門)
依家我針對既係班次唔正常, 但反而板友你針對既似乎係一班"咸魚"
無錯, 班次延誤唔多唔少係因為多客, 但賴多客既除左港鐵, 竟然仲有板友你
我天南/天北範圍內活動, 要搭3-4個站 我都係行路(除非趕時間),
我無講有錢一定要搭車, 我都好窮
只係既然港鐵講得4/5分鐘一班, 收得錢就應俾得到佢話會俾既服務
俾錢去買服務(例如: 美容、保健) , 但服務就俾唔到, 會否感到被騙?
係咪"班次可隨時更改 恕不另行通知" 就大晒, 鍾意就60分鐘一次派12架車黎?
其實你講野都幾難聽, 我故意整傷自己留個疤痕?
我返屋企唔趕時間 會踩得有幾快?
不過預左你會話我技術問題
落雨踩單車你都知危險.... 係咪人人都應付到? 單車係咪萬能?
行路都係運動, 都要做準備架大佬
行之前要飲足水, 行緊又要補水, 行得耐唔洗著舒適、透氣鞋?
一個黑色西裝友, 著皮鞋返工, 一般寫字樓有水, 唔會拎水
係咪又適合行太耐? 之後又入西鐵冰箱? 仲易病!
鹿湖我都有去過, 印象中係石屎路...
鹿湖響西貢, 龍鼓灘響屯門, 咁你燒燒下烤都好唔小心咁行左幾日麥徑喎
我去果次就鹿湖最後先行, 係西灣享受完個靚海灘之後 (推介)
就上雙鹿石澗, 再抄捷徑"隧道"返西灣亭先行鹿湖 (有熟手帶過行呢條澗再行捷徑就知隧道係乜)
龍鼓灘隔離座青山都易行, 好難迷路, 不過地勢有d危, 同埋星期六日先好去
(踩界野我明,唔洗勞煩你又搵link)
咁電車有幾多成既路面同路面交通共用?
如果元朗學中環咁. 每邊三線中間兩線輕鐵 咪唔塞啦可?
我以為你話拆電車, 係因為佢每個站短 (250米一個站), 養左班懶人咋
我有寫到係違法同會俾警察捉, 唔涉及教唆他人
青公兩線雙程, 又咁繁忙... 而且係公路! 你搵命去搏, 係咪個個都應該要咁?
有板友都講左區內單車徑及配套設施唔完善啦
問心, 咁你會搭506定507?
你有得揀, 唔代表其他人有得揀囉
你又提倡搞差d交通, 令人做多d運動, 你明唔明交通既意義?
差既屋苑配套 係影響到居民生活質素
你講到輕鐵咁廢, 又想人多做運動, 咁都係果幾句:
麻煩你建議政府去搞好d行人路、單車設施, 用黎陰乾輕鐵喇
我就建議過政府改善, 希望你都幫下手咁 (如果你真係為居民健康謀福) |
|
|
|
|
|
|
|
|
原帖由 lrv1092 於 2012-7-26 10:29 發表
其實2千米話近唔近, 話遠唔遠...
點解一定要定個term落去話人? 一定係懶?
你話個距離最盡係單車, 個指標係咩?
好奇所知: 咁船應該點排?
正常人都行去市中心都半個鐘啦, 搭車正常係唔洗半個鐘..
(我所指的「本應搭 ... 
我又唔會反智到叫你游水
就算唔搭506, 係兆禧可以等成10分鐘都冇輕鐵既
然後無限塞燈位我都試過
如果我冇記錯, 506非繁忙時間都冇5mins一班
講真果句丫, 手車差就唔好踩咁快
事實就係事實, 我講左出黎預左你話我講得唔好
就用屯門公園對出一帶為例
條路乾平果陣已經覺得佢唔岩用黎踩車
一d都唔好咬, 得個冼字
好天踩果段路我都唔敢去咁快
路濕咩路段要慢返5-10kph踩, 預多d空間比自己收掣
呢個係好基本既知識, 就算落場濕地入灣都我都唔會咁快
鹿湖最攞命既事唔係佢用咩黎鋪路
在於上山段直接比太陽曝曬, 落到山谷風都冇滴, 然後再上山
元朗而家路面睇落就四線雙程
扣埋d左轉線位, 有幾多空間比d出直去既, 心照啦
講真, 單車踩馬路, 守規矩, 靠左踩有咩問題?
我成日都係咁踩果段
利申: 踩馬路去龍鼓灘, 冇踩山入
你叫我揀既話, 我搭506落車又唔駛行咁遠, 點解唔搭 |
|
|
|
|
|
|
|
|
原帖由 NEO_962 於 2012-7-26 15:11 發表
你覺得要用到船既交通有咩現成野可以取代
我又唔會反智到叫你游水
就算唔搭506, 係兆禧可以等成10分鐘都冇輕鐵既
然後無限塞燈位我都試過
如果我冇記錯, 506非繁忙時間都冇5mins一班
講真果句丫, 手車差就唔好踩 ...
都話好奇搭單問下 (我又未睇過)
船唔係交通黎既? 雖然我都覺好無效率 (離島既居民sorry, 我係咁坦白)
兆禧站係碼頭總站係開出係既第一個站
我早繁搭過幾年, 一直都係隔5-7分鐘黎507, 1分鐘後就614/614P
上橋去游池一般順燈, 就算等最多都30秒, 轉兆麟又等15秒, 係入安定果支要耐少少, 可能30秒-2分鐘
但照計 無論時間、車站數目 點都少過506, 如果你真係去507、506站一樣距離時間, 都會識揀,
我有好多fd住蝴蝶、碼頭, 約佢地必定問佢搭咩出屯市 先決定邊度等
鄰板有幾位板友都話中晒506伏, 貪得意去搭506, 結果等得506黎, 搭507都返左屋企
仲有你住果度 就話有得揀輕鐵定巴士啫........
我以前返放學唔洗經屯門公園。
不過認同你所講, 幾年前翻新過, 油左綠油, 果段路係過份平滑, 噴漿既手工一流
落雨踩單車係危險, 但意外係意料之外既事, 就算做到安全都未必保證到無事
如果真係行山行成日/幾日w camp, 我會鍾意行泥路, 對隻腳好d (反作用力既問題)
咁同青山差唔多, 樹都無棵, 不過我曾經見過有著KMB制服既男人, 以好趕時間既步速行呢座山黎做運動
發射山下面有個 私人健身區... 唔知邊個咁勁拎d材料上去整
元朗依家馬路既闊度都唔合標準
元朗係起好左樓同路先起輕鐵, 屯門就預留左位起輕鐵
當然, 果年邊有預到今日元朗會咁多人流同車流量
過左24年, 不斷發展, 加埋其他因素, 令到天水圍都出元朗買野
搞到元朗段人多車多, 唔合乎今日需求好正常啫
所以零八年咪搞咨詢點樣改善元朗段既問題囉
我唔反對拆/架空元朗段輕鐵, 咁你有無更好既方案?
我知你好守規既, 唔似我成日會做踩界野, 要你搵link提我
你所講既"運豬署"話要穿上顏色鮮明、淺色或反光的螢光衣
著既衫又要起保護作用, 預防跌倒, 又要帶埋頭盔、護手+腳肘
如果返工返學出街, 踩單車去屯門站係咪咁多人做到? 你又會唔會?
另一方面, 其實香港真係幾矛盾, 又要人靠左行路邊, 但又一定要踩既位要顯眼俾車同人見到
青公又窄又多彎又上落, 而且點都係條公路,
無咁多人有你既本事, 又做帶晒野做足安全黎踩
見你話踩到入龍鼓灘, 踩到條長命斜入去就知你本事
但都希望你試下從其他人角度、能力出發, 係咪一定做到? 做唔到就係懶?
唔駛行咁遠返屋企, 以你早幾個帖既定義, 咁你咪懶囉
為左唔洗行咁耐黎揀交通工具, 同識話人唔識話自己有咩分別呢? |
|
|
|
|
|
|
|
|
原帖由 lrv1092 於 2012-7-26 19:27 發表
都話好奇搭單問下 (我又未睇過)
船唔係交通黎既? 雖然我都覺好無效率 (離島既居民sorry, 我係咁坦白)
兆禧站係碼頭總站係開出係既第一個站
我早繁搭過幾年, 一直都係隔5-7分鐘黎507, 1分鐘後就614/614P
上橋去 ...
就唔存在效率高低既問題啦...
要有高低之分, 就一定有第樣野同佢去比較
船同506係富健既地位既分別
就在於船對離島居民黎講, 係一樣NECESSITY黎
(雖然我又覺得天星快過搭巴士過海)
506, 我都係唔想上天橋姐
反正呢個距離我點都要搭車, 揀個更好既何樂而不為?
最少, 506好多情況下都有位坐
呢樣我認我懶, 但同時佢係巴士既賣點
踩車呢家野我外行人黎既姐, 踩架爛鬼cheap車區內走咁樣
意外呢家野, 係唔知佢幾時出現, 所以更加要令出事對自己既傷害減低
行山就緊係泥路好行啦
果次行完鹿湖行到生水泡
老實講, 如果輕鐵行朗屏果邊既話, 對交通一定有正面既幫助
我條link要講既, 真係好簡單一句: 單車可以行馬路
至於踩單車駛唔駛戴頭盔, 自己決定啦, 唔戴都唔係犯法 |
|
|
|
|
|
|
|
|
原帖由 NEO_962 於 2012-7-26 19:46 發表
咁既然船係無野可以取代既話
就唔存在效率高低既問題啦...
要有高低之分, 就一定有第樣野同佢去比較
船同506係富健既地位既分別
就在於船對離島居民黎講, 係一樣NECESSITY黎
(雖然我又覺得天星快過搭巴士過海)
506, ...
唔好笑我, 我真係有諗過屯門河去屯門站快好多
你諗下, 河邊上船, 一條"直"路就去到屯門站
當然鐵路有分輕、中、重, 船都可以細分
我搭過又名"水上的士"既快艇, 我諗由碼頭經屯門河去屯門站, 兩分鐘內即到!
我唔係迫你認你懶, 純粹覺得板友你話居民
龍門去新墟2000米路都唔肯行而揀交通工具, 係懶、唔健康
但你由車站返屋企唔洗2000米路 都要揀條令你可以行得少d路既交通,
用呢個因素黎揀交通工具, 會唔會有點兒那個啫...... (即同你提倡既野有矛盾)
你有得揀輕鐵定巴士已經好幸福
我都係單車外行人, 但因為曾經既意外, 會有陰影
不過亦提醒左我自己要更小心, 唔好又黎多鑊
至少我會覺得我自己能力未夠, 響馬路踩對自己或人地都有危險
無謂害人害自己害屋企人.......
所以我會比較少行石屎山路, 如果真係想行山的話
如果行朗屏, 咁不如拆左佢算, 西鐵已經服務緊朗屏
(就係因為當年無輕鐵服務朗屏, 想代輕鐵服務埋朗屏, 果度先有西鐵站)
元朗段輕鐵服務主要元朗市(康樂路-大棠路一帶),
豐年路已經係元朗西, 元朗站已經係元朗東
當然, 我自己如果搭西鐵入元朗市, 會朗屏落車 D出口經河邊去康樂路 |
|
|
|
|
|
|
|
|
原帖由 lrv1092 於 2012-7-26 23:50 發表
唔好笑我, 我真係有諗過屯門河去屯門站快好多
你諗下, 河邊上船, 一條"直"路就去到屯門站
當然鐵路有分輕、中、重, 船都可以細分
我搭過又名"水上的士"既快艇, 我諗由碼頭經屯門河去屯門站, 兩分鐘內即到!
我唔係 ...
只不過, 其實屯門河現今既交通功能有幾大呢點我又覺得有D保留
冇錯, 快佢係快, 服務到既人, 我諗真係十分有限了..
最少, 杯渡路既高度係一個限制....
你可以話我矛盾, 我又嘗試去解下我既CHOICE
當兩點距離已經長過步行/ 單車既RANGE,
咁即係話交通工具對我黎講係更加有效率既方案
而市中心搭506我多數可以有位坐, 輕鐵就企硬咁濟
落車又唔駛行天橋 (我接近自爆地址 )
去得市中心/ 西鐵站我又唔趕時間,
對自己好D唔好咩?
我上面講緊既, 唔係行路定搭車
而係點都要行路去搭車喎
要出市區我會搭59M轉地鐵好過
喇, 個人交通方式, 唔代表區內居民架
單車呢D, 踩得多就定架啦, 有邊個學行唔係跌下跌下咁跌出黎?
可能你會覺得我用12年既眼光去睇一條80年代就有既鐵路好唔岩咁
不過現實就係咁, 唔岩駛既野, 愈早拆對社會就愈好
用鐵路去做住宅區去西鐵站既駁腳真係好晒資源
何況,
區內駁腳要用到鐵路, 我就真係少見D, 仲要係接近封閉式既鐵路
當年大馬路已經係元朗區既主幹,
仲要放條鐵路係到, 我真係多得佢唔少咯
一早起係朗屏果邊就冇咁大件事
同樣地, 你會唔會覺得係彌敦道搵到地鐵既路軌丫? |
|
|
|
|
|
|
|
|
原帖由 NEO_962 於 2012-7-27 02:38 發表
船我又唔係太熟...呢點我都難以解答
只不過, 其實屯門河現今既交通功能有幾大呢點我又覺得有D保留
冇錯, 快佢係快, 服務到既人, 我諗真係十分有限了..
最少, 杯渡路既高度係一個限制....
你可以話我矛盾, 我又嘗試 ...
講笑咁講, 事前已話唔好笑
不過有心活化條河, 唔係無得諗..
加上年底香港無得再捕魚, 整D野俾漁民轉行都唔係壞事
我記得04年有份活化屯門河研究報告
其中有水上活動中心、荼座、舞台 (當然要搞好水質)
同一份報告亦有提到六橋同天后廟廣埸 (拖到依家先起)
咁人地對自己好D, 揀左搭車, 又唔好咩?
板友你就話人地懶、唔健康, 對自己唔好
時好 時唔好, 真係被你弄到亂....
你唔趕時間, 又話人地人太多, 拖累晒車程, 佢地應該去行路, 唔好搭506
人地何嘗唔係埋怨頭站既你地, 有得揀輕鐵唔揀
迫爆架506, 搞到架架飛晒站無得上?
(純粹用人地角度 議事論事)
我當然知
板友你指出香港被交通寵壞, 居民應該為左健康 唔好懶得行路
我明白板友你需要搭車, 既然你又話唔趕時間, 但又以 行少D路+有位坐 黎揀交通
相比富健去屯門站 成2000米路, 板友屋企至車站 只係200米都未必有既路 (你說明唔駛行天橋)
咁都要揀條 去車站行得少D、班次亂、車站多、中途上落客多、車程較輕鐵耐 的506
為左去車站行少D同有位, 咁板友咪更加唔健康同懶 (我無咁定義你, 只係從你的定義出發)
無錯... 我出荃灣站, 都係坐59M, 真正4分鐘一班, 上車後20分鐘內即到
59X出美孚30分鐘, 一樣有捧場客
所以更睇得出邊間公司(個站長)識諗 堅持守住, 邊間公司唔識諗唔憂做扮無野
(雖然西鐵月票睇落 真係好優惠下)
我唔反對同支持拆/重建元朗段輕鐵
只係覺得: 拆左, 多返2條行車線, 每邊1線, 共6線雙程
但多左好多巴士、小巴 黎補回輕鐵的服務
每方向多出既1條行車線, 係咪又足夠應付到日後車流量?
換個角度睇, 輕鐵專線同巴士專線功能類近, 無其他車一齊行, 可以更快疏客。
假若拆左輕鐵, 轉用巴士 就要排隊逐個上落客, 更拖慢晒車程同阻塞馬路(巴士)、行人路(排隊客)
其實多左出黎既1條行車線, 變左巴士站泊位....... 同之前幾頁板友所講: 更加無效率
當年當年... 有早知無乞兒。輕鐵服務旺位又嘈, 西鐵服務偏僻位又嘈
就算今日改去行朗屏 都係唔實際... 一來已有西鐵、巴士服務, 過份重疊
二來服務唔到元朗墟只係個趕客效果, 吸引唔到人搭, 用意: 輕鐵唔洗咁迫?
三來大馬路客多過朗屏客多多倍, 如上面所講, 如轉用巴士黎替代 更無效率
四來新輕鐵走線位從哪裡來?
彌敦道地底有地鐵既路軌......
咁問問板友: 如果彌敦道無左地鐵, 後果會點?
我只知你想問咩, 只係你既問題問得唔好,
換個角度, 你既問題帶出左: 輕鐵元朗段係咪行大馬路地底行會好d
不過都係果句, 08年政府已經有研究大馬路點改善,
政府無決心又拖慢黎做+區議會為嘈而嘈既性格, 大家都知後果係點架啦..... |
|
|
|
|
|
|
|
|
港鐵接駁巴脫班 乘客暴曬
接駁巴士頻頻脫班，乘客被迫日曬雨淋！居於屯門的陳太表示，港鐵接駁巴士506線經常在中午的非繁忙時段脫班，不時大失預算，「可能佢哋覺得晏晝冇乜客，就乘機開少架車，搞到有時等成半個鐘都冇車到！」陳太要求港鐵履行企業社會責任，保持服務質素，「淨係識加價，服務就畀唔到，簡直離晒譜！」
記者曾於該線西鐵屯門站分站了解，站頭告示顯示有關時段應每隔五至十分鐘開出一班車，結果需等候約二十分鐘才能登車。期間車站大排長龍，不少候車乘客被迫在烈日之下暴曬。
面對班次失準，港鐵發言人仍指該線服務大致正常，並要求乘客理解巴士與其他路面交通工具共用路面，到站時間或受交通情況、道路工程、突發事件或乘客上落等不同因素影響。至於過去接獲的投訴數字，發言人卻未有提供，僅稱會按實際情況調配巴士，令班次運作更平均。
來源: http://orientaldaily.on.cc/cnt/news/20120728/00196_002.html
恭賀本線再度上報!
雖然該報睇落好鍾意針對九巴, 不過506 登呢份報紙都登左好多次
今次有記者實地去睇, 結果 烈日暴曬 等左廿分鐘
可以證實到506既情況 同前幾頁我所講既 無誇大、講大話
(但我認 講十五分鐘, 其實都未必有車...無論繁定非繁)
日日做瓏門吸塵機咁等, 真係人都癲!
港鐵亦一樣, 依然係話服務大致正常,
班次受到路面、受交通情況、道路工程、突發事件或乘客上落等不同因素影響
要求乘客理解! 依家連唔好意思都唔講, 賴d客唔體諒
d藉口仲勁過車長病左 / 壞車......
非繁都搞到咁, 上下繁 人多車多, 個問題仲嚴重!
申利: 非記者、陳太不是我 |
|
|
|
|
|
|
|
|
原帖由 lrv1092 於 2012-8-1 02:43 發表
講笑咁講, 事前已話唔好笑
不過有心活化條河, 唔係無得諗..
加上年底香港無得再捕魚, 整D野俾漁民轉行都唔係壞事
我記得04年有份活化屯門河研究報告
其中有水上活動中心、荼座、舞台 (當然要搞好水質)
同一份報告 ...
最基本咁講, 而家唔係講行去西鐵站定搭車去西鐵站既問題
而係講緊點樣搭車去西鐵站
插我, 最少唔好偷換概念
你信水上交通真係work既話, 可以睇返屯東線既例子
對兆山美樂黎講, 即使碼頭設係慧豐園, 慳唔慳到時間都成問題
仲有友愛橋既高度, 都限制左屯門河道本身既運載能力
唔好忘記, 對富健居民黎講, 其實行路用時間黎計, 唔比506走線輸蝕
至於你話而家元朗冇左輕鐵路軌有幾大影響...其實已經細左
以洪水橋為界, 將原有客量以元朗朗屏天水圍三個西鐵站分擔,
再以巴士接駁, 未必係一條下策
再睇返輕鐵現有既路線, 影響大約就係加多大約兩條巴士線既流量
但路面就更暢通
地底輕鐵, 元朗段似乎都係因為明渠地勢問題而成唔到事
唔係有早知有冇乞衣既問題, 而係起輕鐵既時候已經注定係乞衣兜到爭飯食...
地鐵點解唔起係路面, 而要起係地底, 就係因為唔可能為左一條鐵路而搞到路面擠塞
似乎當年輕鐵起果陣, 正正犯左呢個錯呢
試想想, 為西鐵線而新建既車站, 有幾多個係正最煩忙既地方?
設係地面既鐵路站對開發一個新地區有好重要既角色,
土地, 交通轉運....等等
但唔係為一個已發展地區帶來更多問題
下次你不如問點解鐵路站唔起正係你屋企門口好過了... |
|
|
|
|
|
|
|
|
原帖由 NEO_962 於 2012-8-1 04:16 發表
一早都話預左你插我揀506都唔揀507呢樣野
最基本咁講, 而家唔係講行去西鐵站定搭車去西鐵站既問題
而係講緊點樣搭車去西鐵站
插我, 最少唔好偷換概念
你信水上交通真係work既話, 可以睇返屯東線既例子
對兆山美樂 ...
學你話: "咁你咪錯晒囉"... 唔講白d都唔得-.-
我唔係插你揀507定506, 因為你點都要俾錢搭車
一直都係講緊: 你行少少路去車站 都要揀條行少d既路, 對自己好d
(但同你早幾頁話健康矛盾左, 咁何謂對自己好d?)
人地要行得多過你, 點解人地唔可以對自己好d 揀行去車站搭車黎換取"行少d"路先,
大家都係想行少d路啫.... 你憑乜野話人地懶唔肯行 (因為你揀交通都係以"行少d"黎揀)
話你唔揀507既意思係 回應你埋怨人地唔行路, 中途多人上落, 拖累車程時間長左
但想話你知, 人地何嘗無埋怨你地碼頭區有得揀輕鐵唔揀, 迫爆左506, 搞到人日日早繁都無得上車?
(以上唔係我心聲, 因為我既唔係龍門又唔係碼頭)
我其實一直都係分享緊我曾經諗過既野, 但明知可行性不大, 所以一早已表明"唔好笑我"
但如果政府有心活化屯門河, 係可以改善河既配套設施, 加返d上落樓梯, 從而增加河既用途
我知道同明白橋有高度限制左, 平時挖污泥都係河邊吊架挖泥機去河面
咁你又有無見過有艇仔行過屯門河? 雖然我都好奇佢去邊, 但我的確係有見過
而且街渡 / 水上的士快艇, 可以有幾高- - 如果真係乜都過唔到, 咁條橋要黎做乜, 一早填平佢唔好?
一早純粹分享諗法, 唔係爭取搞水上的士... 如果唔係一早就建議左
你初初係話輕鐵改行朗屏, 我先提出行朗屏不如拆左佢算
用巴士接駁.....到時客多車多, 咪同506一樣下埸, K73都有甩班, 只係佢客無506咁多, 車又密D
而且, 如果咁左駁右駁係可行, 請立即取消761P, 轉西鐵轉K巴, 還返幾廿卡車出黎
至於地底輕鐵我其實覺得無可能, 純粹想問你點解要改行朗屏 都唔架空/地底佢,
等佢可以繼續服務元朗墟
當年根本無預到今日咁繁忙, 而且唔興用架空方式黎起輕鐵, 加上元朗舊樓得3層高
俾張當年既圖片你睇睇 (網上搵, 出處不明, 版權持有人不同意刊登請聯絡小弟刪去):
圖中右邊是大棠路輕鐵站, 黑色大廈是元朗貿易中心, 現時某3層快餐店,
左邊未興建的開心廣場地盤....
想問問: 廿五年前元朗最旺已經係大馬路, 圖中有多少路人及車輛? 擠塞嗎?
西鐵是重型跨區鐵路, 輕鐵是輕型區內鐵路
起西鐵時, 各區都已經成熟發展, 且沒有預留位, 要起埋僻位, 由輕鐵/K巴接駁
不過講真果句, 西鐵如果係行地底, 服務到旺區, 一來方便到人, 二來輕鐵都唔洗咁迫
[ 本帖最後由 lrv1092 於 2012-8-1 18:40 編輯 ] |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
