28A/224M建議合併，彩福<->啟業

頭先過淘大飲茶無聊下觀察吓牛頭角道啲路線，與其有師兄建議兜2A上去，咁不如
改13D兜上三彩區啦，反正13D宜家咁頽，兜一兜可能殺出條血路，而且13D又收
得貴，符合了九巴近年掠水的方針…
咁咪一次過滿足曬大家嘅願望：
１）三彩居民／有巴士來往旺角、九龍城、牛頭角、觀塘，仲上埋秀茂坪方便學生客添，但車費就..........；
２）　　九巴／頹線增加客源，用高車費去載搭半程車的客；
３）　　九巴／趕原有僅餘嘅13D客去1A,95 度，又賺多啲；
４）　　運吉／善用現有巴士路線網絡，優化路線，封議員把口！
      :lol

原帖由 FBI2 於 2012-9-25 08:22 發表
2/ 好啦,當開條彩福去落旺角既線,15分鐘一班,會有咩情況? 第一,彩盈彩霞冇站,根本唔會坐佢;第二,彩德8座樓行去新清水搭27只需5分鐘,
但班次係5分架,仲要開雙層,即係有一半街坊走左去27.換言之,得番彩福4座樓係真係大部分人會依賴巴士.

你錯了……

我諗你一定無上過去實地視察，
彩德行去新清水比較近的得四座樓（彩仁/義/誠信），
其餘四座（彩賢/亮/俊/敬）一係就要用商場部lift，由五樓搭落一樓，再行出去，
一係就要同彩福共用lift搭，either way朝早等lift都等餐飽。
但係如果有條線由彩福開，彩賢樓個站對佢地其實好方便。

仲有，無人講過彩盈擺唔到站，大可以彩榮路->彩霞道->迴旋處調頭->彩霞道->天橋->觀塘道咁行，
咁就已經食到13座樓，彩賢/亮/俊/敬亦可以經隧道行落彩盈搭車，
好過彩興里行出去，果度好靜。

不過,專線小巴密密做密密載落
坪石,但都係單邊客為主. 因此,就算俾你說中彩福直落旺角開單層朝早頂閘,咁朝早以外呢?下繁呢?夜晚呢?你都知道旺角都幾塞車,如果班次
唔夠密,一塞車甩班就大鑊.除非本身係旺角返工,否則要出旺角等十幾二十分鐘或者脫班半個鐘既彩福專線,倒不如搭返彩虹轉綠小,或者返
九灣行返上去仲好,時間仲易預. 因此,我睇唔到彩福出旺角專線在早繁以外,還有什麼優勢? 非繁一班頂多得廿幾人坐,回程更少,賺D乜?

搭綠小83A去彩虹轉港鐵去旺角，全程盛惠$3.0 + $7.3 = $10.3

如果有架巴士直出旺角，收$4.6的話，不論車程同收費都有好大優勢。

旺角塞車的問題，27等線一樣會遇到，一樣可以搞到十幾廿分鐘半個鐘一班又拖幾架。
點解27依然咁多人搭？又唔見個個走晒去搭港鐵去彩虹轉54M綠小？

好啦,如果條線開左冇客,巴士公司點收科? 有客冇錢賺,巴士公司又點收科? 好似263M咁減到半個鐘一班,仲要收車,跟住過幾年搵條線合併算數?
如果係咪寫包單開單層班班頂閘要企人? 而家講緊係4部車,而旁邊既啟業有4部廢廢地既24,當你用7部車,彩福專線4部,24用3部,咁如果彩福專線
冇客蝕錢,咁咪7部車一齊蝕?我拎番3部去做224M唔好? 至少每個鐘可以做多兩轉吸客.

224M一單都唔知收唔收到$15，當佢一個鐘行到三轉，每個鐘有$50已經偷笑。

如果彩福專線一轉（係講緊來回加埋，唔係半轉）載到11個客，已經好過224M。
24而家衰極，一轉都有返起碼十幾個，更何況係獨巿無替代的彩福旺角一村一線？

再者,九巴係80年代至90年代,根本太多觀塘巴士線班次過密. 當年23開4分架仲要用3N,26M開8分架仲要
全線S3BL,95M開8分架,佢地行緊既地方有冇拆樓? 頂多得個和樂村係要拆,三順有拆嗎?翠林有拆嗎?咁解而家三條線搞到咁疏? 就係因為一村一線
既後遺症.

false cause

過去10-20年觀塘人的通勤模式根本唔同左好多，
23開4分架、26M開8分架果陣，有冇619？有冇好似而家咁少人返工廠？
95M更加係將線通車後俾九巴陰乾，D客多數走晒去98A（有轉乘），又迫左一堆人落寶林轉港鐵，
關一村一線咩事？

4/ 如果拉24上去,到時三彩多人坐,搞到啟業啟晴上唔到車,咪轉雙層,加車囉,都唔掂先拆線囉,總好過一開就要分家累鬥累.再者,我建議係拉埋23M上去,
夠晒切合需求啦. 講真,三彩班客要去新界返工,晨早行晒落山啦,仲同你等彩福專線出旺角轉咩.

「分家」就唔係「累鬥累」啦。

如果一條線做晒三彩啟業麗晶啟晴，三彩要行多10分鐘，
行車時間增加50%，呢50%已經足夠令吸引力大減，反映唔到真實需求。

5/ 三彩有14幢樓3000人有需求咁又點? 而家27做緊61棟樓,2A做緊52棟樓,24都做31棟架! 一拍上來都輸左9條街啦.

問題係，其他地區仲有其他服務往返九龍巿區，
例如四順除左27仲有26、95；
樂華人口唔見得多過三彩，2A開個位數班次，淨靠樂華都爆，牛頭角亦有大量選擇；
而啟業麗晶除左24仲有綠van，行5分鐘平路出去又大把車搭，點同？

但係如果三彩得一條旺角線，唔少去深水步、油麻地、尖沙咀既客都會靠佢轉車，
已經唔會俾其他線分薄客源。
淨係計雙彩都有成四千人九龍巿區返工返學啦，一小時載320人根本係需求的十分之一都冇，
咁都會唔夠客？

原帖由 telford5d 於 2012-9-25 11:40 發表
頭先過淘大飲茶無聊下觀察吓牛頭角道啲路線，與其有師兄建議兜2A上去，咁不如
改13D兜上三彩區啦，反正13D宜家咁頽，兜一兜可能殺出條血路，而且13D又收
得貴，符合了九巴近年掠水的方針…
咁咪一次過滿足曬大家嘅願望：
１）三彩居民／ ...

拉13D係好,但彩福冇位俾佢擺站呢,要係山下設站. 如果要入埋彩福,又驚會加價.

不過,13D係一個不錯既選擇.

原帖由 dippy 於 2012-9-25 11:46 發表

三彩經新清直出一樣直接
但開新線就只到旺角
唔及拉直9再延長覆蓋大

覆蓋大又點？

9號而家覆蓋夠大，點解坪石搭27的人會遠遠多過搭9號的？
就連搭26的人都遠遠多過搭9號仔的。點解？

新清水係直接，但係朝早會塞車；第時安達臣道入伙更加不敢想像。

原帖由 FBI2 於 2012-9-25 11:48 發表


拉13D係好,但彩福冇位俾佢擺站呢,要係山下設站. 如果要入埋彩福,又驚會加價.

不過,13D係一個不錯既選擇.

拉13D而三彩至秀茂坪之間一段唔改路的話根本唔make sense

我自己就唔介意樓下條線要兜多個幾字上山，但係其他乘客係咪咁諗？
到時結果只會趕晒牛頭角打後的客，果段變相只係做區內流水，
三彩多人搭的話，咪又製造一條一半路段爆、一半路段吉車的線囉，咁係咪叫善用資源？

原帖由 kay 於 2012-9-25 07:57 發表

剩係直落觀塘變成落完山再上樂華山呢下已經死罪啦

區內線根本就適宜搞15分鐘生活圈

點解三彩小巴咁多人搭去彩虹轉車/鐵，因為車程15分鐘內完成

28A由彩褔開車，15分鐘一定落唔到觀塘，咁好肯定無人搭

都係個句，有野好 ...

28A係唔係一定做唔到15分鐘內彩福<>觀塘?
而其實行牛頭角道要用幾耐?
google map就話一個9分鐘,一個10分鐘
除非行協和街會大上大落,不斷塞車
如果唔係大家應該乘一個差唔多既factor
咁係唔係會差好遠?

而家老九賺緊錢咩?
單係成日講注定有賺同注定有賺其實就已經係一個伏
7成既路線係蝕錢未講之前大家肯定唔合會有lee一個想法
究竟點解老九唔肯做三彩<>旺角冇人知
或者根本係連27都蝕緊
對開(25)自然冇興趣

15A兜少五分鐘就話塞一塞都可以唔見左
調轉頭又話5分鐘相差無限遠?
要快既,全港巴士線唔該執晒佢整一次
根本就冇一條線真係快
巴士公司你蝕你既事,邊個叫你投個專營權?

而成件事你根本既假設就係
有28A就無(25)
咁係唔係等於無28A就有(25)?
所以就覺得28A點行都唔得
因為係佢令到25會無得出街
咁一樣都係FF

而由頭到尾
我係到只不過不斷講其實28A又唔係真係咁大問題
起碼老九會肯做
落觀塘又唔係真係咁慢
That's all
若果可以話到俾我聽條線落觀塘真係慢到無極限既
咁我一樣都會覺得28A唔駛係三彩出現

原帖由 Snoopy@FB8617 於 2012-9-25 11:18 發表
牛頭角或者仲有人會搭
九龍灣就預左唔會有人搭
28A既定位點睇都係一條流水...
總係唔會預有人會搭流水線總站<>總站掛...

唔係條條流水線都唔會有人坐足全程的。

試下而家如果唔係28A咁玩，而係14B拉上山，又或者23M上彩福，
你估D客又會唔會觀塘未到就落晒車？

28A根本反映唔到三彩實際往返區內的需求。

仲有，三彩開條區內線，無人講過一定要三彩做總站而唔係繞經喎。
如果係一條四順線繞經三彩落返觀塘再上返四順，兩邊做循環，你估結果又係咪一樣？

原帖由 S3BL100 於 2012-9-25 11:53 發表


拉13D而三彩至秀茂坪之間一段唔改路的話根本唔make sense

我自己就唔介意樓下條線要兜多個幾字上山，但係其他乘客係咪咁諗？
到時結果只會趕晒牛頭角打後的客，果段變相只係做區內流水，
三彩多人搭的話，咪又製造一條一半 ...

一半路段爆,一半路段吉車,但係我整體冇加過車,或者只係加一部車,而且牛頭角道有2A.
總好過而家全段路吉車!

不過,如果要彩福直接去旺角,拉13D上山仲好,真係做到"用最少車達到最佳載客效果",仲好過拉24上山.

可惜,13D拉上去,行車里數變為15.7公里,要加價了.

[ 本帖最後由 FBI2 於 2012-9-25 12:28 編輯 ]