28A/224M建議合併，彩福<->啟業

原帖由 dippy 於 2012-9-25 17:09 發表


如果問題只係因為協和街
咁新線行番康寧道, 物華街, 協和街, 裕民坊咁出就已經OK
樂華+康寧道唔見得好慢時, 新線仲可以透過BBI吸客上樂華-觀塘轉巴士客 ...

到時又做唔到聯合醫院，醫院係一D未必好多客但係相當重要既野

個問題就係條線根本唔應該用呢個方式做醫院。
醫院最緊要係有車直達，唔係要快；相反返工最緊要係快、唔兜。

基於呢個原則，條線應該係行彩福<->牛頭角<->巿中心<->聯合先係。

當然，佢地係都要同觀塘<->九龍灣合併考慮的話，就無得咁行，
所以我一路都唔主張用28A做，寧願搵其他線重組，觀塘九龍灣搵現成的15A解決。

就算係都要28A，點解唔可以係彩福<->九龍灣<->牛頭角<->巿中心<->聯合<->樂華？
去觀塘都係慢，但係起碼方便到九龍灣返工客。
而家條定線擺明就唔係方便人返工既。

原帖由 cong 於 2012-9-25 14:58 發表


三彩去旺角/觀塘同時用 13D 屈錢, 三彩多人搭的話係唔會有一半路段爆、一半路段吉既情況

依然都會at a given time每個方向得一半路段多客

原帖由 FBI2 於 2012-9-25 17:11 發表


咁又係,如果要"做樣"服務三彩街坊,兜13D上去係最佳選擇,唔加價都肯啦,仲可以塞晒班議員把口,好過拉幾十八條線上去,或者搵D大蝕線搞.

13D做到彩德 彩盈但彩福一樣冇車到

原帖由 dippy 於 2012-9-25 17:09 發表


如果問題只係因為協和街
咁新線行番康寧道, 物華街, 協和街, 裕民坊咁出就已經OK
樂華+康寧道唔見得好慢時, 新線仲可以透過BBI吸客上樂華-觀塘轉巴士客 ...

[CD-ROM左咁耐，忍唔住出聲]

我睇左咁耐新28A經協和街既唯一用途就係[四彩<-->聯合醫院]呢一段
如果唔經協和街，即唯一功能消失，咁不如行番牛頭角道
上樂華俾我唯一觀感，就係兜路(就算事實快過行牛頭角道我都係咁話)

同埋一直以來我覺得BBI對樂華邨既人黎講根本就當佢透明
咁多年都無BBI[原本我以為28A有BBI，點知原來23M有，即有等於無]
22M小巴根本就蠶食晒[樂華<-->市中心]既市場，點爭都係無
28A全條取消都死不足惜，碼頭又無客輪椅客都無

而家既83A同83M小巴基本無咩客
一來疏，二來貴[相對22M同紅小黎講3.5好貴]
同埋彩德低層既四座樓其實同新清都一段距離
我既觀察係：啲人寧願行隧道天橋落九龍灣都唔行去新清
同埋會唔少既人搭小巴由彩德去彩虹
究竟幾多人會行去新清27，我諗一日數埋一百人都無

利申：現彩褔，前樂華居民，日日行二十分鐘落山搭地鐵

原帖由 S3BL100 於 2012-9-25 23:06 發表


依然都會at a given time每個方向得一半路段多客

咁都夠啦,一條線一個單,只需中間路段頂閘,而做成頂閘呢班客係俾全費,呢一點已經夠.
101,104有幾多堅城西環客? 去到中環都上唔夠十個客,但係佢只係KEEP住頂閘過海已經夠晒.
106,成大段長命斜係廢既,基本上去到筲箕灣已經可以收工,成本可以慳一大筆. 點解仲可以賺錢? 咪就係中間過海一段KEEP住頂閘囉.
103,113,170點解要蝕? 因為佢地KEEP唔到過海經常頂閘既情況,但其實條數都唔太差.

40點解要蝕? 就係因為佢中間多人的那一段,班客都唔係俾全費,一來有分段收費,二來有好多半價客.
279X成大段粉嶺都係廢,點解唔CUT左佢? 一來真係有DD需求,真係DD,二來一個上水來往青衣已經夠賺突,呢班客全部都係俾全費.

講多少少,今晚由觀塘返青衣,經過三彩,發覺有D似寶達村,環境和地理十足十寶達村咁. 寶達村有個特色,就係總站既路線,一定係兜餐飽先
去到目的地,連13M接駁MTR都要兜路. 要直接去目的地既線就一定係中途經過. 至於寶達總站開出直接去目的地的,就只有專線小巴.
彩福既交通發展發式,完全可以將寶達COPY過去,三彩14幢樓,寶達13幢,而三彩既優勢就是有條有蓋天橋直去地鐵站,呢一點寶達村係冇既.
因此,三彩必須有全日巴士線,呢一點係真. 但係如果以三彩為總站的路線,就必須要兜路才去到目的地,咁先吸到附近多D客,儲爆架車;如果要
三彩直接出到九龍市區,就必須要是一條由別地方開出,經三彩再出市區既線,而收費也必須俾由三彩開出往同區既路線高. 如果要三彩總站而
又直出市區既路線,一係就只開早繁,應付返工客,一係就開全日既專線小巴.

我曾經考慮過學麗鬼城既方式,整條224X上去做全日. 不過,三彩班街坊,以低收入為主,加上啟麗都支持唔到一條224X,拉上去三彩一樣係支持唔到,
無謂浪費尖咀QUOTA,維持224X擺啟業算數,順手遲下取消埋下繁,索性將13X下繁加班算數.

因此,24拉上彩福,係非常好既方法,同時13D來回程經三彩,不過要解決行車里數超過15公里有權加價既問題. 再激D既,整埋條74A上來又點話?
至於去觀塘,由於拉去三彩只是舉手之勞,將牛頭角總站既線踢上去就OK,所以我建議23M拉上去,並經樂華,康寧道,觀塘,再上三順,幫28A上埋路,同時
26M經牛鐵加車,14B拉上樂華.

原帖由 JP2010.KL1647 於 2012-9-25 23:15 發表
[CD-ROM左咁耐，忍唔住出聲]

我睇左咁耐新28A經協和街既唯一用途就係[四彩聯合醫院]呢一段
如果唔經協和街，即唯一功能消失，咁不如行番牛頭角道
上樂華俾我唯一觀感，就係兜路(就算事實快過行牛頭角道我都係咁話)

同埋一 ...

所以咪話九巴個PLAN白痴囉,好搞唔搞走去加強28A,同自己盤數鬥氣.
呢條28A,樂華死留,但係只需23M跟28A咁落山,已經足以搞掂28A.

原帖由 ksmbh 於 2012-9-25 23:08 發表

13D做到彩德 彩盈但彩福一樣冇車到

道路設計問題, 冇計

我係旺角返彩福, 搭紅 van 係彩霞路口落再搭 lift 返上去好過,
十蚊雞, 三個字就到

原帖由 exspeed 於 2012-9-25 23:42 發表


道路設計問題, 冇計

我係旺角返彩福, 搭紅 van 係彩霞路口落再搭 lift 返上去好過,
十蚊雞, 三個字就到

咁就岩啦. 有錢既街坊,晨早走去搭地鐵轉車,或者紅小行上去; 冇錢既街坊,就算要兜餐飽,都會俾4.6搭24.

原帖由 FBI2 於 2012-9-25 23:31 發表

咁都夠啦,一條線一個單,只需中間路段頂閘,而做成頂閘呢班客係俾全費,呢一點已經夠.
101,104有幾多堅城西環客? 去到中環都上唔夠十個客,但係佢只係KEEP住頂閘過海已經夠晒.
106,成大段長命斜係廢既,基本上去到筲箕灣已經可以收工,成本可以慳一大筆. 點解仲可以賺錢? 咪就係中間過海一段KEEP住頂閘囉.
103,113,170點解要蝕? 因為佢地KEEP唔到過海經常頂閘既情況,但其實條數都唔太差.

點都好，用長線食短途客係好無效率。

試諗下，如果係彩福專線出旺角，$4.6，一粒鐘一轉，繁忙時間一個方向爆（當佢派單層），
另一個方向執到15個流水客，最繁忙一小時每小時每架車都有$4.6 * 95 = $437收入。

當然比起1A、5C呢D做到幾水客既線尚有不及，但係因為係落單，
又唔見得好差，至少27而家通常都係一個方向多客，亦唔見得要蝕。

如果係用13D兜上去，$6.1，一單當佢一粒鐘行完（實際而家唔兜上去都唔止），
兜上去就會倒晒秀茂坪至牛頭角段出九龍城旺角的客，當佢果段繁忙時間執到30個區內流水客，
再加埋彩福執80個，一粒鐘收入係$6.1 * 110 = $671，但係
反方向而家講緊可能20個客都冇，將來都係一樣，除開平均，
最繁忙一小時每小時每架車平均可能$400都無。

不嬲用長線食短途客，都係好冇效率，即係好似RDP用113食109果D咁，
過海客收入一樣係咁多，但係113行車時間差唔多係109成倍，
dilute晒每小時收入，又趕晒何文田之前班客，條數會比起109/113各自盤數更差。
如果113/109過到的話，我諗遲早兩巴只會聰明反被聰明誤。

講多少少,今晚由觀塘返青衣,經過三彩,發覺有D似寶達村,環境和地理十足十寶達村咁. 寶達村有個特色,就係總站既路線,一定係兜餐飽先
去到目的地,連13M接駁MTR都要兜路. 要直接去目的地既線就一定係中途經過. 至於寶達總站開出直接去目的地的,就只有專線小巴.
彩福既交通發展發式,完全可以將寶達COPY過去,三彩14幢樓,寶達13幢,而三彩既優勢就是有條有蓋天橋直去地鐵站,呢一點寶達村係冇既.

寶達其實係夠客，你睇下而家淨係做寶達的13M特車都咁多人搭。

而至於你話寶達「要直接去目的地既線就一定係中途經過」，
呢點我覺得寶達同三彩無可比之處。
事實上，寶達人最多使用的98A/98C，兩條線根本都要做將軍澳山上，
因此停埋寶達根本係好順路。
而三彩道路環境無呢種先天優勢，除左2A繞經之外，
其他對外線（包括13D）兜上去都唔見得有幾順路
（13D淨係牛頭角道右轉振華道上山盞燈，已經慢過直去好多）。

而事實上，寶達人相當依賴的98A/98C，雖然去到坑口，
但係寶林坑口根本唔多人搭。
98C仲叫做長途，空載路段佔全條線唔係好多，
但係睇下98A，根本七八成客都係將軍澳山上加寶達，
寶達客佔左成條線三成到一半，條線根本只係靠康盛翠林寶達都夠做，
但係就拉長左咁多，用多好多架車。
本來用8架車可以做到既野，而家要用15/16架，呢D唔通都叫做有效率？

寶林同坑口人（尤其是坑口）就係見到98A/98C兜上山，所以咪唔搭囉。

但係如果以三彩為總站的路線,就必須要兜路才去到目的地,咁先吸到附近多D客,儲爆架車

用返寶達做例子，13D有幾多寶達客？想食多D沿路客，結果反而連總站客都倒走晒。

如果想13D做三彩既話，一個比較合理的做法係放棄牛頭角至協和街一段，
來回改行振華道，咁起碼唔會倒走晒秀茂坪客，
但係想用13D做三彩，點都避唔到影響大部分現有乘客。