我們未來的鐵路第二階段公眾參與諮詢

這其實不太理想，換綫方案只能強迫商業區人流用北港島綫車站。這方䅁初期分流可能很好，長遠如核心問題還在。港島綫依然擠迫。加上轉車站(北角)壓力更大。

原帖由 mak5052 於 2013-2-22 14:56 發表
去南區、中港城、佐敦裕華一帶、油麻地、深水埗、荃葵區的又點處理，呢班人不能以東西、南北線解決多轉一次問題

小弟無話過南北線可以解決所有問題。
換線方案最壞影響都係北角過對面月台轉車，同過往多次換線安排相同。
雖然要花時間轉車，但總體係搭少一個站（北角直達天后），可抵銷部份多出的轉車時間


再者，如樓上所言，每次更改線路都會有人歡喜有人愁。況且換線方案對往返東區的市民一面倒地唔方便。
若深入分析閣下舉的例子，如果採用換線方案，呢幾個例子的方便程度未必差佐：

1. 南區：可改經會展及金鐘；雖然要轉多程車，但總轉車距離會比金鐘轉一次更短。
會展站最差情況只係上/落一層，也有機會係對面月台轉車。去到金鐘站只係落一層就轉到南港島線。
相反港島線及南港島線兩者月台成T型，轉乘距離較遠。

2. 中港城：可改用九龍站，由轉一次變直達。北港島線通車之日，西九龍總站及西九文化區己落成多年，兩地間應該會有更直接及舒適的路徑。

3. 深水埗：要視乎邊個車站。即使香港站至柴灣段行番港島線的速度，因為香港站打後行車速度比荃灣線快。
搭到荔景再轉回頭車往美孚/荔枝角站會比現時經金鐘快。長沙灣可能打和，要視乎北港島線行車速度。

4. 荃葵：乘換線後的東涌線直達荔景，再轉乘荃灣線。轉車次數不變，同樣係對面月台轉之餘仲快佐。如果目的地係荔景及青衣，更係由轉一次變直達。

[ 本帖最後由 s3n370 於 2013-2-23 02:27 編輯 ]

換線方案未能令所有港島北居民都有直接過海既路線, 所以我並唔支持
再者, 相信唔會太多乘客有需要搭一程車過兩次海吧

原帖由 egdeen 於 2013-2-23 02:11 發表
這其實不太理想，換綫方案只能強迫商業區人流用北港島綫車站。這方䅁初期分流可能很好，長遠如核心問題還在。港島綫依然擠迫。加上轉車站(北角)壓力更大。 ...

強迫商業區的人流用北港島線車站，正正可以舒緩港島線壓力。換線正正提供“可以轉少程車”的誘因，分流乘客前往更適合的車站。

如果唔換線，北港島線的吸引力會大打折扣。相反港島線的轉車算十分方便，乘客只會繼續迫入港島線。

其實係咪要考慮東涌綫同將軍澳綫直通？
唔使喺銅記北/政總轉車，已經差好遠
例如將軍澳去中環(香港)，東涌去北角

原帖由 kei_hk 於 2013-2-22 23:13 發表


如果把東涌線及將軍澳線併起來﹐便會影響東隧一段的班次﹐原因係受青馬橋及西隧共用路段影響。
受共用路段影響﹐最高班次一定唔會夠市區線密車﹐即係併埋一條線﹐東隧的(最密)班次便會下降。

除非﹐安排所謂的區間車行將軍澳至香港(其中一個合適的車站)﹐但此舉又會好難夾到邊一班車係短程﹐去到香港回程站﹐又唔知夾唔夾到返將軍澳的空檔位﹐情況會非常複雜。

不合併成一條線﹐便可以獨立地控制2邊的班次﹐唔會互相影響班次。即係東隧可以大約2分鐘一班車(據聞最密可以去到118秒1班車)﹐西隧2.25分一班車。
更甚者﹐一旦訊號系統故障﹐更有機會2條過海隧道﹐機場線及東涌+將軍澳線一齊受影響﹐潛在風險相當高。
但獨立2條線﹐一旦出故障﹐一係東隧出問題﹐西隧2條線不受影響。反之﹐西隧出問題﹐東隧不會受影響。


因此﹐併成一條線的機會不高。
而我亦唔讚成這樣做﹐以免令東隧班次間接減少﹐增加故障時受影響的範圍的風險。

正如小弟所講，只要在添馬（或者銅鑼灣北）起多個月台/調頭隧道開短棍，短棍班次係夾住機場快線的slot，就己經可解決兩隧容量差距的問題。

至於風險問題係認同，總有機會一出事就ko哂兩條過海線路。但小弟相信唔係無法舒緩。
大部份情況下的故障，應該不致於全線癱瘓，可以局部維持運作。最多咪好似宜家咁，去到香港/北角調頭。
例如早前北角站幕門出事，將軍澳入面仍維持限度服務。

[ 本帖最後由 s3n370 於 2013-2-23 10:25 編輯 ]

換綫做到嘅誘因效果，交匯都做到。交匯方案的分流效果其實不是那麼差，可以吸引將軍澳綫乘客不用港島線，東涌線乘客不用港島線。港島線中段壓力消除，這方案分流效果可應用不同人流，不同乘客也可選擇不同的路線。免強迫性分流，萬一強迫性分流不成功(填海區用途改變/乘客繼續使用原港島線車站)，換綫會迫爆轉車站。交匯以乘客為中心，不同乘客有不同的選擇。金鐘添馬站更加可以便利東南西北乘客

另外有冇人諗過如果南港島線西段分段起，原有的南港島線東段運載力夠不夠。之前已有人懷疑顧問報告建議起四卡，但現時只有三卡。足不足以應付南區需要(南區人口未來>10萬)，好像現時政府仍然認為南港島線東段三卡已足夠

但佐敦、油麻地、深水埗、石硤尾站又可以點，呢四個站你有適當替代法嗎?
還有，炮台山去中西區又應點，電車、巴士慢而港鐵變得兜路

[ 本帖最後由 mak5052 於 2013-2-23 11:00 編輯 ]

原帖由 s3n370 於 2013-2-23 10:23 發表


正如小弟所講，只要在添馬（或者銅鑼灣北）起多個月台/調頭隧道開短棍，短棍班次係夾住機場快線的slot，就己經可解決兩隧容量差距的問題。

至於風險問題係認同，總有機會一出事就ko哂兩條過海線路。但小弟相信唔係無法舒緩。
...

短棍技術上唔知可唔可以利用香港站既機鐵2號月台預留位黎做調頭位番將軍澳呢...反正機鐵應該都冇需要用埋果個預留位..
不過咁樣又真係會幾亂...一條線有幾種短棍..
又康城..又青衣..又香港...

[ 本帖最後由 ATS48 於 2013-2-23 11:58 編輯 ]