西港島綫車站命名

原帖由 stevegold 於 2014/2/9 20:16 發表


咁大部份車站都以地名/地區名去命名，只有少部份係我所講的特殊例子。

咁究竟幾大部份, 幾少部份? 你不如用 % 顯示出來, 你講到啲例外咁鬼例外, 照計唔會多得過 5%, 事實係咪咁, 就等你話我知喇。

[ 本帖最後由 syp 於 2014-2-9 20:28 編輯 ]

其實唔好話地鐵叫咩站

依家究竟有幾多人識分石塘咀、堅尼地城、西環?

有時真係見有人西環一個名頂大成個區，但西環呢個名講左係人都識同埋知大概係邊(起碼唔會同西營盤搞亂)

但再細分似乎就唔係個個都得

原帖由 syp 於 2014-2-9 20:22 發表


咁究竟幾大部份, 幾少部份? 你不如用 % 顯示出來

你自己睇下港鐵路線圖，就知道一清二楚，大部份車站均以所在地區/社區命名，只有小部份例外

1. 以屋村/屋苑名 : 太和、恆安、第一城、兆康、朗屏、葵芳、葵興、美孚、南昌、彩虹、美孚、康城、太古、杏花村 (14個)

2. 以最接近道路/附近地標命名:天后、車公廟、柯士甸、太子、佐敦 (5個)

3. 以專門服務的建築物/機構命名: 迪士尼、機場、博覽館、馬場 (4個)

港鐵而家有84個車站(不計輕鐵)，換言之，超過7成車站均以所在地方/地區/社區命名，只有不足3成車站是例外。

反而我想聽下你反對車站命名為「石塘咀站」的理據，和你心目中有咩建議

原帖由 kay 於 2014-2-9 20:45 發表
其實唔好話地鐵叫咩站

依家究竟有幾多人識分石塘咀、堅尼地城、西環?

有時真係見有人西環一個名頂大成個區，但西環呢個名講左係人都識同埋知大概係邊(起碼唔會同西營盤搞亂)

但再細分似乎就唔係個個都得 ...

據我所知，
西環係四環九約其中一環，
範圍包括堅尼地城、石塘咀、西營盤
所以亦有人叫堅尼地城做西環尾

其實一個地鐵站個名真係影響深遠
點解地鐵唔可以好似之前九鐵咁樣，
舉行公開命名比賽？
以今次西港島線做例子，
地鐵大可以搞個比賽再加個投票，
等市民可以投票個站叫「港大」／「香港大學」／「石塘咀」／「寶翠」etc
咁到時跟個結果改名咪可以減少爭議囉

相信車站命名爭議遲D都會響沙中線出現
「土瓜灣」同「馬頭圍」到時又有排拗

原帖由 stevegold 於 2014/2/9 20:52 發表
你自己睇下港鐵路線圖，就知道一清二楚，大部份車站均以所在地區/社區命名，只有小部份例外

1. 以屋村/屋苑名 : 太和、恆安、第一城、兆康、朗屏、葵芳、葵興、美孚、南昌、彩虹、美孚、康城、太古、杏花村 (14個)

2. 以最接近道路/附近地標命名:天后、車公廟、柯士甸、太子、佐敦 (5個)

3. 以專門服務的建築物/機構命名: 迪士尼、機場、博覽館、馬場 (4個)

港鐵而家有84個車站(不計輕鐵)，換言之，超過7成車站均以所在地方/地區/社區命名，只有不足3成車站是例外。

有成 2 成幾 3 成站用另一種命名方法, 咁都叫「特殊」, 唔係呀嘛。既然都有 2-3 成, 多一個港大唔多啦。

仲有呢, 樂富、荔景係屋邨名, 黃大仙係廟名/屋邨名, 寶琳(林) 係路名/屋邨名, 大學站係機構名, 金鐘亦非正式地名。

喺呢個帖，又睇到大家有唔同睇法都幾有趣

原帖由 bobbycheng 於 2014-2-9 19:18 發表
如果命名做西環又得唔得?
地名的覆蓋範圍較大
就好似''將軍澳''除左將軍澳站外
仲包括調景嶺坑口寶林咁

呢個做法唔係唔得
不過都幾大爭議
因為將軍澳站個位係將軍澳
而其他地方都叫將軍澳係因為佢地都圍住將軍澳呢個灣同流入個灣嘅河
用於HKU Station就係另一個原理

原帖由 SSBT 於 2014-2-9 21:17 發表

相信車站命名爭議遲D都會響沙中線出現

「土瓜灣」同「馬頭圍」到時又有排拗

呢兩個站有激烈嘅當地居民混戰
大家又可以食花生

其實中西區區議會講過：「在稍後作車站命名之前，我們會考慮公眾的關注，以及反映地理位置等因素」
可見政府（行政立法諮詢機構）喺呢方面都有一定影響力
當然政府入面港大人就更多啦

另一個問題係用「香港大學」又是否合符「考慮公眾的關注」、「反映地理位置」呢？
定係「其他因素」龍門任搬呢？

原帖由 hoising 於 2014-2-9 11:55 發表
正如大角咀咁
今日海邊已經無叫大角咀
市區重建後賣盤必然叫奧運

你放心，宜家賣樓係無得老吹地區的
鄰板（A10）已有相關討論
http://www.hkitalk.net/HKiTalk2/ ... p;page=1#pid2873822

原帖由 syp 於 2014-2-9 21:19 發表


有成 2 成幾 3 成站用另一種命名方法, 咁都叫「特殊」, 唔係呀嘛。既然都有 2-3 成, 多一個港大唔多啦。

仲有呢, 樂富、荔景係屋邨名, 黃大仙係廟名/屋邨名, 寶琳(林) 係路名/屋邨名, 大學站係機構名, 金鐘亦非正 ...

寶琳/樂富/黃大仙/金鐘係相關車站啟用前，已經用去有關名稱去稱呼附近地區，當時地鐵只不過係配合番地名。

就算計埋荔景同大學入去，都不過30%，可見香港鐵路車站的一異命名準則都係以地名/地區/社區去命名。

同埋,而家唔係多一個港大唔多的問題，而係車站命名是否準確反映所在位置，對乘客是否方便。

反而我想知道閣下反對命名為"石塘咀"的理據，請問閣下可否直接回應一下?

原帖由 stevegold 於 2014/2/9 22:28 發表
寶琳/樂富/黃大仙/金鐘係相關車站啟用前，已經用去有關名稱去稱呼附近地區，當時地鐵只不過係配合番地名。

就算計埋荔景同大學入去，都不過30%，可見香港鐵路車站的一異命名準則都係以地名/地區/社區去命名。

咁亦都證明咗地名不斷在變, 問題只係因為車站原因而變定係其他原因, 其他原因變你會覺得冇問題嗎。

而我始終唔認為有成 2-30% 例子叫例外叫特殊囉, 我還以為是少於 5% 呀。我最初還以為你想話係從來車站都只係用地名命名, 以港大站命名講到好似要破壞咩準則咩傳統咁, 但明明你自己都數咗咁多站用其他準則命名啦, 咁港大命名根本唔係咩特殊咩例外啦。

同埋,而家唔係多一個港大唔多的問題，而係車站命名是否準確反映所在位置，對乘客是否方便。

反而我想知道閣下反對命名為"石塘咀"的理據，請問閣下可否直接回應一下?

我就冇好反對石塘咀命名的, 我覺得兩個名都可以, 冇話邊個絕對優於另一個, 不過我識港大位置多於石塘咀, 所以二者一定要我揀我會揀港大囉。

[ 本帖最後由 syp 於 2014-2-9 23:25 編輯 ]

1. 好耐以前已經講過沙中綫通車，土瓜灣站會叫「宋皇臺」、馬頭圍站跟返隔離座「紅蘋果」叫「土瓜灣」。Tender用緊"Sung Won Toi" (SUW)/"To Kwa Wan" (TKW)
2. 分享個小故事，話說響太子站遇上一個外籍人士問路，本住熱心助人既精神諗住答佢。睇到佢手上寫個地址，我感到一臉無奈，因為佢個目的地係「太子道東」新蒲崗某大廈。唯一可以教佢由「太子道西」末端去到「太子道東」既方法，係叫佢去旺角警署後面搭1A...
車站「最怕改壞名」，我同意車站命名應該講究，最好都係正確地名配正確車站名。
3. 睇返西港島綫社區聯絡小組會議記錄，「有與會者提議香港大學站將來可命名為石塘咀站，因該處附近的居民人數比香港大學的人數多，又或可改為山道站，因為是車站出入口的位置。蕭錦行先生回應，現時的車站名稱是西港島綫工程期間時使用的，直至接近通車時，港鐵公司將會就地區特色及市民意見多個方面的考慮來決定車站名稱。 」大家可以去追數既，不過港鐵是否理會又係另一回事。