九巴 40 往麗港城：下繁設特別班次繞經長沙灣

Snoopy@FB8617 發表於 2016-3-31 13:34
主要原因係美孚轉真係快過荃葵是但一個位轉例如52X/238X咁
新界尾站既下一站就係美孚
調返轉入荃葵轉既話

啦，美孚轉車快係事實，
問題係九巴有冇心去大力宣傳美孚做轉車站呢個定位，
雖然佢之前係有講過，但又真係唔見佢有落力做。

castanopsis 發表於 2016-3-31 12:42
講真，我比較buy 6D飛走新蒲崗入觀塘，然後做飛站半特快
上面版友提到既收費問題只係minor問題，九巴要略 ...

講真, 在SSP既立場...如果2F肯提速唔行橫頭磡-澤安呢段...同埋佢肯兜埋入新蒲崗
咁SSP既觀深線真係一站直飛鑽石山係有更強既吸引力~


明白板友你點解會有咁既睇法...不過都要睇下未來既油長線定實會點玩...

RobynnNKendyFan 發表於 2016-3-31 12:47
$5.8 呢個價都令到佢係去唔到觀塘
不過九巴響宣傳單張就已經定位左 2X 係彩福專線
似乎都無意抽走佢

真係唔怕佢加...比返個服務呢區先LA~
佢加極都上唔到8-9蚊...

RobynnNKendyFan 發表於 2016-3-31 12:51
6D 飛走新蒲崗轉半直通
彩虹道去石硤尾深水埗長沙灣美孚好似變左有真空位
請問呢樣你打算搵邊條線補位 ...

如果6D只係好似舊40咁出入東九...新蒲崗果個位都勉強可以靠2F拉過去頂一頂...
但2F本身又要提速同埋加密先夠做...

AVD1 發表於 2016-3-31 15:25
根本美孚併荃葵只會越踩越深，
不過講真，如果未有呢條 40 之前，我諗以九巴思維都唔會諗到無啦啦起美孚 ...

um...我就咁樣諗, 唔好打2A主意喇...
2A本身都只係夠班次做...

我同意"美孚併荃葵只會越踩越深"呢個講法, 所以我係覺得再要荃葵線落黎美孚唔會係好方向~
當日支持改40落美孚只係折衷方案, 但絕大部份人都深知唔應該係長久既方案~
就算而家美孚做起左個優勢...都唔覺得應該KEEP住咁落去...
荃葵去東九本身都10個煲8個蓋...再要荃葵找SSP數係唔多合理...
只係衰在SSP去東九係10個煲得三幾個蓋JE...


如果單靠美孚一站去做轉乘+美孚自身班客, 而SSP本身又有條特快線係美孚頭站行老龍既話~
我反而覺得拎幾架車係美孚做單向繁時線會好D~
如果真係要單靠美孚一站轉乘客+美孚自身班客要自己食條尾站全日線, 咁2X既班次佢地都要無奈接受~
但係又講真, 20MINS等車時間+車程, 咁對美孚既吸引力一樣大唔過紅小幾多~

AVD1 發表於 2016-3-31 15:25
根本美孚併荃葵只會越踩越深，
不過講真，如果未有呢條 40 之前，我諗以九巴思維都唔會諗到無啦啦起美孚 ...

其實荃葵一D minor位係未覆蓋哂
美孚繼續拼荃灣市中心葵興葵芳呢D major位
當然唔係辦法
但荃葵既minor位唔夠客獨立成線既時候
拼美孚不失為一個好做法

AVD1 發表於 2016-3-31 15:32
啦，美孚轉車快係事實，
問題係九巴有冇心去大力宣傳美孚做轉車站呢個定位，
雖然佢之前係有講過，但又真 ...

咁當然成件事都係assume老九會用心做
lee個assumption 亦都玩得好大

LF6277 發表於 2016-3-31 17:13
其實荃葵一D minor位係未覆蓋哂
美孚繼續拼荃灣市中心葵興葵芳呢D major位
當然唔係辦法

minor 位唔夠客嘅時候，唔通拼美孚就會夠客?
定係又係一句潛台詞?

RobynnNKendyFan 發表於 2016-3-31 12:51
6D 飛走新蒲崗轉半直通
彩虹道去石硤尾深水埗長沙灣美孚好似變左有真空位
請問呢樣你打算搵邊條線補位 ...

彩虹道本身唔係大問題
2F+太子道東兩個站其實已經做到彩虹道大半既功能
我成set建議亦會有其他路線塞落彩虹道（之前建議就係42唔上順利上富山，順利再用其他線補）
不過我都認同改6D做半特快可能會有漏洞
尤其是6D要快就可能要飛走界限街九龍城堆站，甚至行長沙灣道-界限街條天橋飛走石硤尾
飛完之後中間無其他線可以補償得到
不過無論如何，就算要開新線都好，美孚做尾站拼荃葵既現實都唔會改變

stevechau 發表於 2016-3-31 13:51
"人地無服務，就唔代表客量上升會多過美孚無左尾站優勢而流失的"的確係有你講既可能性, 不過理性D去諗就 ...

的確係有你講既可能性, 不過理性D去諗就知呢個可能性唔大得過相反可能性~

根本由頭到尾只係你一廂情願，覺得因為青山道紅小有唔少客，所以巴士走去搶，就一定大把人轉投，會比起而家格局做到更多客

但你一直無解釋過，點解青山道紅小有唔少客，巴士就可以搶到

以前40唔塞車咁行舊路, 嘉頓去到彩虹保守都要30MINS左右~
但嘉頓上路係講緊30MINS停埋站都應該夠入到觀塘BOR~
就算而家紅小行界限街, 都要25-30MINS左右先去到觀塘~
即係話係青山道一帶, 紅小賣唔甩架巴士, 巴士嘉頓起飛停埋沿途站, 紅小叻都係打個和~

https://www.youtube.com/watch?v=D7fRAr8vmZY

隨手搵到條正常交通情況的 6D 行車片，無 cut 燈位時間，由美孚總站去到青山道/大埔道交界，用左 17 分鐘，同我好耐之前坐 40 的時間差唔多。
呢個時間，坐 40 應該都已經到左牛池灣，甚至差唔多去到九龍灣站

青山道大埔道交界，就算跑龍翔道，13 分鐘去唔去到九龍灣站，都係問題，莫講話觀塘，根本就唔會比舊 40 行法快好多

"美孚同青山道併埋一條線，根本唔係唯一選擇"
同意, 不過係只做SSP區, 唔再有荃葵東九線停美孚既情況下~
咁行一定係對條線最好既選擇~
就算而家比你併到入填海區開條線, 他日中九龍幹線開通, 海皮呢條線都實會賣甩美孚...

"根本無合理補償受影響乘客"
最大問題係, 當依舊有東九線係度, 就已經唔使補償...因為唔係好似之前改40咁斷左個服務~

車程增加一倍，人地未必係咁諗，青山道代表唔到美孚

而你又係假設左荃葵東九線全部唔停美孚，但事實係只要唔好美孚併荃灣呢D大位，而係併而家無東九車、但停埋美孚都快過其他選擇的住宅區，停美孚根本唔係問題

對巴士公司既角度, 邊度多客上車就邊度有吸引力...
你到而家都無辦法好似我咁解釋得到, 點解美孚一個站全日既客量數目同穩定性會比青山道一帶高咁多~
你解釋得到你就解得通"根本保證唔到客量增長會大過客量流失"...
而多年黎既客量都睇到, 青山道一帶就係做到你以為保證唔到既野~
青山道尾站對比紅小無優勢, 恐怕又係唔熟客路既講法...只要紅小一日唔全日上老龍, 紅小對一條嘉恍上老龍既巴士線就無乜優勢可言~

無錯，對巴士公司來講，邊度多客上車，邊度就有吸引力，但問題係班客真係上車先得，
你根本證明唔到班客一定會上呢條線

其實非繁忙時間，觀青紅小生意都唔見得幾好，而 40 改路前，
只要前面幾分鐘有架 6D（已經唔好講話吊人尾），成條青山道可以得 10 個客上車

咁的客量，如果無其他甜頭或者借其他新區過橋帶來增長空間，巴士公司點會肯去做

相比之下，美孚閒閒地都可以有 10 個客，40 中午西行長沙灣加美孚可以落廿幾個

美孚而家唔係無客，而班客真係上車，巴士公司角度，都唔會放走尾站

"如果真係要做青山道觀塘，呢條線應該擺蘇屋，因為蘇屋人口會有上升空間，先插旗有著數。
但如果係青山道直行，對佢地吸引力會降低。
其次係條線應該入啟德同九龍灣商貿區入觀塘，避開紅小同地鐵，又食正啟德人口增長，咁先係做生意"
擺蘇屋, 就做唔到工廠區客...到底你明唔明點解唔可以好似6P咁??
蘇屋巴總除非搬位重建, 如果唔係根本就無位食多條全日線...
再者, SOUK同李屋班人平日早就習慣落青山道搭車...你連D客點走都未知, 點去同我講呢度既客冚唔到美孚流失左的??
調返轉, 如果真係只要唔理美孚...咁最好既擺位係甘泉街~
至於啟德同九龍灣商貿區...真係唔好FF, 連現有既客都未做到, 有咩新客都唔關事~
再講, 就係因為SOUK入伙, 先更大可能補到美孚流失左既客~

你仲好意思話工廠區客？根本而家 40 上繁同中午時段都有大把人俾 $8.8 西行長沙灣落車，
唔再蝴蝶谷上落，呢班客點算？就算肯搭你條慢 10-15 分的新線，都收少左錢

想做工廠區放工客的，應該重組後搵條荃葵線下繁兜一兜就上龍翔道（但唔係 40），而唔係塞條慢線俾人算數

蘇屋無錯係唔少人行落青山道搭車，部分座數離青山道更近，
但青山道有紅小競爭，由蘇屋開車點都可以源頭截客，好過青山道同人鬥搶。
呢個亦正正係 6P 蘇屋開的原因。
你再望下條 2 號仔，今年都建議因應蘇屋入伙加兩部車加班就知咩事

根本九巴近兩年的方針係，有新區入伙就先插旗加班搶客。
你話咩「連現有既客都未做到，有咩新客都唔關事」，根本就唔合乎佢地方針。

你個心態，根本就係覺得，青山道班搭緊其他交通工具的乘客大過天，
但佢地既然係搭緊其他交通工具，根本就唔係「現有乘客」

要搶其他交通工具的乘客，係難過新區插旗搶佔 market share 好多好多，
但你就覺得，因為青山道有乘客去左其他交通工具，而佢地無左條 40，所以要優先照顧佢地，其他更值得巴士公司做的客就唔駛理

但事實係，如果再開多條東西九線，方便青山道去觀塘巿中心的話，
蘇屋、啟德兩個新區，仲有九龍灣商貿區，串埋一齊，會為巴士公司開線提供最大誘因

但佢地無誘因倒美孚客專做青山道觀塘

而蘇屋 - 青山道 - 界限街 - 啟德 - 九龍灣商貿區 - 觀塘，同埋你口中條美孚頭站新線，根本都係用咁多資源，
但前者做多好多新區客，又避開紅小直接競爭；同時荃葵合適地區併美孚，又唔會倒美孚客。

相比之下，你條新線，倒美孚客，做唔到新區，純粹只係同紅小鬥搶，試問巴士公司點解會接受一個未保證有新客就先倒走現有乘客的方案？
做新區做大塊餅，同夾硬同其他交通工具鬥搶，純粹滿足補償青山道觀塘的願望，巴士公司會點揀？

完全同意, 根本就唔應該用荃葵資源去開, 甚至繼續用荃葵資源~
作為SSP人, 就正正係因為唔應該再用其他區既資源去補SSP...
而家已經因為咁, SSP去東九既客已經流失左去其他交通工具, 人數上比單一個美孚多好多~
咁, 點解要單為一個美孚去流失一整個大區既客??

唔好偷換概念，自從 40 撤離青山道後，要走的客都走晒，而家無現有服務，
唔好講到唔開返條線就會令乘客流失，因為根本唔係「現有乘客」

反而你美孚尾站變頭站，就真係會倒走現有乘客

如果資源係夠, 唔好話益, 我都覺得應該開多條線比新區~
但而家係無資源, 如果只能夠開一條, 咁梗係搞左舊區多客D既位先...做最多既野先~

上面都講左，而家你條新線同我個建議都係要用新資源，
咁點解唔係用新資源同時搶新區客，又俾青山道觀塘多個選擇，而係用新資源純粹做青山道觀塘的舊 40 乘客，唔做新區，仲要倒走美孚客？
咁叫做「做最多既野」？唔好笑大人個口

丫係，其實我呢條線最後都唔一定要新資源，反正運吉應該唔會再俾全日新線落觀塘道，
而觀塘有條 15A 可以廢物利用，不如就 6P 三架車拎去同 15A 重組，
八部車做平田 - 15A 原線 - 啟麗 - 啟德 - 太子道西天橋/界限街天橋 - 深水步 - 青山道/元州街 - 蘇屋，每 20 分一班

剩返三部車，同慈雲山自行重組，砌條慈雲山九龍灣循環線補償，三部車，朝 7-9 / 晚 5-7 / 假日 11-7 每 20 分一班，
再唔係就幫慈雲山換其他新線，反正佢地攬住成條唔吸引的跨區線，重組空間好大

反而係你呢條只做青山道黃大仙觀塘的新線，我睇唔到可以點同其他路線整合，資源反而用多左，做到既野又少左