荃葵美孚——東西九 重組建議

castanopsis 發表於 2016-4-5 11:14
講真，咁多個方案入面，我個方案荃灣一帶拆線已經拆得非常克制
個概念基本上係一條新40（39C）做晒荃灣 ...

青衣最麻煩係想一條路線做哂整個青衣係冇可能，
到最後都會拆左條唔三唔四 o既路線出黎，即閣下 o既 40B，
雖然話就話要補返比人（甚至補埋比荔景），實情都唔見得青衣南會有客幫襯佢，
所以我認為青衣個問題仍然有討論空間。

最怕條 40B 係頭輕尾重，出到長沙灣先叫多返 d 人好似 42 咁就麻煩（如果唔係之前九巴就唔會建議 cut 短 42），
基於呢個原因我先認為深水埔最好都係由深水埔自己解決。

castanopsis 發表於 2016-4-5 11:18
留意條30X係食埋230X
班次無論如何一定要落到7-8，或者至少10分鐘一班
否則以兩條線既客量我覺得會載唔曬

其實冇話一定唔一定，事實而家荃景圍朝早真係爆到頂哂閘就只係得 39M，
雖然話有好多人要落荃灣返工返學，但另一個主要原因為班客早就習慣左坐地鐵轉車，
其實起過去咁多年九巴都唔知趕左幾多荃景圍客比港鐵，除非九巴有本事搶返堆客返黎，否則載唔哂機會唔高。
要擔心倒不如擔心條 39M 好過。

本來呢 934A 係一個新開始，不過事實係呢條線班次得一班，定線又唔吸引，結果未得 50％ 咁大把。

S3BL100 發表於 2016-4-5 11:16
我擔心的係你做唔做到合理班次 rather than 客量…

班次不外乎係用車問題
我個新建議基本上同原建議個用車pattern係一樣既
究竟邊個位計錯/有機會出錯，煩請指出

兩邊有需求，但運吉又唔肯塞線落觀塘道，結果就係白痴定線

如果唔落得觀塘道，宏照道上觀繞都正常過偉業街好多

之前有人話條線係一間巴士公司用來跣另一間巴士公司
雖然個無人能夠證實
但RPP出現一條咁既線真係好滑稽

其實楊屋道經過近年重建發展後，已經變成全日位而唔係兩味位，人流唔少，所以客量我唔擔心。
因此如果要德士古道尾站，亦唔係事必要行沙咀道

反而你提到荃景圍轉乘問題，第一你係假設 30 要改得成先可以咁轉，但其實戴麟趾 <-> 荔景呢個位已經令 30 的想像空間減少好多；
其次係唔一定要轉 30，如果你停富華街的話，仲可以轉 39M 等線

不過我始終覺得，如果有條件一程過，點都好過轉乘…

荃灣你話用荃景圍+上路、灣景+楊屋道
我又唔會話好反感，始終我自己都曾提出過一個99%相同既建議
只係我仍然唔覺得咁係最理想

客量隱憂先唔講（我當你楊屋道養到條線咁話）
我會覺得條荃景圍+荃市+上路既東九線對荃市吸引力有限
唔知你多唔多坐42C/38，但上路巴士爬山實際上係用唔少時間（亦係點解我寧願里數長都建議行葵涌道天橋）
而站站停，站站斜路起步真係龜速，未計幾個站都係大站，上客要時間

另外，想知你會想點plan東九個路線分配
我個修訂版建議，用咗唔少心思去衡量點樣可以砌到 荃灣市中心/西站/葵興/葵芳 線俾 藍田/油塘/麗港城 三區

AVD1 發表於 2016-4-5 11:21
青衣最麻煩係想一條路線做哂整個青衣係冇可能，
到最後都會拆左條唔三唔四 o既路線出黎，即閣下 o既 40B ...

雖然話就話要補返比人（甚至補埋比荔景），實情都唔見得青衣南會有客幫襯佢，
所以我認為青衣個問題仍然有討論空間。

最怕條 40B 係頭輕尾重，出到長沙灣先叫多返 d 人好似 42 咁就麻煩（如果唔係之前九巴就唔會建議 cut 短 42），
基於呢個原因我先認為深水埔最好都係由深水埔自己解決。

其實荔景點解要補，仲有一個原因——葵涌道荔景邨個站會變成無線去東九
而我實在唔想改38葵芳個走線去遷就荔景

40B美景長青應該會有支持者
始終排小巴條隊去葵芳，再碌大半條荃灣線+大半條觀塘線唔係好受
40B兜埋荔景應該未必慢過上面咁轉，尤其荔景山路本身少燈少客
識轉車亦可用42A>40B轉乘，或者去葵芳搭38
而青南其他位會搭返新42C，這亦係我個人想做到既效果

長深荔美孚自己開線解決其實都唔得
不過40同52X/238X/42A既轉車客既存在，會限死條線美孚尾站而且班次唔可以太疏
點做？真係點group都group唔掂

AVD1 發表於 2016-4-5 11:26
其實冇話一定唔一定，事實而家荃景圍朝早真係爆到頂哂閘就只係得 39M，
雖然話有好多人要落荃灣返工返學 ...

其實冇話一定唔一定，事實而家荃景圍朝早真係爆到頂哂閘就只係得 39M，
雖然話有好多人要落荃灣返工返學，但另一個主要原因為班客早就習慣左坐地鐵轉車，
其實起過去咁多年九巴都唔知趕左幾多荃景圍客比港鐵，除非九巴有本事搶返堆客返黎，否則載唔哂機會唔高。
要擔心倒不如擔心條 39M 好過。

本來呢 934A 係一個新開始，不過事實係呢條線班次得一班，定線又唔吸引，結果未得 50％ 咁大把。

如果食埋楊屋道應該可以支持7-8分鐘一班？
但咁會食多5支燈同幾個站，唔知又會唔會對行車時間有影響

荃景圍交通真係有待改善
去荃灣話就話有30/39A/39M，實則前面兩條近年越做越頹
而一講荃灣以外就真係死得人多，城隧線又無，東九線又無，去葵興芳得條垃圾30，去西九條30X仲衰過轉鐵
934A插旗味濃厚，但下面930X開半全日，你上面淨係開得一班，即係嘥鬼氣
我成日話，顧全個局，934A係運輸署協調兩間巴士公司失敗既產物

某程度上你可以坑位有限，開唔到咁多條
但問題係連接駁巴士既服務都做得唔好
明明已經有三條線落荃灣（叫做），但轉堆大河道線連同站轉乘都做唔到呀陰功

真係........

AVD1 發表於 2016-4-5 11:12
大窩口邨其實行去大窩口站上都得，即用返我上面條青山公路線，
所以我一直以黎都認為要先搞清楚究竟荃富 ...

荃富街都有商場係手
大窩口有幾座樓較近荃富街
要填返段路都不無道理

castanopsis 發表於 2016-4-5 10:32
我絕對唔看好你所建議既海濱花園新線
本身工業區非繁客量仲衰過住宅區，而我望過幾次都搵唔到你所指「夾 ...

德士古道有工廠區夾雜住宅, 附近也有熊貓酒店, 加上楊屋道暫時未有車到東九, 以我所知德士古道附近好似有公屋起緊(已經見到個公屋外型)
又例如麗城花園近柴灣角街工廠區同如心/西站, 青山公路(由荃灣站至麗城花園全段沒車到), 荃景圍覺得不如自己爭取好過

似乎就是不關 38 事, 但因為 42C 改特快後, 38 進一步延長到葵涌村後, 38 / 38C /42C 三線會完全分開, 變成 38 重要性再度提高什至要吸納 42C 部份客源
熊貓酒店(荃富街站)會變成全日沒東九車到, 雖然乘客可搭官荃紅小, 又可大窩口搭 290 系 / 新 40 / 新 38C 線, 又可搭鐵
同埋我想說上面 "新海濱花園清客線, 經葵芳新都會" 經永基路建議是寫錯左街名, 正確是葵福路(來回經葵福路), 而且基於路段問題, 個人建議只單向停葵芳站 / 來回均停同一个巴士站

其實新海濱花園清客線個人預留了三個後備計劃, 因個人幾看好呢條線客量, 又可以經楊屋道再上葵福路, 可吸納埋 38C 所有新客源

計計數, 假設大車用 135 人上限
海濱花園2站, 龍德街1站, 葵芳站1站 (楊屋道1站), 葵福路 2-3 個站(由於目前沒巴士經呢條路, 用小巴站牌作設計基準), 即 6-8 個站, 要爆車就要一個站 22 人(計20人), 坐滿就要10人
除非海濱花園2站, 葵芳站1站,  (楊屋道1站) 完全0人上車, 只要有3站上到 50人就已經合格, 否則這線作為 38 輔助線未必不是好事

其實 40B 要葵涌上荔景美孚 + 單向長沙灣對放工客來說是白痴, 正正就本人建議清客線原因之一, 而且 38C 望落去好似仲有其他屎忽野玩(有興趣可另文討論), 其實假日 15 分鐘一班 38C 是可接受
平日就真是要試下水溫先知, 40B 要動埋 40A 幫手 (40P 全日), 感覺會是另一個故事

expertuser2004 發表於 2016-4-5 21:14
德士古道有工廠區夾雜住宅, 附近也有熊貓酒店, 加上楊屋道暫時未有車到東九, 以我所知德士古道附近好似有 ...

你所提及鄰近德士古道興建中類似公屋的建築應是沙咀道的尚翠苑。

castanopsis 發表於 2016-4-5 11:56
其實荔景點解要補，仲有一個原因——葵涌道荔景邨個站會變成無線去東九
而我實在唔想改38葵芳個走線去遷 ...

長深荔美孚自己開線解決其實都唔得
不過40同52X/238X/42A既轉車客既存在，會限死條線美孚尾站而且班次唔可以太疏
點做？真係點group都group唔掂

其實究竟有冇 40 <> 42A、52X、238X o既客量資料，
我一直以黎都好懷疑究竟有幾多人會咁樣轉車，
假如一直以黎係站起巴迷角度去睇美孚轉車係快，因而值得去做
而事實係相反的話（九巴係叫人坐 234A/B、238M > 40），即係話其實美孚轉車客只係有限數，
咁成件事就已經唔同哂。

所以我成日都話，如果九巴係要大搞美孚轉車站當然係好，但係如果仲係停留返區內線轉區外線，而唔係區外線轉區外線的話，
其實深水埔區（包括美孚）就咁比返條全日 15 分鐘一班去東九就已經搞掂 － 同現時 40 睇齊返就算數。
反而呢，荃葵青應該盡可能做點對點 － 包括海濱其實係可以用 38A > 青山公路東九線。

castanopsis 發表於 2016-4-5 12:15
如果食埋楊屋道應該可以支持7-8分鐘一班？
但咁會食多5支燈同幾個站，唔知又會唔會對行車時間有影響

就算冇七至八都斷估有十分鐘，最小真係有客 support 條線，
否則一個荃景圍要做七至八分鐘真係有點兒妄想，就算你話大河道會有人上都唔會多（睇現有 30X 已經心照）。

至於荃景圍交通要改善呢回事，旨意九巴真係哂氣（睇下近呢幾年 o既 RPP 已經心淡），
所以我提倡荃景圍自己救就係呢個原因，上回講到條東九線其實係冇辦法之中 o既辦法，
否則仲旨意九巴好似西約咁無啦啦比多幾條線荃景圍？真係發緊夢。