[愚問]鐵路上蓋物業嘅地基，喺設計車站/車廠時已經設計好?

港鐵啲項目，通常都連埋上蓋物業一齊發展，
咁究竟，鐵路上蓋物業嘅地基，喺設計車站/車廠時已經設計好甚至起好？
定真係發展時再加或者修改？

如果一早已經起好左，咁改動上蓋物業設計時，洗唔洗再改個地基設計？
定係只要合乎某啲要求就唔洗再改地基？

因為見到好似何東樓車廠咁，分左三期發展，個設計每期都好唔同，
如果個地基一早起好晒咪好難改設計？
但如果個地基喺後期先起，咁咪對車廠日常營運有好大影響？

而未來如果要發展八鄉車廠，咁係咪又要封左某啲位置去起地基？

自己唔係做工程或者建築相關行業，唔知應該問邊個....
抱歉愚問...

依個視乎上蓋物業是否直接建在行車隧道或車站結構(月台和大堂)之上

如果係直接建在上面或非常接近車站，就要係興建車站時已經設計好，因為上蓋物業既重量需要較大既地基和支柱才能支撐，如果係後加地基支柱，會好大機會影響鐵路運作，就算唔影響都工程難度好大
所以你見好多站興建時既支柱已經好粗或好密，係預留左日後起上蓋，例子有藍田匯景9-16座，青衣城，荃灣西五區灣畔，南昌站，元朗站(即將動工)等，建在鐵路隧道上面有環宇海灣

至於鐵路車廠，就有較大彈性，一早設計地基可免日後影響運作，如銀禧花園，而後加地基技術上也可以做到，只要分階段打地基便能減少影響，如御龍山

唔係直接係車站，隧道或車廠上面既"上蓋", 就唔需要預先設計好，如溱岸8號，荃灣西城畔等

ATE31 發表於 2016-10-2 21:04
依個視乎上蓋物業是否直接建在行車隧道或車站結構(月台和大堂)之上

如果係直接建在上面或非常接近車站，就 ...

環宇海灣雖然係直接响西鐵隧道上方，
但兩個結構係獨立興建

興建環宇海灣時，係响西鐵隧道兩邊鑽樁柱，
再在樁柱上起塊很厚的石屎樓板橫跨西鐵隧道。
環宇海灣七幢大樓就在石屎樓板上興建

其實絕大部份私人物業發展，不論係唔係鐵路上蓋，
興建地基一刻都未有發展最終定稿。

建築師會按地皮的用途、地積比率同規劃限制高度等限制劃了初稿。
再按初稿去設計地基。設計地基時亦留佐好大水位。
只要最終物業壓落/拉起地基的力，唔過樁柱的承受能力就得。
就算過佐，都有大把方法分去有剩餘能力的樁柱。
更甚者聽聞過，塊地可以打到樁的位置都打。
畢竟相比起物業發展收益，地基建造費只係碎銀

車站同車廠上蓋係同一道理，只不過設計地基同支柱時，
要配合下面車站同車廠格局

s3n370 發表於 2016-10-3 20:40
其實絕大部份私人物業發展，不論係唔係鐵路上蓋，
興建地基一刻都未有發展最終定稿。

最終定稿應該仲會改，但成棟樓咁重，
如果主力牆同支柱嘅力，唔係直接傳落樁柱度，
而係透過一個好強嘅橫樑架構去將啲重量傳返去同樁柱度，
咁係接近地基果個橫樑系統咪要好粗囉？！
同埋地震時會唔會好易冧㗎？

peterson 發表於 2016-10-4 00:53
最終定稿應該仲會改，但成棟樓咁重，
如果主力牆同支柱嘅力，唔係直接傳落樁柱度，
而係透過一個好強嘅橫 ...

無幾多結構的主力牆同柱，可以坐到正一正落樁柱度
兩樣野之間一定會有你所講好厚的橫樑（更多情況係樓板狀的樁帽/大毡板）等結構連住

再者香港所有結構均需抵受颶風吹襲，係可以換算成抗震能力
天文台數字話香港樓宇遇到7度烈度地震，只會有輕微損毀。

畀個例子你，高鐵工程第一張contract就係「南昌物業地基移除及重置」
即係當年九鐵（政府）衰大貪，見有位就打定樁，打到高鐵隧道都過唔到要抆樁

hokachung 發表於 2016-10-4 22:20
畀個例子你，高鐵工程第一張contract就係「南昌物業地基移除及重置」
即係當年九鐵（政府）衰大貪，見有位 ...

又好難話大貪

當年無人估到高鐵係獨立走線，更無人估到會行西九填海區
唔止南昌站要拔樁，另一單合約"深旺道障礙物移除"，
需要拆幾條沿路天橋同地基

呢個位要打樁的話
既然無人估到係要留位行高鐵隧道，以當年的目光，
任何人都會叫起西鐵果陣起埋
起西鐵果陣打埋樁，唔駛理D乜野Railway Protection Zone
通車之後啦喎...

咁又無話唔可以遲D起先上蓋物業地基0既，
環宇海灣都係咁起啦，要做多好多野咁解啫

hokachung 發表於 2016-10-4 22:20
畀個例子你，高鐵工程第一張contract就係「南昌物業地基移除及重置」
即係當年九鐵（政府）衰大貪，見有位 ...

咁反而係證明決定起高鐵獨立管道同定綫果個政府太貪至真

起好左又拆左佢，違背埋當年設計原意

或者怪上蓋起得太慢啦

03年通車 樓市差推唔到地出黎賣

結果到而家都係得瓏門推出黎