南港島線通車後，南區巴士輸剩幾多？(歡迎交流見聞或測試)

今次1720掛8號波,啲人提早晒收工
我如常收工反而唔駛同人逼

1851海洋公園往黃竹坑,第2/3卡比平時鬆動


去到黃竹坑轉4M,條人龍已經清得七七八八
反而小巴條車龍排到出站外,仲易上車過平時

搭小巴途中(約1900)見兩部171入鴨島
一九一城,都係運櫈

kay 發表於 2017-6-12 17:51
頭先坐8255@48
係黃竹坑站都上爆了

今時唔同往日，以前可能仲喺中環／金鐘／灣仔／銅鑼灣望車興嘆（如果好彩有車嘅話），上到車仲要唔知塞幾耐
宜家可以穩穩陣陣返到黃竹坑站，最壞情況都仲可以行路返香港仔（橫風橫雨都係咁話）

今早約 8:40 海怡開車, 頭卡要企, 第二及三卡座滿, 去到利東頭二卡 7 成幾 8 成, 第三卡有 7 成.
  
去到黃竹坑好大雨, 小弟既第三卡已 8 成, 理論上頭二卡過 9 成出金鐘.
  
好彩有新城, 咁先感受到有地鐵既可愛, 如今朝無地鐵要焗等新城, 全公司缺人無車等同中巴出車率, 真係火都黎.
  

呢個post仲可以推幾耐，唔知歷史有冇記錄係超越呢個post呢

HV7967 發表於 2017-6-13 21:20
呢個post仲可以推幾耐，唔知歷史有冇記錄係超越呢個post呢

如果是住在南區的朋友，我相信他們有一個共鳴，就是塞車10至20多年，加上中巴又好，新創建又好，小巴又好，
皆令不少南區居民感到很憤怒。

對我自己來說，南港島線通車是很感觸，
因為南區的路面交通服務是需要長時間觀察才知道運作模式，
例如了解營辦商心態、司機駕駛態度、塞車高峰時間等等。

雖然MTR很多人批評，但南港島線非繁忙時間5列列車，4分鐘一班；
繁忙時間7列列車，3分鐘一班，大家有一個預算。

而且好像tridents兄觀察這麼久，SIL通車接近半年，
只要了解沿線車站設計和運作，坐SIL自然就得心應手。

相比巴士和小巴無了期等車和塞車，SIL真的南區一大利民基建。

今日見證到要整整2個鐘頭由黃竹坑去金鐘...
話說今朝好大雨 係深灣總站 咁岩又走哂小巴同48 而75 9:25果班又開左門上客
咁就上75 費事落咁大雨又要行又要迫
一轉出黃竹坑道就開始塞到停哂 龍尾唔知去到邊... 隧道就不斷間封 又停得耐 差唔多成10:10 先入隧道
隧道入面就好似以前南港島線未開之前咁塞 一路行下停下 有次仲要停成差唔多5分鐘先再郁 最後10:30先出隧道
又要慢慢塞落橋 10:42先埋立德里個站.. 之後北海出面仲要撞埋車 成條摩理臣山道塞哂
最後過埋北海撞車位先通返 但都已經十一點幾 最後太古廣場落車係11:20
呢次真係經典

dydx 發表於 2017-6-12 21:25
今次1720掛8號波,啲人提早晒收工
我如常收工反而唔駛同人逼

回想以前惡劣天氣，在交易廣場、金鐘東、希慎廣場等巴士站回南區，
不知道等多少車，在堅拿道巴士專用線塞半小時甚至1小時才可以上香港仔隧道，
這些種種的回憶，真的很難怪南區人這樣齊心坐MTR，看看昨晚利東站排隊等lift的情況就知道。

HV7967 發表於 2017-6-13 21:20
呢個post仲可以推幾耐，唔知歷史有冇記錄係超越呢個post呢

大家都係吹下水分享下各自搭車模式, 活躍呢個 Topic 既朋友都可互相領略對方搭車手法, 南線通左咁耐, 我都係吾超過 3 次黃竹坑站出轉車去香港仔, 就係因呢個 Post 見識大家經驗, 得知行出去中銀 ATM 搭 $3 車係最 So.
  
其實大家講黎講去都係分享下搭鐵搭巴士見聞, 邊分享邊收料邊學野.

herobrine 發表於 2017-6-13 21:49
今日見證到要整整2個鐘頭由黃竹坑去金鐘...
話說今朝好大雨 係深灣總站 咁岩又走哂小巴同48 而75 9:25果班 ...

師兄, 好堅喎, 仲堅過落 8 號趕返工, 座足 2 個鐘未試過.

小弟最堅座最耐試過一次佔中佔銅又大雨, 太古城上 99 近 2 個鐘先到海怡.

herobrine 發表於 2017-6-13 21:49
今日見證到要整整2個鐘頭由黃竹坑去金鐘...
話說今朝好大雨 係深灣總站 咁岩又走哂小巴同48 而75 9:25果班 ...

2個鐘真係搭鐵無乜地方到唔到，鴨島入到去上水最多一個鍾多0的．
鴨島入大西北好似要近個半鍾．好記得0個日去排巴模排左幾個鍾有
人打比喻，排幾個鍾搭機都去到台灣日本．你搭2個鐘巴士部機起左
飛都差唔多去到台灣/日本，可見塞到好過份．不過你肯落去培塞實
更多令更塞0既0野會走出黎，壞車/撞車/lum樹/水浸．睇下你仲敢
唔敢去搭巴，情願"dap"最多帶多件衫去到你要去地方附近換都唔會
再搭巴．除非你係行動不便/長者仲要係唔趕的，長者趕知道疏車行
到都會捱去行到港鐵站．．．