原帖由 053h4 於 2006-6-17 22:51 發表
2% 重唔係通賑?
而家佢地對外宣稱加4%, 重要用乘客做賭注wo
That's the art of politics.
唔落注你估資方會唔會同佢傾
若果要求加 2% 你估資方會唔會肯加 1%？
唔好睇到聲言罷工係咁大件事
真正大件事係罷工，唔係聲稱罷工。
呢個只係策略
要迫資方談判一定要有籌碼在手
巴士員工如是、飛機師如是
[ 本帖最後由 ahbong 於 2006-6-18 01:28 編輯 ]
我覺得唔單止所有o既專利巴士
公司o既管理層, 所有公營機構
o既管理層都應該減自己o既人
工啦, 既然打工o既加得咁少,
我諗應該將管理層同基層員工
o既人工差距收窄, 咁果班打工
o既先冇咁嘈.
不過我要勸發動工業行動o既
基層員工要以理性o既態度採
取行動, 否則所帶o黎o既負面
影響會好大, 對市民, 股東, 公
營機構本身甚至對香港o既形
象都會受影響.
原帖由 a396 於 2006-6-18 13:14 發表
不過我要勸發動工業行動o既
基層員工要以理性o既態度採
取行動, 否則所帶o黎o既負面
影響會好大, 對市民, 股東, 公
營機構本身甚至對香港o既形
象都會受影響.
紐約早排先至有巴士地鐵罷工，不見得紐約因此而形象受損。
巴士火車罷工o係先進國家o既大城市屬家常便飯，甚至已經係市民生活
o既一部份。不過，如果今次o既工業行動唔係罷工，而係外國好流行o既
「拒收車資」，咁相信一定更受普羅市民支持。
而家最新的計劃係:
星期一 10:00-12:00 兩小時按章工作
星期二 07:00-10:00, 16:00-19:00 六小時按章工作
星期三罷工一天
我覺得話司機罷工唔理性時
要諗起你講緊既理性係d乜
如果理性=自利
那罷工正是非常理性，因為可迫使公司加薪
如理性=公眾利益
即不管公司待遇如何，都要保障公眾搭車
那是否表示司機任何時候都不可以雜開工作崗位﹖
我想應返落依家實際情況講
司機的行動「合理」還是「不合理」
比用「理性」這個慨念更好
巴士公司在沙士期間, 盈利下跌7成, 仍然有錢賺, 近年更加速削線,
事實上巴士公司是一盤穩賺生意, 這麼多年有多少年虧損, 根本上,
早幾年共渡時艱, 車資也沒有回饋乘客, 至於派息, 現在股價已反映
了出來, 一切只是借口而已, 巴士公司所謂善用資源, 員工沒有加獎,
乘客沒有得益, 選擇少, 班次疏, $250作為辛苦工作的前線員工獎金,
簡直是侮辱員工專業, 眼見同業不加薪, 有樣學樣, 更加無良心, 所以
工會作出工業行動, 實在是對公司刻薄的反訴, 當然現代勞資談判,
技巧上已有不同策略, 最後當然希望和氣收場, 作為局外人, 可欣賞
各方的技巧, 未來或可能在其他方面, 作為一個參考, 不失為擴闊眼
光的途徑.
原帖由 limited 於 2006-6-18 19:27 發表
而家最新的計劃係:
星期一 10:00-12:00 兩小時按章工作
星期二 07:00-10:00, 16:00-19:00 六小時按章工作
星期三罷工一天
嘩．．．．．．若果星期二九、城、新都o係上下午繁忙時間攬按章工作，咁全港所有九、城、新三間巴士公司既巴士線既行車時間都一定會長左law，再者如果朝早冇提早出門既話，咁返工返學遲到既機會亦會大左law．．．．．．
另一方面，以往巴士公司既按章工作行動亦會包括巴士o係行車時既車速一直唔會超過30公里每小時(唔知係唔係，有錯請指正)，如果今次三間巴士公司既按章工作行動真係包括埋呢樣野，我唔怕老實同各位板友講喇，星期二上下午繁忙時間一定會出現嚴重大擠塞架喇，再加埋星期三九、城、新計劃既大罷工(據亞視新聞所講，如果九、城、新大罷工真係要實行既話，咁全港會有六千架巴士會停駛，咁到時本港既巴士服務將會大受影響)，我可以相信，受苦既只會係普羅市民，因為咁樣既工業行動只會令巴士既班次嚴重受阻，咁到時市民等巴士既時間會長左，上巴士亦會比平時困難好多。o係咁既情況之下，市民無奈地要改搭其他交通工具，包括鐵路，但係，其他交通工具o係巴士服務嚴重受到影響既時候又能唔能夠應付到，就成為一個疑問喇。
事實上，今次專利巴士公司既勞資雙方就加薪問題持續僵持不下，原因何在呢？好簡單，就係因為勞方希望資方可以加員工若干百分比既薪金，以享受經濟增長下既成果；但資方就指由於油價持續高企，加上公司持續凍結票價，經營上有一定壓力，難以應勞方既要求加員工若干百分比既薪金。勞方同資方o係觀點上有不同，我覺得好正常姐，只要慢慢傾，慢慢冷靜地諗一D方法化解勞資雙方既分岐，問題本應可以o係短時間內解決既，唔使攪到要按章工作或者罷工咁；但好可惜，勞方只係批評資方談判冇誠意，只係顧住自己既利益，而冇好好認真考慮、體諒到公司既營運情況有幾困難，結果勞方以氣用事，唔理公眾有冇造成損害，就攪工業行動，作為資方妥協既籌碼．．．．．．唉，再係咁拖落去唔係辦法架，只會令問題越來越嚴重，普羅市民所受既苦(即係搭車之苦)越來越深，咁結局係：勞資雙方都得不償失，兩敗俱傷。
所以，企o係我立場黎講，係絕對唔贊成勞方以按章工作及罷工呢d工業行動，迫使資方修改薪金調整方案。我o係度重申，勞方今次既行動，只會令全港市民同埋勞資雙方都冇任何益處，而且勞方咁做到明係以氣用事，唔顧大局，只顧自己既利益，我覺得咁亦都係一件唔值得去做既事。如果今次工業行動，令到全港交通嚴重受到影響，攪到全港市民飽受搭車之苦，咁邊個要為此負責呢？
原帖由 053h4 於 2006-6-18 20:18 發表
穩賺? 根本stagecoach 就唔會因前景不明朗而離開
因為鐵路競爭同政府限制
另外, 本土巴士公司走出向
以求轉機, 另外巴士公司是否毫無風險?
經營上, 成本並無議價能力, 收入上, 也是受政府政策影響
政府政策轉變, 也變了...
所以話呢，我本人認為，今時今日巴士公司既經營情況咁慘烈，無多無少都係同政府既『保鐵政策』有關架啦！:@點解？好簡單，就係因為政府實行『保鐵政策』，令到巴士公司o係擴展巴士服務上出現左受到政府既限制，部分巴士線想加班加車又比運輸署話唔得，想開新線又比運輸署話唔得、唔批，而且，巴士公司更o係政府既壓力下，削減部份巴士線既班次同埋降低巴士公司所擁有既巴士數目。
呢D只係我既個人見解姐，但有可能會比其他板友反駁，呢點我唔緊要，但各位板友評論我所發既文章時請以平常心黎評論，唔好太躁火，語氣亦唔好太重。