原帖由 3AD172004 於 2006-6-18 20:28 發表
嘩．．．．．．若果星期二九、城、新都o係上下午繁忙時間攬按章工作，咁全港所有九、城、新三間巴士公司既巴士線既行車時間都一定會長左law，再者如果朝早冇提早出門既話，咁返工返學遲到既機會亦會大左law．．．．．．
另一方面，以往巴士公司既按章工作行動亦會包括巴士o係行車時既車速一直唔會超過30公里每小時(唔知係唔係，有錯請指正)，如果今次三間巴士公司既按章工作行動真係包括埋呢樣野，我唔怕老實同各位板友講喇，星期二上下午繁忙時間一定會出現嚴重大擠塞架喇，再加埋星期三九、城、新計劃既大罷工(據亞視新聞所講，如果九、城、新大罷工真係要實行既話，咁全港會有六千架巴士會停駛，咁到時本港既巴士服務將會大受影響)......
假如全港巴士罷駛，以今日政府時刻防範市面大亂o既政策，一定會宣佈全港學校停課。當年中巴罷駛朝早冇出車，港島
區學校同港島區居住o既學生一律停課。
但如果交通都一樣大混亂，可能會叫埋政府和私人機構工作上多用電腦／電郵，盡量減少員工上班，減輕交通負荷。
不過，最壞打算，可能要政府插手幫巴士公司解困，先至能夠圓滿解決問題。
原帖由 KR1691@102 於 2006-6-18 20:46 發表
假如全港巴士罷駛，以今日政府時刻防範市面大亂o既政策，一定會宣佈全港學校停課。當年中巴罷駛朝早冇出車，港島
區學校同港島區居住o既學生一律停課。
但如果交通都一樣大混亂，可能會叫埋政府和私人機構工作上多用電腦／電郵，盡量減少員工上班，減輕交通負荷。
不過，最壞打算，可能要政府插手幫巴士公司解困，先至能夠圓滿解決問題。
如果政府真係保鐵o既
大可以撒手不理
再挾民意拍板起南港島線
原帖由 Eddie 於 2006-6-18 20:51 發表
如果政府真係保鐵o既
大可以撒手不理
再挾民意拍板起南港島線
所以呢鋪真係兵行險。
假如罷工「成功」搞到交通大亂，一係政府出面幫巴士公司鬆綁，放寬保鐵政策，全面容許巴士公司以商業角度運作，大
搞高客量又賺錢o既市區線，縮減冇客而「為地區政治」服務o既蝕本線。
但若果巴士罷駛令市民生活冇大影響，等於宣佈巴士行業可以淘汰！於是鐵路優先政策更鞏固同全面化，巴士公司生存
空間更小。不過到頭來，巴士行業萎縮，受害最深o既就係巴士車長。:@
廖局長無將小弟嶺南雞飯0既預言聽入耳
而家出現今日咁0既結果
只有一句說話想講:咎由自取
早就叫0左局長大人唔應該大幅度插手公共交通事務
等市場可以自由發展同調節服務0既內容0架啦
'保鐵'固然係打亂市場秩序(令到本港公交市場嚴重失敗=Market failure)
最過份0既係:政府根本無完全正確0既態度同對市民公交需求0既了解
制定一大堆10年之後先至有效0既所謂公交政策
真係上帝聽完都要發火...
如果巴士罷工成為事實0既話
小弟勸廖局長為佢0既公交政策嚴重失誤
引咎辭職,以謝全港市民!
(否則,全港市民應該借人民力量:打倒呢個失職局長!)
為何新巴兩個工會每次都分開行動？
一個話星期三罷駛，另一個話星期五罷駛
原帖由 LNChickenRice 於 2006-6-18 21:49 發表
早就叫0左局長大人唔應該大幅度插手公共交通事務
等市場可以自由發展同調節服務0既內容0架啦
'保鐵'固然係打亂市場秩序(令到本港公交市場嚴重失敗=Market failure)
最過份0既係:政府根本無完全正確0既態度同對市民公交需求0既了解
制定一大堆10年之後先至有效0既所謂公交政策
真係上帝聽完都要發火...
於是有大量非法巴通街釣客，紅小快線o下o下飛成百咪奪命狂奔，明知搵命仔搏，一樣大受歡迎。
點解？壓抑o左巴士增長，巴士公司唔敢搏，拒絕擴充長途特快線，但逼唔到市民改搭鐵路。
新市鎮人口增長，諗住起好馬鐵西鐵就一勞永逸，但難以維皮，以為引導市民少搭巴士多用鐵路，副作用就係養肥Ｄ非
法村巴同間接助長小巴超速行為。
好快又「慶回歸」，若冬姑呢鋪搞到一鑊粥，等如推高七一遊行出席率，到時Ｄ人會舉牌打倒邊個呢？
[ 本帖最後由 KR1691@102 於 2006-6-18 22:09 編輯 ]
原帖由 LNChickenRice 於 2006-6-18 21:49 發表
廖局長無將小弟嶺南雞飯0既預言聽入耳
而家出現今日咁0既結果
只有一句說話想講:咎由自取
早就叫0左局長大人唔應該大幅度插手公共交通事務
等市場可以自由發展同調節服務0既內容0架啦
'保鐵'固然係打亂市場 ...
咁係咪要撤銷巴士專營權
任何人有錢買部客車都可以做生意?
唔濫用好自由市場呢個字眼
原帖由 GK9398 於 2006-6-18 22:05 發表
為何新巴兩個工會每次都分開行動？
一個話星期三罷駛，另一個話星期五罷駛
因為兩個隸屬不同派系 ,
發起星期三罷駛的是工聯會屬會 , 星期五的是職工盟屬會
其實罷駛最影響西區、南區及東九龍，如果呢幾個區有鐵路直達的話，根本就唔需要怕
受罷駛影響。
我認為因素今次事件，應該繼續加快鐵路發展先o岩。而家巴士公司又唔係無錢賺，一年俾
兩百五就當「加人工」，即係除開一個月先得廿蚊，你當班司機大哥係乞兒咩？如果巴士公
司唔係搞到咁寸(新巴原本想加但見九巴唔加佢又唔加)，都唔會引發事件。
不過我會更支持巴士司機實行「拒收車資」作為工業行動，市民歡迎，巴士公司肉赤，拒收
幾日巴士公司自然挨唔住(一日過千萬)，咁咪會乖乖加人工囉。
[ 本帖最後由 PB602 於 2006-6-18 22:37 編輯 ]
話時話,覺唔覺冬姑潛左水?
來來去去都只係運吉d運輸主任出聲