GW5878 發表於 2020-4-12 18:21
相比 102
無論係方便程度(唔使轉車) 同埋直接(一站直出)，黨鐵都要企埋一邊啦
咁坑口人搭黨鐵出觀塘又要等埋康城車？
況且，102 轉車都密過你架巴士多多聲啦。
馬亞木如果真係病貓一隻，
當年 298E 同 797M 就唔會無啦啦飛走清半啦。;P
GW5878 發表於 2020-4-12 18:44
只計現有道路網之下而唔計「地理到達」，離將軍澳隧道最近既地區，應該係景林邨景榕樓，人地一出隧道第一 ...
咁又有幾多巴士會用嗰條路呀? 而家現實就係冇乜巴士行嗰條路呀嘛 ，現實就係坑口冇乜巴士直出呀嘛， 所以你係冇理由將現有嘅巴士資源無啦啦調咗去坑口直出嘅巴士， 更何況靠一個坑口直出你覺得客量會夠咩？ 當然你同我講102梗係夠啦， 因為坑口冇乜直出嘅巴士咁得佢一架係直出嘅，咁咪個個都用佢囉咁咪夠囉， 更何況坑口仲有地鐵搭呀嘛。 明明坑口嘅巴士資源呢已經係成個將軍澳區裏面都已經算唔少，但係就要嫌三嫌四， 一係就要嫌行山路，一係就嫌貴
本帖最後由 ViviTse 於 2020-4-12 19:29 編輯
SE7378 發表於 2020-4-12 16:43
咁好老實，297 單靠坑口出九商紅土係咪夠客全日？
依家就算係寶林尾站都唔好做，頹到非繁要開 20/25 分一 ...
不如先講講放寶琳做297尾站有咩唔掂：
新都城出九龍灣嘅，我自己都揀106或者111啦；新都城出土瓜灣就唔使問105啦；
297疏到咁，除非105爆晒，或者咁啱見到297，否則297都真係never the first choice去返寶琳。
咁其實有咩原因令閣下覺得如果297寶林開經坑口出會唔夠客全日呢？
小巴競爭？坑口唔同寶琳，既無106出九龍灣，又無111出九龍灣，更無105出土瓜灣，297於坑口零競爭。
將軍澳綫競爭？港鐵唔到土瓜灣，如果係要計埋九龍灣站步行往九貿區、或者紅磡/黃埔，
我諗將軍澳綫出去297沿線各個地區，於坑口而言一樣係極度唔吸引，唔好唔計得將軍澳綫通車至今，
北角來往寶琳嘅列車減過兩次班，2009年或之前嘅班次係比2019果陣多22.2%，跟住今年又再減咗一次。
若果覺得非寶琳直出就會如同692嘅下場，咁請問796X點樣可以全日10幾分鐘一班都密密有客？
再者，就算依家297兜完寶琳再兜九貿區先出土瓜灣，坑口都仲有好一定嘅客量，
我前幾日疫情期間嘅閒日非繁忙時段去望過一次，唔知關唔關疫情減班事，但一班297喺坑口嘅一個站係可以上15個客，
唔係拎一班車嘅客量去證明條線嘅全日客量，但係求其閒日非繁嘅其中一班，就算迂迴都仲有15個客，絕對唔係細數目。
有朝一日 GMB 102 同黨鐵無敵疏，巴士味有 Market。:lol
其實個笑點究竟係邊？真係get唔到wo
102早繁坑口站人龍日日都清唔到，晚繁過後九龍灣站都一樣，但三班有兩班都快線客滿飛站，
疫情之前平均等4-5個字先上到咁又係咪「無敵疏」？將軍澳綫減兩次班又係咪「無敵疏」？
咁不如解釋吓點解將南用將軍澳綫travelling time短十分鐘有凸，但巴士需求會更殷切？
如果話102影響到98,797入唔入到坑口，咁呢個我認同；但對於297呢類巴士嘅market，恕我唔同意有直接關係。
GW5878 發表於 2020-4-12 18:54
最直接既路無用到所以先要多D巴士用呢D路囉。
你估九巴傻嘅咩佢唔知有呢條路嘅存在㗎？ 佢唔用梗係有佢嘅原因㗎啦
本帖最後由 jacky03 於 2020-4-12 19:10 編輯
WongKinYat_WKY 發表於 2020-4-12 18:51
咁又有幾多巴士會用嗰條路呀? 而家現實就係冇乜巴士行嗰條路呀嘛 ，現實就係坑口冇乜巴士直出呀嘛， 所以 ...
102出觀塘要$9.6你覺得唔貴?
你覺得98a用5個字出觀塘好快?(仲唔計上落客嘅時間)
GW5878 發表於 2020-4-12 18:52
你問得出第一個問題即係代表你根本唔識紫線運作，PIDS 無寫出黎就代表唔使等埋康城車？
如果唔係要等康城 ...
其實我係知，因為我搭過無數次紫線，經歷過無數次中途停車，
但學你話齋，大部分人搭車都講觀感呀嘛，
去程 PIDS 無寫出黎要等埋康城車，
觀感已經同回程小心隨時堕入康城輪迴有分別啦，
加上紫線列車係唔會遭遇好似朝早將隧塞車既路面情況，
觀感已經差天共地。
0q9w8e 發表於 2020-4-12 17:03
倒完寶林客坑口有冇多咗客都成問題
因為坑口本身係咪都要搭佢，冇代替品 ...
講真，如果796X個行法係類似於796P回程的話（即係富康尾站），我相信297喺屯馬綫通車之後（甚至未通車）都已經可以唔使玩落去。至於megabox果個位，其實真係有唔少人會去102/MTR/A29去九龍灣德福shuttle，甚至行過去。
所以297 megabox當然有客落，但係現時果種行法其實埋沒咗唔少potential嘅客源。