10598C 發表於 2020-9-7 20:58
冇290之前，將軍澳人、觀塘山唔會隨便話走去荃灣行就去，會諗地鐵有排搭，巴士又要轉車
冇613之前，觀塘山 ...
真係好笑，同我數曬啲商場出黎添
「非繁假日都唔少荃葵人出太古、東大街行街；港島東都會有人去葵廣、荃灣千色行街」唔少？幾多吖？
「非繁假日都唔少___人出___行街」
我夠話「非繁假日都唔少東區人出西貢行街啦」
要唔要嗌條698R做全日吖？
多樣化選擇？咁點解你又唔嗌開北區東區全日線？
沙田西岸呢？大埔呢？元朗呢？沙頭角呢？
既然要多樣化啲
全部區都整條線直接去港島東啦
家陣俾人笑緊你啲咩都未知
要開條全日港島東線？不如睇吓你啲過海線先？
你條930X非繁開20都唔係特別好
934連全日都仲未有
港島東會多人過銅鑼灣中環？
開條港島東線會好客？笑死人
其實點解要去荃灣行街有得解嫁咩 鐘意去就去嫁啦
講真嗰句吖我自己作為居民角度
你開條全日線有咩所謂 我仲會支持添
反正心血來潮想去荃灣可以一程車過唔好咩
繁忙時間會有返工客冇問題
問題係明知未必有客支持到全日
格硬點都一炮過開全日先
咪好似依家608非繁咁尷尬囉
做大佢又唔係 摺咗佢又唔得
唔好唔記得
香港人好鍾意口講要巴士線，隻腳就好誠實去投票
你全日開得20甚至30既話，好多人寧願碌黨鐵都唔想等
michlui0718 發表於 2020-9-8 14:55
講真嗰句吖我自己作為居民角度
你開條全日線有咩所謂 我仲會支持添
對面岸表示同意:
"講真嗰句吖我自己作為居民角度
你開條全日線有咩所謂 我仲會支持添
反正想去太古城整電腦可以一程車過唔好咩"
不過咁,既然要用公共資源去開一條都唔知會唔會work嘅線
咁點解唔用現有資源試咗先?
即係繁忙時間照開930C試水溫
非繁忙時間同假日就用大西北轉18X試吓先(即係開朝6晚12,同埋夠客就加到15分一班)
其實到最後,西隧東區全日線都只會夠客開得一條,點都要轉一程車架啦
儲到客咪開,大西北客喺西隧口轉;
發現唔夠客,咪照舊畀些少甜頭(個人希望係18X同7**半價),吸班客唔坐鐵坐巴士囉
michlui0718 發表於 2020-9-8 14:42
真係好笑，同我數曬啲商場出黎添
「非繁假日都唔少荃葵人出太古、東大街行街；港島東都會有人去葵廣、荃灣 ...
連行山都講埋，為咗要全日可以去到幾盡?
本帖最後由 nwfb1001 於 2020-9-8 16:54 編輯
Anonymous 發表於 2020-9-7 20:31
咁新界西人都會入港島行山架，同埋開線唔只係去荃灣，去屯天元都得架。就算主力做直達荃灣客都好，你都唔 ...
講到郊遊客咁多，但條條長途過海郊遊線都冇好收場
再講多次，東區去屯元天點都要轉(最少)一次車，點解要等條非繁15分鐘以上嘅荃葵新線去西隧口轉而唔等非繁10-15分鐘嘅東廊線去中環轉?
本帖最後由 nwfb1001 於 2020-9-8 17:02 編輯
Ricky403 發表於 2020-9-7 20:07
明顯無睇清楚我回文
我原文唔係話開城門水塘至柴灣巴士
你攞石澳至荃灣巴士黎駁，係九唔搭八
點解有新路就一定要開新全日巴士線行? 東涌道擴闊咗又唔見有新線? 連嶼南禁區都冇解禁
迪士尼成個園區都係新起又使唔使開(返)d新全日線入去提高道路使用率?
本帖最後由 Anonymous 於 2020-9-8 17:29 編輯
nwfb1001 發表於 2020-9-8 16:52
講到郊遊客咁多，但條條長途過海郊遊線都冇好收場
再講多次，東區去屯元天點都要轉(最少)一次車，點解要等 ...
你睇清楚啲先啦，我地話有人去行山=/=架車要開上山。如果石澳開行西隧咁實係唔多人。
但宜家建議條全日線行英皇道同筲箕灣道，大街大巷，同開上山嗰種R線係完全冇得比。宜家非繁咪就係話group 曬所有行街同休閒客。如果行荃葵應該仲有少量非繁通勤客，去到西隧咪做埋轉車客。
「再講多次，東區去屯元天點都要轉(最少)一次車，點解要等條非繁15分鐘以上嘅荃葵新線去西隧口轉而唔等非繁10-15分鐘嘅東廊線去中環轉?」
我又再講多次
1. 一落中環其實就好難就時間，有幾個燈位其實好麻煩
1.一落西隧嗰盞燈
2. 港澳碼頭前嗰盞燈
3.港澳碼頭後嗰盞燈
4.怡和大廈前嗰盞燈
如果事前預計追到，而你到最後起碼停以上2枝燈嘅話就真係恭喜你。如果你追722，仲有轉入金鐘道嗰盞燈。不過722同時都塞緊，所以唔會咁緊張。
但西九龍公路基本上冇燈亦冇咩塞車位，西隧前轉入油麻地嗰條龍基本上係唔會影響到行車。同9系車喺西隧口嘅到站時間大部分時間係好穩定。而理想中嘅荃東線都唔會點脫班 (大把M車ETA可以證明行青公嘅行車時間係穩定)。就算真係要等，西隧口轉點到容易預計過喺中環轉。
2. 唔兜中上環觀感會好好多
舉個例子，如果去西區 (石塘咀，堅尼地城)，你當然可以搭到上環先轉城巴(e.g 4, 5B etc.)。但有970同904，邊個仲會轉城巴。你可以話保鐵咪得lor, 但要轉鐵我不如全程保鐵。
講番東區，西隧口去到怡和大廈，少則5-6分鐘，多則10分鐘都有。而4條7系除左722，都起碼要經灣北，唔塞就5分鐘，塞嘅話相信唔駛我多講。咁呢度加埋已經最少10分鐘，仲未計等車。而直去中灣繞，由西隧口到糖水道都只不過係10分鐘左右嘅事。你當然可以話20min一班拉番埋咪差唔多，但有得揀實揀架容易轉車而唔係揀轉架難轉嘅車。
我再重申，18X其實可以接受，但18X西區方向冇得喺皇后街轉車其實麻麻地。不過有得揀西隧轉實係西隧轉。至於780同788其實完全冇問題，只係針對720同722
本帖最後由 nwfb1001 於 2020-9-8 17:46 編輯
Anonymous 發表於 2020-9-8 17:28
你睇清楚啲先啦，我地話有人去行山=/=架車要開上山。如果石澳開行西隧咁實係唔多人。
但宜家建議條全日線 ...
幾枝燈夾埋會慢過送15-20分鐘一班車嘅車尾? 而且超快去到西隧口咪又係要等屯元天嘅接續個程96__，咁使唔使屯元天又開全日東區線?
支持全日派大多數話港島段跟18X，太古城以西做咩要陪碌到北角先起飛? 720出咗中環先唔好?
柴小更加唔使講，荃葵線跟18X再碌柴斜入可能性非常低
唔反對722班次+接續西隧長途線能力差，但722已經serve埋東區最大潛在客源嘅太古坊商業區，都唔見得有720班次水平，
何以見得有需要開新全日線以取代722嘅最後一哩(西隧後中環<>東區)?
觀感方面，前面都一班人話290行山觀感唔好，但咪又咁好客
普通乘客要班次密+快+價錢相宜，理得你觀唔觀感
nwfb1001 發表於 2020-9-8 17:38
幾枝燈夾埋會慢過送15-20分鐘一班車嘅車尾? 而且超快去到西隧口咪又係要等屯元天嘅接續個程96__，咁使唔使 ...
對於鰂魚涌一帶而言，經中環用時並不比經北角短上多少，還未計轉車
即使不經北角但繞經鰂魚涌加筲箕灣西灣河，對於柴灣區內吸引力已經是微弱，唔經北角都唔見得好大吸引力