ccchhhuuunnn 發表於 2022-7-18 19:06
講到咁偉大
良田版友咪之前又係猴住960C半全日/全日繼續兜良田直出唔準青松觀走
嫌960兜大興
你寫咗信去叫九巴陰整個良田建嘅所有巴士線未姐？
成日話陰乾陰乾，其實最想陰乾嗰個應該係閣下..
其他版友無話錯你，好明顯唔抵得人哋車密線多，羨慕妒忌恨啦！
同埋我發覺閣下真係好鍾意拎走人哋啲嘢...
58M係咁、960C又係咁...明明兩條線好地地咁服務緊原本嘅地區，
係要喺度搞屎棍，唯恐天下不亂咁拎走人哋啲嘢...
所以真係無話錯你的...
講到自己咁偉大，說穿了原來就係鐘意拎人啲嘢走囉！
GD1570 發表於 2022-7-18 19:36
咩呀...你唔係話業旺路公屋好多人住㗎咩？
我咪放長咗雙眼去睇吓到時候57M可以加到有幾密囉...
其實係對良田客有信心先至建議 58M 青雲路走。大家都知良田多非繁客，所以先有信心改線後會夠客開非繁 9-10 分鐘一班，從而將重組影響減到最低。
郁大線自然難做，但當年天水圍 3M 重組唔做的話，唔肯郁條大線 265M 飛嘉湖北，今時今日天北就倒晒落鐵了。犧牲嘉湖北一區，方便成個天華路以北的重組，當年認為係值得做。而良田所受的影響，其實遠比當年嘉湖北為細。至少良田唔駛兜建生，唔駛屯公三站停超耐上落客，車程慳左都唔係輸晒。
（58M 現時走線 19 分鐘到屯轉，改道後 15 分鐘到）
做好條 58A，吸到 54 區客用九巴，對全屯門都有好處，至少長途市區線因為多左客可以加班，大家都等少左車。
本帖最後由 GD1570 於 2022-7-18 20:04 編輯
2076 發表於 2022-7-18 19:51
其實係對良田客有信心先至建議 58M 青雲路走。大家都知良田多非繁客，所以先有信心改線後會夠客開非繁 9- ...
我已經講咗好多次，現時良景至市中心段基本上有大量客源，而依啲客源基本上無咗58M的話，單靠現時58X同260X嘅班次係食唔晒的。還是閣下想過客去返輕鐵呢？
依家58M咁嘅走線非繁都可以KEEP到8-10分鐘一班，改道後又係去返9-10，有分別嗎？無分別嘅改嚟做乜？
良田兜建生依個CONCEPT已經係多年，基本上所有良田客都已經習慣，完全無人覺得有問題，唔明點解畀人講到佢哋唔想兜...
早繁開柯打車主要係唔想三種車(正線、寶田特同建生特)齊齊埋大興警署打後嘅站，做返少少分流，
所以會見到柯打車會去到屯仁街先上客。
絕對唔係因為良田客唔想兜建生...
你可以去問問良田客，寧願停屯公三站定停山景/青雲路，
十個有九個都一定答你前者！
至於你所講改道後15分鐘到屯轉，依一點我非常質疑。
66M早繁後都要用15分鐘先可以去到屯轉，唔順燈時可以去到20分鐘，
58M再遠啲人再多啲竟然可以15分鐘到屯轉？你係咪計錯咗啲咩數呢？
54區問題唔該自己區自己解決，唔係要用人哋區嘅資源去解決..
正如你屋企有問題，唔會要我屋企去遷就嚟解決你屋企嘅問題囉！
講皇珠路出九龍唔會塞嗰件...同我行出嚟解釋吓發生咩事
相片貼於2022年7月18日傍晚六七點左右。
GD1570 發表於 2022-7-18 20:01
我已經講咗好多次，現時良景至市中心段基本上有大量客源，而依啲客源基本上無咗58M的話，單靠現時58X同26 ...
[純車程討論]
我諗大家都係想54區有更好的九巴服務,
假若不動58M良景至市中心段的走線,單單改67A,
你們覺得以下數條走線需要多長時間才能由菁田到屯轉?
如果講得到繁忙和非繁時段分別更好
1. 菁田- 和田- 鳴琴路- 青雲路- 皇珠路
2. 菁田- 和田- 震寰路 - 屯公
3.菁田- 和田- 鳴琴路- 青田路- 屯公
4.城巴54區走線(見youtube片,早繁連塞車約28分鐘)
5.67A走線(我估計35-40分鐘)
本帖最後由 GD1570 於 2022-7-18 20:14 編輯
S3bl430 發表於 2022-7-18 20:11
[純車程討論]
我諗大家都係想54區有更好的九巴服務,
假若不動58M良景至市中心段的走線,單單改67A,
67A走線我今早非繁大約用25分鐘可以上到屯公...
走線1你可以睇吓E33P由盈豐園至青雲路用幾多時間，再加多大約8分鐘上去就差唔多。
走線2同3就應該大約15分鐘左右啦...視乎屯公及/或青田路上斜塞唔塞...
GD1570 發表於 2022-7-18 20:01
我已經講咗好多次，現時良景至市中心段基本上有大量客源，而依啲客源基本上無咗58M的話，單靠現時58X同260 ...
就係班次可以做得返一樣，善用到 57M 冗餘的資源，先至值得諗重組。
58M 現時走線 19 分鐘到屯轉係非繁時間，繁時要 25 左右。既然 66M 繁時都做到 15 分鐘大興到屯轉，咪證明到行青雲路快過行屯公…… 57M 山景去屯轉 10 分鐘搞掂，良景去石排站 5 分鐘亦都係合理推斷，所以 58M 改線後係可以做到 15 分鐘到屯轉。
其實班次密對乘客而言係 diminishing marginal return，由 10 分鐘一班變 8 分鐘一班的得益，對比 20 分鐘變 15 分鐘一班，明顯係後者對乘客的好處大得多。
GD1570 發表於 2022-7-18 20:09
講皇珠路出九龍唔會塞嗰件...同我行出嚟解釋吓發生咩事
相片貼於2022年7月18日傍晚六七點左右。
傍晚當然會塞車，但良田居民傍晚出荃灣的客，遠比早繁出荃灣少，皇珠路早繁絕對比屯公市中心段暢通。
本帖最後由 GD1570 於 2022-7-18 20:18 編輯
2076 發表於 2022-7-18 20:13
就係班次可以做得返一樣，善用到 57M 冗餘的資源，先至值得諗重組。
58M 現時走線 19 分鐘到屯轉係非繁 ...
我係講緊66M喺早繁後要15分鐘到轉車站，唔係早繁呀..
同埋我唔認為改線後58M可以15分鐘可到轉車站...
最後，都係嗰句：當10個良田人有9個都認同現時走線時，我唔明點解仲要堅決要求同57M合併...然後成全其他區去改線。
你連我都講唔通，你點講得通埋良景田景新圍咁多楝樓嘅居民囉！
2076 發表於 2022-7-18 20:15
傍晚當然會塞車，但良田居民傍晚出荃灣的客，遠比早繁出荃灣少，皇珠路早繁絕對比屯公市中心段暢通。 ...
無車出邊有車入呀唔該！
同埋係有人口口聲聲話皇珠路唔塞車㗎...