stevechau 發表於 2016-8-24 13:53
"112另一問題係，好睇天樂里、sogo塞唔塞
南行112同116最大問題係，過左sogo多數就得返幾丁友返總站
所以咪要陰2A黎焗你班友畀$5.7 返鰂魚涌囉;P 112 就開多d 銅鑼灣車
stevechau 發表於 2016-8-26 16:25
得102有咁既條件去做...
但換轉個角度, 我就唔拎112黎同102夾提速, 112不變既情況下, 我都覺得102唔係唔 ...
102 如果直飛鰂魚涌，仲點停避風塘？
同埋 102 112 而家兩飛北角入紅隧，但大部分時間時段分配都係相反，互相競爭。
試問兩巴又點會肯將乘客拱手送俾對家？點重組都好，北角炮台山一定係兩條線經紅隧去西九，爭在係咪叫做 102 同 112
大家仲有樣野唔明，而家呢堆紅隧線全部都有過鐘編定私牌的問題，
根本就唔係唔夠車拆線，而係好多車唔係做緊生意，兩巴又唔可能改時段，
於是每段頭車要私過海做，尾車甚至尾二三四車去到對岸，就算有客都唔可以做生意，時間表編定要食飯/私走
唔加車都好，102 如果拆線，正線縮北角/鰂魚涌，102P 全日鰂魚涌落橋，係可以做到慢線非繁 8-10 分一班，快線非繁 15 分一班的
反正如果兩巴唔肯拆線，又唔改時段，102 總站開出班次亦只會不斷再減，其他紅隧線都係
另外，呢度我知有人成日認為 118 改快後客量下跌，應該減 6-8 部車俾 102 拆線。
但問題係西行客量根本無受影響，強行減 6-8 部車會令西行上唔到車。
反而如果過鐘最勁、同一時間同一巴士公司可以有成三分之一既車私緊牌果條 106
拆兩條，106P 全日，西行跟而家西灣河尾站，東行直落鰂魚涌，
咁到時西行比 118 慢 10 分鐘，但應該可以分走部分坐緊 118 去紅隧口再轉車去九龍城/土瓜灣既客，到時 118 再逐D減班都未遲
另一個問題係，九巴好鍾意過海做人地對家 $5.7 流水，一來新城本身流水線服務太差， $5.7 流水先有價有巿
所以 106 全日拆的話，東行就要鰂魚涌落橋，一來保住九巴好鍾意果堆流水客，二來紅隧口亦可以同 102P 叫兩飛，
加埋班次其實唔係差
北角要特快的話，搞下 112 116 啦，102 106 就免問啦
hadboy5 發表於 2016-8-26 08:08
我有個問題想問，假若用皇室堡個站取代Sogo個站會不會有問題，或者用108的走線入銅鑼灣，會不會加快左112的 ...
後者大大條 117 棟咗喺度喇唔該
其實有個方案, 之前都講過 ...
102 正線不變, 減班至 10 分鐘一班
102P 全日, 九龍區總站改起旺角, 港島區總站改放嘉亨洌, 北行糖水道上橋直去紅隧, 南行經糖水道, 渣華道, 琴行道去返原線, 即係做北角特快
106 北行改經康安街上橋直去紅隧, 南行改經康安街, 英皇道落橋, 即係做筲箕灣, 西灣河, 太古城特快
110 服務至午夜, 北行原線北角落街之後沿英皇道經炮台山, 維園, 景隆街過海, 南行路線不變, 太古城北角特快 102P, 106 可以補到, 耀東用全日過海換返非特快 (即係同以前 110 一樣)
102, 106 慢唔係因為要行哂成條英皇道, 而係要起維園入景隆街出返紅隧呢段最慢, 飛左呢個站先可以做真正特快
至於話巴士公司有冇興趣, 有冇資源, 有冇心咁樣做, 呢d討論黎都浪費時間, 巴士公司改唔改, 有好多除左提升效率以外既因素, 呢度就係討論點可以提升效率, 所以巴士公司肯唔肯改完全係另一個問題
本帖最後由 brianso198 於 2016-8-26 23:52 編輯
ben2004 發表於 2016-8-26 23:36
其實有個方案, 之前都講過 ...
102 正線不變, 減班至 10 分鐘一班
耀東唔會接受用全日換一條非特快過海...
以前110咁樣碌法朝早最多15個落山,
而家?連非繁都可以做到以前朝早條數,
咁點解唔做快線而要繼續死碌返英皇道景隆街?
110太古城耀東多人用係有原因,
以前110個問題係,
西行102/106根本係掂唔到太古城,
東行110太疏車+太兜所以大家走哂去搭102...
耀東班人寧願行落去搭車/轉車都唔用佢樓下條線,
結果每日得三千八客就用12部車做,
呢D係叫資源浪費(就算派單層都係咁話)
而家靠耀東太古城一樣可以做得起條線,
我就唔見得耀東太古城會肯放條特快線走囉...
我就唔明山上同山下同時有特快線過海有咩問題...
午夜有咩用?
唔通因為一條線服務時間係午夜就可以引到班人用佢?
反而閣下咁拆有D時間係好大機會唔夠人,
太古坊個問題係一過日間成個死城咁濟...
S3BL100 發表於 2016-8-26 19:44
102 如果直飛鰂魚涌，仲點停避風塘？
同埋 102 112 而家兩飛北角入紅隧，但大部分時間時段分配都係相反 ...
118上年年尾已經減過一次班
而家西行班次已經成日去到天主教海星堂開始就頂閘
我個人認為已經減無可減
Ming@5119 發表於 2016-8-27 00:33
118上年年尾已經減過一次班
而家西行班次已經成日去到天主教海星堂開始就頂閘
我個人認為已經減無可減
原來減左班啦，唔怪之得係興華邨要等三班車先可 以舒舒服服咁上到車，不過等三班車足以載走曬批客，上繁紅隧條龍就上埋橋，不過都係一時時先會發生
呢個問題，問左十幾年。
但與其問一個只得繁時有客嘅太古坊，不如問下點解筲箕灣道仲係要靠碌102、106來往紅隧。
*********
anyway，入正題。
點樣拆線，其實大家嘅方案，都可以話係大同小異。係有細節上分別，但總體方向都幾類似。
所以我唔逐個逐個評論啦。
問題係，我而家見唔到巴士公司有誘因去做。
我嘅悲觀，係源自幾個原因：
一、巴士公司覺得110已經做左特快，所以102P繁時雙向已經足夠，非繁東區（唔計柴小）係容納唔到兩條特快線；
二、流水真係太和味。隧巴慢碌，做唔到特快客，但用流水已經夠填返條數，特別而家新巴2A、82做得咁垃圾，你睇下102、106、116過海之後幾多人上；
三、長者$2優惠。以前隧巴只係做兩種客：(a) 過海客；(b) 過海後嘅流水客。但有左$2優惠之後，而家隧巴做多左一批客，就係過海前嘅流水客。睇下106有幾多長者由柴灣坐去太古，有幾多長者坐102由筲箕灣、西灣河坐去北角、炮台山，你就知道而家102、106只不過係會過海嘅流水線。有政府嘅補貼，呢批過海前嘅流水客，係賺得非常和味。