沙中綫南北走廊通車後沙田區過海巴士的前途探討

nwfb1001 發表於 2020-6-30 09:33
到時搭鐵去東區隨時只係比搭到會展貴$1.x-$2.x，應該唔會太多人上返地面轉巴士
...

不過去東區應該都係紅隧轉車平同直接，搭鐵過海一定唔會東鐵價錢

但係灣仔以西應該唔會出閘繼續搭

南北綫通車前後，其實 680/681 點都要黎一次大執，
既然 77 區同富安嘈話要港島嘅過海線，俾 680 佢囉，
總站改去頌安或馬市，有機會飛埋鐵路極度滲入嘅石門第一城，
跟手拉 681 經山上去烏溪沙，如果馬市大帝反對，
就同佢講一係放手唔要頭站，一係就兩條一齊取消，
睇吓佢寧願堅持己見定係顧全大局，好唔好得罪咁多人啦，
烏溪沙至恆耀去北角請改坐 682，炮台山同天后請轉車。

跟住到 170，可能而家最好都係 170 先縮去天后，
沙田南區新線放棄鐵路競爭力大嘅黃竹坑，改行西隧去西營盤同港大，
甚至連沙田區服務範圍都可再擴大，做埋源禾路及火炭生意，
紅隧南區客交俾 107 應該綽綽有餘，通車後再睇下 170 跌客跌左幾多，
先再決定到底係要減到得翻兩味，定係索性成條取消。

之後到 182，其實通車後都好大機會同 88R 一鑊熟。
既然係咁，一係就搏一搏改行西隧變 982，總站擺去會展站，
一係就睇下九巴同城巴肯唔肯互相讓步去改 182 做沙田灣仔特快，
南行入埋灣仔道而唔做灣北，甚至可以俾司機揀行紅隧定東隧，
回程學 182X 飛橋，九龍區唔停站，沙田區就至低限度飛走大圍，應該仲有少少生機。

最後，其實 307 同 978 而家嘅走線都有危險，
不過問題相對容易解決，只要佢哋即刻入翻軒尼詩道就得。

題外話：南北綫通車後，首當其衝嘅一定係 104/301，
將白田九龍流水嘅工作交埋比 117 就可一齊 bye bye；
其次應該係 171，連鴨島同黃竹坑去紅隧口嘅客都無埋應該仲霉，
不過因仍可一程直達旺角西九，應該都死唔去；
仲有 109/113，何文田過海客都會走，應該兩條只能留一條；
至於 101/111，土瓜灣馬頭圍去港島客源日後應該不能令兩線並存，
姑且睇下九巴同新巴邊個先舉白旗投降；
再到 108/116，前者有寶馬山，後者有慈雲山，就算頹都應該會留低鬥頹；
之後到 115，黃埔去港島應該都會受到影響，但同 171 一樣道理；
最後到東區紅隧線，轉車客走咗之後會淨返幾多客呢？
最壞情況可能得翻 118 叫做仲有客有市，柴小西九長做長有。

kwn1029 發表於 2020-6-30 10:44
其實有冇得考慮下繁開幾班中環經紅隧過海既馬鞍山線? 認真...
我2012-2017年間起灣仔IVE放學，下午5點45分 ...

紅隧有巴士專線直插入隧道口，要塞都只係匯合位，最多個別路口要塞多個位，但塞車情況都比大老山理想。

大老山早繁南行都還好，係衰在行下路要等燈，但都比國際學院後直行為快。下繁北行直頭世界級，東隧線直頭由塞到尾。

但其實紅隧流量都接近飽和，未必咁容易再加巴士線行紅隧。

SE7378 發表於 2020-6-30 11:39
南北綫通車前後，其實 680/681 點都要黎一次大執，
既然 77 區同富安嘈話要港島嘅過海線，俾 680 佢囉，
總 ...

104九龍段仲有2E/203C補位，不過兩條路線都係兜到...

SE7378 發表於 2020-6-30 11:39
南北綫通車前後，其實 680/681 點都要黎一次大執，
既然 77 區同富安嘈話要港島嘅過海線，俾 680 佢囉，
總 ...

市中心最concern嘅係早繁，如果早繁681要上埋烏溪沙，比盡你唔經錦英山直落市中心，一個烏溪沙，一個市中心加埋，隨時開2分鐘一班市中心都未必清得哂，其他站更加可以慳返唔駛等。

680/681難點位在於，一條就攬著英皇道/禮頓道、一條就做東廊特快，揀得680/681上，客源基本上係好唔同，是但改一邊影響絕對唔細。

過海線重組嘅重點，係在於某一區純粹需要一條可以到港島嘅巴士線，定還是需要一條有指定目標嘅過海巴士。

好明顯烏溪沙同富安係屬於後者，如果佢哋只需要過海線嘅，淨係重組680，保留早繁堆特別線繼續經市中心耀安，其餘時間山腳段就利用東隧轉車站去解決就得，冇必要拖埋681落水。佢哋揀得681/980X，顯然係打著中上環特快嘅主意，而唔係單單需要過海線咁簡單。

RyanPun 發表於 2020-6-30 12:03
市中心最concern嘅係早繁，如果早繁681要上埋烏溪沙，比盡你唔經錦英山直落市中心，一個烏溪沙，一個市中 ...

681早繁唔延長即可
反正而家有980X

680如果繼續選擇唔搞既
只會繼續慢慢流走D客
當然一執680代表要大量加車
不過沙中線通既時候應該都有相對較大量既資源空出
反而係睇官方聞唔開綠燈

170一定要提速, 完...

Snoopy@FB8617 發表於 2020-6-30 12:21
681早繁唔延長即可
反正而家有980X

通常鐵路通車後，好多時都會順勢cut車交數，亦都有例外例子，所以我先話有保留

重組680/681，先決條件係要加車，平衡返重組後各線班次，否則點講都係嘥氣。

RyanPun 發表於 2020-6-30 12:30
通常鐵路通車後，好多時都會順勢cut車交數，亦都有例外例子，所以我先話有保留

重組680/681，先決條件係 ...

當然數就一定交
不過觀乎而家情況無以前咁rigid
再者巴士公司無左紅隧線既肥肉
應該會更積極係其他地方拓展服務

Snoopy@FB8617 發表於 2020-6-30 12:38
當然數就一定交
不過觀乎而家情況無以前咁rigid
再者巴士公司無左紅隧線既肥肉

城隧都算係死而復生嘅例子，但東隧大老山呢個combo， 只要一日冇大動作改善塞車，似乎只會陸續出現更多988式走線去應付沙田區過海線。