九巴 252 加班

樂仔〞 發表於 2022-6-6 09:22
而家屯門市中心 + 新墟可以買到嘅野絕對拍得住荃灣幾個大商場同街市
甚至比荃灣更集中
真係無乜必要專登出 ...

區域通達性呢？
點解明明差唔多距離，出屯門就可以當做baseline，出荃灣就變咗「專登」？咪又係因為冇直車出荃灣要轉車，所以居民先揀去唔駛轉車嘅屯門市中心
結果咪就係掃管笏去荃灣方向+屯轉方向嘅需求被K巴吸走咗，需求個基數細咗，結果東行市區方向嘅巴士總班次仲少過青龍頭，都未計小巴

qunow 發表於 2022-6-6 10:47
區域通達性呢？
點解明明差唔多距離，出屯門就可以當做baseline，出荃灣就變咗「專登」？咪又係因為冇直 ...

自稱居民果班都話自己冇需要，真係唔知點解要為佢地擔心埋。
都講過荃灣對於屯元天人係幾重要嘅消遣地點，同埋對接市區嘅門戶，M線冇左幾十年前原有轉鐵作用都仲做得住，唔係全部變U線。連條新建議61P定係252m定線都話左比大家聽個定位喺邊, 就係傳統+荃灣西約商場區都做晒，基本上係選擇創造需求，連直去荃灣都去唔到就話荃灣吸引唔到人去消遣，明顯係雞先定蛋先嘅問題

不過老實講268M非繁客量都幾「好睇」
掃管笏直出荃灣開非繁嘅話，估計賽果都係差唔多

資源上始終屯轉出荃灣堆M線大把位，屯門又無邊區無線出荃灣，開多條出荃灣咪又齊齊載空
當年開252而非M線都係預咗屯轉出荃灣本身都車海，唔開出荃灣可以慳番來回至少30分鐘行車時間

Ricky403 發表於 2022-6-6 12:48
不過老實講268M非繁客量都幾「好睇」
掃管笏直出荃灣開非繁嘅話，估計賽果都係差唔多

屯門啲M線，出荃灣嘅客量好似基本都超過全線客量一半？

12Lane 發表於 2022-6-6 10:58
自稱居民果班都話自己冇需要，真係唔知點解要為佢地擔心埋。
都講過荃灣對於屯元天人係幾重要嘅消遣地點， ...

其實 ... 荃灣作為掃管笏補給嘅重要性真係無想像中咁大 ...
消遣就或者係嘅 ...

castanopsis 發表於 2022-6-5 23:51
掃管笏喺正屯轉隔離變咗252用好少資源就可以谷得好密
加上附近又無其他區夾，點睇都係密車出轉車站模式 ...

離題講兩句 68M 68E

延長 68M 入元朗公園最大問題係本身呢條線密車，要加嘅資源都唔少
特別係 68M 本身回車都算快
雖然我贊成而加元朗公園一帶少人用 68E 原因其中之一應該係太疏

68E 如果入大棠就應該繼續經形點，做大棠去自家大商場流水
本身蝶翠峰一帶咁多住宅，其實係有一定基本盤的

10598C 發表於 2022-6-6 21:17
離題講兩句 68M 68E

延長 68M 入元朗公園最大問題係本身呢條線密車，要加嘅資源都唔少

同埋去青衣邊個搭。。
當年應該自己拉出荃西

3ASV174 發表於 2022-6-6 00:42
252 高峰時段客量用中型巴士都係玩巴士公司玩客
你見佢依家唔派單層仲有私下加班都知咩事
...

雙門單層快上快落
做到211/273班次級數就唔係問題
仲方便乘客
講到尾都係成本問題

ccchhhuuunnn 發表於 2022-6-6 21:31
雙門單層快上快落
做到211/273班次級數就唔係問題
仲方便乘客

九巴依家唔會玩單層密車啦睇下啲單層拎哂去做training就知

ccchhhuuunnn 發表於 2022-6-6 21:31
雙門單層快上快落
做到211/273班次級數就唔係問題
仲方便乘客

講到尾都係競爭力問題，掃管芴出市區佢幾近獨市。
唔搭佢都冇咩得揀，唔通真係玩西鐵轉K53兜咁大個圈。

反而251A/B, 268M, 68E等同類路線真係仲有更頻密而且相對合理嘅替代路線。
夜少少番入錦田，真係西鐵站舒舒服服轉巴士小巴都唔會想等251AB。
元南，K巴入面都算頹果條K68都開得密過你68E+68F。

相比上黎，掃管芴算係九巴一手好牌，除左入元天同北區，真係諗唔到理由唔幫襯九記(OR城記)。
新樓仲要係入住果班都係後生居多，出行頻率相對更高。