促進定壓抑競爭？

ATE7025 發表於 2022-7-15 10:10
78X 繁時咁嘅客量，連坐滿都做唔到，憑乜嘢全日？

你要知道呢個世界上有一樣嘢叫做Modelling，所以冇需 ...

係，巴士迷做嘅modelling同商業計算一定好得過巴士公司，噏兩句就可以推算到，巴士公司永遠都係得modelling，冇marketing嘅。
雖則個人都唔睇好78X客量，但個人針對嘅就係發展潛力，港島已經講緊唔掂到要合併大重組，而大家仲喺道講新區果一個鐘一兩班車嘅全日線佔用資源。羊毛出自羊身上，巴士公司做唔住，一係經營不善，二係市場環境同乘客不足。當然大家都只會認為係點一，唔會承認點二嘅。

12Lane 發表於 2022-7-15 10:17
係，巴士迷做嘅modelling同商業計算一定好得過巴士公司，噏兩句就可以推算到，巴士公司永遠都係得modelli ...

城巴喺入紙申請78X 之前真係有做過Modelling？咪玩啦，佢哋根本冇做過，亦冇相關嘅數據喺手

從客觀角度睇，港島客量需求邊度低？

不嬲港島區嘅demand 都唔係低，問題係巴士公司嘅服務水平係唔係真係切合需求

根本成間公司都捉錯用神，港島人搭巴士好多都唔care價錢，反而care方便程度同埋密度等等

既然係咁嘅話點解城巴唔申請加價？匯達根本應該盡快申請加票價，同之前唔同嘅係應該淨係申請加港島路線票價，令到港島區內線嘅收費表同九龍區睇齊。好似592嗰啲，收$8 咪一樣大把人坐，到時巴士公司收錢收得開心，提供返多少少服務俾港島區，乘客又俾錢又俾得開心
另外仲有一啲區係已經發展好晒，但城巴繼續Hea做，例如係東涌，E22S 全日客量肯定好過78X 先

核心問題係78X根本冇潛力做全日服務，肯定倒頭來仲蝕得多過港島區

ATE7025 發表於 2022-7-15 10:42
城巴喺入紙申請78X 之前真係有做過Modelling？咪玩啦，佢哋根本冇做過，亦冇相關嘅數據喺手

從客觀角度 ...

係呀，巴士迷做預測同商業決定都好過巴士公司嘅，佢一早請晒成個italk做策劃啦。淨係用X42C加晒堆人口就做到預測，又唔駛計人口年齡結構，又唔駛計其他路線競爭力，又唔駛計未來發展潛力，一定夠晒準確👍🏻

一條78x做全日就會蝕得多過成個港島區。講出黎自己有冇笑…唔講以為78x 79x係開緊全日五分鐘一班。

我唔反對加價架，但似乎加得開心乘客又坐得開心只係閣下自己一廂情願，係自己睇下每次加價社會人士反應有幾大？港島路線邊堆重疊邊堆係瘀血，又扮睇唔到啦。

ATE7025 發表於 2022-7-15 10:42
城巴喺入紙申請78X 之前真係有做過Modelling？咪玩啦，佢哋根本冇做過，亦冇相關嘅數據喺手

從客觀角度睇 ...

78X開應該係豐富佢路線網絡多
尤其睇皇后山屎水路線圖
979就算一日幾班
都SELL佢最遠坐到香港仔

呢下對城巴黎講
周圍霸地盤係佢可以做既野
當然代價係做爛市

12Lane 發表於 2022-7-15 10:54
係呀，巴士迷做預測同商業決定都好過巴士公司嘅，佢一早請晒成個italk做策劃啦。淨係用X42C加晒堆人口就 ...

巴士公司做嘅商業決定一定係啱？啱嘅話就唔會出現20A啦，啱嘅話就唔會投完元天之後棄標啦

自己啱啱先講完話唔睇好78X，轉個頭又話人點解唔睇好78X，仲講到巴士公司一定正確，邊個夠你講啊
仲有我冇講過一條78X 會蝕得多過成個港島區，我只係話將幾部巴士投放喺78X 賺到嘅錢肯定仲少過投放喺港島區，你又想打稻草人？

點解乘客加價咁大反應係因為加完價之後啲服務仲係越嚟越差，係人都反對啦

你不斷講話港島區市場細，咁城巴有冇積極開拓一啲真係有錢搵嘅新市場？好明顯冇，成間公司淨係掛住同九巴爭生意

淨係講東涌已經有排講啦，不過你咪又係扮睇唔到
港島區的確有服務重疊，但早排減班已經重整得七七八八，剩餘可以重組嘅空間係有，但唔係咁多

ATE7025 發表於 2022-7-15 10:42
城巴喺入紙申請78X 之前真係有做過Modelling？咪玩啦，佢哋根本冇做過，亦冇相關嘅數據喺手

從客觀角度睇 ...

將你講78X轉落900到logic完全一樣，分別係900繁時好少少咁解

ATE7025 發表於 2022-7-15 11:11
巴士公司做嘅商業決定一定係啱？啱嘅話就唔會出現20A啦，啱嘅話就唔會投完元天之後棄標啦

自己啱啱先講完 ...

積極開拓有水位嘅市場?

邊到有d咁嘅野? 唔係唔想，睇番po主講咩?

想做皇后山就有條78A

做54區就有條K54

東涌?你當東涌線出九龍港島係死架?你覺得龍運做離島番屯元天上水好似好多人?鐵唔方便炸。

定RPP架E21B同E21D係唔存在?

ATE7025 發表於 2022-7-15 11:11
巴士公司做嘅商業決定一定係啱？啱嘅話就唔會出現20A啦，啱嘅話就唔會投完元天之後棄標啦

自己啱啱先講完 ...

打稻草人嘅似乎係閣下，我從來冇講過商業決定一定係岩，但一定多好多比起呢度版友所提及嘅考慮因素，講marketing你又扮睇唔到啦。

第二段，又塞字落我把口啦，「轉個頭又話人點解唔睇好78X，仲講到巴士公司一定正確，」。嘩又一定正確又迫人睇好，我自問冇咁大影響力啦。唔睇好唔代表係浪費資源同唔應該開架喎。

我想講嘅重點就好簡單，就係唔認同港島做得衰，就代表唔可以開拓新區服務。我話港島好多線都重疊，你又話只係城巴冇積極去做，我又想問，咁多年比佢喺港島積極，講到咁大茶飯都有錢唔去賺，肯定係一句「唔夠積極」就可以概括。咁又幾好，以後所有巴士做得差都係因為「唔夠積極」，又唔講市場萎縮同鐵路競爭。而正正競係因為鐵路競爭，先轉移資源發展新區，然而又話浪費資源啦，唔通攞堆車去加番去紅隧線咩。

而皇后山又開始「積極」啦，講緊半粒鐘一粒鐘一班全日，又未入晒伙，又未計未來東北發展，又比你話浪費資源。邊個夠你講呢句原句奉還比閣下。