大埔綠小又搞事

castanopsis 發表於 2024-8-25 10:47
我唔認為TfL個套可以照搬落香港
本身香港交通賺到錢，件事已經好唔同

唔洗拉到去London路網去講，重點係以鐵路為骨幹下，香港行TfL個套只會出現我講既問題

TFL同新加坡嘅巴士服務制度相近，但點解TFL就逼人保鐵，而新加坡嘅長途特快鋪天遍地？所以，呢套制度唔係必然導致逼人保鐵嘅結果。呢套之下，路線畫線權仍然在官方。官方想唔想人保鐵，官方俾唔俾巴士同鐵路競爭機會，呢個取態同制度無關。

castanopsis 發表於 2024-8-25 09:48
直接/惡性競爭係壞事
但一個區多於一間巴士公司做，造成間接競爭/比較
對長遠一區既交通發展，至為重要

真實例子唔少
如果皇后山78A俾埋城巴做，你估佢仲會唔會咁積極搞長途線？
掉返轉，葵盛圍人口攀升，但近二十年服務不斷倒退
唔係有城巴930B出現，又點會無啦啦賺到37X？

全部都係靠假設性問題嘗試道出一個結論，咪就係主觀同有預設立場
安達臣區無城巴爭飯食，未必係全力但點都唔至於係 Hea？
葵盛圍關競爭事點解條 37X 拖足成年最近先找到數？

你上面講既 “預設立場” 係指內定 城巴 定 九巴，
然後招標當作window dressing
但避免一個區獨市，並唔等同內定
只係鼓勵一個新區招標四五條線入面，要有多於一間公司
並無內定邊條線係邊間公司做，甚至 鐵巴 嶼巴 綠小 都可以係考慮之列

可以內定一間公司唔中自然可以內定一間公司中
又同一篇文好多版前你自己都講緊無專營權入唔到標
咁實質係咪即係得三間公司玩？

至於一份餅應該切幾碎個 spectrum 其實好大
優缺自己讀下 econ，之前亦應該講過無興趣再講落去

其他地區聲音，一樣可以納入評分標準 現有公司透過重組舊線服務新區，有好處，亦有風險，自己衡量返

點評分？山頭主義，入咪滿分，唔入咪 0 分？
咁仲有無意義？

KU_7002 發表於 2024-8-25 11:37
新線=疏？新線=新公司有優勢？點解
反正中左之後減班無後果，點解入標一定寫疏車
定又諗住加個新要求，中 ...

重組舊線，條線個服務範圍會大過單做新區
如果新區規模唔夠大，開新線會全日唔到，甚至連繁時都唔夠客
最明顯係十四鄉，十四鄉-荃葵、十四鄉-西九，唔靠烏溪沙，真係全日夠客？

寫到天花龍鳳之後減班，係另一個議題，實際上宜家都無機制處理


感覺上宜家好多唔同issue撈埋咗一齊講
不如討論之前，答一答呢六條 yes no question先
好比大家了解下彼此立場

1. 新區需唔需要招標？

2. 所有線係唔係應該捆綁招標？

3. 路線專營權界線係點，係咪繁時一班車插旗就唔俾對家入？

4. 重組舊線，同避開現有服務範圍開新線，效果有無分別？

5. 運輸署應否公開招標準則？

6. 應否如樓上所言，容許巴士公司 中標後、開線前，大改招標走線？

KU_7002 發表於 2024-8-25 11:38
唔洗拉到去London路網去講，重點係以鐵路為骨幹下，香港行TfL個套只會出現我講既問題 ...

點會同路網無關
倫敦多數地區既設計
係一個無東區走廊既港島東、無 東九龍走廊 西九龍走廊 龍翔道 既九龍
點特快線法？

另外，有無留意到你三個論點前後矛盾？
1. 香港無論招標制度係點，都係運輸署話事
2. 香港運輸署mind set係鐵路為骨幹
3. 香港如果採用TfL既制度，因為政府話事，只會有接駁線無長途特快線

依你既講法，點解香港會有長途特快線？

KU_7002 發表於 2024-8-25 09:55
當大家日日批評凱婷決策差，我就唔明白香港行TfL個套會有幾好啦。到時肯定區區都只有駁鐵線係全日，區外 ...

其實過去十年招標線當中，不乏跨區全日線，呢點已經足以否定你個假設。其實有關當局都會知道，鐵路係無能力食晒所有跨區需求
再者，已經有果堆全日線，係唔可能收返。你試下香港行 TfL 果套之後，成堆新界跨區 X 線取消晒畀我睇

我個重點其實只係如果政府需要喺巴士路線日常運作當中負上一定程度財政責任，因為係公帑，必須用得其所，目標係社會到時會對巴士網絡規劃有更認真討論，政府自己亦唔會亂畫反智走線出來

castanopsis 發表於 2024-8-25 02:34
唔同
運輸署只可以畫一條走線，俾所有入標既公司
舉個例，運輸署畫條78X出來，要擔心埋會否影響277X既路線 ...

1. 路線招標就係搵運輸署認為最合適嘅營辦商。

2. 你嘅月經po講黎講去都係要改變個制度，去達致你認為好嘅目的。
無論憑空整定係改動都好，係要睇埋實際可能會出現嘅scenario，
係咪仲會合乎你嘅目標。

3. 正如你都識講，新人要避地頭蟲，但地頭蟲無呢個顧忌。
但係就忽視佐地頭蟲一樣可以開全新線，咁就已經達唔到你嘅目標。

4. 而你亦迴避佐公平嘅問題，新人入場要綁手綁腳，舊人無顧忌可以點公平？
既然新人綁手綁腳，即係可以出嘅招有限，地頭蟲根本唔難估新人出乜招，直接睇住黎食。

5. 調番轉地頭蟲重組、畫新線一半半甚至why not both小朋友才選擇。
新人唔會知地頭蟲開邊瓣，仲要得一招應對，真係公平？

6. 運輸署畫哂線，連最容易事後走數嘅班次都fix埋，邊個落都唔會估到對手出乜招。

7. 你自己都話細標有利同現有區域夾，咁招法結果寫埋落牆添啦，
公乜鬼平、合乜符程序，你自創出嚟嘅公平程序咋喎。

7. 將荃招一條，開一刻拆佐做兩條。
九、城都試過中標線二合一先至開、新直頭搵雙向分段當做佐。
當年點走程序咪照走囉。
連開線前唔駛諮詢就可以重組都講得出，咁係邊個唔跟程序呢？
（嗱，我無話過重組係要大搞，亦無話過唔諮詢架）

8. 城巴投新區標想多D say都唔奇，咁中佐就有開線改線否決權，
呢D唔係直接間接同做得過相關嗎？
若果只係單一因素左右，咁城巴又放棄元天線？

s3n370 發表於 2024-8-26 00:15
1. 路線招標就係搵運輸署認為最合適嘅營辦商。

2. 你嘅月經po講黎講去都係要改變個制度，去達致你認為好 ...

290 單野，九巴賣大包免費拆線，對手 795 定 793 好似仲係差一大截

613 2 對變全日

608 2 班變全日

90 96 97 爆平價

變左之後果d 要乖乖落左地再改

49 74 對手唔落咪表列價做

-

所謂公平只係比弱者講出黎

永遠唔會有絕對公平

castanopsis 發表於 2024-8-25 10:43
重組舊線，條線個服務範圍會大過單做新區
如果新區規模唔夠大，開新線會全日唔到，甚至連繁時都唔夠客
最 ...

莫講話呢度個個睇法唔同，我相信運輸署巴士公司咁大機構，
機構層面各自有盤算，但下面各人都唔係鐵板一塊。

你問完其實都無意思，除非你打算定於一尊（戴頭盔：唔認為你係）

既然大家都各有盤算，覺得自己做得好，公平競逐就最公道。

新區招標線走線唔係大路、令市場服務碎片化係問題。
但至少開始慢慢改變三巴各據一方，倚靠單一市場嘅status quo。
令“地頭”縮小至路線而非地域，始後再轉營做其他模式都易好多。

至於重疊嘅準則，大家都只係望住地圖估估下。
運輸署、巴士公司至少有客量數據，甚至係交通模型去計新線對現有客量點洗牌，
究竟係純𠝹客，幫緊有一大班同路客轉緊車，就不如開直車，
甚至成功分流舒緩到樽頸位，其實係有數得計嘅。

天空之神 發表於 2024-8-25 16:26
290 單野，九巴賣大包免費拆線，對手 795 定 793 好似仲係差一大截

613 2 對變全日

馬後砲事後孔明最準，邊個事前估到支標會咁落先？