本帖最後由 RyanPun 於 2025-4-20 22:13 編輯
私對站呢樣嘢，681都行咗一段長時間、甚至上下繁89D一直都有，私對站唔係真係咁難解決。
依家班次1:1，亦搭多咗唔同時間嘅回程，如果企站頭係87D嚟先、而下一班87C要等超過5分鐘以上，等87C誘因就開始縮細。
啱啱7點40分左右尖沙咀上87C返嚟、前後87D都隔籬8分、當我87C到山東街嘅時間、前面87D已經到明愛賓館，當部87C去到明愛賓館，前面87D仲有3分鐘到第一城，而最後我耀安落車都係快前面部87D 2分鐘到耀安，而後面部87D要19分後先到。
如果拎後面部87D比一定唔駛審。但以依家狀況，先嚟87C/87D嘅機率係各50/50，換句話說 有一半時間先上87D 會同 後8分鐘到站嘅87C 同步落車，但同一時間亦都發生87C嚟到就清咗一半以上人龍。
你話87C完全廢亦說不上，事實87C埋站確實清到人走，我搭嗰班車 海防道、柯士甸道、山東街、基榮小學，全部平均15人上車做標準，大部分站都少於5人唔上（只有基榮剩7個），最後全車6成上跑道。最近搭嘅兩三次87C，都有睇埋ETA客量計，前後87D映月台上跑道，客量計都係平均比緊3分1滿，但中間87C跑太快嘅話，後面87D或者會上到一半，即係依家有一定數量嘅人，87D到先都照上，令87C個分流效果、並唔係每班車都絕對明顯。
所以縮富安，我會話係其中一個方法，令馬鞍山客跌返哂落87C。不過比起縮87D，我會提議先行加密現行時段87C嘅班次先，依家1:1咁開，隔8分鐘一班嘅話，平均計只可以追平前車87D時間，對馬鞍山客嚟講誘因有啲唔明顯，不過觀感上的確快左。假如九巴肯將87C大部分時間由16分一班上返12分一班，對馬鞍山客有更大誘因直接等87C。
完整時間：
VC6150-87C 1928 紅磡開 （少於10人在車上） 1939 海防道 上車（上車後總共約12-3人 約5人留後） 1942 柯士甸道（12-3人上車 冇留後） 1947 碧街（5人上車 冇留後） 1948 山東街 （約16人上車） （ETA 1948 前車87D 明愛宿舍） （ETA 1948 前車87C 已過明愛宿舍 10分鐘後到錦駿苑） 1951 基榮小學（接近10人上車 7人留後） 1954 白楊街 1957 明愛宿舍 *全車6成滿* (2001 入獅隧) （ETA 2002 前車87C 已過耀安邨、1分鐘後到達 運動場） （ETA 2002 前車87D 沙田第一城） (2003 出獅隧) (2006 入 沙瀝公路) （ETA 2006 前車87D 1分鐘到達沙田醫院） （ETA 2006 後車87D 基督中心堂） (2009 過 石門交匯處) （ETA 2009 前車87D 1分鐘到 富安花園） （ETA 2009 後車87D 1分鐘到 映月台） 2010 錦駿苑 （ETA 2010 前車87D 已過 富安、1分鐘到錦駿苑） 2013 耀安邨 落車 （ETA 2013 前車87D 2分鐘到耀安） （ETA 2013 後車87D 19分鐘到耀安） | 
