西鐵線既車站其實可唔可建更多出入口/通道?

原帖由 sg 於 2009-2-26 04:02 發表


水浸又真係攞黎講的,上環,旺角水浸情況比果面還要嚴重,又起到。

架空方式去興建，跟站點離開了市中心這一點。
似乎沒有牴觸,觀塘至九龍灣都係架空方式去興建,
但係最後又入到觀塘市中心。 ...

］

我就好有興趣知道
屯門及元朗的市中心
在十年之後會移到哪裡
甚至荃灣的市中心
亦已開始遷移
城市是活
但似乎有些人的想法並不太活

個人意見
－－－－－－－－－－－－－－－－－－－－－－－－－
西鐵不入天水圍心臟：
因為屯門要求有鐵路，據聞天水圍內原本有預留位。

西鐵元朗、屯門區車站遠離人口最密集地區：
因為無預留位，反觀將軍澳線及馬鐵都有預留位。

西鐵採用架空模式：
因為成本較低，像錦田、洪水橋等人口稀少但又要途經的地區，鑽地只係燒錢。
亦因為架空及避免太滋擾，在元朗不能入大馬路。

西鐵是在眾多爭議及困擾中建成，我覺得已經算係咁，
唔使怕塞車、唔使怕大雨，30分鐘出到九龍，重想點？
－－－－－－－－－－－－－－－－－－－－－－－－－
西鐵同地鐵MIS的興建原意都唔同，無得比。

地鐵係因為市區人口增多，要舒緩路面交通，因此必要途經旺區，
旺區樓多、路窄，就要落地底，旺區帶來的潛在客量可以抵銷高昂的建設成本。
在荃灣、觀塘兩處「衛星城市」，因為地方較多，即刻用返架空。

西鐵興建的本意，是為新市鎮居民提供快捷可靠的交通（並非舒緩旺區交通），
建設成本成為一項重要考量，而且地方咁大，用隧道真係好唔化算，荃灣都出地面囉，元朗重係隧道？
沒有預留位是一個教訓，因此後建的新市鎮：將軍澳及馬鞍山，都有預留位置起鐵路。

唔知講得啱唔啱呢，歡迎理性討論。

原帖由 DIH 於 2009-2-26 23:53 發表
西鐵不入天水圍心臟：
因為屯門要求有鐵路，據聞天水圍內原本有預留位。

不對，即使入屯門亦可以經天水圍市中心設站，

真正原因是當年有原居民反對「破壞龍脈」，九鐵因而改在現天水圍站位置設站，

不過後來有人指出鐵路反而能帶旺龍脈（＜--這是後話）

原帖由 石頭 於 2009-2-27 00:25 發表

不對，即使入屯門亦可以經天水圍市中心設站，

真正原因是當年有原居民反對「破壞龍脈」，九鐵因而改在現天水圍站位置設站，

不過後來有人指出鐵路反而能帶旺龍脈（＜--這是後話） ...

呢個好似聽過,天水圍冇辦法啦,位置大偏,但如果真係起入市中心
好似上水/落馬洲,康城/將軍澳站咁起做分支又得唔得呢?
其實我開POST個陣,都覺得講西鐵站位罝唔好,但根本冇可以拆左佢起過啦,所以想同大家討論下起多D通道的可行性
好似有板友講,如果係朗屏站起行人通道去返元朗市中心又得唔得呢?不過依家都叫做有條天橋去元朗廣場既

好似旺角咁,出入口四通八達,銅鑼灣其實好大,有D出入口其實離月台好遠嫁,但咪一樣勁多人用
不過依家有輕鐵,都可能幾難成事

[ 本帖最後由 atr207 於 2009-2-28 00:16 編輯 ]

原帖由 atr207 於 2009-2-27 22:05 發表
好似有板友講,如果係朗屏站起行人通道去返元朗市中心又得唔得呢?

最近一份施政報告指出政府會在元朗市中心及大馬路興建行人天橋系統，
如果成事，設計最好包括將天橋系統接駁至朗屏站及元朗站。

原帖由 atr207 於 2009-2-27 22:05 發表

銅鑼灣其實好大,有D出入口其實離月台好遠嫁,但咪一樣勁多人用

識揀人流集中地建出入口,加上由出入口到站廳連接得好,咪勁多人用。
地鐵多以入口主動找客源,而西鐵多系以乘客主動找車站入口的被動式。
呢個就系成敗的重點了

原帖由 DIH 於 2009-2-26 23:53 發表
個人意見
－－－－－－－－－－－－－－－－－－－－－－－－－
西鐵不入天水圍心臟：
因為屯門要求有鐵路，據聞天水圍內原本有預留位。

西鐵元朗、屯門區車站遠離人口最密集地區：
因為無預留位，反觀將軍澳線及馬鐵都有預留位。

西鐵採用架空模式：
因為成本較低，像錦田、洪水 ...

我覺得唔可以用"已經算係咁"的心態去做鐵路建築,
既然用得納稅人的錢,就應該做好佢,方便市民,
唔好下下做到差少少。講無預留位, MIS ,TWL, ISL 都冇無預留位,
人地d出入口好多個都中晒point 。西鐵就好多個出入口,都同市民集中地有段距離。
功能一樣方便市民出行.

據小弟記憶，西鐵在天水圍一帶理應是沒有任何預留地。
而在 1993 年的鐵路發展研究中，建議的西部走廊也是直入天水圍市中心（輕鐵站上方）。

再者，現時西鐵經朗屏設站，
主要是利用部份的輕鐵支線鐵路預留地興建，並取締朗屏輕鐵支線的計劃。
因此不直接進入元朗市中心，避免影響市中心的交通，
並且可為朗屏居民帶來直接的鐵路服務。

注意一點，元朗為沖積平原旁等前魚塘及菜田既農業用地，土壤剖面大多已受長期風化深厚土壤，
因此不能像港島線既 TBM 及壓縮空氣在電車路軌下鑽挖隧道及車站（因為港島花崗岩及普通軟土，風化情況有異），
如在大馬路建地底車站，必須將全部輕鐵路軌移走，再上鋼板作明挖工程，
並且可能出現非常嚴重的沉降問題。

[ 本帖最後由 dennis28a 於 2009-2-28 03:54 編輯 ]

原帖由 ahbong 於 2009-2-26 23:13 發表
］

我就好有興趣知道
屯門及元朗的市中心
在十年之後會移到哪裡
甚至荃灣的市中心
亦已開始遷移
城市是活
但似乎有些人的想法並不太活

你咁講即系話屯門及元朗市中心, 將來不再是巿中心,
會荒廢左???定系會好似觀塘巿中心咁會拆???
你話市中心會擴展又或者在附近興起一些新的集中地還有可能,
市中心遷移,即系話把舊的市中心荒廢左,遷移到另地方。

敢問活著的荃灣的市中心將會由哪裡移到哪裡?