西鐵線既車站其實可唔可建更多出入口/通道?

西鐵根本就係草草上馬嘅畸胎

一不應入屯門、二不應於天水圍只設一站

其實只要唔入屯門，西鐵就可以好似將軍澳線咁深入天水圍並設多個站，
成為社區鐵路

原帖由 h2o 於 2009-2-21 23:38 發表


鐵路開發可以帶動地區發展, 但新界西北有沒有需要使市中心旺上加旺而放棄周邊? 新市鎮土地多, 應該發展密度較低 (相對於市區) 的社區. 如果將市中心谷成類似旺角銅鑼灣咁樣, 我個人覺得冇咁的必要.

我明你係以乘 ...

好可惜市中心係由政府決定，
鐵路站遠市中心就永遠都遠市中心，
睇下大埔就知

仲有如果政府冇意思谷某市中心成類似旺角銅鑼灣咁樣，
有鐵路站都唔會變成旺角銅鑼灣咁樣

相反若政府有心谷旺一個地方，
冇鐵路站都可以變到好旺
點解旺角銅鑼灣咁旺?? 係因為匯聚左全港一大部分工作者，
以及地理位處全港人口分佈嘅中心點，
鐵路只係旺區出現嘅其中一個條件

將軍澳線規劃得咁方便，
但唔見得將軍澳d商場變成旺角銅鑼灣咁旺，
將軍澳線反而令居民出旺角銅鑼灣更方便，
以致留區消費減少

原帖由 Kaix 於 2009-2-22 00:47 發表

其實只要唔入屯門，西鐵就可以好似將軍澳線咁深入天水圍並設多個站，
成為社區鐵路 ...

其實此假設是不會發生。
因為社區鐵路的角色，一直由輕鐵擔任，
而西鐵的角色，是為區內提供聯外交通，接駁輕鐵是強化整個交通聯繫。

因此，由西鐵設計的第一步，
早已不存在「社區鐵路」的考慮點，轉為「一區一站‧輕鐵接駁」的概念。

原帖由 mmlcs36 於 2009-2-22 01:03 發表


西鐵當初的定位同東鐵一樣
所以基本上係一區一站

同馬鞍山線/將軍澳的定位不同

所以咪失敗囉

但東鐵情況好唔同，
北區、大埔都唔似屯門、天水圍哩d巨型新市鎮，
所以一區兩站已經覆蓋到超過一半人口，
而東鐵亦已把沙田城河西完全覆蓋，
城河東就有馬鞍山線完全覆蓋

原帖由 dennis28a 於 2009-2-22 01:15 發表


其實此假設是不會發生。
因為社區鐵路的角色，一直由輕鐵擔任，
而西鐵的角色，是為區內提供聯外交通，接駁輕鐵是強化整個交通聯繫。

因此，由西鐵設計的第一步，
早已不存在「社區鐵路」的考慮點，轉為「一區一站‧輕鐵接駁」 ...

所以成個理念一開始就係唔掂

原帖由 Kaix 於 2009-2-22 01:13 發表

仲有如果政府冇意思谷某市中心成類似旺角銅鑼灣咁樣，
有鐵路站都唔會變成旺角銅鑼灣咁樣

相反若政府有心谷旺一個地方，
冇鐵路站都可以變到好旺
點解旺角銅鑼灣咁旺?? 係因為匯聚左全港一大部分工作者，
以及地理位處全港人口分佈嘅中心點，
鐵路只係旺區出現嘅其中一個條件

老實而言，旺角及銅鑼灣存在背景，
的確如閣下所述，鐵路只是其中一個條件，而且是一個強化、肯定的條件。
鐵路會使可達度上升，但在歷史上，旺角及銅鑼灣成為旺區早在地鐵通車前出現。

旺角及銅鑼灣變成區域商業區，主因是路面的交通網路。
旺角是亞皆老街及彌敦道的十字交匯，而銅鑼灣是海隧、軒尼詩道、高士威道／英皇道交匯，
這些因素是促成當地成為一個商業區的背景因素，在 70 年代，旺角及銅鑼灣早已成為旺區。
而地鐵出現，反而是解決當地交通問題的方法，使兩地人流推至另一個高峰，
但不是因為地鐵而衍生旺角及銅鑼灣兩區。

原帖由 Kaix 於 2009-2-22 01:13 發表

好可惜市中心係由政府決定，
鐵路站遠市中心就永遠都遠市中心，
睇下大埔就知

其實現時大埔新墟、元朗舊／新墟、屯門新墟，均是過往新界鄉村的市中心，
現時大埔墟站位於新墟旁，元朗站正位於舊墟所在地，屯門新站也是位於新墟旁。
鐵路車站也不會不接近舊有的市中心，只要多謝政府刻意將市中心建議在新市鎮發展計劃中，刻意遷至不近鐵路車站處。

原帖由 Kaix 於 2009-2-22 01:26 發表

所以成個理念一開始就係唔掂

又未至於「唔掂」，在概念上，根本與市區的周邊小巴「駁腳」無分別。
只是整個系統在新界西，早已存在巴士「一區一線」的政策，而輕鐵「駁腳」並非直達西鐵站，
要乘客利用輕鐵跨過數十個屋苑才到西鐵站轉車，巴士可能上了高速公路而已。

[ 本帖最後由 dennis28a 於 2009-2-22 01:46 編輯 ]

原帖由 tomtom2015 於 2009-2-21 19:14 發表

你知唔知西鐵在新界西點解會有今時今日的定線?
你唔係真係以為特登整差D去迫你坐輕鐵?
首先，你覺得係元朗大馬路可以有足夠空間起兩個西鐵的架空車站嗎？
你再睇下地圖，如果係元朗大馬路設站，請問點屈上天水圍?

再講，西鐵 ...

原因係當年政府想保住輕鐵同以為輕鐵+西鐵係萬能，
而且用輕鐵接駁可以慳唔少錢，
雖則慳到嘅錢最後用左黎起屯門段同起d奢華車站

簡單黎講, 西鐵都係為發展上蓋物業, 如果係元朗大馬路, 屯門市中心地底建站,
邊有空間係上面建鐵路沿線做賣點的50層私樓,
感覺上西鐵為左發展車站一帶地區而設, 為建設新市中心(如九龍站, 奧運站)
根本唔會在乎市鎮的其他居民,
將來發展上蓋物業同商場後, 就算港鐵唔起, 發展商都會諗辦法連接舊市區.

單靠乘客收入已經唔係鐵路發展既方向, 睇下之前奧運站, 九龍站, 咪又係吊腳的新填地,
有無人會專登由大角咀舊區去奧運站搭車? 而家主要服務對象咪又係新發展區既居民