梳士巴利道與廣東道交界建造迴轉處修訂工程刊憲

原帖由 238X 於 2010-10-24 10:31 發表

你地既責任正正就係點樣說服大眾呢一樣野。

其實佢地係說服到架，之前無記錯的話搞過簽名運動都有好多人支持，不過
問題在於香港人善忘，如果突然間話下個月就拆，我諗反應會同而家好唔同。

話時話，有無試過游說1/1A/2/5/5A/6/6A/7/8/9沿線所有居民同區議員挺身反對拆碼頭總站？我諗如果成個九龍有一半區議員大力反對，都幾係野。

原帖由 E400 於 2010-10-24 11:08 發表
6 O* ]; c5 y. T- }( A
巴士,鐵路,生活- ^# i2 l8 v# j; B" x( G
之前我都講過D反對人士往往只會爭取最大既權益, 就係要個總站唔好拆
佢地又會唔會咁有心俾政府拆個總站, 但同時要政府俾返現有既線經果度,
佢地亦唔會咁有心爭取呢樣野, 再者佢地亦唔會諗到將果D現時行車時間一單少於55分鐘既線轉循環線,8 N/ N; g+ h1 ]- l1 M/ ]) y9 i
以減少果度既流量hkitalk.net9 R. h/ {1 l" ~" M4 f3 R
& J( U7 Q* T6 X" Z' b# B( f
講開之前個總站係星光行對開既行人路被擴闊, 呢次都踢走唔少線, 但就無乜反對聲音
原因就係呢D線都係經彌敦道去尖沙咀, 而5就唔係, 後者亦需要行遠D先去到碼頭,
所以係爭取既時候, 亦必先考慮5,5A,5C,8,8A,8P呢堆線

個問題係，如果拆總站，除非每條以尖碼為總站的巴士線都改為循環線並且只係入尖碼一次，否則流量只會有增無減。
再者，一單55分鐘的線轉循環線，一轉已經變左110分鐘，運作上會有咩問題，不言而喻。
粗略搵過下資料，一單55分鐘以下的全日線得以下幾條：1 (51), 2 (43), 5 (52), 6 (44), 6A (50), 7 (43)，
一單最少都要43分鐘，閣下的建議可謂不切實際。

原帖由 天空之神 於 2010-10-24 00:26 發表


地鐵再早一日油麻地一役 , 彌敦道南北地下交通停哂
唔好講到巴士真係廢, 鐵路係萬能先得架

嘻嘻，準確一點講，係一條綫一個站一處一列車發生故障，令到整個九龍鐵路交通大受阻。
當日早上，我有朋友由鑽石山去觀塘返工，用了1小時15分鐘。
九鐵系統要食客，都搞到紅磡站人山人海。

問題不是鐵路或巴士本身廢唔廢，講真，意外好難講。
關鍵係有人以為香港有資格將小輪及巴士變成呼之則來揮之則去的茄喱啡。
錯，以香港的地理環境及人口分佈，根本無資格唯鐵路獨尊。
因此，由實用性及社會成本效益出發，已經足以否定取消尖碼巴總的建議。

巴士不是萬能，鐵路也不是萬能，沒有一樣東西是萬能，
因此一個以市民福祉為依歸的政府，應該要為最壞情況打算。

假想：
2047年某日，早上繁忙時間，67年歷史的荃灣綫過海隧道一小段電纜脫落。
不幸地，本港已將Murphy's Law納入法治系統，
南北綫（現東鐵綫）也有一列快將退役的老千九在旺角東至紅磡站之間動彈不得。
其時，昔日的尖沙咀碼頭巴士總站已經不復再，只得一個的士站大小的空間。
天星小輪因為早年巴士總站搬遷而客量大跌，變成10分鐘一班的遊客線，只得兩隻船行走。
北港島綫通車20年，東涌綫早已加密至最盡的2.5分鐘一班，並且平時已經迫滿乘客。
西九高鐵站一帶，正有大批旅客到港，泊滿旅遊巴等候接載遊客至上述的尖沙咀鐘樓廣場。
中信泰富買下全部海隧，收費劃一地高昂，每天早上，西隧車龍仍然由中環塞到奧運站。
請討論當天香港的交通。

[ 本帖最後由 DIH 於 2010-10-24 12:34 編輯 ]

原帖由 E400 於 2010-10-24 12:01 發表

10都110分鐘一轉, 上述路線點都唔駛110分鐘一轉

5A同28都係可以轉循環

將來入尖碼2次既線只有1A,5C,8,9
234X亦可以選唔入尖碼, 話晒都係經彌敦道及只係單程入尖碼 ...

循環線行90分鐘以上一轉，仲要係行巿區，以巿區道路的交通情況，就算無乜塞車都好容易搞到脫班脫到七彩，條10號已經係咁。
仲有，5A本身唔係全日線，28本身已經唔係尖碼做總站，但係入兩次尖碼，所以我無列出來。

同埋，你果頭話應該諗下搵線改循環線或者爭取每條線都入返尖碼，呢頭又強調將來只係得1A/5C/8/9入尖碼，咁即係想點？
你到底係支持現時所有尖碼線將來都入返去，定係支持到時得返4條線入返去？
我可以話你知，以我前幾年的觀察所得，1/2/6/6A/7都唔少人轉船，甚至比1A/9更多，
當然而家係咪咁就唔清楚，但係我相信好大機會都仲係。

原帖由 S3BL100 於 2010-10-24 12:19 發表


循環線行90分鐘以上一轉，仲要係行巿區，以巿區道路的交通情況，就算無乜塞車都好容易搞到脫班脫到七彩，條10號已經係咁。
仲有，5A本身唔係全日線，28本身已經唔係尖碼做總站，但係入兩次尖碼，所以我無列出來。

同埋，你果頭話應 ...

我之前提到在永安廣場等5號，部5號來到時座位已經70%滿。
5在永安廣場時，我11pm在理工等車，雖然班次疏，但車來到一定有位坐；
5改回尖碼後，同樣時間，我送了一班5號車尾，等到下一班來時，係頂閘飛站。
還未計5C那比東涌綫或西鐵都要密的班次。

原帖由 E400 於 2010-10-24 12:39 發表

10本身都不是循環線, 但都係咁轉左

我建議得轉循環線就當然希望入得尖碼既就入
所以咪強調唔係所有線都要入尖碼兩次
最多只得1A,5C,8,9先要入兩次, 其他變循環既入一次就搞掂
234X直頭可以考慮SKIP左尖碼 ...

我諗閣下無理由用10號呢個轉左循環線之後搞到脫班嚴重的不成功例子，
去證明只要有一條一轉110分鐘的循環線存在，尖碼果堆一單55分鐘以下的巴士線都可以轉做循環線而不會導致問題出現。

重點係，就算2/5/6/6A/7全部變晒循環線，因為有一堆線要入兩次尖碼，巴士流量必然增加。
要拆尖碼總站而不增加巴士流量，就一定要將部分巴士線搬走，但係尖碼差唔多每條線都多人上落（唯一例外係9號相對少客），
搬走是但一條都會對不少乘客帶來不便。