梳士巴利道與廣東道交界建造迴轉處修訂工程刊憲

原帖由 S3BL100 於 2010-10-24 11:25 發表


其實佢地係說服到架，之前無記錯的話搞過簽名運動都有好多人支持，不過
問題在於香港人善忘，如果突然間話下個月就拆，我諗反應會同而家好唔同。

話時話，有無試過游說1/1A/2/5/5A/6/6A/7/8/9沿線所有居民同區議員挺身反對 ...

尖碼之聲試過上油尖區議會發言
不過未出到聲已經比主席鍾港武否決..
http://hk.apple.nextmedia.com/te ... amp;art_id=13355265

原帖由 E400 於 2010-10-24 15:57 發表
如果其他人士(非巴士迷)真係對個計劃咁反感, 佢地就唔會只係同你簽個名咁簡單
明眼人一睇就知巴士迷個身份對呢件事根本係唔夠說服人
(坦白講你唔係鐘意巴士既, 又邊會咁落力去「保衛」個總站)
其他人士真係對個計 ...

撐唔拆個巴士總站就等於係巴士迷？
咁當年喺拆皇后碼頭時反抗反到坐上碼頭頂既又係咪代表係渡輪迷？

幫你畫隻龜已經叫做出咗聲
只係有人認為呢個做法仲係唔代表啲乜
如果果班非巴士迷想介入事件，唔簽名仲可以做啲乜？
瞓街攔路衝擊政府總部？
就請閣下建議一下非巴士迷想反對呢個計劃有咩方法啦咁就

原帖由 E400 於 2010-10-24 15:57 發表


如果其他人士(非巴士迷)真係對個計劃咁反感, 佢地就唔會只係同你簽個名咁簡單
明眼人一睇就知巴士迷個身份對呢件事根本係唔夠說服人
(坦白講你唔係鐘意巴士既, 又邊會咁落力去「保衛」個總站)
其他人士真係對個計 ...

第一, 尖碼之聲的發起人, 不只有巴士迷, 更有運輸業專業人士, 保育界人士, 文化研究人士, 以及旅遊業界的朋友, 呢一點, 請先攪清楚
第二, 回望這七頁討論, 來來去去, 只有E400君一個自吹自雷, 反而其他版友就同不同角度說出了問題所在, 群起攻之, 所謂可事?
第三, 尖碼之聲兩次發動簽名運動, 前後已有過萬人簽署, 難道香港有過萬巴士迷?
第四, 請記住, 拆巴總死的不是巴士, 而是天星小輪! 如果你硬說巴士迷保巴士, 不如說巴士迷保天星小輪好了

原帖由 E400 於 2010-10-24 16:34 發表


佢地正正唔係渡輪迷或交通迷
所以呢班人反而比較容易服眾
君不見這班保育人士有反對過拆尖碼巴士站

家下果個反對拆巴總既組織既果班負責人主要都係巴士迷
佢地俾人感覺都係「佢地唔鐘意巴士, 就唔會死都要保衛個 ...

那又如何確定，已經成立的組織當中，沒有人是非巴士迷？
假如佢地都係想做點事，但已經有人成立了尖碼之聲etc，就無需大費周章另起爐灶了。

對面海的天星皇后，迴響咁大，係因為在諮詢期冇乜人知道／冇乜人反對，政府就拿著這個理據去go ahead。
現在出聲要求保留尖碼巴總的人，正正是不想天星皇后事件重演，不要讓政府以為冇人反對。
我夠可以話，天星皇后那些瞓上碼頭頂的人，因為佢地唔係渡輪迷，所以後知後覺，諮詢期沒有反對，最後大局既定，瞓乜都冇用。

相對地，香港人仍然大部分是沉默的大多數，人人去Heritage 1881影結婚相之際，又有幾多人關心過被困在大花盆裡的老樹？
假如做個全民普查，我夠膽講，大部分都會覺得拆走係可惜，但真係拆晒之後又冇所謂。

既然而家有風聲，提交反對意見已經足以令件事開展唔到，那麼反對者也無必要將行動升級，
可能有好多保衛天星皇后的人，都提交了反對拆尖碼巴總書呢。

再者，假如有一些人只是想借故摑政府一巴，但其實並非真心想保育既，呢件事冇noise，佢地都唔會出手。
背後有好多人默默耕耘，又有幾多人知道？有點酸溜溜的感覺，九龍同港島得到的待遇，真係截然不同。

[ 本帖最後由 DIH 於 2010-10-24 17:04 編輯 ]

原帖由 DIH 於 2010-10-24 16:58 發表

那又如何確定，已經成立的組織當中，沒有人是非巴士迷？
假如佢地都係想做點事，但已經有人成立了尖碼之聲etc，就無需大費周章另起爐灶了。

對面海的天星皇后，迴響咁大，係因為在諮詢期冇乜人知道／冇乜人反對，政府就拿著這個理據 ...

說到1881, 大家又可知當日舊尖沙咀火車站被拆時幾乎連前水警總部都幾乎無得留低?

當日不是有一班年青人走了出來要求保留, 依家大家還可以去拍結婚相!? (先不論依家唔見左座山) 鐘樓有機會成為了"法定古蹟"?

早前我訪問了一位當日有份參與有關運動的人士-黎廣德先生,訪問片可見OURTV.HK (按此進入)

原帖由 E400 於 2010-10-24 16:34 發表

佢地正正唔係渡輪迷或交通迷
所以呢班人反而比較容易服眾
君不見這班保育人士有反對過拆尖碼巴士站

家下果個反對拆巴總既組織既首要發起人都係巴士迷(發起人當然亦有游說到一D專業人士作為佢地組織既後盾)
佢地俾人感覺都係「佢地唔鐘意巴士, 就唔會死都要保衛個巴士站」
如果真係有一班完全唔鐘意巴士既人, 但佢地都覺得呢個巴士總站都有保留既價值而發起一個組織及一些反對行動,
咁就容易服眾, 但暫時都不見有呢班人
政府當初建議只係將個總站搬去麼地道, 但又唔係中藝斜對面設返個中途站, 呢樣野當然會對天星使用量有影響
家下建議埋係中藝斜對面出設返個中途站, 這表示依然有車到碼頭, 對天星現有使用量就無乜影響
至於一旦落實, 要有咩巴士線經返果度, 就要由大家爭取, 同建議都要有技巧

1. 我由始至終都唔明，點解「巴士迷發起保衞尖碼」就係「無說服力」？點解說服力唔係睇理據？

2. 「建議都要有技巧」，睇怕閣下又係想重提將大部分尖碼線改做循環線呢個不切實際的論點吧？
唔通閣下認為只要有車去返碼頭，就算改循環線搞到班次亂七八糟都OK，唔駛考慮實際運作的問題？
無錯，而家個建議，到時依然有車到碼頭，但係已經唔係條條線都入去，
家下除左9號線之外每條以尖碼做總站的路線都有唔少人轉船，搬走是但一條，都會對天星使用量有負面影響，
又點會係如閣下所講「依然有車到碼頭，對天星現有使用量就無乜影響」？

原帖由 DM17 於 2010-10-24 15:16 發表


尖碼之聲試過上油尖區議會發言
不過未出到聲已經比主席鍾港武否決..
http://hk.apple.nextmedia.com/template/apple/art_main.php?iss_id=20091027&sec_id=4104&subsec_id=11867&art_id=13355265 ...

其實可唔可以諗下，私底下逐個區議員游說，搵埋深水步、黃大仙、九龍城，甚至觀塘區議會？