年青人是否對鐵路依賴？

宣傳不足都係一個好大的缺點,所以鐵路轉小巴已經成為骨幹的公共交通工具,巴士係鐵路的輔助,亦都係小巴的輔助!!!

原帖由 Choi 於 2011-6-8 08:05 發表


不過真係有同學就算小巴排過百人，都唔轉軚91M。
而且去旺角係11/91M->MTR，都考慮91M->27
至於科大去浸大:91M->89 / 中大:91M->74A，係我一個

你講得好啱,呢D情況周圍都見到,唔止係科大等小巴轉港鐵,有過百人等小巴都唔得港鐵,係西貢,大埔,筲箕灣都一樣,所以又一證明係年青人的心目中,只有鐵路及小巴!!!

巴士車程唔穩定, 停多兩枝燈車程相差 10 分鐘, 司機行得快行得慢車程相差 10 分鐘, 班次失準等車時間相差 15 分鐘, 呢個係最致命缺點, 如果同一時間到達車站, 運氣可以令到達目的地時間相差 20 分鐘以上, 咁就唔係太可靠.
對學生來說, 如果搭巴士, 373 或者 968 每程貴十蚊, 68X 或者 271 一程貴五蚊, 長途車程負擔都幾大.
以上都係有人選擇鐵路既原因.

部分路程即使同樣要轉車, 巴士轉巴士就係好方便, 鐵路轉鐵路就係惡夢? 我唔同意. 天恆往尖沙咀, 可以揀 265M 轉 268B/269B, 或者輕鐵轉西鐵.
268B 繁忙時間載客率 65%, 269B 肯定更高 (因為 268B 已經叫緊取消), 一部 268B 常見用車 ATE 總載客量係 124 人, 以 65% 載客率計, 即係 80 人, 正正係 ATE 既座位數目. 269B 就可以肯定要企人. 如此一來, 無法保證巴士肯定有位坐, 我就覺得如果同樣要企, 企鐵路舒服好多.
好了, 非繁忙時間, 兩條紅磡線都係每 15-20 分鐘一班, 我假設真係班次剛剛好聯合, 都係每 7.5 至 10 分鐘一班. 駁腳車 265M 非繁忙時間 10-15 分鐘一班, 加埋係 17.5 至 25 分鐘. 來一個對比先, 西鐵線非繁忙時間每 7 分鐘一班, 輕鐵循環線非繁忙時間 7 分鐘一班, 加埋最多 14 分鐘.
候車環境呢? 假設由天恆出發, 巴士站同輕鐵站都有蓋, 同時無冷氣, 可以話打成平手. 大欖隧道口冇冷氣, 天水圍西鐵站有冷氣, 鐵路勝.
唔選擇 265M 轉 268B/269B 唔代表就係路痴, 就係懶惰唔搵替代路線. 巴士轉巴士既方便, 快捷, 舒適都好有疑問 - 我就覺得係隧道口等 15 分鐘巴士既「好舒服程度」不下於由尖東站行去尖沙咀碼頭. 大家明明打個和, 甚至鐵路更勝一籌, 巴士無疑係一個選擇, 優點係多位有野睇, 但都會有唔同既人想時間穩定, 全程冷氣. 兩件事無衝突, 就係因為咁, 268B 繁忙時間先有 65% 載客率, 而西鐵同時亦有 58% 載客率囉.

舉多個例, 同樣唔需要轉車,
太古廣場去維園, 可以揀 2 號 5X 10 號, 可以揀電車, 可以揀地鐵, 唔可以話揀地鐵就係唔岩掛? 想平就 2 蚊電車, 想有冷氣坐定定就巴士, 快少少坐 2 號慢慢搭就 10 號, 想時間穩定唔塞車就坐 3 個站地鐵, 三個選擇毫無衝突, 搭地鐵去天后唔代表係路痴, 搭十幾個站電車沿住條鐵軌慢慢行亦唔代表唔識選擇.

選擇交通工具唔同道德價值, 對交通工具既取向可以好多, 選擇既背後都有其原因, 對於一類「火車轉地鐵都唔坐 74X」既人, 可以話佢知有更快捷更舒適既選擇, 但如果最終仍然唔選擇 74X, 我覺得呢個人係有佢自己考慮.

我就相反，搭巴士，因有BBI（可能棄用258D後情況有改變）

我搭巴士有超過99%機會一上車就有位坐，鐵路就少於95%。這對我來說並不重要。

舉例子：
尖沙咀往龍門

方法1：西鐵線 -> 506
方法2：260X -> 小巴44

論車程：西鐵線到屯門要35分鐘，巴士到屯市要約40分鐘
巴士506和小巴44的車程相若。

論等車時間：260X名義上比西鐵疏，但是晚間會有非官方的加班車，結果在晚間和西鐵差不多，其它時間比西鐵疏
巴士506經常甩班，敵不過小巴44的車海。

論座位供應：
尖東上西鐵線及260X均100%機會有位坐，巴士506及小巴亦一樣。

論準時度：
鐵路比巴士260X準時，但小巴44亦比巴士506準時。

論舒適度：
因為100%有位坐，所以小巴／巴士比鐵路優勝。
等車環境方面，西鐵站的等車環境較好。

論方便程度：
巴士站一定比鐵路站方便，而260X轉44的方便程度略遜於西鐵轉506（其實只相差很少）。

所以，兩者其實差不多，出發地離站遠近及車費成了關鍵。

回到主題，“年青人是否對鐵路依賴？”不能單靠一兩個車程的習慣來下結論，要用一些對他們陌生的地方才能測試出是否依賴鐵路。（例如上水人去東區；屯門人去大埔；旺角人去北角等）

[ 本帖最後由 miklcct 於 2011-6-8 15:23 編輯 ]

原帖由 GU9338 於 2011-6-8 08:36 發表

不能同意更多 ...
特別係荃灣線 , 最勁試過荔景站 -> 太子站 , 每一個站都彈兩次門 , 仲要逼到我想係袋拎本書出黎睇都唔得 , 我個下有 D 後悔係青衣出黎點解唔搭 41A ...
(我屋企距離地鐵站都有一段距離) ...

我諗你轉坐41A 才知後悔

我上一輪 duty 去青衣村附近
成日都諗住坐 41A 出尖咀
點知幾次去到青衣村總站對面, 等超過四個字都冇車
唔好講 409 仲密過佢, 連88 都嚟左兩架
最後都要死死氣行番去青衣站
反而行路去青衣站, 穿過公園都只係 10 分鐘
上到車, 又以為 41A 行南橋會快過 44 呢 D 行北橋的車出到美孚
坐過之後先知搵笨

調番轉, 最初幾次晨早入去, 都係晌美孚轉 44 而棄到葵芳坐小巴或荔景轉東涌線
幾次出左站晌巴士站等都要約 10 分鐘先嚟架44
直至有一次我唔記得晌美孚落車, 到了荔景站, 只好就咁轉東涌線, 然後由青衣站行返去
結果仲快過我平時搭那班 44 到達
呢 D 都係經驗之談

其實, 樓主第一篇文發文都已經講, 開文唔係話要指責搭鐵路點唔好搭巴士點好
一直以來都係話按個人喜歡而定
沒有絕對的方法
不過一到咁上下, 最後都出現了支持搭鐵路 ==> 冠以保鐵分子
只搭鐵路周圍去 ==> 唔用腦思考呢類片面而偏激的言論

B2 板係咪唔可以容許發表鐵路比巴士較優的言論?
係咪喜歡坐巴士, 就唔可以同時喜歡鐵路, 唔可以搭鐵路嗎?
獨巴排鐵 (或排其他) 絕對唔應該係呢板出現的討論氣氛
請不要將討論膚淺化

[ 本帖最後由 cky 於 2011-6-8 16:58 編輯 ]

年青人又未必真係對鐵路依賴既......應該只係對自己搭開既路線依賴姐 (可能因為佢地住既地方冇鐵路)

我 F.3 個陣問過個同學.....佢係筲(基)灣去澤豐.....我問佢點解唔搭巴士去....佢話佢搭巴士會嘔.......呢到一類人.....可能根本唔搭得巴士既....

又有一次......有老師同我地一班人係銅鑼灣食完野之後去灣仔......有幾個人話搭 8P 去......冇計...佢地住小西灣.....只知 8P 係去灣仔......又經銅鑼灣......但從來唔知有第2 D車去.....

又有D人.......可能佢地自己根本就唔識搭巴士....係一等一路癡.......結果就次次去街都搭港鐵去左離目的地最近既港鐵站先.....之後再搵.....佢地自己記唔到....例如之前有人問過我既兩個FD......中環站去香港站駛唔駛轉車.......由於佢地未去過......結果佢地兩個都答要....

但有幾多人真係能夠自己選擇搭巴士定鐵路定其他公共交通工具去一D佢地唔係成日去既地方呢.....係我個班入面我相信應該唔多........而我亦都相信社會之中亦都只有唔多既人能夠做到呢樣野

原帖由 3AD62 於 2011-6-8 12:46 發表
宣傳不足都係一個好大的缺點,所以鐵路轉小巴已經成為骨幹的公共交通工具,巴士係鐵路的輔助,亦都係小巴的輔助!!!

巴士係鐵路既輔助呢個唔係問題
係外國 (尤其時北美洲) 巴士不嬲都係做接駁鐵路既用途
但巴士輔助小巴呢個現象就真係有問題....

原帖由 victorkaho 於 2011-6-8 17:20 發表
終於又多一個知音人啦
我再講一次，呢篇文唔係要踩鐵撐巴
而係希望年青人唔好過份依賴鐵路，
可以培養出多元交通知識

既然無意踩鐵, 既然尊重個人選擇自由
咁點解要年青人唔好過份依賴鐵路要培養多元交通知識?
坦白講我覺得好矛盾囉...