2014 年 年 底 前 要 淘 汰 數 千 輛 歐 盟 一 期 和 二 期 巴 士

原帖由 Snoopy@FB8617 於 2012-1-20 00:32 發表
咁都未必足夠去減低人買車既意慾

去到加稅都減低唔到車輛數目時
大家講咗咁多頁既電子道路收費，加稅等等嘢都可以放入垃圾桶。

由頭到尾，大家有冇諗過啲人用車既根源係乜？

原帖由 da93 於 2012-1-20 00:26 發表
再回359兄:
你話鼓勵使用公交,
我可以同你講,
根本香港係做得異常失敗在先

英國有park and ride,
日本有多層單車停泊場,
甚至乎大陸都識發展BRT既時候,
請問香港政府做過D乜野? ...

其實呢樣好難同外國比，
香港唔係無 park & ride，但例子少之又少，
上水火車站有，呢個係我覺得唯一有用既，但就變成大家泊架車轉火車返大陸，因為架車過唔到關；
彩虹地鐵站有，但就變左樓盤，搞窄清水灣道整到易左塞車不特止，我住西貢開到架車出彩虹做咩唔渣埋去目的地？
坑口地鐵站都有，不過西貢出黎根本違反邏輯，有乜理由返轉頭去坑口泊車轉地鐵。

單車停泊場…
香港咁多山，點踩？同埋公交轉鐵路香港都可以做得好成功，你睇天水圍 K76？
但出到市區，幾多人有幾個臭錢就渣架私家車出黎塞，人地 intentionally 要渣車，唔係為方便，係為 high class 你奈得佢咩何？

再者，
外國有錢人唔興住 CBD，香港剛剛相反，
外國搞 Park & ride 當然搞得到，o係香港唔通叫班半山佬渣架私家車落金鐘 park & ride 轉地鐵去中環？

原帖由 da93 於 2012-1-19 23:43 發表

60分鐘100蚊就每分鐘都唔止1蚊,
你的士可能就係,(不過都未必)
人地D運輸真係話唔埋擺幾耐,
咁你點樣計到每個客只係俾多1毫子?
仲未計巴士,小巴係咪可以唔收,或者收少D
唔收/收少D時你又唔知其他團體有咩反應(唔係講 ...

呢個唔係懲罰,係繳付番因為你渣車出街而造成擠塞而造成既社會成本
(我成日都話,港島區咁塞車法,年中都唔知幾多人因為救護車遲到而死,仲揀住港島區真係搵自己條命較飛)

原帖由 ~誰@359~ 於 2012-1-20 00:46 發表
... 但佢地仲未畀錢去補償因為佢地不必要地渣車而（有份）導致既擠塞 ...

1. 點定義不必要先？
2. 因乜原因構成佢地而家既「不必要」先？

原帖由 3ASV174 於 2012-1-20 01:31 發表

其實呢樣好難同外國比，
香港唔係無 park & ride，但例子少之又少，
上水火車站有，呢個係我覺得唯一有用既，但就變成大家泊架車轉火車返大陸，因為架車過唔到關；
彩虹地鐵站有，但就變左樓盤，搞窄清水灣道整到易左塞車不特止，我住西 ...

咁，即係住得西貢，就預咗一渣車都會去到目的地架啦
咁，呢啲算唔算「不必要」先？

[ 本帖最後由 士刁拔尼．奧 於 2012-1-20 02:02 編輯 ]

回到off哂topic~
不過off左就回下off左既topic啦~

我記得以前有一個師兄回文，佢講過一個point，係:
「私家車同公交係competitors」
我好impress，因為呢個係事實。

舉我自身做個example吧。
我住的地方，係新城在東區既「糧倉」-- 柴灣。
我家中有車，除左因為養得起，另外有一D家庭factor一定要有車。

我家出外不會常常駕車，因為油錢貴，有時又唔快。
例如早上，以前我是在中西區上學的。
有時家人會想車我上學，但發現坐788出去 + 當時新開既M49都唔慢 (後期M49早上仲有4號幹線快速)。
後來就好少車我上學了。
時間慳唔多外，油錢又貴，回程仲要塞多一次。

日常家人出港島外區都靠8P，788，789等一類「東廊特快」出入。
家人都發現，香港島泊車難，又好易塞車，加上油錢。
幾口子坐公交反而仲好。
過海都係「東廊特快」118。

所以其實要attract到人唔用私家車，其實做好D個公交配套仲好。
有D人渣得車，佢會覺得「舒服」/「便利」> 渣車既cost。
除非電子道路收費收到好貴好貴，例如$100一次，令渣車既cost大過佢benefit，就得。
咁搵食車呢?
同埋要知道路收費去到咩水平先有力減少，不容易。
現今正苦會肯冒政治風險咩?
另外有D人，比幾多都得，唔志在，你食左佢咩?

小弟才疏學淺，冇咩解決方法。
不過覺得一樣野，有D地方(如港島北岸)係個道路承載力已經overload......
所以一係expand道路承載力，一係就 drop 個CBD既loading。
Central-WanChai Bypass係一用；另外如果「起動九龍東」係成功，應該係有用。
others係沙中線/港島新鐵路線，將個運力地底化。
(當然大家會諗巴士公司點算，我覺得用特快去cover番過海線個loss)

另外係重新排別巴士入到繁忙地區埋站，舉例，788早晨有一種特別班次，
「比特快更快速」，就係不停(舊)灣仔警署，留比789做。
一來share到客比較弱勢/運力未utilize既789(789係回程先多D客)，
另外係車程係快左，唔洗排隊 (雖然我覺得直達中環會仲正)。
想快D個交通流量，其中一樣就係令D車快D由樽頸疏導......
你可能話有幾大用，但有用終歸有用........

多言了~

其實政府可以將私家車既牌費大幅提高
再發行一種只可以向星期日及公眾假期先可以揸出街既車牌
咁已經可以減低一部份人買車或者揸車既意欲

另外所有高流量既收費隧道實施彈性收費時間,繁忙時間收貴D
或者係未到繁忙時間之前(例如早上七時前)平D,吸引D人提早上班

政府亦可以同一D貨運或者物流公司同埋一D擁有自己送貨既車隊既大型公司
建議佢地既車隊實行"早開工,早收工";或者遲開工,遲收工",減少繁忙時間路面上既車輛,再用一D優惠例如減首次登記稅或者減牌費
又或者係只要佢地既車隊向非繁忙時間使用收費道路一律七拆甚至係通宵使用免費,差額政府找數
咁已經可以吸引到好大量車輛改為向繁忙時間既前後使用路面而唔係向繁忙時間用

其實見大家討論左咁多私家車問題, 但似乎都有d偏離重點...

點解d人渣車, 係香港真係為方便或好平? 其實香港渣車本身
已經一d都唔吸引, 牌費, 車稅, 油錢, 泊車, 塞車, 樣樣都貴同煩,
塔的士可以平過渣車, 但點解d人都會照渣....?

因為某程度上, 渣車/有車, 同我地鍾意巴士一樣, 係一種興趣, 一種癮...
加車稅, 加油錢, 甚至道路收費, 可以增加駕車成本, 但影響唔到呢d
意欲, d人搵到錢, 就自然想買車買樓, 呢d係根深柢固的香港人思想,
正如樓一樣, 樓價再升都會有人買, 所以我一早#10都講, 要限制唔係
技術問題, 而是違反左香港社會發展這自然方向的問題...

與其不斷講私家車, 不如放眼返巴士先, 好多人講鐵路有自己的路,
所以唔受影響, 其實巴士自己都可以有ga wor, 亦唔駛任何修改/增加
法例, 就是"巴士專線"喇 (我見我係#10提過, 之後就無咩人講, 我想再
講多dd)

係2000/1990年前, 其實香港交通一樣試過好塞車, 政府以前係相對積極
加設"巴士專線"的....如係繁忙的彌敦道, 紅隧入口, 屯門公路, 都會願意
設立"巴士專線", 甚至再去耐d 80年代, 以前上海街北行, 或現在中環匯
豐銀行對出, 全條路都是有限制私家車進入的..."巴士專線"是非常有效
的現行方式, 去維護巴士服務, 及控制私家車某一路段流量....但好可惜,
近10年似乎政府少了增加新"巴士專線", 反而將部分"專利巴士線"開放到
"(非專利)巴士線"

其實現時法例/情況, 加設更多"巴士專線", 是最快, 最有效, 實施時最少問題,
亦會最少反對聲音的措施, 去令巴士減少受私家車數目/塞車之影響

我建議大家可以考慮一下這一點, 實際d去想方法解決現時問題....亦可以向政府
建議更多巴士專線的位置....總比不斷講私家車減少實際

[ 本帖最後由 3ASV196 於 2012-1-20 12:13 編輯 ]

原帖由 士刁拔尼．奧 於 20/1/2012 01:23 發表

去到加稅都減低唔到車輛數目時
大家講咗咁多頁既電子道路收費，加稅等等嘢都可以放入垃圾桶。

由頭到尾，大家有冇諗過啲人用車既根源係乜？

原帖由 士刁拔尼．奧 於 20/1/2012 01:56 發表

1. 點定義不必要先？
2. 因乜原因構成佢地而家既「不必要」先？

咁，即係住得西貢，就預咗一渣車都會去到目的地架啦
咁，呢啲算唔算「不必要」先？ ...

咁你個答案係乜？

原帖由 3ASV196 於 20/1/2012 09:21 發表

近10年似乎政府少了增加新"巴士專線",
反而將部分"專利巴士線"開放到 "(非專利)巴士線"

申報利益先：咁的確有啲邨巴唔經巴士線就做唔到應有效果
(譬如 NR38 經鴻興道入紅隧，如果唔咁行佢就要被迫比貴錢行西隧)

巴士專線，都有起點同終點
加巴士專線只係令到巴士o係某一段路唔需要同其他車爭路面空間
但到專線完左，一樣係塞到趴o係度，仲隨時頂返轉頭入巴士專線添
倒頭來，都係要減少整體車流量，先可以完全根治問題

加強公共交通服務係一個好好既方法去吸引人地放棄渣車
但問題係，而家既擠塞問題已經去到一個「影響公共交通服務」既地步
不單只對冇車既人唔公平，對D本身有車但選擇唔渣既人而言，坐巴士會變成好似畀人搵笨一樣
所以係有必要增加「堅持駕車進入繁忙地區」既人既成本
加稅加牌費，只係令D人更加理直氣壯咁渣車入去塞，亦對D選擇公交既人唔公平

改善公共交通、改善道路，樣樣都要錢，咁D錢點泥？道路收費囉
解決塞車所需既成本，係應該以「專門因塞車而加設既收費」去填
平時果D牌費只係一般道路既運作成本，唔應該拎去解決塞車
一開始政府要支付起道路收費、改善道路、以至加強公共交通既成本（可以參考倫敦、澳門咁做）
之後就用道路收費達至回本


同埋，渣車係一舖癮，so what？
食煙吸毒都係癮，點解政府要管要理？

[ 本帖最後由 ~誰@359~ 於 2012-1-20 12:41 編輯 ]