什麼原因令TKO無法生存到隧巴線 ?

我以前住北角，最近搬左入寶琳

以前未搬入寶琳，我由北角去灣仔我會搭 692 / 619，因為北角+炮台山區只停 4 個站就去到 CWB，最快 8 分鐘就到灣仔警局 (好運去到 CWB 唔塞車的話)，快過搭 18 / 18P

如果我響港島(北角到中環)，入寶琳我會揀搭 690，雖然貴 D & 車程長，但起碼坐得舒服，通常都會有位坐，加上唔洗轉車，出左將軍澳隧道第三個站就落車，而且架巴士停正我屋企門口，所以通常返屋企必搭

但係如果由寶琳出港島區，我一定會搭地鐵，無奈地，無車會快得過地鐵，35分鐘就去到上環，的士都唔夠地鐵快。但如果我由寶琳去西灣河至柴灣一帶，我會搭 694 或錄小 18，因為 694 / 綠小 18 點對點比地鐵方便

其實 692 唔一定要取消，我覺得如果 692 改繁忙時間車會比較好，因為以前住北角，見親 692 都係唔多客，用單層車都可以應付到，反而 690 / 694 呢兩條線還有生存空間，其實我覺得，如果響東隧口可以比呢 3 條巴士線互相轉乘，我諗會多左人搭返呢 3 條線，其實 694 仲有個優點，佢會經過怡心園/慧安園/英明苑唔近地鐵一帶，好多住個帶既人會響寶琳比 $2 搭 10M 綠小去個頭，如果巴士能夠做到轉乘，都唔係一件壞事

多言喇...

[ 本帖最後由 kkwong80 於 2012-3-15 05:10 編輯 ]

http://orientaldaily.on.cc/cnt/news/20120315/00176_029.html
話口未完，今日有報紙講690/692...

原帖由 KV1902 於 2012-3-15 04:22 發表

所以更加要1條線，走哂山下幾個point。
當然，最快其實係只做尚德同寶林，亦係最efficiency。

其實720/2X/8P/788呢D最front line既「東廊特快」睇你係去邊。
你話720一頭坐到一尾都未必快得過港島線好多。
贏係贏舒服，同 ...

唔想講太多，唔該比較下690P同692P既客量先去講咩efficiency
殺條6成載客率留條4成載客率既線唔知係那門子efficiency?

[ 本帖最後由 gn3509 於 2012-3-15 09:55 編輯 ]

原帖由 kkwong80 於 2012-3-15 05:07 發表
我以前住北角，最近搬左入寶琳

以前未搬入寶琳，我由北角去灣仔我會搭 692 / 619，因為北角+炮台山區只停 4 個站就去到 CWB，最快 8 分鐘就到灣仔警局 (好運去到 CWB 唔塞車的話)，快過搭 18 / 18P

如果我響港島(北角到中環) ...

師兄醒woo，北角去灣仔坐692 / 619

不過呢，694其實我覺得寶林行番入去係好d........而家咁樣太耐啦

原帖由 gn3509 於 2012-3-15 09:43 發表
唔想講太多，唔該比較下690P同692P既客量先去講咩efficiency
殺條6成載客率留條4成載客率既線唔知係那門子efficiency?

我唔係要留一條摺一條，而係合併/改良...........
就好似以前新記8仔「借屍還魂」......

原帖由 KV1902 於 2012-3-15 10:16 發表
師兄醒woo，北角去灣仔坐692 / 619

同18(P)比都係貴五毫子,但慳番D上客時間

原帖由 KV1902 於 2012-3-15 04:22 發表

所以更加要1條線，走哂山下幾個point。
當然，最快其實係只做尚德同寶林，亦係最efficiency。

其實720/2X/8P/788呢D最front line既「東廊特快」睇你係去邊。
你話720一頭坐到一尾都未必快得過港島線好多。
贏係贏舒服，同埋平姐(雖然真係好少錢，幾毛錢而已)。
所以我都話，TKO D過海線點搞都好，一日唔減價，都唔會有進步。

行山唔係唔好，但你諗下，我官塘坐98A番寶林，一坐都冇左15分鐘。
15分鐘就好多架啦，你話幾分鐘就話姐。
再用一個香港島的例: 8和8P，如果客仔有得選都情願要山下唔要上山……..
(其實8P個定線，就係在柴灣山的山腳走過，你睇圖就知)
又或者，點解d客係要等118P而唔坐118番柴灣小西灣………

再講清楚d，而家690/692一出就到寶林/尚德，你要上山即係要加時。
改左東廊特快，d時間都係輸番上山，又值唔值?
我明白冇車直達係痛苦既事 (港島區講緊18X，點解冇得拉到柴灣，我都唔開心。)
但而家個問題係，點樣保住條線而又efficient d……….

當然，你話山上開，跟798咁行都唔反對你既………..(又或者寶林then跟296m咁去尚德)
行山我就一定反對架啦，你話開山上，就睇下點走啦，我又覺得只要講得通，其實都ok….
不過我就prefer唔上山，咁可以隧道就直達寶林，保住最大個倉 (始終寶林比尚德多客)

PS:
小弟自小在港島東長大，由只有82坐鴨車，睇到有8X(當年有空調車已經好勁) ，再睇到8P，所以受「東廊特快」既成功薰陶，這是真的。
(所以我都有一定年紀啦)

唔明你點解話淨做尚德同寶林係最efficiency。
而家尚德同寶林分別係690同692過海既將軍澳尾站，
若果要開條線只做尚德寶林，其中一邊就變左要兜，等同趕客（以你既邏輯），

唔明你講98A出觀塘要15分鐘既用意係咩，
點解講到將隧係隨意門，行隧道出觀塘唔駛時間咁？
行隧道一樣要時間，計落條數，
寶林上山同上隧道响時間上既分野唔算太大，將隧暢通下新都城上車頂多只係差10分鐘左右，
對寶琳北路沿線（英明苑，寶仁樓）上車既客黎講更加只係差5分鐘左右，
繁時將隧塞到落機樓時，行山仲會快過行隧道添
搭得巴士過海都唔會係貪快，因為點快都唔夠地鐵快，
正如98C同98S一樣，唔會有幾多人因為98S行將隧而死等98S，都係見車上車

寶林接受行山既程度較坑口尚德高，
寶林行山同行隧道既里程差無幾，本身寶林行山同行隧道既線都係一半半，
對寶林客而言行山同行隧道分別不大，事實上亦都係

690要保住條線既方法就係開拓更多獨市位，
行山可以做埋寶達／上秀／興田呢啲遠離鐵路站兼冇直車去中環／北角至炮台山既地方，
仲可以做埋之後既安達臣發展區，到時要cut難度更大。

[ 本帖最後由 3AV53 於 2012-3-15 11:42 編輯 ]

原帖由 KV1902 於 2012-3-15 10:18 發表

我唔係要留一條摺一條，而係合併/改良...........
就好似以前新記8仔「借屍還魂」......

要合併改良，首先要諗下個目的係乜，
目的係要保住將軍澳過海服務丫嘛，
因為地理因素，冇可能有一條線可以好快做晒全將軍澳，行山定行隧道都係
如果夾硬將690同692直接合併，無論山上開落山定山下開上山
只會好似E22A康盛開兜半個鐘回到原地，或者好似N691調景嶺開5個字先上到翠林，
死得仲快
所以如果真係要efficiency咁做將軍澳過海線，就要放棄某啲地方

以將軍澳既地型分佈，大致上可以分為
1.山上（翠林／康盛）
2.寶林
3.坑口
4.尚德
5.將南＋調景嶺
分析一下，5而家冇全日過海線可以不理，
而1－4本身有690／692服務緊，
當中，過海巴士對1黎講吸引力最大，因為價錢平兼轉少次車，簡單啲講即係獨市
2次之，因為係地鐵頭站，亦都有唔少遠離地鐵站既地方（將軍澳村／魷魚灣村／怡心園／英明苑／寶仁樓附近幾座）
4其後，因為遠離地鐵站但又有＄2特惠機，比起3既優勢係佢係尾站，睇下想行多幾步快啲平啲定想舒舒服服
最後係3，因為個站太方便，大部份屋苑5分鐘步程即到，巴士站都唔及佢方便，
即使少數遠離地鐵較遠既地方（富寧／坑口村）都有特惠機，再加埋巴士要兜尚德，巴士根本冇位入

再分析下冇左巴士，以繁時去中環計，睇下各區有咩代替品
1.296M／17M<>地鐵(較690貴＄1.4/$1.2，296M跟RDP加車既話，繁時11分一班，17M要等5架車左右先上到車，等車時間同296M差唔多，行車大約5－10分鐘，計埋地鐵車程，同690差無幾，甚至更慢)
2.地鐵（較690平$1.6，快15分鐘）
3.地鐵（較692平$1.6/3.6，快約20－25分鐘）
4.步行＋地鐵（來回較692平均平$2.6，減番10分鐘步程快約15分鐘）
睇到冇左巴士唔會令2－4既車程或／及車費增加，但1就會

由以上兩個分析睇到1最依賴巴士，亦係巴士最忠實既乘客，
做任何改動都唔應該影響最需要果班客，
而家將軍澳路線多數只做2區，做2區以上既既線，頭站區會少客左，
尤其係响同地鐵相比無優勢既線，
所以690做1同2既配搭基本上唔需要改，因為點改對佢地都係有害無益
692可以咁講，除非減到＄11或更低，否則點改都係死，無謂為左兩個死胡同搞到要依賴巴士班人冇車搭。

[ 本帖最後由 3AV53 於 2012-3-15 12:14 編輯 ]

原帖由 3AV53 於 2012-3-15 11:38 發表

唔明你點解話淨做尚德同寶林係最efficiency。
而家尚德同寶林分別係690同692過海既將軍澳尾站，
若果要開條線只做尚德寶林，其中一邊就變左要兜，等同趕客（以你既邏輯），

唔明你講98A出觀塘要15分鐘既用意係咩，
點解講到將隧 ...

就係尾站先值得做~
CBD直達路線一般係最多客梗係由一端巴總去到另一端既不遠位置係最賺錢。
好似98D寶林最多客，215X係官塘。
當然，有例外既，好似788咁，柴灣東margin位唔係大倉 (因為太margin，雖然有客)。
坑口唔係唔可取，只係d燈太多...........

其實山上客我覺得係有虧欠，的確。
所以應該296m要更加穩定，同埋296m呢程免費(甚至平過山下客)。

另外，exclude左塞車先，我知塞車的話，行山同行隧道差唔多時間。
但係坐98A官塘上要25分左右先番到寶林(當然有d時間可以快少少)，但296A 10分已經番到尚德。
我知唔公平，但當中difference的確係有......
同地鐵比係點都快唔過，不過又唔好差太遠嘛。
仲有，d客一聽到唔行快速道就怕怕，你睇埔公線點解縮得就縮，其中一個原因都係咁......
事實上行埔公又唔慢，但d客聽到唔行吐公就怕。
8同8P一樣，不再詳述之。

但番到香港島就應該要特快。
唔應該再同地鐵對打，因為實在唔economics of scale。
如果你話要做埋寶達／上秀／興田一帶特快就更加。
如果唔特快，就唔需要啦，601都唔慢(就算上秀行去寶達都好近)。

*#38 like左先，小弟要出一出去，今晚再回~
你呢個講法係全面既，不過比我諗一諗先~

原帖由 KV1902 於 2012-3-15 12:35 發表

就係尾站先值得做~
CBD直達路線一般係最多客梗係由一端巴總去到另一端既不遠位置係最賺錢。
好似98D寶林最多客，215X係官塘。
當然，有例外既，好似788咁，柴灣東margin位唔係大倉 (因為太margin，雖然有客)。
坑口唔係唔可取 ...

講左好多次，做任何改動都唔應該／唔可以影響到山上居民既搭車習慣，
本身山上居民响將軍澳線通車後已經係負得益，連過海線都冇埋根本不能接受，
而家將軍澳交通情況係劫貧濟富，富者越富貧者越貧，
康城大大個鐵路站响入面可以越拉越多線，連出尖咀既線都有三條
山上就乞左咁耐先乞到多一班98P
唔駛講到咩虧欠唔虧欠，虧欠唔係話搵條最密11大部份時間20分鐘一班既線做所謂免費接駁就補償到，
山上只係想有啖安樂茶飯食，唔求新線，只求唔好再搞佢地本身剩餘唔多既線就還得神落。

296A同98A無可比較成份，
首先296A行觀塘道隧道，98A行迴旋處，
停少觀塘鐵路站／apm，淨係呢度已經差幾分鐘，
而尚德行隧道完全順路，寶林要行隧道係講緊要去到尚德先上將隧公路，
如果以寶豐路計，轉得左上將隧口，轉右行山起碼已經上到康盛
康盛出到將軍澳道頂多咪10分鐘，將隧都要5分鐘左右，計落相差係10分鐘以下。

特快唔係話行公路先算特快，
619X唔駛兜觀塘，98D特車唔駛兜寶林一樣係特快
690行山，寶達同上秀去北角至金鐘都一定快過601，起碼唔駛兜觀塘，
中環直頭690係獨市，
興田得603，做唔到北角至天后，又係690獨市，
有時搵獨市位比起下下特快更有用

可以咁講，見你係咁搵一堆唔係將軍澳既路線黎比，
就知你真係唔熟將軍澳路線／地理，建議你可以聽下真係住當區，用當區路線既人講野，而唔係一味固執轉牛角尖。

[ 本帖最後由 3AV53 於 2012-3-15 13:01 編輯 ]