九巴6D/40改路消息及234C開辦消息

原帖由 hon_son_wilson 於 4/9/2013 23:12 發表

重組之後出現真空，應該係重組前要預計到，並且在重組時一併填補，
而唔係好似宜家咁，亡羊都唔急住補牢，仲要俾3個月時間佢嚮條去唔到觀塘嘅路線上統計?
仲要俾3個月時間佢嚮個倒退/差劣嘅轉乘組合中作統計?

又調返轉頭，咩叫「真空」先？

都係嗰句，如果班到車，點改都得，
但你見 40 要「捱」15 分鐘一班就知根本
唔夠車去「填」個「真空」。
如果真係有「真空」而「填」唔到，
我會怪運輸署唔肯放寬 quota。

啲嘢下下都要做到咁「完美」，乜都做唔成。
請恕我呢方面有少少「推土機心態」。

至於所謂「易地而處」都無乜 point，
因為佢亦都無誘因縮走哂咁多線。
你淨係見今次 40 加咁多轉乘，仲 cover 埋 40P 服務區，
就知佢唔會為咗 40P 全日搞你所講嗰個大龍鳳。

都係嗰句，我相信 6D / 40 改之前盤數係點，
九巴清楚過我哋，況且又唔係無車俾你揀 (包括紅小、地鐵)

[ 本帖最後由 238X 於 2013-9-4 23:20 編輯 ]

原帖由 hon_son_wilson 於 2013-9-4 23:12 發表


重組之後出現真空，應該係重組前要預計到，並且在重組時一併填補，
而唔係好似宜家咁，亡羊都唔急住補牢，仲要俾3個月時間佢嚮條去唔到觀塘嘅路線上統計?
仲要俾3個月時間佢嚮個倒退/差劣嘅轉乘組合中作統計?

易地而處啦，如果九巴將38,40,42C全部縮短至彩虹，然後叫你哋同價轉40P，
或者減$4轉其他觀塘方向路線，仲稱之為「提升服務　以你為先」
睇下你哋同班觀荃神仙又會係咩感受？

分別好大囉，38 40 42C都有D港鐵唔到的獨巿位，而且使用者眾，仲要加埋成個東九半山/將軍澳轉乘客；
但係長沙灣->觀塘仲有港鐵/紅小，實際上搭40由長沙灣去觀塘的人真係唔多，
回程就更少，山上/將軍澳去西九，除左藍田半山外，亦有其他直達路線。

仲有6D都到牛頭角總站，即係都覆蓋到九龍灣，如果要draw analogy既話
應該係話38/40/42C縮去九龍灣先係囉，唔係縮去彩虹

原帖由 238X 於 2013-9-4 23:16 發表
況且又唔係無車俾你揀 (包括紅小、地鐵)

「唔係無車揀」唔成理由架，否則都可以成為唔改40嘅理由啦。
(我再重申唔係反對改40，而係不滿九巴留白而不顧)

我無打算同你哋計觀荃四線客量，只係想你哋諗下...
削你直線、補個倒退轉乘俾你哩種所謂「提升服務　以你為先」，
係幾咁不知所謂~

[ 本帖最後由 hon_son_wilson 於 2013-9-4 23:39 編輯 ]

原帖由 hon_son_wilson 於 2013-9-4 23:24 發表


「唔係無車揀」唔成理由架，否則都可以成為唔改40嘅理由啦。
(我再重申唔係反對改40，係不滿九巴留白而不顧)

咁咩係留白先？
九巴唔係無車係深水埗去觀塘（296C），只係無車由青山道、大坑東去觀塘。

原帖由 dennis28a 於 2013-9-4 23:27 發表


咁咩係留白先？
九巴唔係無車係深水埗去觀塘（296C），只係無車由青山道、大坑東去觀塘。

哩個point已經講過好多次，同樣邏輯可以改成：
九巴唔係無車係荃灣去觀塘（42C），以前只係無車由大河道、荃灣西去觀塘。
不如叫SSP客去美孚轉40、畢架山花園轉觀塘線、界限街轉1A? 連296C都可以cut喇~

原帖由 hon_son_wilson 於 2013-9-4 23:24 發表

「唔係無車揀」唔成理由架，否則都可以成為唔改40嘅理由啦。
(我再重申唔係反對改40，而係不滿九巴留白而不顧)

問題係荃葵<->東九根本多客多到傻，車程又長過深水步觀塘，
仲要40兩邊都拖住一大堆轉乘。
40重組根本係要為進一步重組荃葵東九線鋪路，觀荃並唔係唯一目標，唔係好狹窄地只係觀塘<->荃灣，
因此成件事牽涉的得益者實在係好多好多。

講真，九巴留白而不顧唔係未試過，上年縮74A搞到同觀塘半山/將軍澳堆轉乘斷開晒
（果陣我係強烈反對既，上下繁用呢堆轉乘既人唔少，但係觀塘區議會
根本淨係識諗住縮減巿中心巴士數目，連有74A呢條線存在都唔知）
果陣仲要一日都有超過二千人次受影響，根本數目未必少過40觀青客好多，仲要呢班客唔少係無得直接改搭鐵路。
而家你地40唔係無替代，起碼仲有大大條鐵路，搭地鐵來回只係比起舊40來回貴五毫
（果陣74A縮線，受影響的轉乘客，係講緊單程車費可以增加成倍）
有D野，睇開D啦……

[ 本帖最後由 S3BL100 於 2013-9-4 23:39 編輯 ]

原帖由 053h4 於 2013-9-4 23:30 發表
其實40同石蘺個邊D線轉乘都唔合理
38/42C 同36B 等轉乘好過
另外，我個人計，落車行十到十五分鐘好過葵芳轉

38/42C無能力再食呢班客

原帖由 S3BL100 於 4/9/2013 23:35 發表

講真，九巴留白而不顧唔係未試過，上年縮74A搞到同觀塘半山/將軍澳堆轉乘斷開晒
（果陣我係強烈反對既，上下繁用呢堆轉乘既人唔少，但係觀塘區議會
根本淨係識諗住縮減巿中心巴士數目，連有74A呢條線存在都唔知）
果陣仲要一日都有超過二千人次受影響，根本數目未必少過40觀青客好多，仲要呢班客唔少係無得直接改搭鐵路。
而家你地40唔係無替代，起碼仲有大大條鐵路。
有 D 野，睇開 D 啦……

最後嗰句如果出自某幾位站友之口，一定會被人話係建制派。

發生過唔代表合理，我覺得係搞清楚咩叫「留白」先，
因為深水埗坐 2A / 6D 去到九龍灣原站 (?)
轉返 40 係無收多你錢，頂多只可以話九巴將直車變成有償轉乘。

講到尾，如果「留白」確實存在，
箇中合理性可能要九巴攞本數簿出嚟數俾我哋睇先有可能搞得清楚。