田議員建議之新九巴 30X 走線

【發夢中】
一於學277E/P/X 咁搞大佢
234P星期一至五非繁 灣景<>旺角(循環)
30X繁時行加士居道，非繁行尖沙咀
234X繁時灣景<>尖東
六日
30X全日行加士居道
234X全日服務

30X行西九龍走廊

典型垃圾山頭主義走線建議
區內村巴式直出
區外兜到阿媽都唔認得站站停, 度度都要經

區議員式屁股指揮腦袋
區內直出特快免兜市中心
成功保留途經長沙灣旺角, 仲新增途經尖沙咀
典型成功爭取政績招牌

但乘客用腳投票
我識個朋友寧願搭地鐵都唔搭30X

荃灣區內個建議我真係無乜意見...
佢兜去南豐嗰邊，其實只係停3個站(愉景新城、荃灣站同大河道)
塞車源頭就正正就係大河道
唔經嗰邊，加返個40轉30X已經夠晒，回程就唔該善用區內駁腳39系吧

但九龍區我就真係難以接受，直去尖咀唔見得比用加士居道用少咗時間
相反一到繁忙時間，彌敦道塞到行都行唔到嘅時候，加士居道仍是一條好的出路
好明顥有人就係借塞車之名，想拉大個服務範圍入尖咀啦
係嘅話，其實叫九巴加轉乘係最好方法..同入尖咀嘅區外線搞
(注意，唔係流水線，因為流水線實多人搭...)
已經搞掂晒所有問題了..

但係油尖旺的確係30X上唔到西廊既主因

本人及家人為荃景花園居民，近日從荃灣區議會網頁文件得知，
田北辰議員為30X巴士線改道方案提出反建議，建議路線行經大涌道直出荃灣路，
不入荃灣市中心，以及維持行經長沙灣道繁忙路段。
本人及一眾居民朋友對此建議表達強烈反對。

現時30X有極多乘客於大河道車站，富華街車站，滿樂大廈車站乘搭或下車，
不少乘客更上了年紀，改路後會對他們做成嚴重不便，
如要乘客於現時30X線大河道車站，步行前往大涌道的新車站，
即使年青力壯的成年人亦需要十多分鐘，更何況長者呢?

30X如按閣下計劃改經大涌道上荃灣路，不再途經市中心地區，
服務範圍將會大減，局限於荃景圍地區，非繁忙時間的客量很令人擔憂。
當港鐵觀塘線黃埔延線於2015年開通後，面對港鐵直接競爭，
對30X深水埗至黃埔一段的客量有極大威脅。此線如因日後客量不足而令該路線減班，
甚至取消，損失的是整條路線的乘客，包括荃景圍居民。

荃灣居民，包括荃景花園及愉城居民，對現時30X服務甚為不滿，
十多年來均期盼著開辦特快巴士線往來油尖旺區，本人及不少街坊均表示支持30X改道計劃，
改動後的路線途徑西九龍走廊，能大幅縮短行車時間10-15分鐘，
避開長沙灣道燈位及塞車黑點，亦有助穩定班次，
荃灣區乘客能更快抵達油尖旺區，希望能夠盡快實行。

30X改經西九龍走廊後，本人建議用30改道以彌補荃景圍來往深水埗之服務，
建議中的30不再途經荔景山，經葵涌道直接前往深水埗區。
這項改動既能為本身客量極低的30發掘新客源，逃過面臨縮短路線甚至取消的厄運，
荃景圍乘客亦能以較現時30X低廉的車費前往深水埗區，
行車時間跟現時30X只不過相差5-10分鐘左右。
而原來乘搭30前往荔景山的居民，可設立39M與265M/269M的免費轉乘計劃以作補償。
田議員亦應知道九巴本來有計劃縮短30至荃灣西站，不上荃威花園，
閣下可向九巴提出這個30改道的方案，對整個荃景圍區都有好處。

請田議員不要固步自封，企硬要求30X途經長沙灣道，令乘客繼續飽受車程過長之苦，
荃灣往來油尖旺區的特快線計劃胎死腹中，而不去嘗試提出一個改善荃景圍，
以至整個荃灣區交通的方案，荃景圍乘客亦不會因此得益。

send左封信俾田二少, 希望佢睇到

好明顯田少睇住份 RDP 就咁拉番條線落長沙灣道就算
頭一次 83M 個建議其實可以
上次建議 N237 荃灣遊同今次建議 30X 真係自私咗啲

其實如果真係過左田二少呢個方案就麻煩啦
夾硬要 30X 兜埋尖沙咀又有咩意思呢?
咁咪盞同 234X 重疊

到時分分鐘搞死埋 234X 都似
其實田二少只係想條 30X 經晒成個九龍姐...既想 30X 入到尖沙咀，又想 30X 繼續行經油尖旺同長沙灣美孚等地方
咪諗到話加士居道等等地方塞車為理由要人 BUY 佢個套囉
另外，講到佢建議既 30X 係荃灣區既走線...
田二少可能見到灣景條 234X 係直出大涌道，可能想 30X 有樣學樣
但咁搞真係會趕走晒 30X 荃灣內的原有客源都似

我都反對佢呢個方案...
利申：非荃灣居民，但經常搭 30X 同 234X 來往荃灣區

[ 本帖最後由 nwfb5512 於 2014-1-2 22:15 編輯 ]

原帖由 chowingtai2008 於 2014-1-2 15:41 發表

仲以為係因為油尖旺反對上西廊

其實應該係話兩者都係...
荃灣呢邊就話反對改特快，影響原有 30X 去長沙灣等地方的乘客
油尖旺就因為嘈音問題而反對

30X係九龍區應改為有限度停站模式運作，往黃埔方向在美孚鐵路站之後只停大南西街、北河街、旺角鐵路站、文明里及勞資審裁處，然後直往觀音街分站

往荃威方向則在黃埔花園開出後跟E23直往加士居道，中途只停九龍中央郵政局、山東街、太子鐵路站、北河街、荔枝角鐵路站及美孚鐵路站

其餘分站全部取消

[ 本帖最後由 HE7921 於 2014-1-2 22:27 編輯 ]

原帖由 HE7921 於 2014-1-2 22:22 發表
30X係九龍區應改為有限度停站模式運作，往黃埔方向在美孚鐵路站之後只停大南西街、北河街、旺角鐵路站、文明里及勞資審裁處，然後直往觀音街分站

往荃威方向則在黃埔花園開出後跟E23直往加士居道，中途只停九龍中央郵政局、山東街、太子鐵路站、北河街、荔枝角鐵路站及美孚鐵路站

其餘分站全部取消

你當九記呢條 30X 真係好似新記個條 30X 咁呀?
如果好似你咁講，我寧願 30X 改行返西廊啦...(如果油尖旺放行的話)
你咁搞法咪仲會更加影響原有既乘客，要佢地行多幾步
區議會應該唔會放過你

同埋如果彌敦道塞車起上黎既話，唔停呢堆站真係咁有用?
如果好似你咁樣搞 30X 應該會更加無客都似