其實青沙轉車站九巴想有甚麼打算？

stevechau 發表於 2015-10-26 17:30
其實一條巴士線....度度都係那少少XX客...
呢度執少少果度又執少少...咁就坐滿/企滿上路...
呢少少又唔做 ...

至弊係執下執下，頭站客就會嫌煩轉投其他交通工具呢

所以就要捉個平衡
而就算整特快線，往往都幾着重多重客源令客量有啲保障，而又喺唔拖慢其他乘客車程嘅情況下，可行係喺有個轉車站嘅地方，搵兩條線經嗰度，轉車站前同後都經過唔同地方，咁就一條線做到兩三批客啦
但轉乘又會牽涉到班次密疏嘅問題，所以先至要九巴盡快搞番好成堆青沙線姐～

stevechau 發表於 2015-10-26 17:01
長沙灣都要睇邊個位...
如果4小就佢快D...
青山道/長沙灣道果邊已經講唔通...

之前有站友連續睇過ETA

如果按86C同286C嘅比較咁睇，如果兩邊都冇特別塞車，應該大約到元州邨至九江街會平手
其實青沙嘅優勢又唔係你眼中咁細

Ricky403 發表於 2015-10-26 19:29
但事實上獅隧線好似都冇一條係專做某個區塊㗎喎

一路以來，經獅隧落南九龍嘅路線 (270A/271/81C/87D/281 ...

我諗獅隧同青沙兩組線用緊嘅係兩種唔同嘅做法

青沙果種係類似城隧嘅做法,
某一個細區只有1條青沙線, 想去其他地方就喺青沙轉車;
而獅隧果種係玩直達式,
一個細區有幾條線去直達唔同地方.

而家嘅280X,286X,287X青沙三寶,
本身係由80M,86B,87A三條似乎唔算太多人搭嘅獅隧線變出黎.
如果想做大青沙轉車站,
首先係班次唔可以咁疏, 免得趕走轉車客
咁即係意味要喺原本嘅獅隧/城隧線抽車,
但係巴士公司又會唔會咁冒險專做青沙點對點, 迫唔少原本嘅客轉車呢?
我又有啲保留...

第二係各區來往青沙嘅時間, 要快過獅隧唔少先吸引到人去轉搭;
例如荔枝角經美孚/青沙入沙田會快過獅隧唔少, 所以下繁先有唔少人轉搭286C/286X.
但係睇返青沙個設計, 通常都係駁公路多, 但係公路出入大馬路都用咗唔少時間
例如出荔枝角要兜大圈經填海區入返去, 旺角出沙田要轉入亞皆老街經大角咀,
中途搶到嘅客唔多但係用咗唔少時間, 個優勢又抵銷返.
另一邊廂, 非繁時候乘客對提速嘅要求應該無咁大, 而且獅隧果陣都唔多塞
自然搭青沙線同喺青沙轉車個需求都唔會咁大.

第三係價錢, 唔駛講咁多啦,
抬上青沙自動收貴咗係常識來的,
而青沙轉車兩程計較貴果程, 計算方法不利搭長途線去較近轉車站嘅人(例如286X>240X都係比$9.9).
九巴真係想做大青沙就唔該改善返呢個制度先.

至於想開全日新線去葵青(240X/40X青沙版), 我諗有2個考慮因素:
一係要由原本嘅86/49X(240X),40X/86C(馬鞍山)抽車甚至抽線,
本身一程過嘅乘客要被迫轉車, 同時又好可能影響到城隧個網絡系統...
二係要夠快先有優勢, 如果跟返240X咁停埋荔枝角美孚先上葵芳
我諗緊如果40X/49X城隧轉葵芳線係咪仲快仲密呢

Ricky403 發表於 2015-10-26 19:29
但事實上獅隧線好似都冇一條係專做某個區塊㗎喎

一路以來，經獅隧落南九龍嘅路線 (270A/271/81C/87D/281 ...

我想講, 替代路線一樣塞..
我之前搭T270 係行紅梅谷路上青沙的.
係大老山隧道同獅隧公路都一樣會塞

反而大埔公路塞下停下咁其實只係感覺上慢, 但時間上其實OK 的

YY487 發表於 2015-10-26 21:08
點解唔關？獅隧線唔經窩打老道？
同你持相同立場既人夠成日攞唔屬於青沙範圍既大埔公路沙田段嚟講啦
點解 ...

其實所謂轉車網絡點都唔夠一程車過吸引
可以睇返成功的轉車站, 其實係轉完車都快過港鐵一段距離先有得做

其次係班次要夠密
你睇下之前果堆線, 條條線都20分鐘一班, 睇見都唔開胃

如果可以調到幾條密車線行所謂特快的青沙的話, 咁其實都可以諗諗
但問題係, 有邊條線可以抽上青沙?

cch0074 發表於 2015-10-26 21:03
我諗獅隧同青沙兩組線用緊嘅係兩種唔同嘅做法

青沙果種係類似城隧嘅做法,

如果抽調40X改經青沙公路，我反而先想到的不是快慢，而是恆康街以東的馬鞍山如何才可與現有的城隧轉乘網絡接軌或如
何另起爐灶取代之。