之前都有討論過三條高鐵線嘅問題
好坦白講，三條都係垃圾
先講上水大埔沙田嗰條，上水大埔直接過關去深圳坐高鐵，密過香港又快過香港，唔明點解要坐返落去。而沙田一來仲有更加平直出到九龍站嘅280X，其實行多兩步路就ok，二來其實上深圳坐同埋落西九坐嗰時間差佢唔算話太大，問題係始終深圳嘅班次係頻密好多，一日有依個因素喺度影響著，基本上都唔會多人考慮西九龍。
之後，觀塘藍田嗰條，先唔講有一架215X去到九龍站，除非啲人懶到兩步路都唔想行。咁更加重要嘅問題係其實大可以搭地鐵，尤其是將來沙中線（如果幸運地）通車嘅話，其實喺鑽石山站轉一次就夠。當香港人坐飛機都可以考慮坐地鐵轉S1嘅時候，唔見得返大陸攞嘅行李會仲多過坐飛機，你估宜家改革開放前個個要拎衫上去救濟村民咩。
最後，西九龍站去金鐘嗰條簡直係唔湯唔水。唔通中環金鐘嗰班人會喺開開下工嘅時候突然買張車飛返大陸傾生意？我想講嗰班人基本上係包車出入，直接坐車上去而唔會同你轉高鐵。尤其是揸住啲公司機密又或者合同，坐喺架高鐵上面好定係坐私家車好呢.....
所以邊個做都唔重要，因為維持依家咁嘅走線不出2年就會取消。當然有得救嘅，上水大埔沙田出西九龍站嗰條，執下走線飛緊某啲站，可以做直出尖沙咀嘅。咁西九龍站去港島嗰條，如果拉長入去東區，加大轉乘就可以方便一眾新界西獨營路線喺西隧口轉車入東區，不過就要睇兩間公司肯唔肯去救。
FBI2 發表於 2018-7-14 17:55
有機會是B7-B9
不如叫G1-G3
G=Gao，即係高鐵
對於本身服務對象好易明
cz9328 發表於 2018-7-16 08:09
今年夏天啱啱開咗由搶州南開出...經江門台山開平...去茂名湛江西嘅動車組車次。
不過我都覺得班基層未必 ...
走港珠澳仲快過粵西'水魚號'去粵西啦, 價錢又平
其實大家無唸到，去高鐵站的巴士可以接駁埋九龍機鐵站，方便搭飛機外遊人士
深圳比亚迪 發表於 2018-7-16 11:50
其實大家無唸到，去高鐵站的巴士可以接駁埋九龍機鐵站，方便搭飛機外遊人士 ...
嘩真係好方便呀，上水大埔有A43/A47X唔搭要特登搭去膠鐵站再行過九龍站轉機鐵
金鐘中環又有香港站唔用或者A11唔搭要特登搭去西九膠鐵站再行去九龍站
真係得你呢d高人先諗得到
撘高鐵長途車去西九龍上車會好過去福田深圳北
但關鍵問題係長途車少
而所謂美食團係西九龍集合可以買旅遊業印花, 所以個人應為高鐵唔係呢到覺得咁咁少人, 但關鍵係, 自己打自己, 九巴會幾用心去做啊?
3asv6 發表於 2018-7-15 06:30
609係乜黎？你已知金鐘去西九站條線叫609？！
你打錯609做608咋？！
好似61小巴做埋九龍東!
Charon1999 發表於 2018-7-16 09:36
最後，西九龍站去金鐘嗰條簡直係唔湯唔水。唔通中環金鐘嗰班人會喺開開下工嘅時候突然買張車飛返大陸傾生意？我想講嗰班人基本上係包車出入，直接坐車上去而唔會同你轉高鐵。尤其是揸住啲公司機密又或者合同，坐喺架高鐵上面好定係坐私家車好呢.....
個個商務客都揸住公司機密/合同??
依家都大把商務客搭直通車上廣州喎，你又點解釋??
高鐵由維港15分鐘直達深圳福田CBD，我唔信會少商務客
唔好講跨境咁遠，中環<>尖沙咀，中環<>九龍站ICC，
商務客甚至連大企業高層都係搭地鐵為主
Charon1999 發表於 2018-7-16 09:36
之前都有討論過三條高鐵線嘅問題
好坦白講，三條都係垃圾
先講上水大埔沙田嗰條，上水大埔直接過關去深圳坐 ...
最垃圾應該一定係去金鐘果條
其他兩條都仲可以掛羊皮賣狗肉搏upgrade現有客源
金鐘果條真係去高鐵站嘅唔會搭你
去圓方或者西九更加唔會係搭你
JC8385 發表於 2018-7-17 01:09
最垃圾應該一定係去金鐘果條
其他兩條都仲可以掛羊皮賣狗肉搏upgrade現有客源
金鐘果條真係去高鐵站嘅唔 ...
招標線嚟㗎
唔開低價點會投得中
到時過海收301價錢
返觀塘收$5.8
返大埔$10.1
甚至更低
到時都唔知陰乾原有路線
等人肯行多兩步搭回車快成本低少少嘅車站線
定陰乾可能點都要做嘅車站線
不過都係睇路線開辦果陣詳情先知