clivetock 發表於 2019-9-13 20:25
反而地鐵今晚出奇地少人，我六點四左右可以金鐘上到即班荃灣綫，平時基本上至少要等多班 ...
好多人放早, 去到六點四人流已經清咗好多
10598C 發表於 2019-9-13 20:16
睇Google Map，全香港基本上通返曬，連紅隧同早幾小時全紅嘅觀塘道，都變返綠色，唯獨東九仲係塞緊
大老 ...
原來呢篇嘢變左中秋夜交通消息, 等我講下0:12呢一刻情況.
將軍澳道往將軍澳方向龍尾在觀塘警署對開, 而車龍係從晚上9點開始, 當時大概係食完飯, 有啲人開始出去賞月, 有啲人就揸車返歸.
JCTK 發表於 2019-9-14 00:09
好多人放早, 去到六點四人流已經清咗好多
對, 慶幸自己今年冇放早.
平時星期五傍晚放工, 鰂魚涌站月台往油塘一定企滿人, 今日雖未至於冷清, 但容易上車, 冇留後, 所以明知路面大把人揸車去食團年飯, 搞到交通大擠塞, 呢個就係搭地鐵嘅最佳時候.
唔知其他道路, 就以中秋節早上返工計, 搭東隧巴士過海, 比平時要用多15分鐘車程, 已預視到呢日多左好多私家車喺路面, 放工時間一定周圍都好塞車.
平時觀塘站8:20左右上606A, 大約8:32到東隧口 8:40左右到模範邨.
中秋節早上8:23上車, 到東隧口已經8:49, 落車時間係9:01.
從未試過搭呢班車會遲到, 以為中秋好多人會攞假, 點知仲塞過平時, 所以放工醒水, 幫襯港鐵.
JCTK 發表於 2019-9-13 18:26
今晚反而182x行車路線最穩陣
觀塘區大塞車冇車去到太子道西
182X今晚沿線只係紅隧及獅隧口慢車外，其他冇事；港澳碼頭40分鐘返到大圍，比平時快約接近20分鐘
EX-TL 發表於 2019-9-14 00:14
原來呢篇嘢變左中秋夜交通消息, 等我講下0:12呢一刻情況.
將軍澳道往將軍澳方向龍尾在觀塘警署對開, 而 ...
冇辦法，一講起東隧，一定會拎埋大老山出嚟講，開學後東廊落東隧、觀塘繞道去大老山幾乎每個平日放工時間冇日正常過。特別係今晚，而且九龍東嗰邊冇TA都塞成咁，連香隧紅磡呢組慣性塞車組別都只係比平時多咗少少車，都係清得快過大老山，反而觀繞呢邊完全「冇令人失望地」同一個龍尾位置keep成3粒幾4粒鐘咁耐，仲要拖冧埋新清落老龍堆車龍先犀利。
本帖最後由 RyanPun 於 2019-9-14 01:05 編輯
THomas20010808 發表於 2019-9-13 23:38
依家個問題係就算開咗中九龍公路，都無助新東使用大老山車流，最多龍翔道呈祥道塞車問題會舒緩，但無法解決 ...
咪玩喇，就算他朝一日真係有司機為咗唔行大老山個恐怖車龍，嚟個S形走法，東隧出發行中九龍幹線經西九龍公路上尖山返沙田、甚至經T4（如果起得成）或者沙田內街入馬鞍山嘅，只會光速塞死哂主要幹道入新界。
依家明顯太多車因為大老山塞車而一早改行西邊入沙田，而令到一啲原本唔關事嘅路口，都因為忽然間多咗其他區嘅車流消化唔切而導致塞車。假如他朝一日運輸處真係玩呢味嘢叫人經中九龍走嘅，我就真係冇眼睇。
RyanPun 發表於 2019-9-14 00:51
冇辦法，一講起東隧，一定會拎埋大老山出嚟講，開學後東廊落東隧、觀塘繞道去大老山幾乎每個平日放工時間 ...
正常下繁新清塞極都係白虹樓，做節就可能上到去順利。今日下繁上到去井欄樹甚至一度去到白石窩真係前所未見。而家大老山足以拖冧成個九東，政府係無做過任何一件事去舒緩呢個狀況不但止，係不斷將大隧嘅壓力增加。
要多謝建制, 起動九龍東,
從中有幾多人係呢度舔左幾多$
EX-TL 發表於 2019-9-14 00:14
原來呢篇嘢變左中秋夜交通消息, 等我講下0:12呢一刻情況.
將軍澳道往將軍澳方向龍尾在觀塘警署對開, 而 ...
琴晚八點幾將軍澳道有壞車，九點幾將軍澳隧道公路近茵怡花園有交通意外，約十點十分清場
但去到夜晚十點幾，估計開始多人賞月返歸，結果去到十一點仲係塞緊